ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵅⵅⴰⵎ ⵏ ⵜⵔⵓⵥⵉ ⵏ ⵛⵛⵕⴻⵄ ⵏ ⵍⴻⵣⵣⴰⵢⴻⵔ: ⵛⵛⵕⴻⵄ ⵏ ⵜⴻⵎⵙⴰⵍⵜ ⵏ « ⴰⵍⴳⴻⵔⵉⴻ ⵜⴻⵍⴻⵛⵧⵎ » ⴰⴷ ⴷ-ⵢⵉⵍⵉ ⴰⵙⵙ ⵏ ⵍⴻⵅⵎⵉⵙ
ⵍⴻⵣⵣⴰⵢⴻⵔ – ⵛⵛⵕⴻⵄ ⵏ ⵜⵔⵓⵥⵉ ⵏ ⵓⵏⴻⵚⵚⴰⵃ ⴰⵇⴱⵓⵔ ⵏ ⵓⵙⴻⵍⵡⴰⵢ-ⴰⵏⴻⵎⵀⴰⵍ ⴰⵎⴰⵜⵓ ⵏ ⴰⵍⴳⴻⵔⵉⴻ ⵜⴻⵍⴻⵛⵧⵎ, ⵎⵧⵀⴰⵎⴻⴷ ⴱⵧⵓⴽⵀⴰⵔⵉ ⴷ ⵓⵔⴳⴰⵣ ⵏ ⵢⵉⵡⴻⵥⵍⴰ ⴰⴷⵣⴰⵢⵔⵉ-ⴰⵍⵓⵅⴻⵎⴱⵧⵓⵔⴳⵉ, ⵛⵀⴰⵏⵉ ⵎⴻⵊⴷⵧⵓⴱ, ⴰⵢ ⵢⴻⵜⵜⵡⴰⵜⵜⴻⵀⵎⴻⵏ ⴷⴻⴳ ⵙⵉⵏ ⵙ ⵜⵊⵓⵄⴰⵍ, ⴰⴷ ⴷ-ⵢⵉⵍⵉ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵓⵅⵅⴰⵎ ⵏ ⵜⵔⵓⵥⵉ ⵏ ⵛⵛⵕⴻⵄ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴰⵔⴰ ⵉⵄⴰⵡⴻⴷ ⴰⴷ ⵉⵛⴰⵕⴻⵄ ⵙⵉⵏ-ⴰ ⵏ ⵢⵉⵎⴻⵜⵜⵀⵓⵎⴻⵏ.
ⴷⴻⴳ ⵜⴻⵎⵙⴰⵍⵜ-ⴰ, ⵜⵜⴻⴽⴽⴰⵏⵜ ⴷⴰⵖ ⵙⵏⴰⵜ ⵏ ⵜⴽⴻⴱⴱⴰⵏⵉⵢⵉⵏ ⵜⵉⵛⵉⵏⵡⴰⵜⵉⵏ ⵏ ⵜⴻⵎⵙⴰⵡⵍⴰ ⵜⴰⵣⵉⵔⴰⵣⵜ, ⵣⵜⴻ ⴷ ⵀⵓⴰⵡⴻⵉ ⵢⴻⵔⵏⴰ ⵓⵍⴰ ⴷ ⵏⵉⵜⴻⵏⵜⵉ ⴰⴷ ⵄⴰⵡⴷⴻⵏⵜ ⴰⴷ ⵜⵜⵡⴰⵛⴰⵕⵄⴻⵏⵜ ⴷⴻⴳ ⵛⵛⵕⴻⵄ-ⴰ. ⵜⴰⵎⵙⴰⵍⵜ-ⴰ ⵜⴻⵜⵜⵡⴰⵡⴻⵅⵅⴻⵔ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴷⴻⴳ 25 ⵢⵓⵏⵢⵓ ⵖⴻⴼ ⵍⴵⴰⵍ ⵏ ⵓⵖⴰⴱⵉ ⵏ ⵙⵉⵏ-ⵏⵏⵉ ⵏ ⵢⵉⵎⴻⵜⵜⵀⵓⵎⴻⵏ (ⴰⵢ ⵢⴻⵍⵍⴰⵏ ⴷⴻⴳ ⵍⵃⴻⴱⵙ) ⵉⵎⵉ ⵓⵔ ⵜⴻⵏ-ⵉⴷ-ⵓⵡⵉⵢⴻⵏ ⴰⵔⴰ ⵖⴻⵔ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴰⴽⴽⴻⵏ ⴰⴷ ⵃⴻⴷⵕⴻⵏ ⴷⴻⴳ ⵛⵛⵕⴻⵄ.
ⵎⵧⵀⴰⵎⴻⴷ ⴱⵧⵓⴽⵀⴰⵔⵉ ⵢⴻⵜⵜⵡⴰⵃⴱⴻⵙ ⴷⴻⴳ ⵍⵃⴻⴱⵙ ⵏ ⵙⵙⵄⵉⴷⴰ, ⵎⴰ ⴷ ⵛⵀⴰⵏⵉ ⵎⴻⵊⴷⵧⵓⴱ ⴰⵜⴰⵏ ⴷⴻⴳ ⵍⵃⴻⴱⵙ ⵏ ⵙⴹⵉⴼ. ⴷⴻⴳ ⵙⵉⵏ ⵢⵉⴷ-ⵙⴻⵏ ⵢⴻⵜⵜⵡⴰⵃⴽⴻⵎ ⴼⴻⵍⵍ-ⴰⵙⴻⵏ ⴷⴻⴳ ⵢⵓⵍⵢⵓ ⵏ 2012 ⵙ 18 ⵏ ⵢⵉⵙⴻⴳⴳⴰⵙⴻⵏ ⵏ ⵍⵃⴻⴱⵙ ⴷⴻⴳ ⵓⵅⵅⴰⵎ ⵏ ⵛⵛⵕⴻⵄ ⵢⴻⵎⵎⵓⵣⵣⴳⴻⵏ (ⵢⴻⵜⵅⴻⵚⵚⴻⵚⴻⵏ) ⵏ ⵙⵉⴷⵉ ⵎⵃⴻⵎⵎⴻⴷ, ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.
ⵍⴻⵃⴽⴻⵎ-ⴰ ⵉⴱⴻⴷⴷⴻⵍ-ⵉⵜ ⵓⵅⵅⴰⵎ ⵏ ⵜⵔⵓⵥⵉ ⵏ ⵛⵛⵕⴻⵄ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵢⴻⵔⵏⴰ ⵢⴻⵙⵙⴻⵏⵇⴻⵙ-ⵉⵜ-ⵉⴷ ⵖⴻⵔ 15 ⵏ ⵢⵉⵙⴻⴳⴳⴰⵙⴻⵏ. ⵎⴰ ⴷ ⵙⵏⴰⵜ-ⵏⵏⵉ ⵏ ⵜⴽⴻⴱⴱⴰⵏⵉⵢⵉⵏ ⵜⵉⵛⵉⵏⵡⴰⵜⵉⵏ, ⵣⵜⴻ ⴰⵍⴳⴻⵔⵉⴻ ⴷ ⵀⵓⴰⵡⴻⵉ ⴰⵍⴳⴻⵔⵉⴻ, ⵢⴻⵜⵜⵡⴰⵃⴽⴻⵎ ⴼⴻⵍⵍ-ⴰⵙⴻⵏⵜ ⵓⵙⴻⴳⴳⴰⵙ ⴰⵢⴷⴻⴳ ⵓⵔ ⵙⴻⵄⵄⵓⵏⵜ ⴰⵔⴰ ⴰⵣⵔⴻⴼ ⴰⴷ ⵙⵜⴻⵏⵢⵉⵏⵜ ⵍⴻⵄⵇⵓⴷⴰⵜ ⵉ ⵢⵉⵙⴻⵏⴼⴰⵔⴻⵏ ⴷⴻⴳ ⵍⴻⵣⵣⴰⵢⴻⵔ, ⵢⴻⵔⵏⴰ 3 ⵙⴻⴳ ⵢⵉⴽⴰⵜⴰⵔⴻⵏ-ⵏⵙⴻⵏⵜ ⴰⵢ ⵉⵔⴻⵡⵍⴻⵏ ⵢⴻⵜⵜⵡⴰⵃⴽⴻⵎ ⴼⴻⵍⵍ-ⴰⵙⴻⵏ 10 ⵏ ⵢⵉⵙⴻⴳⴳⴰⵙⴻⵏ ⵏ ⵍⵃⴻⴱⵙ.
ⵎⵉ ⵔⵥⴰⵏ ⵍⴻⵃⴽⴻⵎ-ⴰ ⴷⴻⴳ ⵓⵅⵅⴰⵎ ⵏ ⵛⵛⵕⴻⵄ ⴰⵏⴰⴼⴻⵍⵍⴰ, ⵢⴻⵜⵜⵡⴰⴷⴷⴻⵎ ⵕⵕⴰⵢ ⵉ ⵓⵄⴰⵡⴻⴷ ⵏ ⵓⵛⴰⵕⴻⵄ ⵏ ⵙⵉⵏ-ⵏⵏⵉ ⵏ ⵢⵉⵎⴻⵜⵜⵀⵓⵎⴻⵏ ⴷ ⵙⵏⴰⵜ-ⵏⵏⵉ ⵏ ⵜⴽⴻⴱⴱⴰⵏⵉⵢⵉⵏ ⵜⵉⵛⵉⵏⵡⴰⵜⵉⵏ. ⵙⵉⵏ-ⵏⵏⵉ ⵏ ⵢⵉⵎⴻⵜⵜⵀⵓⵎⴻⵏ ⵜⵜⵡⴰⵛⴰⵕⵄⴻⵏ ⴷⴻⴳ 2012 ⵖⴻⴼ « ⵓⵙⵙⵉⵔⴻⴷ ⵏ ⵢⵉⴷⵔⵉⵎⴻⵏ ⴷ ⵜⵊⵓⵄⴰⵍ », ⴷ ⵜⵉⵊⵔⵉⵎⵉⵏ ⴰⵢ ⴳⴰⵏ ⴳⴰⵔ 2003 ⴷ 2006 ⵙ ⴷⴻⴳ ⵍⵎⴰⴹⴻⵔⵔⴰ ⵏ ⴰⵍⴳⴻⵔⵉⴻ ⵜⴻⵍⴻⵛⵧⵎ, ⵢⴻⵔⵏⴰ ⵜⵉⵊⵔⵉⵎⵉⵏ-ⴰ ⵇⵇⵏⴻⵏⵜ ⵖⴻⵔ ⵍⴻⵄⵇⵓⴷⴰⵜ ⵢⴻⵔⵣⴰⵏ ⵜⴰⵎⵙⴰⵍⵜⴰ ⴷ ⵉⵏⵜⴻⵔⵏⴻⵜ, ⵖⴻⴼ ⵍⴻⵃⵙⴰⴱ ⵏ ⵓⵕⴰⴱⵓⵍ ⵏ ⵓⵡⴻⵅⵅⴻⵔ ⵏ ⵛⵛⵕⴻⵄ. ⵜⴰⵎⵙⴰⵍⵜ-ⴰ ⵜⴻⵜⵜⵡⴰⴽⵛⴻⴼ-ⴷ ⵎⵉ ⵜⴻⵜⵜⵓⵏⴻⴼⴽ ⵍⴻⵡⵚⴰⵢⴰ ⵏ ⵓⵃⵜⴰⵙ ⵉ ⵍⵓⵅⴻⵎⴱⵧⵓⵔⴳ ⴷⴻⴳ ⵜⴻⵎⵙⴰⵍⵜ ⵢⴻⵔⵣⴰⵏ ⴰⴱⵔⵉⴷ ⴰⵎⴰⵣⵣⴰⵍ ⴰⴳⵎⵓⴹ-ⴰⵜⴰⵔⴰⵎ, ⴷ ⴰⵕⴰⴱⵓⵍ ⴰⵢ ⴷ-ⵉⴽⴻⵛⴼⴻⵏ ⵜⵉⵊⵓⵄⴰⵍ ⴰⵢ ⴼⴽⴰⵏⵜ ⵙⵏⴰⵜ-ⵏⵏⵉ ⵏ ⵜⴽⴻⴱⴱⴰⵏⵉⵢⵉⵏ ⵜⵉⵛⵉⵏⵡⴰⵜⵉⵏ ⵉ ⵙⵉⵏ-ⴰ ⵏ ⵢⵉⵎⴻⵜⵜⵀⵓⵎⴻⵏ ⴰⴽⴽⴻⵏ ⴰⴷ ⵜⴻⵏ-ⵉⴷ-ⵚⴰⵃⴻⵏ ⵍⴻⵄⵇⵓⴷⴰⵜ. ⴷ ⴰⵢⴰ ⴰⵢ ⵢⴻⴵⴵⴰⵏ ⴰⵅⵅⴰⵎ ⵏ ⵛⵛⵕⴻⵄ ⵢⴻⵎⵎⵓⵣⵣⴳⴻⵏ (ⵢⴻⵜⵅⴻⵚⵚⴻⵚⴻⵏ) ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴰⴷ ⵢⴻⴱⴷⵓ ⵜⴰⵙⴻⵙⵜⴰⵏⵜ (ⴰⵃⵜⴰⵛ) ⴷⴻⴳ ⵜⴻⵎⵙⴰⵍⵜ-ⴰ ⵉⵎⵉⵔ-ⵏⵏⵉ ⴽⴰⵏ.
