ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵏⵇⴰⵙ ⵏ ⵍⴻⵎⵄⴰⵡⵏⴰ ⵉ ⵡⵉⴷ ⵢⴻⵙⵙⴰⴵⴰⵡⴻⵏ ⵙⵙⴻⵍⵄⴰ ⵖⴻⵔ ⵍⴱⴻⵕⵕⴰⵏⵉ ⴷⴻⴳ 2014

ⵍⴻⵣⵣⴰⵢⴻⵔ – ⴰⵊⴻⵎⵎⴰⵍ ⵏ ⵢⵉⴷⵔⵉⵎⴻⵏ ⴰⵢ ⵢⴻⴼⴽⴰ ⵓⵙⴻⵏⴷⵓⵇ ⵓⵣⵣⵉⴳ ⵉ ⵓⵙⵎⴰⵍ ⵏ ⵓⵙⵙⵉⴵⴻⵡ ⵉ ⵜⴽⴻⴱⴱⴰⵏⵉⵢⵉⵏ ⴰⵢ ⵢⴻⵙⵙⴰⴵⴰⵡⴻⵏ ⵙⵙⴻⵍⵄⴰ ⵖⴻⵔ ⵓⵣⵖⴰⵔ (ⵎⴻⵏⵖⵉⵔ ⵉⵙⴻⵔⵖⴰ) ⵢⴻⵏⵇⴻⵙ ⵙ 42% ⴷⴻⴳ 2014 ⵖⴻⴼ ⵍⴻⵃⵙⴰⴱ ⵏ ⵓⵙⴻⴳⴳⴰⵙ ⵢⴻⵣⵔⵉⵏ.

ⵉⴷⵔⵉⵎⴻⵏ ⵏ ⵍⴻⵎⵄⴰⵡⵏⴰ ⴷ ⵜⵔⵉⵔⵉⵜ ⵏ ⵢⵉⴷⵔⵉⵎⴻⵏ ⵙⵖⵓⵔ ⵓⵙⴻⵏⴷⵓⵇ ⵏ ⵓⵣⵣⵉⴳ ⵏ ⵓⵙⵎⴰⵍ ⵏ ⵓⵙⵙⵉⴵⴻⵡ ⵢⴻⵏⵇⴻⵙ-ⴷ ⵖⴻⵔ 527 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⴷⴻⴳ 2014, ⴷ ⴰⵙⴻⴳⴳⴰⵙ ⴷⴻⴳ ⵜⵜⵡⴰⵙⴽⴻⵢⴷⴻⵏ 251 ⵏ ⵢⵉⴽⴰⵔⴰⵎⴻⵏ, ⴷⴻⴳ ⵡⴰⴽⵓⴷ ⴷⴻⴳ ⴷⴻⴳ 2013, ⴰⵙⴻⵏⴷⵓⵇ-ⴰ ⵢⴻⴼⴽⴰ 920 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⵙⴷⴻⴼⴼⵉⵔ ⵎⴰ ⵢⴻⵙⵙⴻⴽⵢⴻⴷ 250 ⵏ ⵢⵉⴽⴰⵔⴰⵎⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ ⵏ ⵓⴹⴼⴰⵔ ⴷ ⵓⵙⵎⴰⵍ ⵏ ⵢⵉⵎⴱⴰⴷⴷⵍⴻⵏ ⵉⵎⵙⴻⵏⵣⵉⵢⴻⵏ ⴷⴻⴳ ⵓⵖⵍⵉⴼ ⵏ ⵜⵏⴻⵣⵣⵓⵜ, ⵎⴻⵙⵙⴰⵧⵓⴷ ⴱⴻⴳⴳⴰⵀ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.

ⴰⵙⵙⵉⴵⴻⵡ ⵏ ⵢⵉⴼⴰⵔⵉⵙⴻⵏ ⵉⵎⴳⵓⵔⴰⵏⴻⵏ ⵢⴻⵙⴼⴰⵢⴷⵉ-ⴷ ⵙⴻⴳ 270 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵏⴰⵕⴻⵏ ⵏ ⵍⴻⵎⵄⴰⵡⵏⴰ ⴰⵙⴻⴳⴳⴰⵙ ⵢⴻⵣⵔⵉⵏ, ⵢⴻⵔⵏⴰ ⴰⵢⴰ ⵢⴻⵜⵜⴳⴻⵏⵙⵉⵙ-ⴷ 51% ⵙⴻⴳ ⵍⴻⵎⵄⴰⵡⵏⴰ ⵏ ⵓⵙⴻⵏⴷⵓⵇ-ⴰ. ⵎⴰ ⴷ ⵍⴻⵎⵄⴰⵡⵏⴰ ⵉ ⵢⵉⴼⴰⵔⵉⵙⴻⵏ ⵏ ⵜⴼⴻⵍⵍⴰⵃⵜ ⵜⴻⴹⴹⴻⴼ ⴽⴰⵏ 0,16% ⵙ ⵓⵊⴻⵎⵎⴰⵍ ⵏ 870.000 ⵏ ⵢⵉⴷⵉⵏⴰⵕⴻⵏ.

ⴰⵣⴰⵍ ⵏ 157 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ (30% ⵙⴻⴳ ⵓⵊⴻⵎⵎⴰⵍ) ⴰⵢ ⵢⴻⵜⵜⵓⵏⴻⴼⴽⴻⵏ ⴷ ⵍⴻⵎⵄⴰⵡⵏⴰ ⵉ ⵓⵙⵙⵉⴵⴻⵡ ⵏ ⵜⵉⵏⵉ (ⵜⵜⵎⴻⵕ) ⵖⴻⵔ ⵓⵣⵖⴰⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⴻⴳⴳⴰⵀ ⵢⴻⵍⵍⴰⵏ ⴷⴰⵖ ⴷ ⴰⵙⴻⴼⵔⴰⴽ ⵏ ⵓⵙⴻⵏⴷⵓⵇ-ⴰ. ⵜⵜⵓⵏⴻⴼⴽⴻⵏ ⴷⴰⵖ 95,5 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⴷ ⵍⴻⵎⵄⴰⵡⵏⴰ ⵉ ⵓⵜⵜⴻⴽⴽⵉ ⵏ ⵜⴽⴻⴱⴱⴰⵏⵉⵢⵉⵏ ⴷⴻⴳ ⵜⴻⵎⵣⵉⴽⴽⵏⵉⵏ ⵜⵉⵖⴻⵍⵏⴰⵡⵉⵏ ⴷ ⵜⴻⴳⵔⴰⵖⵍⴰⵏⵉⵏ, ⴷⴻⴳ ⵡⴰⴽⵓⴷ ⴷⴻⴳ ⵜⵜⵡⴰⵚⴻⵔⵔⴼⴻⵏ 54 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⵉ ⵍⵎⴻⵏⴷ ⵏ ⵡⴰⵢⴰ ⴷⴻⴳ 2013. ⵜⵉⵔⵉⵔⵉⵜ ⵏ ⵢⵉⴷⵔⵉⵎⴻⵏ ⵉ ⵓⵙⵙⵉⴵⴻⵡ ⵏ ⵜⵉⵏⵉ ⵍⵍⴰⵏ ⴷⴻⴳ-ⵙ 80% ⵙⴻⴳ ⵡⴰⵢⴻⵏ ⴰⵢ ⴷ-ⵢⴻⵙⵇⴰⵎ ⵓⵎⴻⵙⵏⵉ, ⵎⴰ ⴷ ⵍⴻⵎⵄⴰⵡⵏⴰ ⵏ ⵢⵉⴼⴰⵔⵉⵙⴻⵏ ⵏ ⵜⴼⴻⵍⵍⴰⵃⵜ ⵍⵍⴰⵏ ⴷⴻⴳ-ⵙ 50% ⴷ ⵉⴷⵔⵉⵎⴻⵏ ⵏ ⵓⵎⴻⵙⵏⵉ, ⵎⴰ ⴷ ⵉⴷⵔⵉⵎⴻⵏ ⵏ ⵓⵙⵙⵉⴵⴻⵡ ⵏ ⵢⵉⴼⴰⵔⵉⵙⴻⵏ ⵉⵎⴳⵓⵔⴰⵏⴻⵏ 25% ⵙⴻⴳ-ⵙⴻⵏ ⴷ ⵉⴷⵔⵉⵎⴻⵏ ⵏ ⵓⵎⴻⵙⵏⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴱⴻⴳⴳⴰⵀ.

ⴰⵙⴻⵏⴷⵓⵇ ⵓⵣⵣⵉⴳ ⵏ ⵓⵙⵎⴰⵍ ⵏ ⵓⵙⵙⵉⴵⴻⵡ ⵢⴻⵙⵙⴻⴱⴷⴻⴷ-ⵉⵜ-ⵉⴷ ⵍⵇⴰⵏⵓⵏ ⵏ ⵜⴻⴷⵔⵉⵎⵜ ⵏ 1996, ⵢⴻⵔⵏⴰ ⴳⴰⵏ-ⵜ-ⵉⴷ ⵉ ⵓⵄⴰⵡⴻⵏ ⵏ ⵜⴽⴻⴱⴱⴰⵏⵉⵢⵉⵏ ⵜⵉⵎⵙⵉⴵⵡⵉⵏ ⵙ ⵢⵉⴷⵔⵉⵎⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵎⴰⵍ ⴷ ⵓⵙⵙⵉⵡⴻⴹ ⵏ ⵢⵉⴼⴰⵔⵉⵙⴻⵏ-ⵏⵙⴻⵏ ⵖⴻⵔ ⵍⴻⵙⵡⴰⵇ ⵉⴱⴻⵕⵕⴰⵏⵉⵢⴻⵏ.

ⵍⵍⴰⵏⵜ 42.000 ⵏ ⵜⴽⴻⴱⴱⴰⵏⵉⵢⵉⵏ ⴰⵢ ⵉⵅⴻⴷⴷⵎⴻⵏ ⴷⴻⴳ ⵓⵏⵔⴰⵔ ⵏ ⵜⵏⴻⵣⵣⵓⵜ ⵜⴰⴱⴻⵕⵕⴰⵏⵉⵜ, ⵎⴰⵛⴰ 1% ⵙⴻⴳ-ⵙⴻⵏⵜ (450 ⵏ ⵜⴽⴻⴱⴰⵏⵉⵢⵉⵏ) ⴰⵢ ⵢⴻⵙⵙⴰⴵⴰⵡⴻⵏ, ⵢⴻⵔⵏⴰ ⴷⴷⴰⵡ ⵏ 160 ⵙⴻⴳ-ⵙⴻⵏⵜ ⴰⵢ ⵢⴻⵣⴳⴰⵏ ⵙⵙⴰⴵⴰⵡⴻⵏⵜ ⵙⵙⴻⵍⵄⴰ-ⵏⵙⴻⵏⵜ.