ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴱⴷⴰⴷ ⵏ ⵍⴷⵣⴰⵢⴻⵔ ⵖⴻⵔ ⵢⵉⴷⵉⵙ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⴷ ⴰⵃⵔⵉⵛ ⵙⴻⴳ ⵍⵍⵙⵉⵙⴰⵏ ⵏ ⵜⵙⴻⵔⵜⵉⵜ-ⵏⵏⴻⵙ ⵜⴰⴱⴻⵕⵕⴰⵏⵉⵜ

ⵍⴷⵣⴰⵢⴻⵔ ⵜⴰⵎⴰⵏⴻƔⵜ – ⴰⵙⴻⵍⵡⴰⵢ ⵏ ⵓⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ, ⵎⵧⵀⴰⵎⴻⴷ ⵍⴰⵔⴱⵉ ⵧⵓⵍⴷ ⴽⵀⴻⵍⵉⴼⴰ ⵢⴻⵏⵏⴰ-ⴷ ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴷⵣⴰⵢⴻⵔ ⴷⴰⴽⴽⴻⵏ ⴰⴱⴷⴰⴷ ⵏ ⵍⴷⵣⴰⵢⴻⵔ ⵖⴻⵔ ⵢⵉⴷⵉⵙ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⴷⴻⴳ ⵢⵉⵎⴻⵏⵖⵉ-ⵏⵏⴻⵙ ⴷ ⵡⵉⵏ ⴰⵢ ⴷ-ⵢⴻⵜⵜⵡⴰⴳⵎⴻⵏ ⵙⴻⴳ « ⵍⵍⵉⵙⴰⵏ ⵓⵔ ⵢⴻⵜⵜⴱⴻⴷⴷⵉⵍⴻⵏ ⵏ ⵜⵙⴻⵔⵜⵉⵜ ⵜⴰⴱⴻⵕⵕⴰⵏⵉⵜ ⵏ ⵍⴷⵣⴰⵢⴻⵔ ».

ⴷⴻⴳ ⵢⵉⵡⴻⵏ ⵏ ⵓⵎⵢⴰⴳⴻⵔ ⴷ ⵜⵎⴰⴳⵍⴰ ⵏ ⵓⵏⴻⵥⵔⵓⴼ ⵓⵜⵔⵉⵎ ⴰⵢ ⴷ-ⵢⴻⴷⴷⴰⵏ ⴷ ⵓⵡⴰⵍⵉ ⵏ ⵜⴻⵎⴷⵉⵏⵜ ⵏ ⵍⴻⵄⵢⵓⵏ, ⵀⴰⵎⴰ ⴻⵍ ⴱⵧⵓⵏⵢⴰ, ⵎⴰⵙⵙ ⵧⵓⵍⴷ ⴽⵀⴻⵍⵉⴼⴰ ⵢⴻⵏⵏⴰ-ⴷ ⴷⴰⴽⴽⴻⵏ « ⵜⴰⵎⵙⴰⵍⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ⴷ ⵜⴰⵎⵙⴰⵍⵜ ⵏ ⵜⵓⴽⴽⵙⴰ ⵏ ⵓⵙⵙⴻⵀⵔⴻⵙ (ⵍⵉⵙⵜⵉⵄⵎⴰⵕ) ⵙ ⵓⵇⴰⴷⴻⵔ ⵏ ⵜⵏⴻⵖⵜⵓⵙⵉⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷ ⵢⵉⵖⵜⴰⵙⴻⵏ ⵉⴳⵔⴰⵖⵍⴰⵏⴻⵏ » ⵢⴻⵔⵏⴰ ⵍⴷⵣⴰⵢⴻⵔ « ⵜⴻⴱⴷⴻⴷ ⵖⴻⵔ ⵢⵉⴷⵉⵙ ⵏ ⵓⵣⵔⴻⴼ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⵉ ⵓⴳⴳⵓⵛⵛⴻⵍⵎⴰⵏ ⵙ ⵓⵇⴰⴷⴻⵔ ⵏ ⵍⵇⴰⵏⵓⵏ ⴰⴳⵔⴰⵖⵍⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ ⵏ ⵓⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ.

« ⴰⴷⴷⵓⴷ-ⴰ ⵓⵔ ⵢⴻⵜⵜⴱⴻⴷⴷⵉⵍⴻⵏ ⵢⴻⵜⵜⵡⴰⴳⴻⵎ-ⴷ ⵙⴻⴳ ⵜⵙⴻⵖⵔⵓⵜ ⵏ ⵓⵎⴻⵏⵣⵓ ⵏ ⵡⴻⵎⴱⴻⵕ ⴰⵢ ⴷ-ⵢⴻⵜⵜⵃⴻⵜⵜⵉⵜⴻⵏ ⵖⴻⴼ ⵓⵣⵔⴻⴼ ⵏ ⵢⵉⵖⴻⵔⴼⴰⵏ ⴰⴽⴽⴻⵏ ⴰⴷ ⴰⵡⵉⵏ ⵜⵉⵍⴻⵍⵍⵉ-ⵏⵙⴻⵏ ⵙⴻⴳ ⵓⵙⵙⴻⵀⵔⴻⵙ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

« ⴰⴱⴷⴰⴷ ⵏ ⵍⴷⵣⴰⵢⴻⵔ ⵖⴻⵔ ⵢⵉⴷⵉⵙ ⵏ ⵢⵉⵎⴻⵏⵖⵉ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⵢⴻⵜⵜⵡⴰⴳⴻⵎ-ⴷ ⵙⴻⴳ ⵢⵉⵎⴻⵏⵣⴰⵢⴻⵏ ⵓⵔ ⵢⴻⵜⵜⴱⴻⴷⴷⵉⵍⴻⵏ ⵏ ⵜⴰⵙⴻⵔⵜⵉⵜ-ⵏⵏⴻⵙ ⵜⴰⴱⴻⵕⵕⴰⵏⵉⵜ ⵢⴻⵔⵏⴰ, ⵙ ⵡⴰⵢⴰ, ⴰⴷⴷⵓⴷ ⵏ ⵍⴷⵣⴰⵢⴻⵔ ⴷ ⵡⵉⵏ ⵏ ⵓⴱⴷⴰⴷ ⵖⴻⵔ ⵢⵉⴷⵉⵙ ⵏ ⵢⵉⵎⴻⵏⵖⵉ ⵓⵣⵔⵉⴼ ⵉ ⵍⵎⴻⵏⴷ ⵏ ⵓⵄⴰⵡⴻⵏ ⵏ ⵓⵖⵔⴻⴼ ⴰⴷ ⵢⴰⵡⵉ ⴰⵣⵔⴻⴼ-ⵏⵏⴻⵙ ⵉ ⵓⴳⴳⵓⵛⵛⴻⵍⵎⴰⵏ ⵙ ⵓⵇⴰⴷⴻⵔ ⵏ ⵜⵏⴻⵖⵜⵓⵙⵉⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵢ ⵢⴻⵔⵣⴰⵏ ⴰⵢⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵎⴰⵙⵙ ⵧⵓⵍⴷ ⴽⵀⴻⵍⵉⴼⴰ ⵉⵡⴻⴽⴽⴻⴷ-ⴷ, ⴷⴰⵖ, ⵙⴻⴳ ⵢⵉⴷⵉⵙ ⵏⵉⴹⴻⵏ « ⴰⴱⴷⴰⴷ ⵏ ⵓⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ ⵖⴻⵔ ⵢⵉⴷⵉⵙ ⵏ ⵢⵉⵎⴻⵏⵖⵉ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⵢⴻⵔⵏⴰ ⵢⴻⵜⵜⴷⴰⴼⴰⵄ ⵖⴻⴼ ⵡⴰⵢⴰ ⴷⴻⴳ ⵡⴰⴽⴽ ⵉⵏⵎⵓⴳⴰⵔ ⴰⵏⴷⴰ ⴰⵢ ⴷ-ⵜⵜⴻⵎⵍⵉⵍⵉⵏ ⵢⵉⵎⵏⴰⵏ ⵉⴳⵔⴰⵖⵍⴰⵏⴻⵏ ⴷ ⵢⵉⵎⵏⴰⴹⴰⵏⴻⵏ ».

ⴷⵖⴰ, ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵎⵙⴰⵍⵜ-ⴰ, ⵢⴻⵔⵔⴰ ⵜⴰⵊⵎⵉⵍⵜ ⵉ ⵕⵕⴰⵢ ⵏ ⵜⵖⵉⵡⴰⵏⵜ ⵏ ⵍⴷⵣⴰⵢⴻⵔ ⵜⴰⵍⴻⵎⵎⴰⵙⵜ ⴰⵢ ⵢⴻⴱⵖⴰⵏ ⴰⴷ ⵜⴻⵙⵙⴻⴵⵀⴻⴷ ⴰⵙⵙⴰⵖⴻⵏ ⵏ ⵜⴻⴳⵎⴰⵜ ⴳⴰⵔ ⵢⵉⴳⴻⵏⵙⴰⵙⴻⵏ ⵏ ⵓⵖⵔⴻⴼ ⴰⴷⵣⴰⵢⵔⵉ ⴷ ⵡⵉⵏ ⵏ ⵓⵏⴻⵥⵔⵓⴼ ⵓⵜⵔⵉⵎ ⴷ ⵓⵎⴱⴰⴷⴷⴻⵍ ⵏ ⵜⵜⴻⵊⵕⵉⴱⴰⵜ ⴷ ⵜⵎⵓⵖⵍⵉⵡⵉⵏ ⴷⴻⴳ ⵜⴻⵎⵙⴰⵍ ⵏ ⵓⵙⵙⴻⴼⵔⴻⴽ ⴰⴷⵉⴳⴰⵏ.

ⵙⴻⴳ ⵢⵉⴷⵉⵙ-ⵏⵏⴻⵙ, ⴰⵡⴰⵍⵉ ⵏ ⵍⴻⵄⵢⵓⵏ ⵢⴻⵏⵏⴰ-ⴷ ⵢⴻⴼⵕⴻⵃ ⵙ ⵡⴰⴷⴷⵓⴷ ⵏ ⵍⴷⵣⴰⵢⴻⵔ ⴰⵢ ⵉⴱⴻⴷⴷⴻⵏ ⵖⴻⵔ ⵢⵉⴷⵉⵙ ⵏ ⵢⵉⵎⴻⵏⵖⵉ ⴰⵚⴻⵃⵔⴰⵡⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷⴰⴽⴽⴻⵏ ⴰⵖⵔⴻⴼ ⴰⵚⴻⵃⵔⴰⵡⵉ ⵙ ⵍⴻⴽⵎⴰⵍ-ⵏⵏⴻⵙ ⴰⴷ ⵢⴻⵛⴼⵓ ⵖⴻⴼ ⵍⵅⵉⵔ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ ⴷ ⵍⵎⴻⴵⵀⵓⴷ ⴰⵢ ⵜⴳⴰ ⵍⴷⵣⴰⵢⴻⵔ.

ⴰⵡⴰⵍⵉ ⵏ ⵍⴻⵄⵢⵓⵏ ⵢⴻⴱⴷⴻⵔ-ⴷ ⵉⵃⵔⵉⵛⴻⵏ ⵢⴻⵎⴳⴻⵔⵔⴰⴷⴻⵏ ⴰⵢⵖⴻⴼ ⴰⵢ ⴷ-ⵢⴻⴽⴽⴰ ⵢⵉⵎⴻⵏⵖⵉ ⵏ ⵓⵖⵔⴻⴼ ⴰⵚⴻⵃⵔⴰⵡⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷⴰⴽⴽⴻⵏ ⴰⵖⵔⴻⴼ-ⴰ ⵢⴻⵙⵙⴰⵡⴻⴹ, ⵙ ⵢⵉⵎⴻⵏⵖⵉ-ⵏⵏⴻⵙ, ⴰⴷ ⴷ-ⵢⴻⵙⴱⴰⵏ ⵉⵎⴰⵏ-ⵏⵏⴻⵙ ⵢⴻⵔⵏⴰ ⴰⴷ ⵙⵜⴻⵄⵕⴼⴻⵏⵜ ⵜⵎⵓⵔⴰ ⵏ ⵓⵎⴰⴹⴰⵍ ⵙ ⵓⵣⵔⴻⴼ-ⵏⵏⴻⵙ ⵉ ⵓⴳⴳⵓⵛⵛⴻⵍⵎⴰⵏ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴰⵔⴰⵎ ⵙⴻⴳ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⴰⴷ ⵢⴻⵃⵕⴻⵙ ⵎⴻⵕⵕⵓⴽ ⴰⴽⴽⴻⵏ ⴰⴷ ⵜⵜ-ⵉⵃⴻⵜⵜⴻⵎ ⴰⴷ ⵜⵇⴰⴷⴻⵔ ⵍⵇⴰⵏⵓⵏ ⴰⴳⵔⴰⵖⵍⴰⵏ.

ⵉⵎⴹⴻⴱⴱⴻⵔ-ⴰ ⵢⴻⵏⵏⴰ-ⴷ ⴷⴰⵖ ⵉ ⵜⵖⴻⵎⵙⴰ ⵜⴰⵖⴻⵍⵏⴰⵡⵜ, ⴷⴻⴳ ⵢⵉⵊⵉⴼⴻⵕ ⵏ ⵓⵎⵢⴰⴳⴻⵔ-ⴰ, ⴷⴰⴽⴽⴻⵏ « ⵉⵅⴻⴱⴱⴻⵔ ⴰⵙⴻⵍⵡⴰⵢ ⵏ ⵓⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ ⵖⴻⴼ ⴽⵔⴰ ⵏ ⵜⵖⴰⵡⵙⵉⵡⵉⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⴳⵏⵉⵜ ⴷⴻⴳ ⵜⴻⵎⵏⴰⴹⵜ-ⴰ, ⵍⴰⴷⵖⴰ ⴰⵢⴻⵏ ⴰⵢ ⵍⴰ ⵜⴻⵜⵜⴻⴳ ⵎⴻⵕⵕⵓⴽ (ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ) ⴷ ⴷⴷⵓⵕ ⵏ ⵍⵎⴻⵅⵣⴻⵏ ⴷⴻⴳ ⵓⵙⵙⴻⵜⵜⵉ ⵏ ⵜⴻⵀⵢⵓⴼⵉⵏ ⴷ ⵙⵙⴻⵍⵄⴰ ».

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵏⵏⴰ-ⴷ ⵢⵉⵎⴹⴻⴱⴱⴻⵔ-ⴰ ⴰⵚⴻⵃⵔⴰⵡⵉ ⴷⴰⴽⴽⴻⵏ ⴰⵙⵙⵉⴽⵏⴻⵡ ⴳⴰⵔ ⵜⵖⵉⵡⴰⵏⵉⵏ ⵏ ⵍⴷⵣⴰⵢⴻⵔ ⵜⴰⵍⴻⵎⵎⴰⵙⵜ ⴷ ⵜⴻⵎⴷⵉⵏⵜ ⵏ ⵍⴻⵄⵢⵓⵏ « ⵜⴻⴱⴷⴰ ⵍⴰ ⵜ-ⵉⴷ-ⵜⴻⵜⵜⴻⵇⵇⴰⵍ ⵜⴻⵕⵡⵉⵃⵜ ⴷⴻⴳ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ ».

ⵜⵉⵔⵣⵉ ⵏ ⵜⵎⴰⴳⵍⴰ ⵜⴰⵚⴻⵃⵔⴰⵡⵉⵜ ⵖⴻⴼ ⵍⴷⵣⴰⵢⴻⵔ ⵜⴻⵍⵍⴰ-ⴷ ⴷⴻⴳ ⵓⴽⴰⵜⴰⵔ ⵏ ⴷⴷⵓⵕⵜ ⵏ ⵜⴻⴳⵎⴰⵜ ⴷ ⵜⴻⵎⵙⴻⵜⵍⴻⵍⵜ ⴷ ⵓⵖⵔⴻⴼ ⴰⵚⴻⵃⵔⴰⵡⵉ ⴷ ⵓⵙⵙⴻⴼⵄⴻⵍ ⵏ ⵓⵏⴻⴳⴳⴰⴼ (ⴰⵒⵔⵓⵟⵓⴽⵓⵍ) ⵏ ⵓⵎⵄⴰⵡⴻⵏ ⴷ ⵓⵙⵙⵉⴽⵏⴻⵡ ⴳⴰⵔ ⵜⵖⵉⵡⴰⵏⵜ-ⴰ ⵜⴰⴷⵣⴰⵢⵔⵉⵜ ⴷ ⵜⵖⵉⵡⴰⵏⵜ ⵜⴰⵚⴻⵃⵔⴰⵡⵉⵜ.

ⵜⴰⵎⴰⴳⵍⴰ ⴰⵢ ⴷ-ⵢⵓⵙⴰⵏ ⴷ ⵓⵡⴰⵍⵉ ⵏ ⵍⴻⵄⵢⵓⵏ ⵢⴻⴷⴷⴰ-ⴷ ⵢⵉⴷ-ⵙ ⵓⵙⴻⵍⵡⴰⵢ ⵏ ⵓⴳⵔⴰⵡ ⴰⵖⴻⵔⴼⴰⵏ ⵏ ⵜⵖⵉⵡⴰⵏⵜ ⵏ ⵍⴷⵣⴰⵢⴻⵔ ⵜⴰⵍⴻⵎⵎⴰⵙⵜ, ⴰⴱⴷⴻⵍⵀⴰⴽⵉⵎ ⴱⴻⵜⴰⵛⵀⴻ.