ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵎⵛⵉⵡⴻⵕ ⴳⴰⵔ ⵢⵉⵍⵉⴱⵉⵢⴻⵏ: ⵍⴻⵣⵣⴰⵢⴻⵔ ⵢⴻⵄⵊⴻⴱ-ⴰⵙ ⵡⴰⵎⴻⴽ ⴰⵢ ⴷⴷⴰⵏⵜ ⵍⵓⵎⵓⵕ
ⵍⴻⵣⵣⴰⵢⴻⵔ – ⵍⴻⵣⵣⴰⵢⴻⵔ ⵜⴻⵏⵏⴰ-ⴷ ⴷ ⴰⴽⴽⴻⵏ ⵢⴻⵄⵊⴻⴱ-ⴰⵙ ⵡⴰⵎⴻⴽ ⴰⵢ ⴷⴷⴰⵏⵜ ⵜⵖⴰⵡⵙⵉⵡⵉⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵎⵛⵉⵡⴻⵕ ⴰⵖⴻⵍⵏⴰⵡ ⴳⴰⵔ ⵢⵉⵍⵉⴱⵉⵢⴻⵏ ⴰⵢ ⴷ-ⵢⴻⵍⵍⴰⵏ ⴷⴷⴰⵡ ⵜⵎⴻⵀⵍⴰ ⵏ ⵓⴳⴻⵏⵙⴰⵙ ⵓⵣⵣⵉⴳ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵍⵉⴱⵢⴰ, ⴱⴻⵔⵏⴰⵔⴷⵉⵏⵧ ⵍⴻⵧⵏ ⵉ ⵍⵎⴻⵏⴷ ⵏ ⵓⴼⴰⴽⵉ ⵏ ⵜⴰⵍⵓⴼⵜ ⴰⵢ ⵉⵃⵓⵣⴰⵏ ⵜⴰⵎⵓⵔⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⵃⴻⴷⴷ ⵓⵏⴻⵟⵟⴰⵇ ⵏ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⴰⴱⴷⴻⵍⴰⵣⵉⵣ ⴱⴻⵏⴰⵍⵉ ⵛⵀⴻⵔⵉⴼ.
« ⵍⴰ ⵏⴻⵜⵜⴹⴰⴼⴰⵔ ⵢⴻⵔⵏⴰ ⵏⴻⵔⵔⴰ-ⴷ ⵎⵍⵉⵃ ⴷⴷⴻⵀⵏ-ⵏⵏⴻⵖ ⵖⴻⵔ ⵓⵎⵛⵉⵡⴻⵕ ⴰⵖⴻⵍⵏⴰⵡ ⴳⴰⵔ ⵢⵉⵍⵉⴱⵉⵢⴻⵏ ⴰⵢ ⵢⴻⵏⵀⴻⵕ ⵓⴳⴻⵏⵙⴰⵙ ⵓⵣⵣⵉⴳ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵍⵉⴱⵢⴰ, ⵎⴰⵙⵙ ⴱⴻⵔⵏⴰⵔⴷⵉⵏⵧ ⵍⴻⵧⵏ, ⵢⴻⵔⵏⴰ ⵢⴻⵄⵊⴻⴱ-ⴰⵖ ⵓⴼⴰⵔⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⴽⴰⵍⴰ-ⴰ ⵉ ⵓⵙⵙⵓⴼⴼⴻⵖ ⵏ ⵜⵎⵓⵔⵜ-ⴰ ⵙⴻⴳ ⵜⴰⵍⵓⴼⵜ », ⴰⵢ ⴷ-ⵢⴻⵏⵏⴰ ⵓⵏⴻⵟⵟⴰⵇ ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⵉ ⵜⵏⴻⴳⴳⴰ ⵏ ⵜⵖⴻⵎⵙⴰ ⵏ ⵍⴻⵣⵣⴰⵢⴻⵔ.
« ⵏⴳⴻⵔ ⵜⴰⵎⴰⵡⵜ ⴷ ⴰⴽⴽⴻⵏ ⵢⴻⵍⵍⴰ-ⴷ ⵓⵙⵓⵔⵉⴼ ⵢⴻⵍⵀⴰⵏ ⵖⴻⵔ ⵙⴷⴰⵜ ⴷⴻⴳ ⵓⴽⴰⵍⴰ ⵏ ⴼⴻⵔⵔⵓ ⴰⵙⴻⵔⵜⵉ, ⴰⵎⴻⵍⵡⵉ ⵏ ⵜⴰⵍⵓⴼⵜ ⴷⴻⴳ ⵍⵉⴱⵢⴰ ⵢⴻⵔⵏⴰ ⵏⴳⴻⵔ-ⴷ ⵜⵉⵖⵔⵉ ⵉ ⵡⴰⴽⴽ ⵉⵎⴻⴳⴳⵉⵢⴻⵏ ⴷ ⵢⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ, ⵎⴻⵏⵖⵉⵔ ⵜⵉⴳⵔⴰⵡⵉⵏ ⴰⵢ ⵢⴻⵜⵜⵡⴰⵃⴻⵙⴱⴻⵏ ⴷ ⵜⵉⵔⴻⴱⵔⴰⴱⵉⵏ, ⴰⴽⴽⴻⵏ ⴰⴷ ⴼⴽⴻⵏ ⴰⵣⴰⵍ ⵉ ⵏⵏⴼⴻⵄ ⵉⵎⵉⵏⴻⴳ ⵏ ⵓⵖⵔⴻⴼ ⴰⵍⵉⴱⵉ ⵢⴻⵔⵏⴰ ⵢⴰⵍ ⵢⵉⵡⴻⵏ ⴰⴷ ⵢⴻⴵⴵ ⵙⴻⴳ ⵓⵎⵓⵔ-ⵏⵏⴻⵙ ⵉ ⵡⴰⵢⴻⴹ, ⵉⵎⵉ ⴷ ⴰⵢⴰ ⴰⵢ ⵢⴻⵙⵙⴻⴼⴽⴻⵏ ⵉ ⵓⴹⵎⴰⵏ ⵏ ⵜⴷⵓⴽⵍⵉ ⴷ ⵓⵏⵏⵓⵎⵎⴻⴷ ⵏ ⵡⴰⴽⴰⵍ ⵏ ⵍⵉⴱⵢⴰ ⵜⴰⵡⴻⵍⵜⵎⴰⵜ, ⴷ ⵓⵃⵔⴰⵣ ⵏ ⵜⵏⴰⵢⴰ-ⵏⵏⴻⵙ ⴷ ⵓⵎⵜⴰⵡⴰ ⵏ ⵓⵖⵔⴻⴼ-ⵏⵏⴻⵙ, ⴰⵎ ⵡⴰⴽⴽⴻⵏ ⴷ ⴰⵢⴰ ⴰⵔⴰ ⵉⵔⴻⵥⵎⴻⵏ ⴰⴱⵔⵉⴷ ⵉ ⵍⴻⴱⵏⵉ ⵏ ⵜⵙⵓⴷⴰ ⵜⵉⴷⵓⵎⴰⵏⵉⵏ ⴷ ⵓⵙⵙⴻⵡⵍⵉⵡⴻⵍ ⵏ ⵡⴰⴽⴽ ⵜⵉⵣⴻⵎⵎⴰⵔ ⴷ ⵜⵥⴻⵡⵔⵉⵏ ⵉ ⵓⴹⵎⴰⵏ ⵏ ⵓⵔⴽⴰⴷ ⴷⴻⴳ ⵍⵉⴱⵢⴰ ⴷ ⵢⵉⵎⴻⵏⵖⵉ ⴰⵎⴻⵍⵍⵉⵍ ⵎⴳⴰⵍ ⵔⵔⴻⴱⵔⴰⴱ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵍⴻⵣⵣⴰⵢⴻⵔ « ⴰⴷ ⵜⴽⴻⵎⵎⴻⵍ, ⴷⴻⴳ ⵢⵉⴷⵉⵙ-ⵏⵏⴻⵙ, ⴰⴷ ⵜⴻⵜⵜⴻⴽⴽⴰⵢ ⴷⴻⴳ ⵍⴻⴱⵏⵉ ⵏ ⵜⴰⵍⵡⵉⵜ ⵜⵎⵓⵔⵜ-ⴰ ⵜⴰⵡⴻⵍⵜⵎⴰⵜ, ⵜⴰⵏⴰⵔⴰⴳⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵓⵏⴻⵟⵟⴰⵇ.
