ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵏⴻⵥⵔⵓⴼ ⵓⵜⵔⵉⵎ: ⵜⵉⵖⵔⵉ ⵉ ⵓⵙⵙⴻⴱⴷⴻⴷ ⵏ ⵜⵜⴰⵡⵉⵍ ⵏ ⵜⵄⴻⵙⵙⴰⵙⵜ ⴷ ⵓⵃⵓⴷⴷⵓ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ

ⵍⴻⵣⵣⴰⵢⴻⵔ – ⵜⴰⴳⵏⵉⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ ⵢⵉⴽⴰⵍⵍⴻⵏ ⵢⴻⵜⵜⵡⴰⵟⵟⴼⴻⵏ ⵏ ⵓⵏⴻⵥⵔⵓⴼ ⵓⵜⵔⵉⵎ ⵎⴰⵣⴰⵍ-ⵉⵜⵜ ⵍⴰ ⵜⵅⴻⵚⵚⴻⵔ ⵖⴻⴼ ⵍⴵⴰⵍ ⵜⵙⴻⵔⵜⵉⵜ ⵏ ⵓⵎⵃⴰⵇ ⵏ ⵢⵉⴷⵓⴱⴰ ⵉⵎⴻⵕⵕⵓⴽⵉⵢⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵢⵉⵎⵃⵉⴷⴷⴰⵏ ⴷ ⵢⵉⵎⴻⵖⵏⴰⵙⴻⵏ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ.

ⵉ ⵍⵎⴻⵏⴷ ⵏ ⵡⴰⵢⴰ, ⵜⴻⵜⵜⵡⴰⴳⴻⵔ-ⴷ ⵜⴻⵖⵔⵉ ⵉ ⵜⵓⴷⴷⵙⵉⵡⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵙⵙⴻⴱⴷⴻⴷ ⵏ ⵜⵜⴰⵡⵉⵍⴰⵜ ⵏ ⵜⵄⴻⵙⵙⴰⵙⵜ ⴷ ⵓⵃⵓⴷⴷⵓ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵙⴻⴳ « ⵓⵎⵃⴰⵇ ⵏ ⵎⴻⵕⵕⵓⴽ ⴰⵢ ⵢⴻⴱⵖⴰⵏ ⴰⴷ ⵜⴻⵔⴳⴻⵍ ⴰⴱⵔⵉⴷ ⵉ ⵓⵣⵔⴻⴼ (ⵏ ⵢⵉⵚⴻⵃⵔⴰⵡⵉⵢⴻⵏ) ⵉ ⵓⴳⴳⵓⵛⵛⴻⵍⵎⴰⵏ ».

ⴷⴻⴳ ⴷⴷⵓⵕⵜ ⵜⵉⵙ 13 ⵏ ⵜⴻⵎⵙⴻⵜⵍⴻⵍⵜ ⴷ ⵜⴻⴳⵎⴰⵜ ⴰⵢ ⴷ-ⵢⴻⵍⵍⴰⵏ ⴳⴰⵔ ⵜⴻⵎⴷⵉⵏⵜ ⵜⴰⵚⴻⵃⵔⴰⵡⵉⵜ ⵏ ⴷⴰⴽⵀⵍⴰ ⴷ ⵜⵖⵉⵡⴰⵏⵜ ⵏ ⵍⴻⵣⵣⴰⵢⴻⵔ-ⵜⴰⵍⴻⵎⵎⴰⵙⵜ, ⴷⴷⴰⵡ ⵍⴻⵄⵏⴰⵢⴰ ⵏ ⵜⵙⴻⵇⵇⴰⵎⵓⵜ ⵜⴰⵖⴻⵍⵏⴰⵡⵜ ⵏ ⵓⵛⵉⵡⴻⵕ ⵉ ⵓⵙⵎⴰⵍ ⴷ ⵓⵃⵓⴷⴷⵓ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ (ⵛⵏⵛⵒⵒⴷⵀ), ⵜⵜⴻⴽⴽⴰⵏⵜ ⴷⴻⴳ-ⵙ ⴰⵟⴰⵙ ⵏ ⵜⵉⴷⴷⵓⴽⵍⵉⵡⵉⵏ ⵜⵉⵚⴻⵃⵔⴰⵡⵉⵢⵉⵏ ⴷ ⵢⵉⵎⴻⵖⵏⴰⵙⴻⵏ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵢⴻⵔⵏⴰ ⵛⴻⵀⴷⴻⵏ-ⴷ ⵖⴻⴼ ⵍⵃⵉⴼ ⴰⵢ ⵢⴻⵕⵡⴰ ⵓⵖⵔⴻⴼ ⴰⵚⴻⵃⵔⴰⵡⵉ ⴷⴻⴳ ⵢⵉⴽⴰⵍⴻⵏ ⵢⴻⵜⵜⵡⴰⵟⵟⴼⴻⵏ « ⵖⴻⴼ ⵍⴵⴰⵍ ⵏ ⵓⵔⴽⴰⴹ ⴰⵢ ⵔⴻⴽⴽⴹⴻⵏ ⵢⵉⴷⵓⴱⴰ ⵏ ⵜⵓⴹⴹⴼⴰ ⵜⴰⵎⴻⵕⵕⵓⴽⵉⵜ ⵉⵣⴻⵔⴼⴰⵏ ⵏ ⵓⵎⴷⴰⵏ ».

ⵉⵣⴻⵔⴼⴰⵏ ⵏ ⵓⵎⴷⴰⵏ ⵜⵜⵡⴰⵔⴽⴰⴹⴻⵏ ⵙ ⵓⴱⵔⵉⴷ ⵓⴼⴹⵉⵃ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ==

ⴰⵏⵎⴰⵀⴰⵍ ⵏ ⵓⵏⴻⵥⵔⵓⴼ ⵓⵜⵔⵉⵎ ⴷⴻⴳ ⵍⴻⵣⵣⴰⵢⴻⵔ, ⵉⴱⵔⴰⵀⵉⵎ ⴳⵀⴰⵍⵉ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⴰⴳⵏⵉⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ ⵢⵉⴽⴰⵍⴻⵏ ⵢⴻⵜⵜⵡⴰⵟⵟⴼⴻⵏ « ⵏⴻⵙⵃⵉⵙⵙⵉⴼ ⴼⴻⵍⵍ-ⴰⵙ », ⵢⴻⵔⵏⴰ ⵉⵖⴻⵔⵎⴰⵏⴻⵏ ⵉⵚⴻⵃⵔⴰⵡⵉⵢⴻⵏ ⵍⴰ ⵜⵜⵡⴰⵔⴽⴰⴹⴻⵏ ⵢⵉⵣⴻⵔⴼⴰⵏ-ⵏⵙⴻⵏ ⵏ ⵓⵎⴷⴰⵏ ⵙ ⵓⴱⵔⵉⴷ ⵓⴼⴹⵉⵃ. ⵍⵍⴰⵏ ⵡⵉⴷ ⵢⴻⵜⵜⵡⴰⵎⴻⴹⵍⴻⵏ ⴷⴻⴳ ⵢⵉⵥⴻⴽⵡⴰⵏ ⵓⵛⵔⵉⴽⴻⵏ ⴰⵎ ⵡⴰⴽⴽⴻⵏ ⴰⵢ ⵜⵜⵡⴰⵙⵄⴻⵔⵇⴻⵏ ⴽⵔⴰ ⵏ ⵢⵉⵎⴻⵖⴰⵙⴻⵏ ⴷ ⵢⵉⵎⵃⵉⴷⴷⴰⵏ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ.

ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵙⵎⴻⴽⵜⵉ-ⴷ ⴷ ⴰⴽⴽⴻⵏ ⵍⵍⴰⵏ ⴰⵣⴰⵍ ⵏ 500 ⵏ ⵢⵉⵚⴻⵃⵔⴰⵡⵉⵢⴻⵏ ⴰⵢ ⵉⵄⴻⵔⵇⴻⵏ ⴷ 151 ⵏ ⵢⵉⵎⴻⵃⴱⴰⵙ ⵉⵙⴻⵔⵜⵉⵢⴻⵏ ⵉⵚⴻⵃⵔⴰⵡⵉⵢⴻⵏ, ⴷⴻⴳ ⵡⴰⴽⵓⴷ ⴷⴻⴳ 30.000 ⵏ ⵢⵉⵚⴻⵃⵔⴰⵡⵉⵢⴻⵏ ⴰⵢ ⵢⴻⵜⵜⵡⴰⵟⵟⴼⴻⵏ ⴷⴻⴳ ⵍⴻⵃⴱⴰⵙ ⵉⵎⴻⵕⵕⵓⴽⵉⵢⴻⵏ.

ⵙⴷⴰⵜ ⵜⴻⵎⵙⴰⵍⵜ-ⴰ ⵉⵡⴻⵄⵕⴻⵏ, ⴰⵏⵎⴰⵀⴰⵍ ⴰⵚⴻⵃⵔⴰⵡⵉ ⵉⴳⴻⵔ-ⴷ ⵜⵉⵖⵔⵉ ⵉ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ ⴷ-ⵙⴱⴻⴷⴷⴻⵏ « ⵜⵜⴰⵡⵉⵍ ⵏ ⵜⵄⴻⵙⵙⴰⵙⵜ ⴷ ⵓⵃⵓⴷⴷⵓ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ, ⵢⴻⵔⵏⴰ ⴰⴷ ⴷ-ⵜⵜⵀⴻⵢⵢⵉⵏ ⵉⵕⴰⴱⵓⵍⴻⵏ ⵖⴻⴼ ⵓⵔⴽⴰⴹ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ ⵢⵉⴽⴰⵍⴻⵏ ⵢⴻⵜⵜⵡⴰⵟⵟⴼⴻⵏ ».

ⵉⴷⵓⴱⴰ ⵉⵚⴻⵃⵔⴰⵡⵉⵢⴻⵏ ⴳⵔⴻⵏ-ⴷ ⵢⴰⴳⵉ ⵜⵉⵖⵔⵉ ⵉ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ ⵙⵎⴻⵖⵔⴻⵏ ⵜⵉⵣⴻⵎⵎⴰⵔ ⵏ ⵜⵓⵖⴷⴰⴹⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵙⵙⵓⴷⴷⴻⵙ ⵏ ⵜⵙⴻⴼⵔⴰⵏⵜ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ (ⵎⵉⵏⵓⵔⵙⵧ) ⴰⴽⴽⴻⵏ ⴰⴷ ⴷ-ⵜⴻⵍⵀⵓ ⵓⵍⴰ ⵙ ⵜⵄⴻⵙⵙⴰⵙⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ.

ⵡⵉⴷ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵎⵢⴰⴳⴻⵔ-ⴰ ⵏⵏⴰⵏ-ⴷ ⴷⴰⵖ ⴷ ⴰⴽⴽⴻⵏ ⴷ « ⴼⵕⴰⵏⵙⴰ ⴰⵢ ⵢⵓⴳⵉⵏ, ⴷⴻⴳ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⴰⴷ ⵙⵎⴻⵖⵔⴻⵏ ⵜⵉⵣⴻⵎⵎⴰⵔ ⵏ ⵎⵉⵏⵓⵔⵙⵧ ». ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵓⵖⴷⴰⴹⵜ ⵏ ⵓⵙⴻⵇⵇⴰⵎⵓ ⵓⵏⵏⵉⴳ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴰⵢ ⵢⴻⵍⵍⴰⵏ, ⵉⵎⵉⵔ-ⴰ, ⴷⴻⴳ ⵢⵉⵎⴰⵣⵉⵔⴻⵏ ⵏ ⵢⵉⵣⵔⵓⵣⴰⵖ ⵉⵚⴻⵃⵔⴰⵡⵉⵢⴻⵏ ⵏ ⵜⵉⵏⴷⵓⴼ, ⴰⵏⵎⴰⵀⴰⵍ ⴰⵚⴻⵃⵔⴰⵡⵉ ⵉⵡⴻⵜ-ⴷ ⴷⴻⴳ ⵜⴰⵔⵔⴰⵢⵜ-ⵏⵏⴻⵙ ⵏ ⵓⵅⴻⴷⴷⵉⵎ ⵉⵎⵉ ⴰⵢ ⵍⴰ ⵢⴻⵜⵜⴹⴰⴼⴰⵔ ⵍⴻⵡⵚⴰⵢⴰⵜ ⵏ ⵎⴻⵕⵕⵓⴽ.

ⵙⴻⴳ ⵢⵉⴷⵉⵙ-ⵏⵏⴻⵙ, ⴰⴳⴻⵏⵙⴰⵙ ⵏ ⵓⵎⴰⵣⴷⴰⵢ ⵏ ⵢⵉⵎⵃⵉⴷⴷⴰⵏ ⵉⵚⴻⵃⵔⴰⵡⵉⵢⴻⵏ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ, ⵎⵧⵀⴰⵎⴻⴷ ⵙⴰⵍⴻⵎ ⵍⴰⴽⵀⴰⵍ, ⵉⵡⴻⵜ-ⴷ ⴷⴻⴳ « ⵜⵓⴽⴻⵔⴹⴰ ⵏ ⵜⴱⵓⵖⴰⵔ ⴷ ⵜⴻⵖⴱⵓⵍⴰ ⵏ ⵡⴰⴽⴰⵍ ⵏ ⵓⵖⵔⴻⴼ ⴰⵚⴻⵃⵔⴰⵡⵉ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷ ⴰⴽⴽⴻⵏ ⴷ ⵜⴰⵎⵙⴰⵍⵜ-ⴰ ⴰⵢ ⴷ ⵓⵍ ⵏ ⵜⴰⵍⵓⴼⵜ-ⴰ ⵙ ⵍⴻⴽⵎⴰⵍ-ⵏⵏⴻⵙ.

ⵜⵓⴽⴻⵔⴹⴰ ⵏ ⵍⵅⵉⵔ ⴷⴻⴳ ⵢⴻⵜⵜⴰⵍⴰⵙ ⵓⵖⵔⴻⴼ ⴰⵚⴻⵃⵔⴰⵡⵉ==

« ⴷⴻⴳ ⵎⵔⴰⵡ ⵏ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ, ⴷⴻⴳ ⴰⵢ ⴷ-ⵍⵍⴰⵏ ⵢⵉⵎⵓⵙⵙⴰ ⵉⵎⴻⵍⵡⵉⵢⴻⵏ ⴷⴻⴳ ⵢⵉⴽⴰⵍⴻⵏ ⵢⴻⵜⵜⵡⴰⵟⵟⴼⴻⵏ, ⵎⴻⵕⵕⵓⴽ ⵜⴻⵔⵏⴰ ⵙⴻⴳ ⵓⵔⴽⴰⴹ ⵏ ⵢⵉⵣⴻⵔⴼⴰⵏ ⵢⴻⵔⵏⴰ ⵜⴻⴱⴷⴰ ⵜⵓⴽⴻⵔⴹⴰ ⵏ ⵜⴱⵓⵖⴰⵔ ⵏ ⵍⴻⴱⵃⴻⵕ ⵏ ⵓⵏⴻⵥⵔⵓⴼ ⵓⵜⵔⵉⵎ ⵙ ⵜⵓⴽⵛⵉ ⵏ ⵍⴻⵄⵇⵓⴷⴰⵜ ⵏ ⵜⵉⵛⵛⵓⵔⴽⴰ ⵢⴻⴼⴼⵖⴻⵏ ⵉ ⵍⵇⴰⵏⵓⵏ ⵉ ’ⵢⵉⵛⵔⵉⴽⴻⵏ-ⵏⵏⴻⵙ’, ⵢⴻⵔⵏⴰ ⴰⵎⴻⵣⵡⴰⵔⵓ ⴷⴻⴳ-ⵙⴻⵏ ⴷ ⵜⴰⴷⵓⴽⵍⵉ ⵜⵓⵕⵓⴼⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵎⵧⵀⴰⵎⴻⴷ ⵙⴰⵍⴻⵎ ⵍⴰⴽⵀⴰⵍ.

ⴰⵏⵎⴰⵀⴰⵍ ⵢⴻⵙⵙⵓⵎⵎⴻⵍ-ⴷ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⵓⴽⴻⵔⴹⴰ ⵏ ⵓⴼⵓⵙⴼⴰⵟ ⴰⵢ ⴷ-ⵢⴻⵜⵜⵉⵍⵉⵏ ⵢⴰⵍ ⴰⵙⵙ ⴷⴻⴳ ⵜⴻⵎⵏⴰⴹⵜ ⵏ ⴱⵓⴽⵕⴰⵄ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ, ⴰⵏⴷⴰ ⴰⵢ ⴷ-ⵜⵜⵡⴰⵙⵙⴻⴽⴼⴰⵍⴻⵏ ⵢⴰⵍ ⴰⵙⵙ 2,6 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⵏ ⵓⴼⵓⵙⴼⴰⵟ. ⵍⵍⴰⵏ ⴷⴰⵖ ⵢⵉⵕⴰⴱⵓⵍⴻⵏ ⵏⵉⴹⴻⵏ ⴰⵢ ⴷ-ⵉⴱⴻⴷⵔⴻⵏ ⵍⴻⵛⵖⴰⵍ ⵏ ⵓⵏⴰⴷⵉ « ⴰⵎⵉⵀⴰⵡ ⵢⴻⵔⵏⴰ ⵢⴻⴼⴼⵖⴻⵏ ⵉ ⵍⵇⴰⵏⵓⵏ » ⵏ ⵍⴳⴰⵣ ⴷⴻⴳ ⵡⴰⴽⴰⵍ ⴰⵚⴻⵃⵔⴰⵡⵉ, ⵢⴻⵔⵏⴰ ⴱⴻⴷⵔⴻⵏ-ⴷ ⵢⵉⵕⴰⴱⵓⵍⴻⵏ-ⴰ ⵉⵎⵓⴽⴰⵏ ⵏ ⵓⵖⴻⵍⵍⴻⵜ ⵏ ⵍⴳⴰⵣ ⴰⵢ ⴹⴹⴼⴻⵏⵜ ⵏ ⵜⴽⴻⴱⴱⴰⵏⵉⵢⵉⵏ ⵜⵉⴱⴻⵕⵕⴰⵏⵉⵢⵉⵏ, ⵢⵉⵡⴻⵜ ⴷ ⵜⴰⵎⴰⵔⵉⴽⴰⵏⵉⵜ, ⵜⴰⵢⴻⴹ ⴷ ⵜⴰⴱⵔⵉⵟⴰⵏⵉⵜ.

ⴰⵎⵃⴰⵇ ⵏ ⵢⵉⵎⵃⵉⴷⴷⴰⵏ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷ ⵜⵍⴻⵍⵍⵉⵢⵉⵏ ⵏ ⵍⵍⵙⴰⵙ==

ⵢⵉⵡⴻⵏ ⵙⴻⴳ ⵢⵉⵄⴻⵡⵡⵉⵇⴻⵏ ⵉⵎⴻⵇⵔⴰⵏⴻⵏ ⴰⵢ ⵉⴱⴻⴷⴷⴻⵏ ⴷⴻⴳ ⵓⴱⵔⵉⴷ ⵏ ⵢⵉⵎⵃⵉⴷⴷⴰⵏ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ ⵢⵉⴽⴰⵍⴻⵏ ⵉⵚⴻⵃⵔⴰⵡⵉⵢⴻⵏ ⵢⴻⵜⵜⵡⴰⵟⵟⴼⴻⵏ ⵏⴻⵜⵜⴰ ⴷ « ⴰⵇⴻⵍⵍⴻⵇ ⴰⵢ ⵢⴻⵜⵜⵇⴻⵍⵍⵉⵇ ⵓⵏⴰⴱⴰⴹ ⴰⵎⴻⵕⵕⵓⴽⵉ ⵉⵎⵃⵉⴷⴷⴰⵏ ⵏ ⵉⵚⴻⵃⵔⴰⵡⵉⵢⴻⵏ ⴰⵢ ⵢⴻⴽⴽⴰⵜⴻⵏ ⵖⴻⴼ ⵜⵍⴻⵍⵍⵉⵢⵉⵏ ⵜⵉⵖⴰⵔⵉⵎⵉⵏ ⴷ ⵢⵉⵣⴻⵔⴼⴰⵏ ⵉⵙⴻⵔⵜⵉⵢⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵎⴰⵙ ⴰⵏⴻⵖⵎⴰⵙ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ ⵢⵉⴽⴰⵍⴻⵏ ⵢⴻⵜⵜⵡⴰⵟⵟⴼⴻⵏ, ⵎⵧⵀⴰⵎⴻⴷ ⵀⴰⵍⵉ.

« ⵉⴷⵓⴱⴰ ⵉⵎⴻⵕⵕⵓⴽⵉⵢⴻⵏ ⵍⴰ ⵜⵜⴳⴻⵏ ⴰⴽⴽ ⴰⵢⴻⵏ ⵓⵎⵉ ⵣⴻⵎⵔⴻⵏ ⴰⴽⴽⴻⵏ ⴰⴷ ⴽⴽⵙⴻⵏ ⵉ ⵢⵉⵚⴻⵃⵔⴰⵡⵉⵢⴻⵏ ⴰⵣⵔⴻⴼ ⵏ ⵓⵙⵙⴻⴱⴷⴻⴷ ⵏ ⵜⵉⴷⴷⵓⴽⵍⵉⵡⵉⵏ ⵉ ⵓⵙⵎⴰⵍ ⴷ ⵓⵃⵔⴰⵣ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ, ⴰⵙⵙⵓⴷⴷⴻⵙ ⵏ ⵜⵎⴻⵙⴱⴰⵏⵉⵢⵉⵏ ⵜⵉⵎⴻⵍⵡⵉⵢⵉⵏ ⴷ ⵓⵙⵙⴻⵇⴷⴻⵛ ⵏ ⵓⵣⵔⴻⴼ-ⵏⵙⴻⵏ ⵉ ⵜⵍⴻⵍⵍⵉ ⵏ ⵡⴰⵡⴰⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵓⵍⴰ ⵎⴰ ⵢⴻⵍⵍⴰ-ⴷ ⵍⵃⴻⵕⵙ-ⴰ, ⴰⵖⵔⴻⴼ ⴰⵚⴻⵃⵔⴰⵡⵉ ⵢⴻⵡⵡⴻⴹ, ⵙ ⵍⴻⴱⵖⵉ-ⵏⵏⴻⵙ, ⴰⴷ ⵢⴻⵙⵙⵉⵡⴻⴹ ⵜⴰⵖⴻⵛⵜ-ⵏⵏⴻⵙ ⵖⴻⵔ ⵓⵎⴰⴹⴰⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ. ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵎⴻⵟⵟⵓⵜ ⵜⴰⵚⴻⵃⵔⴰⵡⵉⵜ ⴷⴻⴳ ⵢⵉⴽⴰⵍⴻⵏ ⵢⴻⵜⵜⵡⴰⵟⵟⴼⴻⵏ, ⵜⴰⵏⵎⴰⵣⵓⵍⵜ ⵏ ⵓⵙⴻⵍⵡⴰⵢ ⵏ ⵜⵙⴻⵇⵇⴰⵎⵓⵜ ⵜⴰⵚⴻⵃⵔⴰⵡⵉⵜ ⵏ ⵓⵃⵓⴷⴷⵓ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ (ⵛⵧⴷⵉⵙⴰ), ⵎⴰⵙⵙⴰ ⵣⴰⵀⵔⴰ ⴱⵉⵏⴰⵀⵧⵓⵎ, ⵜⴻⵙⵙⴰⵡⴻⵍ-ⴷ ⵖⴻⴼ ⵜⵉⵍⴰⵡⵜ ⴷⴻⴳ ⵜⴻⵜⵜⴻⴷⴷⴻⵔ ⵜⵎⴻⵟⵟⵓⵜ ⵜⴰⵚⴻⵃⵔⴰⵡⵉⵜ ⴷⴻⴳ ⵢⵉⴽⴰⵍⴻⵏ ⵢⴻⵜⵜⵡⴰⵟⵟⴼⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⴱⴷⴻⵔ ⵜⴰⵎⵙⴰⵍⵜ ⵏ ⵜⵓⴹⴹⴼⴰ ⴷ ⵓⵃⴱⴰⵙ ⵏ ⵜⵍⴰⵡⵉⵏ ⵡⴰⵔ ⵙⵙⴻⴱⴱⴰ, ⵍⴰⴷⵖⴰ ⵍⵉⵃⴰⵍⴰ ⵏ ⵜⵎⴻⵖⵏⴰⵙⵜ ⵜⴰⵚⴻⵃⵔⴰⵡⵉⵜ ⴰⵎⵉⵏⴰⵜⵧⵓ ⵀⴰⵉⴷⴻⵔ ⴰⵢⵖⴻⴼ ⵙⵄⴻⴷⴷⴰⵏ ⴰⴽⴽ ⵍⴻⵚⵏⴰⴼ ⵏ ⵍⴱⴰⵟⴻⵍ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵜⴻⵏⵏⴰ-ⴷ ⴷⴰⵖ ⴱⵉⵏⴰⵀⵧⵓⵎ ⴷ ⴰⴽⴽⴻⵏ ⵜⵓⴹⴹⴼⴰ ⵜⴰⵎⴻⵕⵕⵓⴽⵉⵜ ⵜⴻⵙⵙⴻⴱⵖⴻⵙ ⴰⵣⵔⴰⵄ ⵏ ⵜⴻⵀⵢⵓⴼⵉⵏ ⴷⴻⴳ ⵢⵉⴽⴰⵍⴻⵏ ⵉⵚⴻⵃⵔⴰⵡⵉⵢⴻⵏ ⴷ ⵢⵉⵏⵉⴳ ⵖⴻⵔ ⴱⴻⵕⵕⴰ ⵏ ⵜⵎⵓⵔⵜ ⴰⴽⴽⴻⵏ ⴰⴷ ⵏⴻⵇⵙⴻⵏ ⵢⵉⵎⴻⵖⵏⴰⵙⴻⵏ ⵙⴻⴳ ⵓⵏⴻⵥⵔⵓⴼ ⵓⵜⵔⵉⵎ. ⴰⵎⴰⵔⵓ ⴰⵎⴰⵜⵓ ⵏ ⵜⵙⴻⵇⵇⴰⵎⵓⵜ ⵜⴰⵖⴻⵍⵏⴰⵡⵜ ⵏ ⵓⵛⵉⵡⴻⵕ ⵉ ⵓⵙⵎⴰⵍ ⴷ ⵓⵃⵓⴷⴷⵓ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ, ⴰⴱⴷⴻⵍⵧⵓⴰⵀⴰⴱ ⵎⴻⵔⴷⵊⴰⵏⴰ, ⵉⴳⴻⵔ-ⴷ ⵜⵉⵖⵔⵉ ⵉ ⵢⵉⵎⴻⵖⵏⴰⵙⴻⵏ ⵉⵚⴻⵃⵔⴰⵡⵉⵢⴻⵏ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴰⴷ ⴼⴰⵕⵙⴻⵏ ⵜⵉⵍⵍⵉⵏ ⵏ ⵓⵙⴻⵇⵇⴰⵎⵓ ⵓⵏⵏⵉⴳ ⵉ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ ⵢⵉⵎⴰⵣⵉⵔⴻⵏ ⵏ ⵢⵉⵣⵔⵓⵣⴰⵖ ⴰⴽⴽⴻⵏ ⴰⴷ ⴼⴽⴻⵏ ⵉⵕⴰⴱⵓⵍⴻⵏ-ⵏⵙⴻⵏ ⵖⴻⴼ ⵜⴻⴳⵏⵉⵜ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴷⴻⴳ ⵢⵉⴽⴰⵍⴻⵏ ⵉⵚⴻⵃⵔⴰⵡⵉⵢⴻⵏ ⵢⴻⵜⵜⵡⴰⵟⵟⴼⴻⵏ.