ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴻⵜⵜⴻⴼ ⵏ ⴼⵉⴼⴰ: ⵍⴻⵣⵣⴰⵢⴻⵔ ⵜⴻⵇⵇⴻⵍ-ⴷ ⵖⴻⵔ 20 ⵏ ⵜⵎⵓⵔⴰ ⵜⵉⵎⴻⵣⵡⵓⵔⴰ ⴷⴻⴳ ⵓⵎⴰⴹⴰⵍ
ⵣⵓⵔⵉⵛⵀ – ⵍⴻⵣⵣⴰⵢⴻⵔ ⵜⴻⵔⴱⴻⵃ-ⴷ 2 ⵏ ⵢⵉⵎⵓⴽⴰⵏ ⵢⴻⵔⵏⴰ ⵜⵓⵡⴻⴹ-ⴷ ⵖⴻⵔ ⵓⵎⴽⴰⵏ ⵡⵉⵙ 19 ⴷⴻⴳ ⵓⵙⴻⵜⵜⴻⴼ ⵏ ⵜⵎⵓⵔⴰ ⵏ ⵡⴰⵢⵢⵓⵔ-ⴰ ⵏ ⵜⴼⵉⴷⵉⵕⴰⵍⵉⵜ ⵜⴰⴳⵔⴰⵖⵍⴰⵏⵜ ⵏ ⵜⴽⵓⵔⵜ ⵏ ⵓⴹⴰⵔ (ⴼⵉⴼⴰ) ⴰⵢ ⴷ-ⵢⴻⴼⴼⵖⴻⵏ ⴰⵙⵙ ⵏ ⵍⴻⵅⵎⵉⵙ. ⵎⴰ ⴷ ⴰⵎⴽⴰⵏ ⴰⵎⴻⵣⵡⴰⵔⵓ ⵉⵚⴰⵃ-ⴷ ⵉ ⵜⴻⵕⵊⴻⵏⵜⵉⵏⵜ ⴰⵢ ⴰⵙ-ⵢⵓⵡⵢⴻⵏ ⴰⵎⴽⴰⵏ-ⵏⵏⴻⵙ ⵉ ⵜⴻⵍⵖⵓⵖⵜ ⵏ ⵓⵎⴰⴹⴰⵍ, ⵍⴰⵍⵎⴰⵏ. ⵔⵔⴱⴻⵃ ⵏ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ ⵎⴳⴰⵍ ⵙⴻⵢⵛⵀⴻⵍⵍⴻⵙ (4-0) ⴷ ⵓⵄⴻⴷⴷⵉ-ⵏⵏⴻⵙ ⵖⴻⵔ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ (ⵛⴰⵏ-2017) ⴷ ⴰⵢⴻⵏ ⴰⵢ ⵢⴻⴵⴵⴰⵏ ⵉⴷⵣⴰⵢⵔⵉⵢⴻⵏ ⴰⴷ ⴷ-ⵔⴻⴱⵃⴻⵏ ⵙⵉⵏ ⵏ ⵢⵉⵎⵓⴽⴰⵏ ⴷⴻⴳ ⵓⵙⴻⵜⵜⴻⴼ ⵏ ⵢⵓⵏⵢⵓ.
ⴷ ⵜⵉⴽⴽⴻⵍⵜ ⵜⵉⵙ ⵙⵏⴰⵜ ⴷⴻⴳ ⵍⴻⵣⵣⴰⵢⴻⵔ ⴰⴷ ⵜⴰⴷⴻⴼ ⵖⴻⵔ ⵡⵓⵎⵓⵖ ⵏ 20 ⵏ ⵜⵎⵓⵔⴰ ⵜⵉⵎⴻⵣⵡⵓⵔⴰ ⵏ ⵜⴽⵓⵔⵜ ⵏ ⵓⴹⴰⵔ ⵓⵙⴻⴳⴳⴰⵙ-ⴰ ⵙⴻⴳ ⵎⴰⵢⵓ ⵏ 2015. ⴷ ⴰⵛⵓ ⴽⴰⵏ, ⵍⴻⵣⵣⴰⵢⴻⵔ ⵉⵚⴰⵃ-ⵉⵜⵜ-ⵉⴷ ⵢⴰⴳⵉ ⵓⵎⴽⴰⵏ ⵡⵉⵙ 18 ⴳⴰⵔ ⴷⵓⵊⴻⵎⴱⴻⵕ 2014 ⴷ ⵎⴻⵖⵔⴻⵙ 2015.
ⵙⴻⴳ ⵢⵉⴷⵉⵙ ⴰⴼⵔⵉⵇⵉ, ⵍⴻⵣⵣⴰⵢⴻⵔ ⴷ ⵏⴻⵜⵜⴰⵜ ⴰⵢ ⴷ ⵜⴰⵎⵓⵔⵜ ⵜⴰⵎⴻⵣⵡⴰⵔⵓⵜ ⴷⴻⴳ ⵜⴽⵓⵔⵜ ⵏ ⵓⴹⴰⵔ ⵙ 941 ⵏ ⵜⴻⵏⵇⵉⴹⵉⵏ, ⵢⴻⵔⵏⴰ ⵜⴻⵣⵡⴰⵔ ⵛôⵜⴻ ⴷ’ⵉⵠⵧⵉⵔⴻ (ⵓⵎⵉ ⴷ-ⵉⵚⴰⵃ ⵓⵎⴽⴰⵏ ⵡⵉⵙ 21 ⴷⴻⴳ ⵓⵎⴰⴹⴰⵍ), ⵓⵍⴰ ⵎⴰ ⴷ ⵜⴰⵏⴻⴳⴳⴰⵔⵓⵜ-ⴰ ⴰⵢ ⴷ ⵜⴰⵍⵖⵓⵖⵜ ⵏ ⵜⴻⴼⵔⵉⵇⵜ. ⴳⵀⴰⵏⴰ (ⵜⵉⵙ 25) ⴷ ⵏⴻⵜⵜⴰⵜ ⴰⵢ ⴷ ⵜⵉⵙ 3 ⴷⴻⴳ ⵜⴻⴼⵔⵉⵇⵜ. ⵎⴰ ⴷ 3-ⵏⵏⵉ ⵏ ⵢⵉⵅⵚⵉⵎⴻⵏ ⵏ ⵍⴻⵣⵣⴰⵢⴻⵔ ⴷⴻⴳ ⵜⴻⵎⵍⵉⵍⵉⵢⵉⵏ ⵏ ⵓⵄⴻⴷⴷⵉ ⵏ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ ⵏ ⵢⵉⵖⵍⴰⵏⴻⵏ 2017, ⵢⴰⵍ ⵢⵉⵡⴻⵜ ⴷⴻⴳ-ⵙⴻⵏⵜ ⴷ ⴰⵛⵓ ⵏ ⵓⵎⴽⴰⵏ ⴰⵢ ⵜⵜ-ⵉⴷ-ⵉⵚⴰⵃⴻⵏ. ⵉⵜⵢⵓⵒⵢⴰ ⵉⵚⴰⵃ-ⵉⵜⵜ-ⵉⴷ ⵓⵎⴽⴰⵏ ⵡⵉⵙ 101 ⴷⴻⴳ ⵓⵎⴰⴹⴰⵍ, ⵢⵉⵍⵉ ⴷ ⵏⴻⵜⵜⴰⵜ ⴰⵢ ⴷ ⵜⴰⵎⴻⵣⵡⴰⵔⵓⵜ ⴷⴻⴳ ⵜⴻⴳⵔⴰⵡⵜ ⵊ ⵖⴻⵔ ⵢⵉⴷⵉⵙ ⵏ ⵍⴻⵣⵣⴰⵢⴻⵔ. ⵍⴻⵙⵧⵜⵀⵧ, ⵜⴰⵅⵚⵉⵎⵜ ⵡⵓⴽⵓⴷ ⴰⵔⴰ ⵜⵓⵔⴰⵔ ⵍⴻⵣⵣⴰⵢⴻⵔ ⵜⵉⴽⴽⴻⵍⵜ ⴰⵢ ⴷ-ⵢⴻⵜⵜⴻⴷⴷⵓⵏ, ⵉⵚⴰⵃ-ⵉⵜⵜ-ⵉⴷ ⵓⵎⴽⴰⵏ ⵡⵉⵙ 131. ⵎⴰ ⴷ ⵙⴻⵢⵛⵀⴻⵍⵍⴻⵙ ⵜⵓⵍⴻⵢ-ⴷ ⵙ ⵢⵉⵡⴻⵏ ⵏ ⵓⵎⴽⴰⵏ ⵖⴻⵔ ⵜⵉⵙ 186. ⵎⴰ ⴷ ⵜⴰⵕⵊⴻⵏⵜⵉⵏⵜ ⴰⵢ ⵢⴻⵍⵍⴰⵏ ⴷ ⵜⴰⵎⴻⵣⵡⴰⵔⵓⵜ ⴰⵢⵢⵓⵔ-ⴰ, ⴷ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴷⴻⴳ 7 ⵏ ⵢⵉⵙⴻⴳⴳⴰⵙⴻⵏ ⴷⴻⴳ ⴰⵔⴰ ⵜⵄⴰⵡⴻⴷ ⴰⴷ ⵜ-ⵜⴻⴹⴹⴻⴼ.
ⵛⵉⵍⵉ, ⴰⵢ ⵢⴻⵇⵇⵍⴻⵏ ⵙⴻⴳ ⵎⴻⵍⵎⵉ ⴽⴰⵏ ⴷ ⵜⴰⵍⵖⵓⵖⵜ ⵏ ⵜⴻⵎⵔⵉⴽⵜ ⵏ ⵓⵏⵥⵓⵍ, ⵜⴻⵔⴱⴻⵃ-ⴷ 8 ⵏ ⵢⵉⵎⵓⴽⴰⵏ ⴰⴽⴽⴻⵏ ⴰⴷ ⴷ-ⵜⴻⵣⴳ ⴷ ⵜⵉⵙ 11. ⵎⴰ ⴷ ⴼⵕⴰⵏⵙⴰ, ⴰⵢ ⵉⵅⴻⵚⵔⴻⵏ ⴷⴻⴳ ⵡⴰⴽⴰⵍ-ⵏⵏⴻⵙ ⴷⴻⴳ ⵜⴻⵎⵍⵉⵍⵉⵜ ⵜⴰⵎⵎⵉⴷⵡⴰⵏⵜ ⵎⴳⴰⵍ ⴱⵉⵍⵊⵉⴽ (3-4), ⵙⴰⴽⴽⵉⵏ ⵜⴻⵔⵏⴰ ⵜⴻⵅⵚⴻⵔ ⵎⴳⴰⵍ ⴰⵍⴱⴰⵏⵢⴰ (0-1), ⵜⴻⵇⵇⴻⵍ ⵖⴻⵔ ⴷⴻⴼⴼⵉⵔ ⵙ 13 ⵏ ⵢⵉⵎⵓⴽⴰⵏ ⵢⴻⵔⵏⴰ ⵜⴻⵣⴳⴰ-ⴷ ⴷ ⵜⵉⵙ 22 (ⵢⴻⵔⵏⴰ ⴷ ⵜⴰⵎⵓⵔⵜ ⵜⵓⵕⵓⴼⵉⵜ ⵜⵉⵙ 15). ⵟⵟⴰⵍⵢⴰⵏ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⴻⵣⴳⴰ-ⴷ ⴷ ⵜⵉⵙ 17 (ⴷ ⵜⵉⵙ 12 ⴷⴻⴳ ⵜⵓⵕⵓⴼⵜ). ⵙ ⵡⴰⵢⴰ, ⵙⵏⴰⵜ-ⴰ ⵏ ⵜⵎⵓⵔⴰ ⵓⵔ ⵜⴻⵏⵜ-ⵉⴷ-ⵢⴻⵜⵜⵚⴰⵃ ⴰⵔⴰ ⴰⴷ ⵜⵜⴻⴽⴽⵉⵏⵜ ⴷ ⵜⵉⵎⴻⵣⵡⵓⵔⴰ ⴷⴻⴳ ⵜⴻⵙⵖⴰⵔⵜ ⵏ 25 ⵢⵓⵍⵢⵓ ⴷⴻⴳ ⵙⴰⵉⵏⵜ ⵒⴻⵜⴻⵔⵙⴱⵓⵔⴳ ⵏ ⵜⴻⴳⵔⴰⵡⵉⵏ ⴰⵔⴰ ⵢⴻⵜⵜⴻⴽⴽⵉⵏ ⴷⴻⴳ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ 2018.
ⵉⴱⴻⴷⴷⵉⵍⴻⵏ-ⴰ ⵉⵎⴻⵇⵔⴰⵏⴻⵏ ⵍⵍⴰⵏ-ⴷ ⵍⴰⴷⵖⴰ ⵖⴻⴼ ⵍⴵⴰⵍ ⵏ ⵡⴰⵟⴰⵙ ⵏ ⵜⴻⵎⵍⵉⵍⵉⵢⵉⵏ ⴰⵢ ⵢⴻⵜⵜⵡⵓⵔⴰⵔⴻⵏ ⴰⵢⵢⵓⵔ ⵢⴻⵣⵔⵉⵏ. 26 ⵏ ⵜⴻⵎⵍⵉⵍⵉⵢⵉⵏ ⴰⵢ ⵢⴻⵜⵜⵡⵓⵔⴰⵔⴻⵏ ⴷⴻⴳ ⵛⵧⵒⴰ ⴰⵎéⵔⵉⵛⴰ (ⵜⴰⵇⴱⵓⵛⵜ ⵏ ⵜⴻⵎⵔⵉⴽⵜ), 99 ⵏ ⵜⴻⵎⵍⵉⵍⵉⵢⵉⵏ ⵏⵉⴹⴻⵏ ⵍⵍⴰⵏⵜ-ⴷ ⴷⴻⴳ ⵓⴽⴰⵜⴰⵔ ⵏ ⵓⵄⴻⴷⴷⵉ ⵖⴻⵔ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ 2018 ⵏⴻⵖ ⴷⴻⴳ ⵜⴻⵎⵙⵉⵣⴻⵡⵔⵉⵏ ⵜⵉⵎⴻⵏⵥⴰⵡⴰⵏⵉⵏ, ⵢⴻⵔⵏⴰ 88 ⵏ ⵜⴻⵎⵍⵉⵍⵉⵢⵉⵏ ⵜⵉⵎⵎⵉⴷⵡⴰⵏⵉⵏ ⴰⵢ ⴷ-ⵢⴻⵍⵍⴰⵏ. ⵜⵉⵎⵍⵉⵍⵉⵢⵉⵏ-ⴰ ⴰⴽⴽ ⵇⵔⵉⴱ ⴷ ⴰⵣⴳⴻⵏ ⵙⴻⴳ ⵡⴰⴽⴽ ⵜⵉⴷ ⴰⵢ ⵢⴻⵜⵜⵡⵓⵔⴰⵔⴻⵏ ⴰⵔ ⴰⵙⵙ-ⴰ ⴷⴻⴳ ⵓⵙⴻⴳⴳⴰⵙ ⵏ 2015 (477). ⵙⴻⴳ ⵜⴰⵎⴰ ⵏⵉⴹⴻⵏ, ⵢⴻⵙⵙⴻⴼⴽ ⴰⴷ ⴷ-ⵏⴳⴻⵔ ⵜⴰⵎⴰⵡⵜ ⴷ ⴰⴽⴽⴻⵏ ⵜⵉⵎⵍⵉⵍⵉⵢⵉⵏ ⴰⵢ ⵢⴻⵜⵜⵡⵓⵔⴰⵔⴻⵏ ⴷⴻⴳ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵜⴰⵏⴻⴳⴳⴰⵔⵓⵜ ⵢⴻⵖⵍⵉ ⵡⴰⵣⴰⵍ-ⵏⵙⴻⵏⵜ. ⴰⵙⴻⵜⵜⴻⴼ ⴰⵎⴰⴹⵍⴰⵏ ⴰⵢ ⴷ-ⵢⴻⵜⵜⴻⴷⴷⵓⵏ ⵏ ⴼⵉⴼⴰ ⴰⴷ ⴷ-ⵢⴻⴼⴼⴻⵖ ⴷⴻⴳ 6 ⵖⵓⵛⵜ ⴰⵢ ⴷ-ⵢⴻⵜⵜⴻⴷⴷⵓⵏ.
