ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⴰⴼⴰⴱ-ⵎⴱ ⵏ ⵜⵉⵀⴻⵕⵜ: ⵜⴰⴳⵔⴰⵡⵜ ⵜⴰⵎⴻⵣⵡⴰⵔⵓⵜ ⵏ ⵜⴽⴻⵕⵕⵓⵙⵉⵏ ⵜⵉⴽⴰⵏⵔⴰⵔⵉⵏ (4ⵅ4) ⵜⴻⴼⴼⴻⵖ-ⴷ ⵉ ⵙⵙⵔⴰⴱⴻⵙ ⵏ ⵍⴰⵎⴰⵏ

ⵜⵉⵀⴻⵕⵜ – ⵜⴻⴼⴼⴻⵖ-ⴷ, ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵜⵉⵀⴻⵕⵜ, ⵜⴻⴳⵔⴰⵡⵜ ⵜⴰⵎⴻⵣⵡⴰⵔⵓⵜ ⵏ ⵜⴽⴻⵕⵕⵓⵙⵉⵏ ⵜⵉⴽⴰⵏⵔⴰⵔⵉⵏ (4ⵅ4, ⴽⵓⵥ ⴷⴻⴳ ⴽⵓⵥ) ⵙⴻⴳ ⵍⵍⵓⵣⵉⵏ ⵏ ⵜⴽⴻⴱⴱⴰⵏⵉⵜ ⵜⴰⴷⵣⴰⵢⵔⵉⵜ ⵏ ⵓⵙⵙⴻⵖⵔⴻⴼ ⵏ ⵜⴽⴻⵕⵕⵓⵙⵉⵏ « ⵎⴻⵔⵛⴻⴷⴻⵙ ⴱⴻⵏⵣ » (ⵙⴰⴼⴰⵠ-ⵎⴱ) ⵏ ⵄⵉⵏ ⴱⵓⵛⵇⵉⴼ, ⵢⴻⵔⵏⴰ ⴷ ⵜⴰⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⴰⵔⴰ ⵜⵜ-ⵢⴰⵖⴻⵏ.

ⵜⴰⴳⵔⴰⵡⵜ-ⴰ ⵏ ⵜⴽⴻⵕⵕⵓⵙⵉⵏ ⵏ « ⵜⵙⴻⵔⴽⴻⵎⵜ ⴳ » ⵍⵍⴰⵏⵜ ⴷⴻⴳ-ⵙ 110 ⵏ ⵜⴽⴻⵕⵕⵓⵙⵉⵏ, ⵢⴻⵔⵏⴰ ⵜⴻⵜⵜⵓⵏⴻⴼⴽ ⴷⴻⴳ ⵢⵉⵡⴻⵜ ⵏ ⵜⴼⵓⴳⵍⴰ ⴷⴻⴳ ⵢⴻⵃⴷⴻⵕ ⵓⵏⴻⵎⵀⴰⵍ ⵏ ⵜⴻⵎⴳⵓⵔⵉⵢⵉⵏ ⵜⵉⵙⴻⵔⴷⴰⵙⵉⵢⵉⵏ ⴷⴻⴳ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ, ⴰⵊⵉⵏⵉⵕⴰⵍ-ⴰⵎⴰⵊⵓⵕ ⵛⵀⵧⵓⴰⴽⵉ ⵔⴰⵛⵀⵉⴷ, ⴰⵏⴻⵎⵀⴰⵍ ⵏ ⵜⴻⴷⴱⴻⵍⵜ ⵜⴰⵎⴰⵜⵓⵜ ⵏ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ, ⴰⵙⴻⴼⵇⴰⴷ ⵏ ⵜⴻⵎⵙⵓⵍⵜⴰ ⵏⵧⵓⵉ ⵙⵉⴼⵉ ⴷ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵜⴻⴷⴱⴻⵍⵜ ⵏ ⵜⴽⴻⴱⴱⴰⵏⵉⵜ ⵏ ⵙⴰⴼⴰⴱ-ⵎⴱ, ⴰⴽⵏⴰⵏⴻⵔ ⵙⵎⴰⵉⵍ ⴽⵔⵉⴽⵔⵧⵓ.

ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ ⵉ ⵜⵖⴻⵎⵙⴰ, ⴰⵏⴻⵎⵀⴰⵍ ⵏ ⵜⴻⵎⴳⵓⵔⵉⵢⵉⵏ ⵜⵉⵙⴻⵔⴷⴰⵙⵉⵢⵉⵏ ⴷⴻⴳ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ ⵉⵡⴻⴽⴽⴻⴷ-ⴷ ⴷ ⴰⴽⴽⴻⵏ ⵍⵍⵓⵣⵉⵏ ⵏ ⵜⴽⴻⵕⵕⵓⵙⵉⵏ ⵏ ⵎⴻⵔⵛⴻⴷⴻⵙ-ⴱⴻⵏⵣ ⵜⵓⴷⴻⴼ ⴷⴻⴳ ⵡⴰⵀⵉⵍ ⵏ ⵙⴻⵎⵎⵓⵙ ⵏ ⵢⵉⵙⴻⴳⴳⴰⵙⴻⵏ 2015-2014 ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵢⴻⵔⵏⴰ ⵉⵙⵡⵉ-ⵏⵏⴻⵙ ⵏⴻⵜⵜⴰ ⴷ ⴰⵙⴷⵓⵇⵇⴻⵙ ⵏ ⵜⴻⵎⴳⵓⵔⵉ ⵜⴰⵖⴻⵍⵏⴰⵡⵜ.

ⴰⵊⵉⵏⵉⵕⴰⵍ-ⴰⵎⴰⵊⵓⵕ ⵛⵀⵧⵓⴰⴽⵉ ⵔⴰⵛⵀⵉⴷ ⵢⴻⵔⵏⴰ-ⴷ ⴷ ⴰⴽⴽⴻⵏ ⵍⴻⴱⵏⵉ ⵏ ⵍⵍⵓⵣⵉⵏ-ⴰ ⵢⴻⵍⵍⴰ-ⴷ ⴷ ⴰⵙⵙⴻⴼⵄⴻⵍ ⵏ ⵍⴻⵡⵚⴰⵢⴰⵜ ⵏ ⵓⵏⵎⴰⵣⵓⵍ ⵏ ⵓⵏⴻⵖⵍⴰⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ, ⵉⵖⴻⴼ ⵏ ⵢⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ ⵏ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ, ⴰⵊⵉⵏⵉⵕⴰⵍ ⵏ ⵜⴼⴻⴽⴽⴰ ⵏ ⵢⵉⴳⴻⵏ, ⴰⵀⵎⴻⴷ ⴳⴰⵉⴷ ⵙⴰⵍⴰⵀ, ⵢⴻⵔⵏⴰ ⵢⴻⵍⵍⴰ-ⴷ ⵡⴰⵢⴰ ⴰⴽⴽⴻⵏ ⴰⴷ ⵣⴻⵎⵔⴻⵏⵜ ⵜⵙⵓⴷⴰ ⵏ ⵓⵡⴰⵏⴰⴽ ⴰⵎ ⵢⵉⴳⴻⵏ ⴰⵖⴻⵍⵏⴰⵡ ⴰⵖⴻⵔⴼⴰⵏ, ⵜⴰⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ, ⵜⴰⴷⵡⴰⵏⵜ ⴷ ⵓⵃⵓⴷⴷⵓ ⴰⵖⴰⵔⵉⵎ ⴰⴷ ⴷ-ⴰⵖⴻⵏⵜ ⵜⵉⴽⴻⵕⵕⵓⵙⵉⵏ ⴷⴻⴳ ⵙⵙⵓⵇ ⴰⵖⴻⵍⵏⴰⵡ.

« ⵏⴻⵙⵙⴰⵡⴻⴹ ⵖⴻⵔ ⵢⵉⵙⵡⵉ-ⵏⵏⴻⵖ ⵙ ⵍⴻⴱⵏⵉ ⵏ ⵍⵍⵓⵣⵉⵏ-ⴰ, ⴷ ⵉⵙⵡⵉ ⴷⴻⴳ ⴷ ⵉⴷⵣⴰⵢⵔⵉⵢⴻⵏ ⵢⴻⵖⵔⴰⵏ ⴷⴻⴳ ⵍⴰⵍⵎⴰⵏ ⴷ ⵜⵓⵜⵔⵉⵛⵜ ⴰⵔⴰ ⴷ-ⵉⵅⴻⴷⴷⵎⴻⵏ ⵜⵉⴽⴻⵕⵕⵓⵙⵉⵏ, ⴰⵎ ⵡⴰⴽⴽⴻⵏ ⴰⵢ ⵜⴻⵙⵄⴰ ⵜⴽⴻⴱⴱⴰⵏⵉⵜ-ⴰ ⴰⵙⵓⴷⵓ ⵏ ⵓⵙⵙⵉⵍⴻⵖ ⴷⴻⴳ ⵜⴻⵜⵡⵉⵍⵉⵏ ⵏ ⵜⴽⴻⵕⵕⵓⵙⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ ⴰⵙⵙⵉⵍⴻⵖ ⵏ ⵢⵉⵍⴻⵎⵥⵉⵢⴻⵏ ⵏ ⵜⵡⵉⵍⴰⵢⵜ ⵏ ⵜⵉⵀⴻⵕⵜ ⴷ « ⵍⴼⴰⵢⴷⴰ ⵜⴰⵎⴻⵇⵔⴰⵏⵜ. »

« ⵙⴻⴳ-ⴰ ⵖⴻⵔ ⵙⴷⴰⵜ, ⵉⵍⴻⵎⵥⵉⵢⴻⵏ-ⴰ ⴰⴷ ⵙⵙⵏⴻⵏ ⴰⵎⴰ ⴷ ⴰⴼⴰⵔⴻⵙ ⵏ ⵜⴽⴻⵕⵕⵓⵙⵉⵏ, ⴰⵎⴰ ⴷ ⴰⵣⵔⴰⵔ ⵏ ⵓⵕⴻⴽⴽⴻⴱ-ⵏⵙⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵙ ⵜⵓⵎⴻⵔⵜ (ⵍⴼⴻⵕⵃ).

ⵙⴻⴳ ⵢⵉⴷⵉⵙ-ⵏⵏⴻⵙ, ⴰⵏⴻⵎⵀⴰⵍ ⵏ ⵜⴻⴷⴱⴻⵍⵜ ⵜⴰⵎⴰⵜⵓⵜ ⵏ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ, ⴰⵙⴻⴼⵇⴰⴷ ⵏ ⵜⴻⵎⵙⵓⵍⵜⴰ ⵏⵧⵓⵉ ⵙⵉⴼⵉ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵛⵛⵖⴻⵍ-ⴰ ⴷ ⴰⵃⵔⵉⵛ ⵙⴻⴳ ⵍⴻⵡⵚⴰⵢⴰⵜ ⵏ ⵓⵏⵣⴰⴹ ⵏ ⵜⵎⴻⵀⵍⴰ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⵉ ⵍⵎⴻⵏⴷ ⵏ ⵓⵙⵏⴻⵔⵏⵉ ⵏ ⵓⵎⵄⴰⵡⴻⵏ ⴳⴰⵔ ⵜⵙⵓⴷⴰ ⴷ ⵓⵜⵜⴻⴽⴽⵉ ⴷⴻⴳ ⵜⵏⴻⴼⵍⵉⵜ ⵏ ⵜⴻⵎⴳⵓⵔⵉ ⵜⴰⵖⴻⵍⵏⴰⵡⵜ.

ⵎⴰ ⴷ ⴰⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵜⴻⴷⴱⴻⵍⵜ ⵏ ⵜⴽⴻⴱⴱⴰⵏⵉⵜ ⵜⴰⴷⵣⴰⵢⵔⵉⵜ ⵏ ⵓⵖⵔⴰⴼ ⵏ ⵜⴽⴻⵕⵕⵓⵙⵉⵏ ⵏ « ⵎⴻⵔⵛⴻⴷⴻⵙ-ⴱⴻⵏⵣ », ⴰⴽⵏⴰⵏⴻⵔ ⵙⵎⴰⵉⵍ ⴽⵔⵉⴽⵔⵧⵓ, ⵉⴳⴻⵔ-ⴷ ⵜⵉⵖⵔⵉ ⵉ ⵜⴽⴻⴱⴱⴰⵏⵉⵢⵉⵏ ⵜⵉⵏⴰⴳⴷⵓⴷⵉⵏ ⴷ ⵜⵓⵙⵍⵉⴳⵉⵏ ⴰⴽⴽⴻⵏ ⴰⴷ ⴷ-ⵜⵜⴰⵖⴻⵏⵜ ⵜⵉⴽⴻⵕⵕⵓⵙⵉⵏ ⴰⵢ ⵢⴻⵜⵜⵡⴰⵅⴻⴷⵎⴻⵏⵜ ⴷⴻⴳ ⵍⵍⵓⵣⵉⵏ ⵏ ⵙⴰⴼⴰⵠ-ⵎⴱ ⵙ ⵓⵇⴰⴷⴻⵔ ⵏ ⵢⵉⵍⵓⴳⴰⵏ ⵉⴳⵔⴰⵖⵍⴰⵏⴻⵏ.