ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵏⵇⴻⵙ ⵛⵡⵉⵟ ⵓⵎⴰⵜⴰⵔ ⵏ ⵍⴰⵎⴰⵏ ⵏ ⵢⵉⵎⴹⴻⴱⴱⵔⴻⵏ ⵏ ⵜⴽⴻⴱⴱⴰⵏⵉⵢⵉⵏ ⴷⴻⴳ ⵍⴻⵣⵣⴰⵢⴻⵔ ⴷⴻⴳ ⵢⵓⵏⵢⵓ (ⴰⵏⵎⴰⴳⴻⵔ ⵏ ⵢⵉⵎⴹⴻⴱⴱⵔⴻⵏ ⵏ ⵜⴽⴻⴱⴱⴰⵏⵉⵢⵉⵏ)

ⵍⴻⵣⵣⴰⵢⴻⵔ – ⴰⵎⴰⵜⴰⵔ ⵏ ⵍⴰⵎⴰⵏ ⴰⵢ ⵙⵄⴰⵏ ⵢⵉⵎⴹⴻⴱⴱⵔⴻⵏ ⵏ ⵜⴽⴻⴱⴱⴰⵏⵉⵢⵉⵏ ⴷⴻⴳ ⵍⴷⵣⵣⵢⴻⵔ ⵢⵓⵡⴻⴹ ⴰⵢⵢⵓⵔ ⵏ ⵢⵓⵏⵢⵓ ⵖⴻⵔ -12, ⵢⴻⵔⵏⴰ ⵢⴻⵏⵇⴻⵙ-ⴷ ⵙ 3 ⵏ ⵜⴻⵏⵇⵉⴹⵉⵏ ⵖⴻⴼ ⵍⴻⵃⵙⴰⴱ ⵏ ⵡⴰⵢⵢⵓⵔ ⵏ ⵎⴰⵢⵓ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵙⴻⵙⵜⴰⵏⵜ ⵜⴰⵎⴰⵢⵢⵓⵔⵜ ⵏ ⵓⵏⵎⴰⴳⴻⵔ ⵏ ⵢⵉⵖⴻⵍⵍⴰⵜⴻⵏ ⵏ ⵜⴽⴻⴱⴱⴰⵏⵉⵢⵉⵏ (ⴼⵛⴻ).

ⴰⵎⴰⵜⴰⵔ-ⴰ ⵏ ⵍⴰⵎⴰⵏ ⵜⵜⵀⴻⵢⵢⵉⵏ-ⵜ-ⵉⴷ ⵖⴻⴼ ⵍⴻⵃⵙⴰⴱ ⵏ ⵡⴰⵏⴻⵛⵜ ⴰⵢ ⴹⴻⵎⵄⴻⵏⵜ ⵜⴽⴻⴱⴱⴰⵏⵉⵢⵉⵏ ⴰⴷ ⵜ-ⵉⴷ-ⴼⴰⵔⵙⴻⵏⵜ, ⴰⵙⵙⵓⵜⴻⵔ ⴰⵢ ⴷ-ⵢⴻⵍⵍⴰⵏ ⴷ ⵡⴰⵛⵃⴰⵍ ⵏ ⵙⵙⴻⵍⵄⴰ ⴰⵢ ⴼⴼⵔⴻⵏ, ⵢⴻⵔⵏⴰ ⵢⴻⵜⵜⵡⴰⵇⴰⵔⴰⵏ ⴰⴽⴽ ⵡⴰⵢⴰ ⵖⴻⵔ ⵍⴻⵃⵙⴰⴱⴰⵜ ⵢⴻⵔⵣⴰⵏ ⵉⵛⵔⵉⴽⴻⵏ ⵉⵎⴻⵇⵔⴰⵏⴻⵏ ⵏ ⵍⴻⵣⵣⴰⵢⴻⵔ.

ⵖⴻⴼ ⵍⴻⵃⵙⴰⴱ ⵏ ⵜⵙⴻⵙⵜⴰⵏⵜ-ⴰ, ⴰⵎⴰⵜⴰⵔ ⵏ ⵍⴰⵎⴰⵏ ⵢⴻⵏⵇⴻⵙ ⵙ 3 ⵏ ⵜⴻⵏⵇⵉⴹⵉⵏ ⵢⴻⵔⵏⴰ ⵢⵓⵡⴻⴹ ⵖⴻⵔ -12 ⴷⴻⴳ ⵢⵓⵏⵢⵓ ⵏ 2015 ⴷⴻⴼⴼⵉⵔ ⵎⴰ ⵢⴻⵍⵍⴰ -9 ⴷⴻⴳ ⵎⴰⵢⵓ.

ⴷ ⴰⵛⵓ ⴽⴰⵏ, ⴷⴻⴳ ⵢⵓⵏⵢⵓ ⵏ ⵓⵙⴻⴳⴳⴰⵙ ⵢⴻⵣⵔⵉⵏ, ⴰⵎⴰⵜⴰⵔ-ⴰ ⵢⵓⵡⴻⴹ ⴰⵔⵎⵉ ⴷ -18. ⵢⵓⵏⵢⵓ ⵏ ⵓⵙⴻⴳⴳⴰⵙ-ⴰ ⵢⴻⵖⵍⵉ-ⴷ ⴷⴻⴳ ⵜⴻⵣⵡⴰⵔⴰ ⵏ ⵓⵏⴻⴱⴷⵓ ⴷ ⵔⴻⵎⴹⴰⵏ, ⴷⵖⴰ ⴷ ⴰⵢⴰ ⴰⵢ ⵢⴻⵙⵏⴻⵇⵙⴻⵏ ⴰⵎⴰⵀⵉⵍ (ⴰⵅⴻⴷⴷⵉⵎ) ⴷⴻⴳ ⵢⵉⵃⵔⵉⵛⴻⵏ ⵢⴻⵅⴹⴰⵏ ⵜⴰⵎⴳⵓⵔⵉ ⵏ ⵜⵓⵞⵞⵉⵜ ⵢⴻⵔⵏⴰ ⴰⵢⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵡⴰⵢⴰ ⵏⴻⵜⵜⴰ ⴷ ⴰⵡⵡⴰⵢ ⴰⵢ ⵡⵡⵉⵏ ⴰⵟⴰⵙ ⵏ ⵢⵉⵅⴻⴷⴷⴰⵎⴻⵏ ⵉⵎⵓⵔⴰⵙ-ⵏⵙⴻⵏ ⴷⴻⴳ ⵜⴰⵍⵍⵉⵜ-ⴰ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⴷⵓⴽⵍⵉ ⵜⵓⵕⵓⴼⵉⵜ ⴷ ⴼⵕⴰⵏⵙⴰ, ⵜⴰⴳⵏⵉⵜ ⵎⴰⵣⴰⵍ-ⵉⵜⵜ ⴰⴽⴽⴻⵏ ⵜⴻⵍⵍⴰ ⵙⴻⴳ ⵡⴰⵢⵢⵓⵔ ⵏ ⴼⵓⵕⴰⵕ. ⴰⵎⴰⵜⴰⵔ ⵏ ⵍⴰⵎⴰⵏ ⵏ ⵢⵉⵎⴳⵓⵔⴰⵏⴻⵏ ⵏ ⵜⴷⵓⴽⵍⵉ ⵜⵓⵕⵓⴼⵉⵜ ⵢⴻⵔⴽⴻⴷ ⴷⴻⴳ -3,3, ⵎⴰ ⴷⴻⴳ ⴼⵕⴰⵏⴰ, ⵢⴻⵇⵇⵉⵎ ⴽⴰⵏ -6,9.