ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⵣⵣⴰⵢⴻⵔ ⴷ ⵎⴰⵚⴻⵔ: ⵢⴻⵔⵏⴰ ⵓⵎⴱⴰⴷⴷⴻⵍ ⵏ ⴰⵎⵙⴻⵏⵣⵉ ⴷⴻⴳ 5 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ ⵓⵙⴻⴳⴳⴰⵙ ⵏ 2015
ⵍⵇⴰⵀⵉⵔⴰ – ⴰⵎⴱⴰⴷⴷⴻⵍ ⴰⵎⵙⴻⵏⵣⵉ ⴳⴰⵔ ⵎⴰⵚⴻⵔ ⴷ ⵍⴻⵣⵣⴰⵢⴻⵔ ⵢⴻⵔⵏⴰ ⴳⴰⵔ ⵢⴻⵏⵏⴰⵢⴻⵔ ⴷ ⵎⴰⵢⵓ 2015 ⵙ 51,4 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ, ⵙ ⵓⴼⵎⵉⴹⵉ ⵏ 12% ⴰⴽⴽⴻⵏ ⴰⴷ ⵢⴰⵡⴻⴹ ⵖⴻⵔ 477 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⴽⵍⴰⵕⴻⵏ ⵢⵉⵍⵉ ⴰⵙⴻⴳⴳⴰⵙ ⵢⴻⵣⵔⵉⵏ, ⴷⴻⴳ ⵜⴰⵍⵍⵉⵜ-ⵏⵏⵉ, ⵢⵓⵡⴻⴹ ⵖⴻⵔ 425,6 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⵎⴰⵚⵔⵉ ⴰⵏⴻⵙⵎⵉⴳⴰⵍ ⵏ ⵜⵏⴻⵣⵣⵓⵜ, ⵎⵧⵀⴰⵎⴻⴷ ⵛⵀⴻⵔⵉⴼ ⴼⴻⵜⵀⵉ.
ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⴰⵢⵢⴻⵙ ⴷ-ⵜⵅⴻⴱⴱⴻⵔ ⵜⵏⴻⴳⴳⴰ ⵏ ⵜⵖⴻⵎⵙⴰ ⵜⴰⵎⴰⵚⵔⵉⵜ ⵎⴻⵏⴰ, ⵎⴰⵙⵙ ⵎⵧⵀⴰⵎⴻⴷ ⵛⵀⴻⵔⵉⴼ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵙⵙⵉⴵⴻⵡ ⵏ ⵍⴻⵣⵣⴰⵢⴻⵔ ⵖⴻⵔ ⵎⴰⵚⴻⵔ ⵢⴻⵔⵏⴰ ⵙ 22,63% ⴷⴻⴳ ⵜⴰⵍⵍⵉⵜ ⴳⴰⵔ ⵢⴻⵏⵏⴰⵢⴻⵔ ⴷ ⵎⴰⵢⵓ 2015, ⵜⵉⵎⴻⵔⵏⵉⵡⵜ ⵙ 48,6 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ ⵢⴻⵔⵏⴰ ⵢⵓⵡⴻⴹ ⵓⵊⴻⵎⵎⴰⵍ ⵖⴻⵔ 263,2 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ, ⵢⵉⵍⵉ ⴷⴻⴳ 2014, ⴰⵙⵙⵉⴵⴻⵡ ⴰⴷⵣⴰⵢⵔⵉ ⵖⴻⵔ ⵎⴰⵚⴻⵔ ⵢⴻⵜⵜⵡⴰⵇⴻⵢⵢⴻⵎ ⵙ 214,6 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ ⴷⴻⴳ ⵜⴰⵍⵍⵉⵜ-ⵏⵏⵉ.
ⴰⵙⵙⵉⴵⴻⵡ ⵏ ⵙⵙⴻⵍⵄⴰ ⵜⴰⴷⵣⴰⵢⵔⵉⵜ ⵖⴻⵔ ⵎⴰⵚⴻⵔ ⴰⴷ ⵢⴻⵔⵏⵓ ⴰⵙⴻⴳⴳⴰⵙ-ⴰ ⵙⴻⴳ ⵡⴰⵙⵎⵉ ⴰⵢ ⴷ-ⵜⴻⴹⴹⴻⴼ ⵎⴰⵚⴻⵔ 6 ⵏ ⵜⵜⴻⵄⴱⴻⵢⵢⴰⵜ ⵏ ⵍⴳⴰⵣ ⵢⴻⵜⵜⵡⴰⵙⵎⴻⵏⴳⵉⵏ ⴰⴷⵣⴰⵢⵔⵉ ⴷⴷⴰⵡ ⵍⴻⵄⵇⴻⴷ ⴰⵢ ⵙⵜⴻⵏⵢⴰⵏⵜ ⵜⴽⴻⴱⴱⴰⵏⵉⵢⵉⵏ ⵏ ⵓⵒⵉⵜⵕⵓⵍ ⵏ ⵙⵏⴰⵜ-ⴰ ⵏ ⵜⵎⵓⵔⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ ⵎⴰⵚⴻⵔ ⴰⴷ ⴷ-ⵜⴻⴹⴹⴻⴼ ⵜⵜⴻⵄⴱⴻⵢⵢⴰ ⵜⵉⵙ 3 ⵏ ⵍⴳⴰⵣ-ⴰ ⴷⴻⴳ ⵡⴰⵢⵢⵓⵔ-ⴰ ⵏ ⵢⵓⵍⵢⵓ.
ⵍⴳⴰⵣ ⵏ ⵓⴱⵓⵜⴰⵏ, ⵍⴳⴰⵣ ⵏ ⵓⵒⵕⵓⵒⴰⵏ ⴷ ⵍⴳⴰⵣ ⵢⴻⵜⵜⵡⴰⵙⵎⴻⵏⴳⵉⵏ ⴷ ⵏⵉⵜⵏⵉ ⴰⵢ ⴷ ⵉⴼⴰⵔⵉⵙⴻⵏ ⵉⵎⴻⵇⵔⴰⵏⴻⵏ ⴰⴽⴽ ⴰⵢ ⵜⴻⵜⵜⴰⴵⴻⵡ ⵎⴰⵚⴻⵔ ⵙⴻⴳ ⵍⴻⵣⵣⴰⵢⴻⵔ.
ⵎⴰ ⴷ ⵙⵙⴻⵍⵄⴰ ⴰⵢ ⴷ-ⵜⴻⵙⵙⴰⴵⴰⵡ ⵎⴰⵚⴻⵔ ⵖⴻⵔ ⵍⴻⵣⵣⴰⵢⴻⵔ ⵜⵓⵡⴻⴹ ⵖⴻⵔ ⵓⵙⵡⵉⵔ-ⵏⵏⴻⵙ ⴰⵎⴻⵇⵔⴰⵏ ⴰⴽⴽ ⵉⵎⵉ ⴰⵢ ⵜⴻⵔⵏⴰ ⵙ 2,8 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ ⵢⴻⵔⵏⴰ ⵜⵓⵡⴻⴹ ⵖⴻⵔ 213,8 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ ⴷⴻⴳ ⵜⴰⵍⵍⵉⵜ-ⵏⵏⵉ, ⵢⵉⵍⵉ ⴷⴻⴳ 2014, ⵜⵓⵡⴻⴹ ⵖⴻⵔ 211 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ.
ⴳⴰⵔ ⵙⵙⴻⵍⵄⴰⵜ ⴰⵢ ⴷ-ⵜⴻⵙⵙⴰⴵⴰⵡ ⵎⴰⵚⴻⵔ ⵙ ⵡⴰⵟⴰⵙ ⵖⴻⵔ ⵍⴻⵣⵣⴰⵢⴻⵔ ⵍⵍⴰⵏ ⵢⵉⴳⵓⵜⴰ ⵏ ⵏⵏⵃⴰⵙ ⵢⴻⵔⵏⴰ ⵢⵓⵡⴻⴹ ⵡⴰⵣⴰⵍ-ⵏⵙⴻⵏ ⵙ ⵓⵊⴻⵎⵎⴰⵍ ⵖⴻⵔ 36,3 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ.
ⵖⴻⴼ ⵍⴻⵃⵙⴰⴱ ⵏ ⵎⴰⵙⵙ ⵎⵧⵀⴰⵎⴻⴷ ⵛⵀⴻⵔⵉⴼ, ⵜⴰⵡⵍⵉⵡⵍⴰ ⵜⴰⵎⵙⴻⵏⵣⵉⵜ ⴳⴰⵔ ⵎⴰⵚⴻⵔ ⴷ ⵍⴻⵣⵣⴰⵢⴻⵔ ⵜⴻⵙⵙⴽⴻⵏ-ⴷ ⴷ ⴰⴽⴽⴻⵏ ⴷ ⵍⴻⵣⵣⴰⵢⴻⵔ ⴰⵢ ⵍⴰ ⵢⴻⵙⵙⴰⴵⵡⴻⵏ ⵓⴳⴰⵔ ⵏ ⵙⵙⴻⵍⵄⴰ (49,3 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ) ⵉ ⵎⴰⵚⴻⵔ ⴷⴻⴳ ⵜⴰⵍⵍⵉⵜ ⴳⴰⵔ ⵢⴻⵏⵏⴰⵢⴻⵔ ⴷ ⵎⴰⵢⵓ 2015. ⵎⴰ ⵢⴻⵍⵍⴰ ⵉⵍⵉⵏⴷⵉ, ⴷⴻⴳ ⵜⴰⵍⵍⵉⵜ-ⵏⵏⵉ, ⵍⴻⵣⵣⴰⵢⴻⵔ ⵜⴻⵙⵙⴰⴵⴻⵡ 35,8 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ ⵏ ⵙⵙⴻⵍⵄⴰ ⵓⴳⴰⵔ ⵏ ⵎⴰⵚⴻⵔ. ⴰⵏⴻⵖⵍⴰⴼ ⴰⵎⴰⵚⵔⵉ ⴰⵏⴻⵙⵎⵉⴳⴰⵍ ⵏ ⵜⵏⴻⵣⵣⵓⵜ ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⵉⵎⴻⵔⵏⵉⵡⵜ-ⴰ ⴰⵢ ⴷ-ⵢⴻⵍⵍⴰⵏ ⵉ ⵍⴼⴰⵢⴷⴰ ⵏ ⵍⴻⵣⵣⴰⵢⴻⵔ ⵜⴻⴽⴽⴰ-ⴷ ⵙⴻⴳ ⵜⵎⴻⵔⵏⵉⵡⵜ ⵏ ⵜⵉⵖⵉⵏ ⵏ ⵍⴳⴰⵣ ⴰⴷⵣⴰⵢⵔⵉ ⵙⴻⴳ ⵢⵉⴷⵉⵙ ⴰⵎⴰⵚⵔⵉ.
