ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵖⴻⵔⵔⴰⴱⵓ-ⴰⵖⴻⵔⴱⴰⵣ ⵏ « ⵚⵓⵎⴰⵎ 937 » ⵢⴻⵃⴱⴻⵙ ⴷⴻⴳ ⵍⵎⴻⵔⵚⴰ ⵏ ⵍⴻⵣⵣⴰⵢⴻⵔ

ⵍⴻⵣⵣⴰⵢⴻⵔ – ⴰⵖⴻⵔⵔⴰⴱⵓ-ⴰⵖⴻⵔⴱⴰⵣ ⵏ « ⵚⵓⵎⴰⵎ 937 » ⵢⴻⵃⴱⴻⵙ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵓⵙⴰⴳⴻⵏ (ⵍⵎⴻⵔⵚⴰ) ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷⴻⴼⴼⵉⵔ ⵎⴰ ⵉⴼⵓⴽ-ⴷ ⵢⵉⵡⴻⵜ ⵏ ⵜⵃⴻⵎⵍⴰ ⵏ ⵓⵍⵎⴰⴷ ⴷⴻⴳ ⵓⴽⴰⵜⴰⵔ ⵏ ⵓⵙⵙⵉⵍⴻⵖ-ⵏⵏⴻⵙ ⵏ ⵓⵏⴻⴱⴷⵓ ⵏ 2015 ⴰⵢ ⴷ-ⵉⴳⴰ ⵉ ⵍⴼⴰⵢⴷⴰ ⵏ ⵢⵉⵏⴻⵍⵎⴰⴷⴻⵏ ⵏ ⵢⵉⵖⴰⵍⵍⴻⵏ ⵏ ⵍⴻⴱⵃⴻⵕ.

ⴰⵖⴻⵔⵔⴰⴱⵓ-ⴰⵖⴻⵔⴱⴰⵣ ⵢⴻⵡⵡⵉ ⵢⵉⴷ-ⵙ 99 ⵏ ⵢⵉⵏⴻⵍⵎⴰⴷⴻⵏ ⴳⴰⵔ-ⴰⵙⴻⵏ 27 ⵏ ⵜⵍⴰⵡⵉⵏ, ⵢⴻⵔⵏⴰ ⵢⴻⵙⵙⴻⵏⵇⴻⴷ-ⵉⵜ ⵓⵎⴻⵏⵣⴰⴹ ⵏ ⵢⵉⵖⴰⵍⵍⴻⵏ ⵏ ⵍⴻⴱⵃⴻⵕ, ⴰⵊⵉⵏⵉⵕⴰⵍ-ⴰⵎⴰⵊⵓⵕ ⵎⵧⵀⴰⵎⴻⴷ ⵍⴰⵔⴱⵉ ⵀⵧⵓⵍⵉ, ⴰⵢ ⵢⴻⵙⵙⴻⵇⵙⴰⵏ ⴷⴰⵖ ⵖⴻⴼ ⵢⵉⴳⵎⴰⴹ ⴰⵢ ⴷ-ⵡⵡⵉⵏ ⵢⵉⵏⴻⵍⵎⴰⴷⴻⵏ-ⴰ ⴷⴻⴳ ⵢⵉⵎⴻⵛⵡⴰⵕⴻⵏ ⵢⴻⵎⴳⴻⵔⵔⴰⴷⴻⵏ ⴰⵢⵖⴻⴼ ⴷ-ⵢⴻⴽⴽⴰ ⵓⵙⵙⵉⵍⴻⵖ-ⴰ-ⵏⵙⴻⵏ.

ⵜⴰⵃⴻⵎⵍⴰ-ⴰ ⵏ ⵓⵙⵙⵉⵍⴻⵖ ⴰⵛⵃⴰⵍ ⵏ ⵢⵉⵙⴻⴳⴳⴰⵙⴻⵏ ⴰⵢⴰ ⵙⴻⴳ ⵡⴰⵙⵎⵉ ⴰⵢ ⴷ-ⵜⴻⵜⵜⵉⵍⵉ ⵢⴰⵍ ⴰⵙⴻⴳⴳⴰⵙ, ⴷ ⵜⵉⵏ ⴷⴻⴳ ⵜⵜⴻⴽⴽⴰⵢⴻⵏ ⵢⵉⵏⴻⵍⵎⴰⴷⴻⵏ-ⵉⴼⴻⵙⵢⴰⵏⴻⵏ ⵏ ⵓⵙⴻⴳⴳⴰⵙ ⴰⵎⴻⵣⵡⴰⵔⵓ ⵏ ⵓⵖⴻⵔⴱⴰⵣ ⵓⵏⵏⵉⴳ ⵏ ⵢⵉⵙⴻⵔⴷⴰⵙⴻⵏ ⵏ ⵍⴻⴱⵃⴻⵕ, ⵢⴻⵔⵏⴰ ⴷ ⵡⴰ ⴰⵢ ⴷ ⴰⵙⵙⵉⵍⴻⵖ ⴷⴻⴳ ⴰⵔⴰ ⵙⴼⴻⵄⵍⴻⵏ ⴷⴻⴳ ⵓⵏⵔⴰⵔ ⵜⵉⵎⵓⵙⵙⵏⵉⵡⵉⵏ ⴰⵢ ⴷ-ⵍⴻⵎⴷⴻⵏ ⴷⴻⴳ ⵓⵖⴻⵔⴱⴰⵣ.

ⵎⴻⵏⵖⵉⵔ ⴰⵇⴻⵢⵢⴻⵎ ⵏ ⵢⵉⵏⴻⵍⵎⴰⴷⴻⵏ-ⴰ ⴷⴻⴳ ⵜⵎⵓⵙⵙⵏⵉ-ⵏⵙⴻⵏ ⴷⴻⴳ ⵓⵎⴰⵀⵉⵍ (ⴰⵅⴻⴷⴷⵉⵎ), ⵚⵚⴱⴻⵔ-ⵏⵙⴻⵏ ⵉ ⵡⵓⴳⵓⵔⴻⵏ ⴷ ⵜⵓⴳⵔⵉⵏⵜ (ⴰⵇⴰⴷⴻⵔ ⵏ ⵢⵉⵍⵓⴳⴰⵏ), ⴰⵙⵙⵉⵍⴻⵖ-ⴰ ⵢⴻⴵⴵⴰ ⴷⴰⵖ ⵉⵏⴻⵍⵎⴰⴷⴻⵏ-ⵉⴼⴻⵙⵢⴰⵏⴻⵏ ⴰⴷ ⵏⵏⴰⵎⴻⵏ ⵜⴰⵎⴻⴷⴷⵓⵔⵜ ⴷ ⵓⵎⴰⵀⵉⵍ ⴷⴻⴳ ⵓⵖⴻⵔⵔⴰⴱⵓ.

ⴰⵙⵙⵉⵍⴻⵖ-ⴰ ⵢⴻⴵⴵⴰ-ⵜⴻⵏ ⴷⴰⵖ ⴰⴷ ⵙⵙⵏⴻⵏ ⴰⵎⴻⵣⵔⵓⵢ ⴷ ⵢⵉⴷⴻⵍⵙⴰⵏ ⵏ ⵢⵉⵖⴻⵔⴼⴰⵏ ⵏⵉⴹⴻⵏ ⵙ ⵜⴻⵔⵣⵉ ⵖⴻⴼ ⵢⵉⵙⴰⵍⴰⵢⴻⵏ ⵏ ⵜⵎⵓⵔⴰ ⵢⴻⵎⴳⴻⵔⵔⴰⴷⴻⵏ ⴷⴻⴳ ⵢⴻⵃⴱⴻⵙ ⵓⵖⴻⵔⵔⴰⴱⵓ-ⴰ.

ⵜⴰⵃⴻⵎⵍⴰ-ⴰ ⵏ ⵓⵙⵙⵉⵍⴻⵖ ⵜⴻⴱⴷⴰ-ⴷ ⴷⴻⴳ 28 ⵢⵓⵏⵢⵓ ⵢⴻⵣⵔⵉⵏ ⵢⴻⵔⵏⴰ ⵜⴻⴹⴹⴻⴼ 36 ⵏ ⵡⵓⵙⵙⴰⵏ, 24 ⵙⴻⴳ-ⵙⴻⵏ ⵄⴻⴷⴷⴰⵏ ⴷⴻⴳ ⵜⵍⴻⵎⵎⴰⵙⵜ ⵏ ⵍⴻⴱⵃⴻⵕ, ⵎⴰ ⴷ 12 ⵙⴻⴳ-ⵙⴻⵏ ⵄⴻⴷⴷⴰⵏ ⴷⴻⴳ 4 ⵏ ⵢⵉⵙⵓⴳⴰⵏ (ⵍⴻⵣⵣⴰⵢⴻⵔ, ⴱⵉⵍⵊⵉⴽ, ⵒⵓⵕⵜⵓⴳⴰⵍ ⴷ ⵟⵟⴻⵔⴽ).