ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵃⵔⴰⵣ ⵏ ⵓⵖⴻⵔⴱⴰⵣ ⵙⴻⴳ ⵜⵙⴻⵔⵜⵉⵜ
ⵜⵍⴻⵎⵙⴰⵏ – ⵉⵎⵜⵜⴻⴽⴽⵉⵢⴻⵏ ⴷⴻⴳ ⵓⵏⵎⴰⵍⵓ (ⵙⵙⴰⵏⴷⵉⴽⴰ) ⵏ ⵜⴼⵉⴷⵉⵕⴰⵍⵉⵜ ⵜⴰⵖⴻⵍⵏⴰⵡⵜ ⵏ ⵢⵉⵅⴻⴷⴷⴰⵎⴻⵏ ⵏ ⵓⵙⵙⴻⴳⵎⵉ (ⴼⵏⵜⴻ) ⵃⴻⵜⵜⴻⵜⴻⵏ-ⴷ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵜⵍⴻⵎⵙⴰⵏ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵃⵔⴻⵣ ⵓⵖⴻⵔⴱⴰⵣ ⴰⴷⵣⴰⵢⵔⵉ ⵙⴻⴳ « ⵓⵏⴻⵄⵔⵓⴹ ⵏ ⵓⵙⵙⵉⴷⴻⴼ ⵏ ⵜⵙⴻⵔⵜⵉⵜ » ⵖⴻⵔ-ⵙ.
ⴷⴻⴳ ⵜⴳⴰⵔⴰ ⵏ ⵜⴻⵙⴷⴰⵡⵉⵜ ⵏ ⵓⵏⴻⴱⴷⵓ ⵜⴰⵎⴻⵣⵡⴰⵔⵓⵜ ⴷⴻⴳ ⵜⵍⴻⵎⵙⴰⵏ, ⵏⵏⴰⵏ-ⴷ ⵢⵉⵎⵜⵜⴻⴽⴽⵉⵢⴻⵏ-ⴰ ⴷ ⴰⴽⴽⴻⵏ ⵢⴻⵙⵙⴻⴼⴽ « ⴰⴷ ⵢⴻⵜⵜⵡⴰⵃⵔⴻⵣ ⵓⵖⴻⵔⴱⴰⵣ ⴰⴷⵣⴰⵢⵔⵉ ⵙⴻⴳ ⵓⵏⴻⵄⵔⵓⴹ ⵏ ⵓⵙⵙⵉⴷⴻⴼ ⵏ ⵜⵙⴻⵔⵜⵉⵜ ⵖⴻⵔ-ⵙ ⵢⴻⵔⵏⴰ ⵢⴻⵙⵙⴻⴼⴽ ⴰⴷ ⵏⴻⴹⴹⴻⴼ ⴷⴻⴳ ⵡⴰⵣⴰⵍⴻⵏ ⵏ ⵜⵎⴰⴳⵉⵜ ⵜⴰⵖⴻⵍⵏⴰⵡⵜ ».
ⵎⵉ ⴼⵓⴽⴻⵏⵜ ⵜⵙⴻⵎⵙⴰⵍ ⵏ ⵓⵎⵢⴰⴳⴻⵔ-ⴰ ⴰⵢ ⴷ-ⵜⴳⴰ ⵜⴼⵉⴷⵉⵕⴰⵍⵉⵜ ⴳⴰⵔ 3 ⴷ 6 Ɣⵓⵛⵜ, ⵉⵎⵜⵜⴻⴽⴽⵉⵢⴻⵏ ⵡⴻⵚⵚⴰⵏ-ⴷ ⴷⴰⵖ ⴷ ⴰⴽⴽⴻⵏ « ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵓⵄⴷⴰⵍ ⴷⴻⴳ ⵓⵥⴰⵢⴻⵔ ⴰⵎⴰⵥⵍⴰⵢ ⵏ ⵢⵉⵅⴻⴷⴷⴰⵎⴻⵏ ⵏ ⵓⵙⵙⴻⴳⵎⵉ ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⴷ-ⵜⴻⵜⵜⵡⴰⵃⵓⴷⴷ ⵍⵎⵓⴷⴷⴰ ⵏ ⵜⵙⴻⵇⵇⴰⵎⵓⵜ ⵜⴰⵖⴻⵍⵏⴰⵡⵜ ⴰⵢ ⴷ-ⵙⴱⴻⴷⴷⴻⵏ ⵉ ⵍⵎⴻⵏⴷ ⵏ ⵡⴰⵢⴰ ».
ⵉⵎⵜⵜⴻⴽⴽⵉⵢⴻⵏ ⴷⴻⴳ ⵓⵎⵢⴰⴳⴻⵔ-ⴰ ⵙⵙⵓⵜⵔⴻⵏ ⴷⴰⵖ ⴰⴷ ⵜⵜⴻⴽⴽⵉⵏ ⵓⴳⴰⵔ ⵏ ⵢⵉⴷⵉⵙⴰⵏ ⴷⴻⴳ ⵓⵎⵛⵉⵡⴻⵕ ⵖⴻⴼ ⵜⵙⴻⵎⵎⴻⵙⴽⴻⵍⵜ ⵏ ⵓⵙⵙⴻⴳⵎⵉ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵙⴻⴼⴽ ⴰⴷ ⴵⴵⴻⵏ ⵉⵛⵔⵉⴽⴻⵏ ⵉⵏⵎⴻⵜⵜⵉⵢⴻⵏ ⴰⴷ ⵓⵔⴰⵔⴻⵏ ⴷⴷⵓⵕ ⴷⴻⴳ ⵡⴰⵢⴰ. ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵙⵙⴻⴼⴽ ⴰⴷ ⵜⴻⵜⵜⴻⴽⴽⵉ ⵜⴼⵉⴷⵉⵕⴰⵍⵉⵜ ⵜⴰⵖⴻⵍⵏⴰⵡⵜ ⵏ ⵢⵉⵅⴻⴷⴷⴰⵎⴻⵏ ⵏ ⵓⵙⵙⴻⴳⵎⵉ ⴷⴻⴳ ⵓⴱⴻⴷⴷⴻⵍ ⵏ ⵍⴻⵇⵡⴰⵏⵉⵏ ⴰⵢ ⵢⴻⵙⵙⴻⴷⴷⴰⵢⴻⵏ ⵉⵎⴰⵀⵉⵍⴻⵏ ⵉⵏⵎⴻⵜⵜⵉⵢⴻⵏ ⵏ ⵢⵉⵅⴻⴷⴷⴰⵎⴻⵏ ⵏ ⵓⵙⵙⴻⴳⵎⵉ.
ⵜⴰⵙⴷⴰⵡⵉⵜ-ⴰ ⵜⴰⵎⴻⵣⵡⴰⵔⵓⵜ ⵏ ⵓⵏⴻⴱⴷⵓ ⵜⵜⴻⴽⴽⴰⵏ ⴷⴻⴳ-ⵙ 160 ⵏ ⵢⵉⴽⴰⵜⴰⵔⴻⵏ ⵏ ⵓⵏⵎⴰⵍⵓ ⵏ ⵜⴼⵉⴷⵉⵕⴰⵍⵉⵜ ⵜⴰⵖⴻⵍⵏⴰⵡⵜ ⵏ ⵢⵉⵅⴻⴷⴷⴰⵎⴻⵏ ⵏ ⵓⵙⵙⴻⴳⵎⵉ, ⵢⴻⵔⵏⴰ ⵜⴻⵍⵍⴰ-ⴷ ⴷ ⵜⴰⴳⵏⵉⵜ ⵉ ⵓⵙⴽⴰⵙⵉ ⵖⴻⴼ ⵜⴻⵎⵙⴰⵍ ⵢⴻⵎⴳⴻⵔⵔⴰⴷⴻⵏ ⴷ ⵓⵎⴱⴰⴷⴷⴻⵍ ⵏ ⵜⴻⴽⵜⴰ ⴰⵔⴰ ⵢⴻⴵⴵⴻⵏ ⵉⵎⵜⵜⴻⴽⴽⵉⵢⴻⵏ-ⴰ ⴰⴷ ⵙⴵⴻⵀⴷⴻⵏ ⵜⴰⴳⵔⴰⵡⵜ-ⵏⵙⴻⵏ ⵢⴻⵔⵏⴰ ⴰⴷ ⴷ-ⵍⵀⵓⵏ ⴷ ⵡⴰⵟⴰⵙ ⵏ ⵜⴻⵎⵙⴰⵍ ⵜⵉⵙⵏⴻⴳⵎⴰⵏⵉⵏ « ⴰⴽⴽⴻⵏ ⴰⴷ ⵢⵉⵍⵉ ⵓⵖⴻⵔⴱⴰⵣ ⴰⴷⵣⴰⵢⵔⵉ ⴷ ⵓⵔⴽⵉⴷ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵔⵓ ⴰⵎⴰⵜⵓ ⵏ ⵓⵏⵎⴰⵍⵓ-ⴰ ⴰⵖⴻⵍⵏⴰⵡ, ⴼⴻⵔⵀⴰⵜ ⵛⵀⴰⴱⴻⴽⵀ ⴷⴻⴳ ⵜⴳⴰⵔⴰ ⵏ ⵓⵎⵢⴰⴳⴻⵔ-ⴰ.
