ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵛⵉⵔⵜ ⵏ ⵓⵇⴻⵛⵡⴰⵍ ⵏ ⵜⴻⴼⵔⵉⵇⵜ (ⴷⴷⴰⵡ ⵏ 16 ⵏ ⵢⵉⵙⴻⴳⴳⴰⵙⴻⵏ, ⵉⵇⵛⵉⵛⴻⵏ): ⵍⴻⵣⵣⴰⵢⴻⵔ ⵜⴻⵔⵏⴰ ⵏⵉⵊⵉⵔⵢⴰ (57-52)

ⴱⴰⵎⴰⴽⵓ – ⵜⴰⵖⵍⴰⵎⵜ ⵜⴰⴷⵣⴰⵢⵔⵉⵜ ⵏ ⵜⴽⵓⵔⵜ ⵏ ⵓⵇⴻⵛⵡⴰⵍ ⵏ ⴷⴷⴰⵡ ⵏ 16 ⵏ ⵢⵉⵙⴻⴳⴳⴰⵙⴻⵏ ⵜⴻⵔⵏⴰ, ⴰⵙⵙ ⵏ ⵍⴻⵅⵎⵉⵙ, ⵜⴰⵎⵜⵉⵍⵜ-ⵏⵏⴻⵙ ⵜⴰⵏⵉⵊⵉⵔⵢⴰⵏⵜ ⵙ 57 ⵖⴻⵔ 52 (ⴰⵣⴳⴻⵏ ⵏ ⵡⴰⴽⵓⴷ: 33-30) ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵏ ⵡⴰⵙⵙ ⴰⵎⴻⵣⵡⴰⵔⵓ ⵏ ⵡⵓⵔⴰⵔ ⵏ ⵜⴻⴳⵔⴰⵡⵜ « ⴰ » ⵏ ⵜⴻⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵜⵛⵉⵔⵜ ⵏ ⵓⵇⴻⵛⵡⴰⵍ ⵏ ⴷⴷⴰⵡ ⵏ 16 ⵏ ⵢⵉⵙⴻⴳⴳⴰⵙⴻⵏ (ⵉⵇⵛⵉⵛⴻⵏ) ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴳⴰⵔ 30 ⵢⵓⵍⵢⵓ ⴷ 8 Ɣⵓⵛⵜ ⴷⴻⴳ ⴱⴰⵎⴰⴽⵧ.

ⵉⴷⵣⴰⵢⵔⵉⵢⴻⵏ ⵔⴻⴱⵃⴻⵏ ⵢⴰⴳⵉ ⵙⵉⵏ-ⵏⵏⵉ ⵏ ⵢⵉⵃⵔⵉⵛⴻⵏ ⵉⵎⴻⵣⵡⵓⵔⴰ ⵏ ⵡⵓⵔⴰⵔ (16-14 ; 17-16), ⵙⴰⴽⴽⵉⵏ, ⴷⴻⴼⴼⵉⵔ ⵎⴰ ⵙⴳⵓⵏⴼⴰⵏ, ⴽⴻⵎⵎⵍⴻⵏ ⴰⵃⵔⵉⵛ ⵡⵉⵙ ⴽⵔⴰⴹ ⴰⵏⴷⴰ ⴰⵢ ⵙⵙⴰⵡⴹⴻⵏ ⴰⴳⵎⵓⴹ ⵖⴻⵔ 47-44, ⴰⴽⴽⴻⵏ ⴰⴷ ⴼⴰⴽⴻⵏ ⵜⵉⵎⵍⵉⵍⵉⵜ ⵙ ⵓⴳⵎⵓⴹ ⵏ 57 ⵖⴻⵔ 52.

ⴷⴻⴳ ⵜⴻⵎⵍⵉⵍⵉⵜ ⵏ ⵓⵔⵥⴰⵎ, ⵉⵜⵢⵓⵒⵢⴰ ⵜⴻⵔⵏⴰ ⵎⴻⵕⵕⵓⴽ ⵙ ⵓⴳⵎⵓⴹ ⵏ 58-52 (ⵜⴰⴳⵔⴰⵡⵜ ⴱ).

ⴷⴻⴳ ⵜⴻⵙⵖⴰⵔⵜ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵍⴰⵕⴻⴱⵄⴰ ⵜⴰⵎⴻⴷⴷⵉⵜ, ⵍⴻⵣⵣⴰⵢⴻⵔ ⵜⴻⵖⵍⵉ-ⴷ ⴷⴻⴳ ⵜⴻⴳⵔⴰⵡⵜ ⴰ ⵖⴻⵔ ⵢⵉⴷⵉⵙ ⵏ ⵎⴰⵍⵉ (ⵜⴰⵎⵓⵔⵜ ⴰⵢⴷⴻⴳ ⵍⴰ ⴷ-ⵜⴻⵜⵜⵉⵍⵉ ⵜⴻⵍⵖⵓⵖⴰ), ⵎⴰⵚⴻⵔ, ⴳⵉⵏⵢⴰ ⵜⴰⵙⴻⴱⴳⴰⵙⵜ, ⵏⵉⵊⵉⵔⵢⴰ ⴷ ⵕⵡⴰⵏⴷⴰ.

ⵎⴰ ⴷ ⵜⴰⴳⵔⴰⵡⵜ ⴱ ⵍⵍⴰⵏⵜ ⴷⴻⴳ-ⵙ ⴰⵏⴳⵓⵍⴰ (ⵜⴰⵍⵖⵓⵖⵜ ⵏ ⵜⴻⴼⵔⵉⵇⵜ), ⵜⵓⵏⴻⵙ, ⵜⴰⴳⴷⵓⴷⴰ ⵏ ⵜⴻⴼⵔⵉⵇⵜ ⵜⴰⵍⴻⵎⵎⴰⵙⵜ, ⵎⴻⵕⵕⵓⴽ, ⵜⴰⴼⵔⵉⵇⵜ ⵏ ⵓⵏⵥⵓⵍ ⴷ ⵉⵜⵢⵓⵒⵢⴰ.