ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⴻⵍⵍⴰⵍ ⵢⴻⵕⵥⴻⵎ ⵢⵉⵡⴻⵜ ⵏ « ⵜⴰⴷⴷⴰⵔⵜ ⵓⵎⴻⵔⵔⴰⵃ ⴷ ⵓⵀⵍⵉⵙ » ⴷⵉ ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ

ⵍⴻⵣⵣⴰⵢⴻⵔ – ⴰⵏⴻⵖⵍⴰⴼ ⴰⵎⴻⵏⵣⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⵢⴻⵕⵥⴻⵎ ⴰⵙⵙ ⵏ ⵍⴰⵕⴻⴱⵄⴰ ⴷⵉ ⵍⴻⵣⵣⴰⵢⴻⵔ ⵢⵉⵡⴻⵜ ⵏ " ⵜⴰⴷⴷⴰⵔⵜ ⵓⵎⴻⵔⵔⴰⵃ ⴷ ⵓⵀⵍⵉⵙ" ⴷⴻⴳ ⵢⴻⵍⵍⴰ ⴰⴽⴽ ⴰⵢⴻⵏ ⵉⵡⴰⵜⴰⵏ ⵉ ⵡⵓⵔⴰⵔ ⴷ ⵓⵎⴻⵔⵔⴰⵃ ⵉ ⵢⵉⴳⵓⵔⴷⴰⵏ, ⵉ ⵢⴻⵍⵎⴻⵥⵢⴻⵏ ⴰⴽⴽ ⴷ ⵜⵡⴰⵛⵓⵍⵉⵏ ⴷⴻⴳ ⵡⵓⵙⵙⴰⵏ ⵓⵏⴻⴱⴷⵓ.

ⵢⴻⵜⵜⵡⴰⵀⴻⴳⴳⴰ ⵙⴻⴳ ⵡⴻⵖⵍⵉⴼ ⵏ ⵢⴻⵍⵎⴻⵥⵢⴻⵏ ⴷ ⵡⴰⴷⴷⴰⵍ, ⵜⴰⴷⵡⵉⵍⵜ-ⴰⴳⵉ ⵜⴰⵎⴻⵣⵡⴰⵔⵓⵜ, ⵉⴷ-ⵢⴻⵍⵍⴰⵏ ⴷⴻⴳ ⵡⴰⵏⵏⴰⵔ ⵎⵧⵀⴰⵎⴻⴷ-ⴱⵧⵓⴷⵉⴰⴼ, ⴰⴷ ⵢⴻⵇⵇⵉⵎ ⴰⵔⵎⵉ ⴷ ⴰⵙⵙ ⵡⵉⵙ 9 ⵙⴻⴳ ⵛⵟⴰⵎⴱⴻⵕ ⴰⴷ ⵢⴻⵜⵜⵡⴻⵍⴷⵉ ⵉ ⵎⴻⴷⴷⴻⵏ ⵙⴻⴳ ⵡⴰⵙⵙ ⵏ ⵍⴰⵅⵎⵉⵙ ⴷ ⴰⴼⴻⵍⵍⴰ.

ⵎⴱⴰⵄⴷ ⵎⵉ ⵉⴱⴻⴷⴷ ⴷⵉ ⵜⴷⴻⴽⴽⴰⵏⵉⵏ ⵏ 48 ⵏ ⵜⵡⵉⵍⴰⵢⵉⵏ ⵏ ⵜⵎⵓⵔⵜ, ⵎⴰⵙ ⵙⴻⵍⵍⴰⵍ ⵉⵕⵓⵃ ⵖⴻⵔ ⵡⴰⵏⴷⴰ ⵍⵍⴰⵏ ⵡⵓⵔⴰⵔⴻⵏ ⵙ ⵜⵜⴰⵡⵉⵍ ⵏ ⵜⴱⵉⴷⵢⵓⵜⵉⵏ, ⵖⴻⵔ ⵙⵙⵉⵏⵉⵎⴰ ⴷⴻⴳ ⵓⴱⴻⵟⵟⴰⵃⵟⴰⵃ ⴰⴽⴽ ⴷ ⵜⴰⵢⴻⴹ ⴰⵔⴰ ⴷ-ⵉⴱⴻⴳⴳⵏⴻⵏ ⵉⵙⵓⵔⴰ ⵓⵎⵉ ⵇⵇⴰⵕⴻⵏ (9 ⴷ).

ⴷⴷⵓⴽⴽⵍⴻⵏ ⵢⵉⴷ-ⵙ ⴽⵔⴰ ⵉⵏⴻⵖⵍⴰⴼⴻⵏ ⵓⵏⴰⴱⴰⴹ, ⴰⵏⴻⵖⵍⴰⴼ ⴰⵎⴻⵣⵡⴰⵔⵓ ⵉⴼⵓⵕⴻⵙ ⵜⴰⴳⵏⵉⵜⵜ-ⴰⴳⵉ ⴰⴽⴽⴻⵏ ⴰⴷ ⵢⴻⵙⵙⵉⵡⴻⵍ ⵉ ⵢⵉⴳⵓⵔⴷⴰⵏ ⴷ ⵢⴻⵍⵎⴻⵥⵢⴻⵏ, ⵜ-ⵉⴷ-ⵢⴻⵎⵎⵓⴳⴳⵔⴻⵏ, ⵉ " ⵍⴻⵃⵎⴰⵍⴰ ⵏ ⵜⵎⵓⵔⵜ ⴷ ⵓⵙⵏⴻⵔⵏⵉ ⵏ ⵜⵜⵕⴻⴱⴳⴰ ⵓⴷⵉⵡⴻⵏⵏⵉ ⵉ ⵍⴻⵣⵣⴰⵢⴻⵔ ⵢⴻⴷⴷⵓⴽⴽⵍⴻⵏ ⵙⴻⴳ ⵡⴻⴳⵎⵓⴹ ⴰⵔ ⴰⵜⴰⵔⴰⵎ ⵙⴻⴳ ⵓⴳⴰⴼⴰ ⵖⴻⵔ ⵡⴻⵏⵥⵓⵍ ".

" ⵜⴰⴷⴷⴰⵔⵜ ⵓⵎⴻⵔⵔⴰⵃ ⴷ ⵓⵀⵍⵉⵙ", ⴰⴷ ⵢⴻⵙⵙⴰⵡⴹⴻⵏ ⴰⵎⴹⴰⵏ ⵉⵏⴻⵔⵣⵓⴼⴰ ⵖⴻⵔ 20.000 ⵏ ⵢⴻⵎⴷⴰⵏⴻⵏ, ⵖⴻⴼ ⵍⴰⵃⵙⴰⴱ ⵏ ⵢⴻⵙⵓⴷⴷⵙⴻⵏ, ⴷⴻⴳ-ⵙ ⵢⵉⵡⴻⵏ ⵓⵎⴹⵉⵇ ⵓⵎⵉ ⴼⴽⴰⵏ ⵉⵙⴻⵎ "ⴷⴰⵔ ⴷⵣⴰⵉⵔ" ⴰⵏⴷⴰ ⵢⴻⵍⵍⴰ 48 ⵏ ⵜⴷⴻⴽⴽⴰⵏⵉⵏ ⴰⵏⴷⴰ ⴰⵔⴰ ⵡⴰⵍⵉⵏ ⵉⵏⴻⴱⴳⴰⵡⴻⵏ ⴰⵏⵙⴰⵢⴻⵏ ⵉⴷⴻⵍⵙⴰⵏⴻⵏ, ⵏ ⵜⵥⵓⵕⵉ ⵏ ⵢⴰⵍ ⵜⴰⵡⵉⵍⴰⵢⵜ ⵏ ⵜⵎⵓⵔⵜ.