ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵎⵖⵓⵏⵜ ⵏ ⵢⵉⵍⵖⵓⵖⴻⵏ ⵏ ⵜⴻⴼⵔⵉⵇⵜ (ⴰⵙⵙⴻⵡⵊⴻⴷ): ⴻⵙ ⵚⵟⵉⴼ ⵜⴻⵔⵏⴰ ⵓⵙⵎ ⵍⵃⴻⵕⵕⴰⵛ (2-1)

ⵍⴻⵣⵣⴰⵢⴻⵔ – ⴻⵙ ⵚⵟⵉⴼ, ⵜⴰⵍⵖⵓⵖⵜ ⵏ ⵍⴻⵣⵣⴰⵢⴻⵔ ⵏ ⵜⴽⵓⵔⵜ ⵏ ⵓⴹⴰⵔ, ⵜⴻⵔⵏⴰ ⴰⵙⵙ ⵏ ⵍⵃⴻⴷⴷ ⵜⴰⵎⴻⴷⴷⵉⵜ ⴷⴻⴳ ⵚⵟⵉⴼ ⵜⴰⵖⵍⴰⵎⵜ ⵏ ⵓⵙⵎ ⵍⵃⴻⵕⵕⴰⵛ ⵙ 2 ⵖⴻⵔ 1 ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵜⴰⵎⵎⵉⴷⵡⴰⵏⵜ ⵉ ⵓⵙⵙⴻⵡⵊⴻⴷ ⵉ ⵜⴻⵎⵍⵉⵍⵉⵜ ⴰⵔⴰ ⴷ-ⵢⵉⵍⵉⵏ ⵎⴳⴰⵍ ⵎⵛⴻ ⵍⵄⴻⵍⵎⴰ ⴰⵙⵙ ⵏ ⵙⵙⴻⴱⵜ ⴰⵢ ⴷ-ⵢⴻⵜⵜⴻⴷⴷⵓⵏ, ⴷ ⵜⵉⵎⵍⵉⵍⵉⵜ ⵢⵓⴷⴼⴻⵏ ⴷⴻⴳ ⵡⴰⵙⵙ ⵡⵉⵙ ⵙⵉⵏ ⵏ ⵓⵃⵔⵉⵛ ⵏ ⵜⴻⴳⵔⴰⵡⵉⵏ ⵏ ⵜⴻⵎⵖⵓⵏⵜ ⵏ ⵢⵉⵍⵖⵓⵖⴻⵏ ⵏ ⵜⴻⴼⵔⵉⵇⵜ (ⵜⴰⴳⵔⴰⵡⵜ ⴱ).

ⴷⴻⴳ ⵜⴻⴷⵇⵉⵇⵜ ⵜⵉⵙ 13 ⴰⵢ ⵢⴻⵙⵙⴰⴷⴻⴼ ⴱⴻⵏⵢⴻⵜⵜⵧⵓ (ⴻⵙ ⵚⵟⵉⴼ) ⵉⵙⵡⵉ ⴰⵎⴻⵣⵡⴰⵔⵓ, ⵙⴰⴽⴽⵉⵏ, ⴷⴻⴳ ⵜⴻⴷⵇⵉⵇⵜ ⵜⵉⵙ 45, ⴽⵀⴰⵍⴼⴰⵍⵍⴰⵀ (ⵍⵃⴻⵕⵕⴰⵛ) ⵢⴻⵙⵙⴰⴷⴻⴼ ⵓⵍⴰ ⴷ ⵏⴻⵜⵜⴰ ⵉⵙⵡⵉ.

ⴷⴻⴳ ⵡⴰⴽⵓⴷ ⵏ ⵜⵎⴻⵔⵏⵉⵡⵜ, ⴷ ⴰⵎⴰⵔⵉⵔ ⴰⵎⴰⵢⵏⵓ ⵏ ⵚⵟⵉⴼ, ⵡⴰⵍⵉⴷ ⵛⵀⴻⵏⵉⵏⴻ, ⴰⵢ ⵢⴻⵙⵔⴻⴱⵃⴻⵏ ⵜⴰⵖⵍⴰⵎⵜ-ⵏⵏⴻⵙ ⵙ ⵜⵢⵉⵜⴰ ⵜⵉⵍⴻⵍⵍⵉⵜ ⵜⵓⵙⵔⵉⴷⵜ.

ⵜⵉⵎⵍⵉⵍⵉⵜ-ⴰ ⵢⴻⵃⴷⴻⵕ ⴷⴻⴳ-ⵙ ⴰⴱⴷⴻⵍⵎⵧⵓⵎⴻⵏ ⴷⵊⴰⴱⵧⵓ ⴷ ⵉⵎⴼⴻⵕⵕⴻⴵ. ⴰⵍⴻⵎⵎⴰⵙ-ⴰ ⴰⴳⵔⴰⵖⵍⴰⵏ ⵍⴰ ⵢⴻⵜⵜⵓⵔⴰⵔ ⴷⴻⴳ ⵛⵍⵓⴱ ⴰⴼⵔⵉⵛⴰⵉⵏ (ⵜⵓⵏⴻⵙ), ⵎⴰⵛⴰ ⵓⵔ ⵢⴻⵜⵜⵄⴻⴹⴹⵉⵍ ⴰⵔⴰ ⴰⴷ ⴷ-ⵢⴻⵇⵇⴻⵍ ⵖⴻⵔ ⴻⵙ ⵚⵟⵉⴼ.

ⴷ ⴰⵛⵓ ⴽⴰⵏ, ⴷⵊⴰⴱⵧⵓ (28 ⵏ ⵢⵉⵙⴻⴳⴳⴰⵙⴻⵏ) ⵓⵔ ⵉⴱⴻⴷⴷⵓ ⴰⵔⴰ ⵓⵔⴰⵔ ⴷ ⵓⵎⴰⵜⵓ ⴰⵛⴽⵓ ⵉⴳⴰ, ⴷⴻⴳ ⵜⴻⵣⵡⴰⵔⴰ ⵏ ⵎⴰⵢⵓ, ⵜⴻⵎⵀⴻⵍⵜ (ⴰⵒⴰⵕⴰⵙⵢⵓⵏ) ⴷⴻⴳ ⵓⴼⵓⴷ.

ⵙⴻⴳ ⵢⵉⴷⵉⵙ-ⵏⵏⴻⵙ, ⵓⵙⵎ ⵍⵃⴻⵕⵕⴰⵛ ⵍⴰ ⵜⴻⵙⵙⴻⵡⵊⴰⴷ ⵜⴰⵙⴻⵎⵀⵓⵢⵜ-ⵏⵏⴻⵙ ⴰⵢ ⴷ-ⵢⴻⵜⵜⴻⴷⴷⵓⵏ ⴷⴻⴳ ⵜⴻⵎⵖⵓⵏⵜ 1ⵓⵜ, ⵢⴻⵔⵏⴰ ⴷ ⵜⴰ ⴰⵢ ⴷ ⵜⵉⵎⵍⵉⵍⵉⵜ-ⵏⵏⴻⵙ ⵜⵉⵙ ⵙⵏⴰⵜ ⴷⴻⴳ ⵜⴰⵍⵍⵉⵜ-ⴰ ⵏ ⵓⵙⵙⴻⵡⵊⴻⴷ. ⵜⵉⵎⵍⵉⵍⵉⵜ ⵜⴰⵎⴻⵣⵡⴰⵔⵓⵜ ⵜⵓⵔⴰⵔ-ⵉⵜⵜ ⴰⵙⵙ ⵏ ⵍⴻⵅⵎⵉⵙ ⵎⴳⴰⵍ ⵓⵙⵎ ⵍⴻⵣⵣⴰⵢⴻⵔ ⴷⴻⴳ ⵓⵙⴰⵔⵉⵔ ⵏ ⵧⵎⴰⵔ-ⵀⴰⵎⴰⴷⵉ, ⵢⴻⵔⵏⴰ ⵜⴻⴼⴼⴻⵖ ⵙ 1 ⵖⴻⵔ 1.

ⴷⴻⴳ ⵡⴰⵙⵙ ⴰⵎⴻⵣⵡⴰⵔⵓ ⵏ ⵜⴻⵍⵖⵓⵖⴰ ⵜⴰⵎⴻⵣⵡⴰⵔⵓⵜ, ⴻⵙ ⵚⵟⵉⴼ ⵜⴻⵅⵚⴻⵔ ⴷⴻⴳ ⵜⴻⵎⴷⵉⵏⵜ-ⵏⵏⴻⵙ ⵎⴳⴰⵍ ⵓⵙⵎ ⵍⴻⵣⵣⴰⵢⴻⵔ (2 ⵖⴻⵔ 1), ⵎⴰ ⴷ ⵎⵛⴻ ⵍⵄⴻⵍⵎⴰ ⵜⴻⵅⵚⴻⵔ ⴷⴻⴳ ⵅⴻⵔⵟⵓⵎ (ⵙⵓⴷⴰⵏ) ⵎⴳⴰⵍ ⴰⵍ-ⵎⴻⵔⵔⴻⵉⴽⵀ ⵙ 2 ⵖⴻⵔ 0.