ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⵓⴷⴰⵏ ⵏ ⵓⵏⵥⵓⵍ: 4 ⵏ ⵢⵉⵙⴻⴳⴳⴰⵙⴻⵏ ⴷⴻⴼⴼⵉⵔ ⵎⴰ ⵜⴻⵇⵇⴻⵍ ⴷ ⵜⴰⵎⵓⵔⵜ, ⵟⵟⵔⴰⴷ ⵢⴻⴼⴽⴰ-ⴰⵙ ⴰⵅⴻⵚⵚⴰⵔ

ⵍⴻⵣⵣⴰⵢⴻⵔ – ⵙⵓⴷⴰⵏ ⵏ ⵓⵏⵥⵓⵍ ⴰⴷ ⵜⴻⵙⴼⵓⴳⴻⵍ ⴰⵙⵙ ⵏ ⵍⴻⵅⵎⵉⵙ ⴰⵎⵓⵍⵍⵉ ⵏ ⵓⵣⴰⵔⵓⴳ-ⵏⵏⴻⵙ, ⴷ ⴰⵣⴰⵔⵓⴳ ⴰⵢ ⴷ-ⵜⴻⵔⴱⴻⵃ ⴷⴻⴼⴼⵉⵔ ⵎⴰ ⵜⴻⵏⵏⵓⵖ ⵟⵟⵔⴰⴷ ⴷ ⴰⵖⴻⵣⴼⴰⵏ ⵎⴳⴰⵍ ⵙⵓⴷⴰⵏ, ⵎⴰⵛⴰ ⴰⴽⴽⴻⵏ ⴽⴰⵏ ⴰⵢ ⵜ-ⵜⵓⵡⴻⵢ, ⵜⴻⵔⵏⴰ ⵜⴻⵖⵔⴻⵇ ⴷⴻⴳ ⵟⵟⵔⴰⴷ ⴰⵖⴰⵔⵉⵎ ⴷⴻⴳ ⵡⵉⴷ ⵢⴻⴷⴷⴰⵏ ⴷ ⵓⵙⴻⵍⵡⴰⵢ ⵙⴰⵍⵠⴰ ⴽⵉⵉⵔ ⵍⴰ ⵜⵜⵏⴰⵖⴻⵏ ⵎⴳⴰⵍ ⵓⵏⵎⴰⵣⵓⵍ ⴰⵇⴱⵓⵔ ⵏ ⵓⵙⴻⵍⵡⴰⵢ ⵔⴻⵉⴽ ⵎⴰⵛⵀⴰⵔ. ⵟⵟⵔⴰⴷ-ⴰ ⵢⴻⴳⵍⴰ ⵙ ⵢⵉⴳⵉⵎⴰⵏ (ⵍⵓⵍⵓⴼ) ⵏ ⵜⵎⴻⴷⴷⵓⵔⵉⵏ ⵙⴻⴳ ⵜⴳⴰⵔⴰ ⵏ 2013.

ⵙⵓⴷⴰⵏ ⵏ ⵓⵏⵥⵓⵍ ⵜⵓⵡⴻⵢ ⴰⵣⴰⵔⵓⴳ-ⵏⵏⴻⵙ ⴷⴻⴳ 9 ⵢⵓⵍⵢⵓ 2011, ⵙⴷⴻⴼⴼⵉⵔ ⵎⴰ ⵜⴻⵏⵏⵓⵖ ⵜⵉⵎⴻⵔⵡⵉⵏ ⵏ ⵢⵉⵙⴻⴳⴳⴰⵙⴻⵏ ⴷ ⵙⵓⴷⴰⵏ ⵏ ⵓⴳⴰⴼⴰ, ⴷ ⴰⵛⵓ ⴽⴰⵏ, ⵜⴰⵎⵓⵔⵜ-ⴰ ⵜⴰⵎⴰⵢⵏⵓⵜ ⵜⴻⵙⵄⴻⴷⴷⴰ 18-ⴰ ⵏ ⵡⴰⵢⵢⵓⵔⴻⵏ ⵉⵏⴻⴳⴳⵓⵔⴰ ⴷⴻⴳ ⵢⵉⵡⴻⵏ ⵏ ⵟⵟⵔⴰⴷ ⴰⵖⴰⵔⵉⵎ ⴰⵢ ⵢⴻⵙⵙⴰⵡⴹⴻⵏ ⵜⴰⵎⵓⵔⵜ ⵖⴻⵔ ⵓⵙⵡⵉⵔ ⴰⵎⴰⵣⴷⴰⵔ ⴰⴽⴽ ⴷⴻⴳ ⵜⵏⴻⴼⵍⵉⵜ ⵜⴰⵍⵙⴰⵏⵜ, ⵖⴻⴼ ⵍⴻⵃⵙⴰⴱ ⵏ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.

ⵉⵎⴻⵏⵖⵉ ⵢⴻⴱⴷⴰ-ⴷ ⴷⴻⴳ ⴷⵓⵊⴻⵎⴱⴻⵕ ⵏ 2013 ⴷⴻⴳ ⵜⵎⴰⵏⴻⵖⵜ ⵊⵓⴱⴰ, ⴰⵙⵎⵉ ⴰⵙⴻⵍⵡⴰⵢ ⵙⴰⵍⵠⴰ ⴽⵉⵉⵔ (ⵢⴻⵍⵍⴰⵏ ⴷ ⴰⴷⵉⵏⴽⴰ) ⵢⴻⵜⵜⵀⴻⵎ ⴰⵏⵎⴰⵣⵓⵍ-ⵏⵏⴻⵙ ⵏ ⵓⵙⴻⵍⵡⴰⵢ ⵔⵉⴻⴽ ⵎⴰⵛⵀⴰⵔ (ⵢⴻⵍⵍⴰⵏ ⴷ ⴰⵏⵓⴻⵔ) ⴷ ⴰⴽⴽⴻⵏ ⵢⴻⵍⵍⴰ ⵍⴰ ⴷ-ⵢⴻⵜⵜⵀⴻⵢⵢⵉ ⵜⵓⵜⵜⵢⴰ ⵏ ⵓⴷⴰⴱⵓ, ⵢⴻⵔⵏⴰ ⵢⴻⵙⵜⴰⵅⴻⵔ-ⵉⵜ. ⵜⴰⵄⴷⴰⵡⵜ-ⵏⵙⴻⵏ ⵜⴰⵙⴻⵔⵜⵉⵜ ⴷⵉⵏⴷⵉⵏ ⴽⴰⵏ ⵜⵉⵎⵖⵓⵔ ⵢⴻⵔⵏⴰ ⵜⴻⵇⵇⴻⵍ ⴷ ⵉⵎⴻⵏⵖⵉ ⵎⴳⴰⵍ ⵙⵉⵏ ⵏ ⵢⵉⵖⴻⵔⴼⴰⵏ, ⵉⴷⵉⵏⴽⴰⵜⴻⵏ ⴷ ⵢⵉⵏⵓⴻⵔⴻⵏ, ⴷ ⴰⵢⴻⵏ ⴰⵢ ⴷ-ⵢⴻⴳⵍⴰⵏ ⴷⴰⵖ ⵙ ⴱⴻⴹⴹⵓ ⵏ ⵢⵉⴳⴻⵏ ⵏ ⵜⵎⵓⵔⵜ-ⴰ ⴷ ⵜⵎⴻⵏⵖⵉⵡⵉⵏ ⴳⴰⵔ ⵍⵖⴰⵛⵉ ⵏ ⵙⵉⵏ-ⴰ ⵏ ⵢⵉⴷⵉⵙⴰⵏ.

ⵙⴻⴳ ⵡⴰⵙⵎⵉ ⴰⵢ ⵢⴻⵏⴽⴻⵔ ⵢⵉⵎⴻⵏⵖⵉ, ⵓⵔ ⵢⴻⵃⴱⵉⵙ ⴰⵔⴰ, ⵓⵍⴰ ⵎⴰ ⵜⵉⵎⵓⵔⴰ ⵏ ⵜⴻⵎⵏⴰⴹⵜ-ⴰ ⵄⴻⵔⴹⴻⵏⵜ ⴰⴷ ⴷ-ⴳⴻⵏⵜ ⵜⴰⴱⴷⴰⵎⵎⴰⵙⵜ ⵉ ⵍⴻⵎⵛⴰⵡⵕⴰⵜ ⵢⴻⵔⵏⴰ ⴰⵎⵖⵉⵡⴰⵏ ⴰⴳⵔⴰⵖⵍⴰⵏ ⵉⵄⵓⵇⴻⴱ ⵜⴰⵎⵓⵔⵜ-ⴰ ⵉⵎⵉ ⵍⴰ ⵢⴻⵜⵜⴽⴻⵎⵎⵉⵍ ⴷⴻⴳ-ⵙ ⵛⵛⵡⴰⵍ.

ⴰⵔ ⴰⵙⵙ-ⴰ ⵡⴻⵔⵄⴰⴷ ⵓⵔ ⴷ-ⵢⴻⵍⵍⵉ ⵍⴻⵃⵙⴰⴱ ⴰⵙⴻⴷⴷⵉ ⵏ ⵡⴰⵛⵃⴰⵍ ⴰⵢ ⵢⴻⵎⵎⵓⵜⴻⵏ ⵏⴻⵖ ⵏⴹⴻⵔⵔⴻⵏ ⵙⴻⴳ ⵢⵉⵎⴻⵏⵖⵉ-ⴰ. ⴷⴻⴳ ⵡⴰⵎⴱⴻⵕ ⵏ 2014, ⵉⵏⵜⴻⵔⵏⴰⵜⵉⵧⵏⴰⵍ ⵛⵔⵉⵙⵉ ⴳⵔⵧⵓⵒ (ⵜⴰⴳⵔⴰⵡⵜ ⵜⴰⴳⵔⴰⵖⵍⴰⵏⵜ ⵏ ⵜⴻⵣⵖⵉⵏⵜ) ⵜⴻⵏⵏⴰ-ⴷ ⴷ ⴰⴽⴽⴻⵏ, ⵎⴰ ⵓⵍⴰⵛ, 50.000 ⵏ ⵢⵉⵎⴷⴰⵏⴻⵏ ⴰⵔⴰ ⵢⵉⵍⵉⵏ ⵎⵎⵓⵜⴻⵏ. ⵉⵎⴻⵏⵖⵉ ⵎⴰⵣⴰⵍ ⵢⴻⵜⵜⴽⴻⵎⵎⵉⵍ, ⵍⴰⵥ ⴷ ⵡⴰⴹⴹⴰⵏⴻⵏ ⴼⴽⴰⵏ ⴰⵅⴻⵚⵚⴰⵔ ⵉ ⵎⴻⴷⴷⴻⵏ, ⵢⴻⵔⵏⴰ ⴰⵢⴰ ⴰⴽⴽ ⵍⴰ ⵢⴻⵜⵜⴻⴽⴽⴰⵢ ⴷⴻⴳ ⵓⵙⵙⴻⵎⵖⴻⵔ ⵏ ⵓⵎⴹⴰⵏ ⵏ ⵜⴻⵖⵜⴰⵙ.

ⵜⴰⵍⵓⴼⵜ-ⴰ ⵜⴻⵔⵥⴻⵎ ⴰⴱⵔⵉⴷ ⵉ ⵜⵎⴻⵏⵖⵉⵡⵉⵏ ⵏ ⵎⴻⴷⴷⴻⵏ ⵡⴰⵔ ⵕⵕⴻⵃⵎⴰ ⵢⴻⵔⵏⴰ ⵡⴰⵔ ⵜⵉⵍⵉⵙⴰ: ⵜⵉⴳⵔⴰⵡⵉⵏ ⵜⵉⵜⵏⵉⵢⵉⵏ ⵍⴰ ⵜⵜⵎⴻⵏⵖⴰⵏⵜ ⴳⴰⵔ-ⴰⵙⴻⵏⵜ, ⵜⵓⴷⴷⵣⴰ ⵏ ⵢⵉⴻⵔⴳⴰⵣⴻⵏ, ⴰⵜⵄⴻⴷⴷⵉ ⵖⴻⴼ ⵍⵃⴻⵕⵎⴰ ⵏ ⵜⵍⴰⵡⵉⵏ ⵙ ⵓⵊⴻⵎⵎⴰⵍ. ⴷⴻⴳ ⵜⴳⴰⵔⴰ ⵏ ⵢⵓⵏⵢⵓ, ⵜⵓⵖⴷⴰⴹⵜ ⵏ ⵓⵃⴰⵣ ⵏ ⵜⴰⵍⵡⵉⵜ ⴷⴻⴳ ⵙⵓⴷⴰⵏ ⵏ ⵓⵏⵥⵓⵍ (ⵎⵉⵏⵓⵙⵙ) ⵜⴻⵏⵏⴰ-ⴷ ⴷ ⴰⴽⴽⴻⵏ ⵍⵍⴰⵏⵜ ⵜⵍⴰⵡⵉⵏ ⴷ ⵜⴻⵇⵛⵉⵛⵉⵏ « ⴰⵢ ⵙⵙⴻⵔⵖⴻⵏ ⴷⴻⴳ ⵢⵉⵄⴻⵛⵛⵉⵡⴻⵏ ⵙⴷⴻⴼⴼⵉⵔ ⵎⴰ ⵜⵄⴻⴷⴷⴰⵏ ⴼⴻⵍⵍ-ⴰⵙⴻⵏⵜ ⵙ ⵓⵊⴻⵎⵎⴰⵍ ».

ⵙⵉⵏ ⵏ ⵢⵉⴷⵉⵙⴰⵏ ⵢⴻⵎⵅⴰⵚⴰⵎⴻⵏ ⵙⵙⴰⴷⴼⴻⵏ ⵓⴳⴰⵔ ⵏ 13.000 ⵏ ⵢⵉⴳⴻⵔⴷⴰⵏ ⵖⴻⵔ ⵢⵉⵖⴰⵍⵍⴻⵏ-ⵏⵙⴻⵏ ⵉⵎⵙⴻⵍⵍⵃⴻⵏ. ⴰⵣⴰⵍ ⵏ 250.000 ⵏ ⵢⵉⴳⴻⵔⴷⴰⵏ ⴰⵢ ⵉⵣⴻⵎⵔⴻⵏ ⴰⴷ ⵎⵎⵜⴻⵏ ⵙⴻⴳ ⵍⴰⵥ. ⵜⵉⵍⴰⵡⵉⵏ ⴷ ⵜⴻⵇⵛⵉⵛⵉⵏ ⵜⵄⴻⴷⴷⴰⵏ ⴼⴻⵍⵍ-ⴰⵙⴻⵏⵜ, ⵉⵇⵛⵉⵛⴻⵏ ⵜⵜⵡⴰⴷⴷⵣⴻⵏ, ⵉⴳⴻⵔⴷⴰⵏ ⵜⵜⴻⴽⴽⴰⵏ ⴷⴻⴳ ⵢⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ: ⵍⴻⵛⵖⴰⵍ ⵢⴻⵙⵙⴻⵡⵃⴰⵛⴻⵏ ⵍⴰ ⴷ-ⵜⵜⴻⵎⵙⴻⴹⴼⴰⵔⴻⵏ ⵡⴰ ⴷⴻⴼⴼⵉⵔ ⵡⴰ ⴷⴻⴳ ⵜⵎⵓⵔⵜ-ⴰ.

ⵜⴰⵣⵖⵉⵏⵜ ⵜⴰⵍⵙⴰⵏⵜ ⴷ ⵜⴰⵇⴻⵙⵃⴰⵏⵜ==

ⵙⵓⴷⴰⵏ ⵏ ⵓⵏⵥⵓⵍ ⴷ ⵏⴻⵜⵜⴰⵜ ⴰⵢ ⴷ ⵜⴰⵎⵓⵔⵜ ⵎⴻⵥⵥⵉⵢⴻⵏ ⴰⴽⴽ ⴷⴻⴳ ⵓⵎⴰⴹⴰⵍ, ⵢⴻⵔⵏⴰ ⵢⴰⵍ ⴰⵙⵙ ⵍⴰ ⴷ-ⵢⴻⵜⵜⵉⵍⵉ ⴷⴻⴳ-ⵙ ⵓⵎⴻⵏⵏⵓⵖ ⴷ ⴰⵎⴻⵇⵔⴰⵏ. ⵜⴰⵎⵓⵔⵜ-ⴰ ⵜⵃⵓⵣⴰ-ⵜⵜ ⵢⵉⵡⴻⵜ ⵏ ⵜⴻⵣⵖⵉⵏⵜ ⵜⴰⵍⵙⴰⵏⵜ ⴷ ⵜⴰⵇⴻⵙⵃⴰⵏⵜ, ⴷ ⵜⵉⵏ ⴷⴻⴳ ⵉⵎⴻⵣⴷⴰⵖⴻⵏ-ⵏⵏⴻⵙ ⵍⵍⵓⵥⴻⵏ ⵢⴻⵔⵏⴰ ⵢⴻⵔⵥⴰ-ⵜⴻⵏ ⵡⴰⴹⴹⴰⵏ. ⴷⵖⴰ ⴷ ⴰⵢⴰ ⴰⵢ ⵢⴻⵙⵙⴰⵡⴹⴻⵏ ⵉⴳⵉⵎⴰⵏ (ⵍⵓⵍⵓⴼ) ⵏ ⵢⵉⵙⵓⴷⴰⵏⵉⵢⴻⵏ ⵏ ⵓⵏⵥⵓⵍ ⴰⴷ ⵔⴻⵡⵍⴻⵏ ⵙⴻⴳ ⵜⵎⵓⵔⵜ-ⴰ.

ⴰⵙⴻⴳⴳⴰⵙ ⵢⴻⵣⵔⵉⵏ, ⵜⴻⵍⵍⴰ-ⴷ ⵜⵓⴳⴷⵉ ⴰⴷ ⵍⵍⴰⵥⴻⵏ ⵢⵉⵎⴻⵣⴷⴰⵖⴻⵏ ⵏ ⵜⵎⵓⵔⵜ-ⴰ, ⵢⴻⵔⵏⴰ ⵙ ⵛⵛⴻⵃ ⴽⴰⵏ ⴰⵢ ⵜⴻⵙⵍⴻⴽ ⵜⵎⵓⵔⵜ ⵙⴻⴳ ⵍⴰⵥ, ⵙ ⵓⵎⴰⵀⵉⵍ (ⴰⵅⴻⴷⴷⵉⵎ) ⴰⵎⴻⵇⵔⴰⵏ ⵏ ⵜⵏⴻⴳⴳⵉⵡⵉⵏ ⵜⴰⵍⵙⴰⵏⵉⵏ. ⵎⴰⵛⴰ ⵜⵓⴳⴷⵉ ⵏ ⵍⴰⵥ ⵎⴰⵣⴰⵍ-ⵉⵜⵜ ⵢⴻⵔⵏⴰ ⵜⴻⵣⵎⴻⵔ ⴰⴷ ⵜⵃⴰⵣ ⵍⴰⴷⵖⴰ ⵎⴻⴷⴷⴻⵏ ⴰⵢ ⵍⴰ ⵉⵔⴻⵡⵡⵍⴻⵏ ⵙⴻⴳ ⵢⵉⵎⵓⴽⴰⵏ ⵏ ⵢⵉⵎⴻⵏⵖⵉ ⵢⴻⵔⵏⴰ ⵜⵜⴰⴵⴵⴰⵏ ⵍⵖⴻⵍⵍⴰ ⵏⴻⵖ ⵜⴰⵏⴻⵣⵣⵓⵜ-ⵏⵙⴻⵏ (ⵜⵜⵊⴰⵕⴰ).

ⵖⴻⴼ ⵍⴻⵃⵙⴰⴱ ⵏ ⵓⵇⴻⵢⵢⴻⵎ ⵏ ⵓⵥⴻⴹⴹⴰ ⵏ ⴼⴻⵡⵙ ⵏⴻⵜ (ⴼⴰⵎⵉⵏⴻ ⴻⴰⵔⵍⵢ ⵡⴰⵔⵏⵉⵏⴳ ⵙⵢⵙⵜⴻⵎⵙ ⵏⴻⵜⵡⵧⵔⴽ), ⴰⴳⴰⴼⴰ ⴷ ⵓⴳⵎⵓⴹ (ⵛⵛⴻⵔⵇ) ⵏ ⵜⵎⵓⵔⵜ (ⴷ ⵉⵎⵓⴽⴰⵏ ⴰⵢ ⵢⴻⵏⴹⴻⵔⵔⴻⵏ ⵙⴻⴳ ⵢⵉⵎⴻⵏⵖⵉ) ⵇⵔⵉⴱ ⴰⴷ ⴷ-ⵢⴻⴱⴷⵓ ⴷⴻⴳ-ⵙⴻⵏ ⵍⴰⵥ. ⵜⴰⵎⵓⵔⵜ-ⴰ ⵜⴻⵙⵄⴰ 12 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵎⴻⵣⴷⴰⵖⴻⵏ, ⵙⵉⵏ ⵏ ⵢⵉⵎⵓⵔⴻⵏ ⵖⴻⴼ ⴽⵔⴰⴹ ⵙⴻⴳ ⵢⵉⵎⴻⵣⴷⴰⵖⴻⵏ-ⴰ ⴰⵢ ⵢⴻⵃⵡⴰⴵⴻⵏ ⵍⴻⵎⵄⴰⵡⵏⴰ ⵢⴻⵔⵏⴰ 4,5 ⵏ ⵢⵉⵎⴷⴰⵏⴻⵏ ⴰⵢ ⵉⵅⵓⵚⵚⴻⵏ ⵓⵞⵞⵉ, ⵖⴻⴼ ⵍⴻⵃⵙⴰⴱ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⴱⴷⴰ-ⴷ ⵡⴰⴹⴹⴰⵏ ⵏ ⵓⴱⵓⵛⵃⵉⴹ (ⴰⴽⵓⵍⵉⵕⴰ) ⴷⴻⴳ ⵢⵓⵏⵢⵓ ⴷⴻⴳ ⵜⵎⴰⵏⴻⵖⵜ ⵏ ⵜⵎⵓⵔⵜ, ⵊⵓⴱⴰ, ⴰⵏⴷⴰ ⴰⵢ ⵎⵎⵓⵜⴻⵏ 32 ⵏ ⵢⵉⵎⴷⴰⵏⴻⵏ, ⵢⴻⵔⵏⴰ ⴰⴹⴹⴰⵏ-ⴰ ⵢⴻⵣⵎⴻⵔ ⴰⴷ ⵢⴰⵡⴻⴹ ⵖⴻⵔ ⵢⵉⵎⵉⵣⴰⵔ ⴰⵏⴷⴰ ⴰⵢ ⴷⴷⵔⴻⵏ ⵡⵉⴷ ⴰⵢ ⴷ-ⵉⵔⴻⵡⵍⴻⵏ ⵙⴻⴳ ⵜⴻⵎⵏⴰⴹⵉⵏ ⵏ ⵢⵉⵎⴻⵏⵖⵉ, ⴷ ⵉⵎⵉⵣⴰⵔ ⴷⴻⴳ ⵢⴻⴳⴳⴻⵔ ⵍⵖⴰⵛⵉ. ⵎⴰ ⴷ ⵉⵎⴻⵥⵍⴰ (ⵙⵙⵔⴰⴱⴻⵙ) ⵏ ⵜⴷⴰⵡⵙⴰ, ⵍⵍⴰⵏ ⵢⴰⴳⵉ ⵅⵓⵚⵚⴻⵏ ⵓⵇⴱⴻⵍ ⵎⴰ ⵢⴻⴱⴷⴰ-ⴷ ⵟⵟⵔⴰⴷ, ⵢⴻⵔⵏⴰ ⴰⵙⵙ-ⴰ, ⵉⵎⴻⵏⵖⴰⵏ ⵍⴰ ⵜⴻⵏ-ⵜⵜⵃⴰⴽⴰⵕⴻⵏ ⵙⵔⵉⴷ ⵙ ⵜⵎⴻⵙ-ⵏⵙⴻⵏ. ⵓⵍⴰ ⴷ ⵉⵎⵙⵓⵊⵊⵉⵢⴻⵏ ⵡⴰⵔ ⵜⵉⵍⵉⵙⴰ ⵓⵔ ⵙⵍⵉⴽⴻⵏ ⴰⵔⴰ ⵙⴻⴳ ⵡⴰⵢⴰ. ⵓⵍⴰ ⵎⴰ ⵍⵍⴰⵏ ⵎⴻⴷⴷⴻⵏ ⵢⴻⵏⴹⴻⵔⵔⴻⵏ ⵢⴻⵔⵏⴰ ⵃⵡⴰⴵⴻⵏ ⴰⴷⴰⵡⵉ, ⵡⵉⴷ ⵢⴻⵜⵜⴷⴰⵡⵉⵏ ⵔⴻⵡⵍⴻⵏ ⵙⴻⴳ ⴽⵔⴰ ⵏ ⵢⵉⵎⵓⴽⴰⵏ ⵖⴻⴼ ⵍⴵⴰⵍ ⵏ ⵢⵉⵎⴻⵏⵖⵉ. ⵖⴻⴼ ⵍⴵⴰⵍ ⵏ ⵢⵉⵎⴻⵏⵖⵉ ⴷ ⵓⵅⵚⴰⵔ ⵏ ⵜⴻⴳⵏⵉⵜ ⵜⴰⵍⵙⴰⵏⵜ, ⴰⵣⴰⵍ ⵏ 2,35 ⵏ ⵢⵉⵎⴻⵍⵢⵓⵏⴻⵏ ⵏ ⵎⴻⴷⴷⴻⵏ ⴰⵢ ⵜⴻⵔⵔⴰ ⵜⵎⴰⵔⴰ ⴰⴷ ⵔⴻⵡⵍⴻⵏ, ⵢⴻⵔⵏⴰ ⴵⴵⴰⵏ ⴷⴻⴼⴼⵉⵔ-ⵙⴻⵏ ⵛⵡⵉⵟ-ⵏⵏⵉ ⵏ ⵡⴰⵢⵍⴰ ⴰⵢ ⵙⵄⴰⵏ ⴰⴽⴽⴻⵏ ⴰⴷ ⴰⵙⴻⵏ-ⵢⴻⵜⵜⵡⴰⴽⴻⵔ ⵏⴻⵖ ⴰⴷ ⴰⵙⴻⵏ-ⵙⴷⴻⵔⵎⴻⵏ.

ⴰⵣⴰⵎ ⵏ 730.000 ⵏ ⵢⵉⵙⵓⴷⴰⵏⵉⵢⴻⵏ ⵏ ⵓⵏⵥⵓⵍ ⴰⵢ ⵉⵔⴻⵡⵍⴻⵏ ⵖⴻⵔ ⵜⵎⵓⵔⴰ ⴰⵢ ⴷ-ⵢⴻⵣⵣⵉⵏ ⵉ ⵜⵎⵓⵔⵜ-ⵏⵙⴻⵏ, ⵢⴻⵔⵏⴰ ⴰⵎⵓⵔ ⴰⵎⴻⵇⵔⴰⵏ ⴷⴷⴰⵏ ⵖⴻⵔ ⵉⵜⵢⵓⵒⵢⴰ, ⵎⴰⵛⴰ ⵍⵍⴰⵏ ⴷⴰⵖ ⵡⵉⴷ ⴰⵢ ⵢⴻⴷⴷⴰⵏ ⵖⴻⵔ ⵓⴳⴰⵏⴷⴰ, ⵙⵓⴷⴰⵏ ⴷ ⴽⴻⵏⵢⴰ.

ⴰⵎⴻⵍⵢⵓⵏ ⴷ ⵓⵣⴳⴻⵏ ⵏ ⵢⵉⵖⴰⵔⵉⵎⴻⵏ ⴰⵢ ⵍⴰ ⵢⴻⵜⵜⵏⴻⵎⴹⴰⵔⴻⵏ ⴷⴻⴳ ⵜⵎⵓⵔⵜ-ⵏⵙⴻⵏ, ⵢⴻⵔⵏⴰ ⴷⴷⵔⴻⵏ ⴷⴻⴳ ⵢⵉⵎⵉⵣⴰⵔ ⴷⴻⴳ ⵍⵇⴻⵍⵍⴰ ⵏ ⵜⴻⵣⴷⴻⴳ, ⵙⴷⴰⵜ ⵢⵉⴱⴻⵍⵎⴰⵜⴻⵏ ⵏⴻⵖ ⴷⴻⴳ ⵜⵥⴻⴳⵡⴰ. ⵓⴳⴰⵔ ⵏ 150.000 ⵏ ⵢⵉⵎⴷⴰⵏⴻⵏ ⴰⵢ ⵢⴻⴼⴼⵔⴻⵏ ⴷⴰⵖ ⴷⴻⴳ ⵢⵉⵙⴰⴷⵓⵔⴻⵏ ⵏ ⵜⵓⵖⴷⴰⴹⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵙⵓⴷⴰⵏ ⵏ ⵓⵏⵥⵓⵍ (ⵎⵉⵏⵓⵙⵙ).

ⵓⵔ ⵉⴱⴰⵏ ⴰⵔⴰ ⵓⵣⴻⴽⴽⴰ== ⵜⴰⵍⵓⴼⵜ ⵏ ⵙⵓⴷⴰⵏ ⵏ ⵓⵏⵥⵓⵍ ⵢⴻⵜⵜⵡⴰⵍⵉ-ⵜⵜ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⴷ ⵢⵉⵡⴻⵜ ⵙⴻⴳ ⵜⵍⵓⴼⴰ ⴰⵢ ⵢⴻⵙⵙⴰⴳⴰⴷⴻⵏ ⴰⴽⴽ, ⵢⴻⵔⵏⴰ ⵢⴻⵜⵜⴱⴰⵏ-ⴷ ⴷ ⴰⴽⴽⴻⵏ ⵎⴰⵣⴰⵍ ⴰⴷ ⵜⵄⴻⴹⴹⴻⵍ, ⵉⵎⵉ ⵉⵅⵚⵉⵎⴻⵏ ⵎⴰⵣⴰⵍ-ⵉⵜⴻⵏ ⴱⴻⴷⴷⴻⵏ ⵖⴻⴼ ⵡⴰⵡⴰⵍ-ⵏⵙⴻⵏ ⵢⴻⵔⵏⴰ ⵓⴳⵉⵏ ⴰⴽⴽ ⴰⴷ ⴵⴵⴻⵏ ⵛⵡⵉⵟ ⵙⴻⴳ ⵓⵎⵓⵔ-ⵏⵙⴻⵏ.

ⴰⵙⵙ ⵏ ⵍⴰⵕⴻⴱⵄⴰ, ⴰⵖⴻⵍⵍⴰ ⵏ ⵢⵉⵖⴻⵡⵡⴰⵖⴻⵏ ⵏ ⵙⵓⴷⴰⵏ ⵏ ⵓⵏⵥⵓⵍ, ⵔⵉⴻⴽ ⵎⴰⵛⵀⴰⵔ, ⵢⴻⵏⵏⴰ-ⴷ, ⵢⵉⵡⴻⵏ ⵡⴰⵙⵙ ⵓⵇⴱⴻⵍ ⵜⴰⵎⴻⵖⵔⴰ ⵏ ⵓⵣⴰⵔⵓⴳ ⵏ ⵜⵎⵓⵔⵜ-ⵏⵏⴻⵙ, ⴷ ⴰⴽⴽⴻⵏ ⵟⵟⵔⴰⴷ ⵓⵔ ⵢⴻⵜⵜⴼⴰⴽⴰ ⴰⵔⴰ ⴰⵔⵎⴰ ⵢⴻⵜⵜⴰⵅⴻⵔ ⵓⵙⴻⵍⵡⴰⵢ ⵙⴰⵍⵠⴰ ⴽⵉⵉⵔ. « ⵓⵔ ⵍⴰ ⵏⴻⵜⵜⵃⵓⵍⴼⵓ ⴰⵔⴰ ⴷ ⴰⴽⴽⴻⵏ ⵙⴰⵍⵠⴰ ⴽⵉⵉⵔ ⴷ ⴰⵛⵔⵉⴽ ⵉ ⵜⴰⵍⵡⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵎⴰⵛⵀⴰⵔ.

ⴷⴻⴳ ⵜⵖⵉⵎⵉⵢⵉⵏ-ⵏⵏⵉ ⵏ ⵍⴻⵎⵛⴰⵡⵕⴰⵜ ⴰⵢ ⴷ-ⵢⴻⵍⵍⴰⵏ ⴷⴻⴳ ⵉⵜⵢⵓⵒⵢⴰ, ⵙⴰⵍⵠⴰ ⴽⵉⵉⵔ, ⵔⵉⴻⴽ ⵎⴰⵛⵀⴰ ⴷ ⵡⵉⴷ ⴰⵢ ⴷ-ⵢⴻⵣⵣⵉⵏ ⴼⴻⵍⵍ-ⴰⵙⴻⵏ, ⵚⴻⵔⵔⴼⴻⵏ ⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ ⵡⴰⵔ ⵎⴰ ⵙⵙⴰⵡⴹⴻⵏ ⵖⴻⵔ ⴽⵔⴰ ⵏ ⵓⵎⵜⴰⵡⴰ ⴰⵔⴰ ⵉⴷⵓⵎⴻⵏ. ⵎⴰ ⵓⵍⴰⵛ, ⵙⵜⴻⵏⵢⴰⵏ 7 ⵏ ⵢⵉⵎⵜⴰⵡⴰⵢⴻⵏ ⵏ ⵓⵃⴱⴰⵙ ⵏ ⵢⵉⵎⴻⵏⵖⵉ, ⵎⴰⵛⴰ ⴰⴽⴽⴻⵏ ⴽⴰⵏ ⴰⵔⴰ ⵢⴻⵃⴱⴻⵙ ⵢⵉⵎⴻⵏⵖⵉ, ⴰⴷ ⵉⵄⴰⵡⴻⴷ ⴰⴷ ⵢⴻⵏⴽⴻⵔ ⴷⴻⴳ ⵡⵓⵙⵙⴰⵏ ⴰⵔⴰ ⴷ-ⵉⴹⴻⴼⵔⴻⵏ.

ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⵙⴻⴳ ⵡⴰⵙⵎⵉ ⴰⵢ ⵉⴼⵓⴽ ⵟⵟⵔⴰⴷ, ⴰⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵢⴻⵙⵙⵓⴼⴼⴻⵖ-ⴷ ⴰⵙⵙ ⵏ 1 ⵢⵓⵍⵢⵓ, ⴰⵄⴰⵇⴻⴱ ⵎⴳⴰⵍ 6 ⵏ ⵢⵉⵎⴹⴻⴱⴱⵔⴻⵏ ⵉⵙⴻⵔⴷⴰⵙⵉⵢⴻⵏ ⵏ ⵜⵎⵓⵔⵜ-ⴰ ⴰⴽⴽⴻⵏ ⴰⴷ ⵜⵜⵡⴰⵙⴻⴱⴽⴻⵏ ⵢⵉⴷⵔⵉⵎⴻⵏ-ⵏⵙⴻⵏ ⵢⴻⵔⵏⴰ ⴰⴷ ⴰⵙⴻⵏ-ⴳⴻⴷⵍⴻⵏ ⴰⵙⵙⵉⴽⴻⵍ: 3 ⵏ ⵢⵉⵎⴹⴻⴱⴱⵔⴻⵏ ⵙⴻⴳ ⵢⵉⵖⴰⵍⵍⴻⵏ ⵏ ⵓⵏⴰⴱⴰⴹ ⴷ 3 ⵙⴻⴳ ⵢⵉⵖⴰⵍⵍⴻⵏ ⵏ ⵢⵉⵖⴻⵡⵡⴰⵖⴻⵏ.

ⵜⴰⴳⵏⵉⵜ-ⴰ ⵜⴻⵣⵎⴻⵔ ⴰⴷ ⵜⴽⴻⵎⵎⴻⵍ ⵖⴻⵔ ⵙⴷⴰⵜ, ⴰⴷ ⵜⴻⵇⵇⴻⵍ ⴷ ⵜⴰⵎⵉⵀⴰⵡⵜ ⵓⴳⴰⵔ ⵢⴻⵔⵏⴰ ⵜⴻⵣⵎⴻⵔ ⴰⴷ ⴷ-ⵜⵃⴰⵣ ⴰⴽⴽ ⵜⴰⵎⵏⴰⴹⵜ ⵏ ⵢⵉⴳⴻⵍⵎⵉⵎⴻⵏ ⵉⵎⴻⵇⵔⴰⵏⴻⵏ ⴷ ⵢⵉⵛⵛⴻⵡ ⵏ ⵜⴻⴼⵔⵉⵇⵜ ⵙⴻⴳ-ⴰ ⵖⴻⵔ ⵙⴷⴰⵜ.

ⴰⵣⴰⵍ ⵏ 20 ⵏ ⵜⴻⴳⵔⴰⵡⵉⵏ ⵜⵉⵎⵙⴻⵍⵍⵃⵉⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴰⵍⵓⴼⵜ-ⴰ ⴷⴻⴳ ⴽⵔⴰ ⵙⴻⴳ ⵜⴻⴳⵔⴰⵡⵉⵏ-ⴰ ⵜⵜⴱⴻⴷⴷⵉⵍⴻⵏⵜ ⵉⴷⵉⵙ ⵢⴻⵔⵏⴰ ⴰⵟⴰⵙ ⵏ ⵜⵡⵓⵖⴰ ⵜⵉⵎⴻⵣⵔⵓⵢⴰⵏⵉⵏ ⴰⵢ ⴷ-ⵢⴻⴹⵔⴰⵏ ⵙⴻⴳ ⵢⵉⵎⴻⵏⵖⵉ-ⵏⵙⴻⵏⵜ.

ⴷ ⵉⴳⵉⵎⴰⵏ (ⵍⵓⵍⵓⴼ) ⵏ ⵢⵉⵙⴻⵔⴷⴰⵙⴻⵏ ⵓⴳⴰⵏⴷⵉⵢⴻⵏ ⴰⵢ ⵍⴰ ⵢⴻⵜⵜⵏⴰⵖⴻⵏ ⵖⴻⵔ ⵢⵉⴷⵉⵙ ⵏ ⵢⵉⵖⴰⵍⵍⴻⵏ ⵏ ⵙⴰⵍⵠⴰ ⴽⵉⵉⵔ ⵢⴻⵔⵏⴰ ⵜⵜⵄⴰⵡⴰⵏⴻⵏ-ⵜⴻⵏ ⵢⵉⴽⵓⴱⵟⵉⵔⴻⵏ, ⵎⴰ ⴷ ⵙⵓⴷⴰⵏ ⵜⴻⵜⵜⵡⴰⵜⵜⵀⴻⵎ ⵙ ⵜⵓⴽⵛⵉ ⵏ ⵍⴻⵙⵍⴰⵃ ⵉ ⵢⵉⵖⴻⵡⵡⴰⵖⴻⵏ ⵏ ⵎⴰⵛⵀⴰⵔ. ⵉⵖⴻⵡⵡⴰⵖⴻⵏ ⴰⵢ ⴷ-ⵢⵓⵙⴰⵏ ⵙⴻⴳ ⵜⴻⵎⵏⴰⴹⵜ ⵜⴰⵙⵓⴷⴰⵏⵉⵜ ⵏ ⴷⴰⵕⴼⵓⵔ (ⴷⴻⴳ ⵓⵜⴰⵔⴰⵎ [ⵍⵖⴻⵔⴱ]) ⵓⵍⴰ ⴷ ⵏⵉⵜⵏⵉ ⴷⴷⴰⵏ ⴷ ⵢⵉⵖⴰⵍⵍⴻⵏ ⵏ ⵓⵏⴰⴱⴰⴹ ⵏ ⵙⴰⵍⵠⴰ ⴽⵉⵉⵔ.