ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵎⴻⵔⵏⵉⵡⵜ ⵏ ⵜⴻⵣⵎⴻⵔⵜ ⵏ ⵜⵔⵉⵙⵉⵜⵉ ⵙ 688 ⵏ ⵢⵉⵎⵉⴳⴰⵡⴰⵟⴻⵏ ⵙⴻⴳ ⵢⴻⵏⵏⴰⵢⴻⵔ

ⵍⴻⵣⵣⴰⵢⴻⵔ – ⵜⴰⴽⴻⴱⴱⴰⵏⵉ ⵜⴰⴷⵣⴰⵢⵔⵉⵜ ⵏ ⵓⴼⴰⵔⴻⵙ ⵏ ⵜⵔⵉⵙⵉⵜⵉ (ⵙⵒⴻ) ⵜⴻⵏⵏⴰ-ⴷ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵢⵉⵡⴻⵏ ⵏ ⵓⵍⵖⵓ ⴷ ⴰⴽⴽⴻⵏ ⴷⴻⴳ 7 ⵏ ⵡⴰⵢⵢⵓⵔⴻⵏ ⵉⵎⴻⵣⵡⵓⵔⴰ ⵏ 2015, ⵜⴻⵔⵏⴰ ⵜⴰⵣⵎⴻⵔⵜ ⵏ ⵓⴼⴰⵔⴻⵙ ⵏ ⵜⵔⵉⵙⵉⵜⵉ ⵙ 688 ⵏ ⵢⵉⵎⵉⴳⴰⵡⴰⵟⴻⵏ.

ⵜⵉⵣⴻⵎⵎⴰⵔ-ⴰ ⵜⵉⵎⴰⵢⵏⵓⵜⵉⵏ ⵏ ⵓⴼⴰⵔⴻⵙ ⴷ ⵜⵉⴷ ⴰⵢ ⵢⴻⵙⴵⴻⵀⴷⴻⵏ ⴰⴼⴰⵔⴻⵙ ⵏ ⵜⵔⵉⵙⵉⵜⵉ ⵏ ⵜⴽⴻⴱⴱⴰⵏⵉⵜ ⵏ ⵙⵒⴻ ⵢⴻⵔⵏⴰ ⵍⵍⴰⵏⵜ-ⴷ ⵙ ⵜⵓⵔⴱⵉⵏⵉⵏ ⵏ ⵍⴳⴰⵣ ⴷ ⵜⵓⵔⴱⵉⵏⵉⵏ ⵏ ⵍⴳⴰⵣ ⵜⵉⵣⵉⵔⴰⵣⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⴽⴻⴱⴱⴰⵏⵉⵜ-ⴰ ⵢⴻⵇⵇⵏⴻⵏ ⵖⴻⵔ ⵜⴻⴳⵔⴰⵡⵜ ⵏ ⵙⵧⵏⴻⵍⴳⴰⵣ.

ⴷⴻⴳ ⵜⴳⴰⵔⴰ ⵏ ⵢⵓⵍⵢⵓ, ⵙⵒⴻ ⵜⴻⵔⵥⴻⵎ ⵢⵉⵡⴻⵜ ⵏ ⵜⴻⴳⵔⴰⵡⵜ ⵏ ⵜⵓⵔⴱⵉⵏⵉⵏ ⵏ ⵍⴳⴰⵣ ⵏ 200 ⵏ ⵢⵉⵎⵉⴳⴰⵡⴰⵟⴻⵏ ⴷⴻⴳ ⵜⴻⵖⵙⴻⵔⵜ ⵏ ⵜⵔⵉⵙⵉⵜⵉ ⵏ ⵃⴰⵙⵉ ⵕⵕⵎⴻⵍ ⴷⴻⴳ ⵜⵡⵉⵍⴰⵢⵜ ⵏ ⵍⴻⵖⵡⴰⵟ, ⴷ ⵙⵏⴰⵜ ⵏ ⵜⴻⴳⵔⴰⵡⵉⵏ ⵏ ⵜⵓⵔⴱⵉⵏⵉⵏ ⵏ ⵍⴳⴰⵣ ⵜⵉⵔⵉⵣⴰⵣⵉⵏ ⵙ ⵜⴻⵣⵎⴻⵔ ⵏ 40 ⵏ ⵢⵉⵎⵉⴳⴰⵡⴰⵟⴻⵏ ⴷⴻⴳ ⵜⴻⵖⵙⴻⵔⵜ ⵏ ⵎⵙⵉⵍⴰ.

ⵙⴻⴳ ⵢⵉⴷⵉⵙ ⵏⵉⴹⴻⵏ, 16 ⵏ ⵜⴻⴳⵔⴰⵡⵉⵏ ⵏ ⵜⵓⵔⴱⵉⵏⵉⵏ ⵏ ⵍⴳⴰⵣ ⵜⵉⵣⵉⵔⴰⵣⵉⵏ ⴰⵢ ⵢⴻⴱⴷⴰⵏ ⴰⵎⴰⵀⵉⵍ (ⴰⵅⴻⴷⴷⵉⵎ) ⴷⴻⴳ ⵓⵣⴳⴻⵏ ⴰⵎⴻⵣⵡⴰⵔⵓ ⵏ 2015, ⴷ ⴰⵢⴻⵏ ⴰⵔⴰ ⴷ-ⵢⴻⴼⴽⴻⵏ ⴰⵊⴻⵎⵎⴰⵍ ⵏ 308 ⵏ ⵢⵉⵎⵉⴳⴰⵡⴰⵟⴻⵏ ⵏ ⵜⵔⵉⵙⵉⵜⵉ, ⴳⴰⵔ-ⴰⵙⴻⵏ 240 ⵏ ⵢⵉⵎⵉⴳⴰⵡⴰⵟⴻⵏ ⴷⴻⴳ ⵓⵥⴻⴹⴹⴰ ⴰⴳⵔⵓⵇⵇⵉⵏ ⴷ 60 ⵏ ⵢⵉⵎⵉⴳⴰⵡⴰⵟⴻⵏ ⴷ ⵓⵥⴻⴹⴹⴰ ⵓⵄⵣⵉⵍ ⵏ ⵓⵏⵥⵓⵍ ⴷⴻⴳ ⵜⴻⵎⵏⴰⴹⵜ ⵏ ⴰⴷⵔⴰⵔ.

ⵏⵏⵉⴳ ⵡⴰⵢⴰ, ⵜⴻⴱⴷⴰ ⴷⴰⵖ ⴰⵎⴰⵀⵉⵍ ⵢⵉⵡⴻⵜ ⵏ ⵜⴻⴳⵔⴰⵡⵜ ⵏ ⵜⵓⵔⴱⵉⵏⵉⵏ ⵏ 140 ⵏ ⵢⵉⵎⵉⴳⴰⵡⴰⵟⴻⵏ ⴷⴻⴳ ⵜⴻⵖⵙⴻⵔⵜ ⵏ ⵍⴰⴱⵔⴻⴳ ⴷⴻⴳ ⵜⵡⵉⵍⴰⵢⵜ ⵏ ⵜⵅⴻⵏⵛⴻⵍⵜ.