ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵜⵍⵉⵜⵉⵜ: ⵙⴰⵍⵉⵎ ⴽⴻⴷⴷⴰⵔ ⵉⵄⴻⴷⴷⴰ ⵖⴻⵔ ⵜⴻⵍⵖⵓⵖⴰ ⵏ ⵓⵎⴰⴹⴰⵍ ⵏ ⵒⵉⴽⵉⵏ

ⵍⴷⵣⴰⵢⴻⵔ – ⴰⴷⵣⴰⵢⵔⵉ ⵙⴰⵍⵉⵎ ⴽⴻⴷⴷⴰⵔ (1500 ⵏ ⵍⵎⵉⵜⵔⴰⵜ) ⴷ ⵏⴻⵜⵜⴰ ⴰⵢ ⴷ ⴰⴷⵣⴰⵢⵔⵉ ⴰⵏⴻⴳⴳⴰⵔⵓ ⴰⵢ ⵉⵄⴻⴷⴷⴰⵏ ⵖⴻⵔ ⵜⴻⵍⵖⵓⵖⴰ ⵏ ⵓⵎⴰⴹⴰⵍ ⵏ ⵜⴰⵜⵍⵉⵜⵉⵜ ⵏ 2015 ⴰⵔⴰ ⴷ-ⵢⵉⵍⵉⵏ ⴷⴻⴳ ⵒⵉⴽⵉⵏ ⴳⴰⵔ 22 ⴷ 30 ⵖⵓⵛⵜ. ⴽⴻⴷⴷⴰⵔ ⵢⴻⵙⵙⴰⵡⴻⴹ ⴰⴷ ⴷ-ⵢⴰⵡⵉ ⴰⴳⵎⵓⴹ-ⵏⵏⴻⵙ ⵏ ⵓⵄⴻⴷⴷⵉ ⴰⵙⵙ ⵏ ⵙⵙⴻⴱⵜ ⵜⴰⵎⴻⴷⴷⵉⵔⵜ ⴷⴻⴳ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⴷⴻⴳ ⵓⵎⵢⴰⴳⴻⵔ ⴰⵏⴰⴷⴷⴰⵍ ⵏ « ⵜⴻⴷⵖⴻⵔⵜ » ⴰⵢ ⵜⴳⴰ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⴰⵜⵍⵉⵜⵉⵜ.

ⴰⵏⴰⴷⴷⴰⵍ-ⴰ ⴰⵢ ⵉⵅⴻⴷⴷⵎⴻⵏ ⴷⴻⴳ ⵓⵃⵓⴷⴷⵓ ⴰⵖⴰⵔⵉⵎ ⵏ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ, ⵢⴻⵡⵡⵉ-ⴷ ⴰⴳⵎⵓⴹ ⵏ 3:35.92 ⴷⴻⴳ ⵓⴽⵕⵓⵏⵓⵎⵉⵜⵔ, ⵢⴻⵔⵏⴰ ⵢⴻⵙⵙⴰⵡⴻⴹ ⴰⴷ ⵉⵄⴻⴷⴷⵉ ⵖⴻⵔ ⵜⴻⵍⵖⵓⵖⴰ ⵏ ⵓⵎⴰⴹⴰⵍ ⵏ ⵒⵉⴽⵉⵏ.

ⴷ ⵡⴰ ⴰⵢ ⴷ ⴰⵏⴰⴷⴷⴰⵍ ⴰⴷⵣⴰⵢⵔⵉ ⵡⵉⵙ 12 ⵢⴻⵔⵏⴰ ⴷ ⴰⵏⴻⴳⴳⴰⵔⵓ ⴰⵔⴰ ⵉⵄⴻⴷⴷⵉⵏ ⵖⴻⵔ ⵜⴻⵍⵖⵓⵖⴰ-ⴰ ⴰⵔⴰ ⴷ-ⵢⵉⵍⵉⵏ ⴷⴻⴳ ⵛⵛⵉⵏⵡⴰ. ⴷⴷⵓⵕⵜ ⵢⴻⵣⵔⵉⵏ, ⴷ ⵎⵉⵍⵧⵓⴷ ⵔⴰⵀⵎⴰⵏⵉ ⴷ ⵙⴰⴱⴻⵔ ⴱⵧⵓⴽⴻⵎⵧⵓⵛⵀⴻ ⴰⵢ ⵢⴻⵙⵙⴰⵡⴹⴻⵏ ⴰⴷ ⵄⴻⴷⴷⵉⵏ ⴷⴻⴳ ⵜⴻⵎⵙⵉⵣⵣⴻⵍⵜ ⵏ 400 ⵏ ⵍⵎⵉⵜⵔⴰⵜ ⵙ ⵢⵉⴼⴻⵔⴳⴰⵏ ⴷⴻⴳ ⵜⴻⵍⵖⵓⵖⴰ « ⵉⵔⴻⵥⵎⴻⵏ » ⵏ ⵍⴷⵣⴰⵢⴻⵔ.

ⴰⵎⵢⴰⴳⴻⵔ ⴰⵏⴰⴷⴷⴰⵍ ⵏ « ⵜⴻⴷⵖⴻⵔⵜ » ⵍⵍⴰⵏ-ⴷ ⴷⴻⴳ-ⵙ 21 ⵏ ⵢⵉⴽⴰⵢⴰⴷⴻⵏ ⵢⴻⵔⵏⴰ ⴷ ⵏⴻⵜⵜⴰⵜ ⴰⵢ ⴷ ⵜⵉⵎⵙⵉⵣⵡⴻⵔⵜ ⵜⴰⵏⴻⴳⴳⴰⵔⵓⵜ ⴰⵢ ⵜⴻⵙⵙⵓⴷⴷⴻⵙ ⵜⴼⵉⴷⵉⵕⴰⵍⵉⵜ ⵜⴰⴷⵣⴰⵢⵔⵉⵜ ⵏ ⵜⴰⵜⵍⵉⵜⵉⵜ ⵉ ⵓⵄⴻⴷⴷⵉ ⵖⴻⵔ ⵜⴻⵍⵖⵓⵖⴰ ⵏ ⵒⵉⴽⵉⵏ ⵏ 2015.

ⵙⴰⵍⵉⵎ ⴽⴻⴷⴷⴰⵔ ⵢⴻⵔⵏⴰ ⵖⴻⵔ 11-ⵏⵏⵉ ⵏ ⵢⵉⵏⴰⴷⴷⴰⵍⴻⵏ ⵉⴷⵣⴰⵢⵔⵉⵢⴻⵏ ⵏⵉⴹⴻⵏ ⴰⵢ ⵢⴻⵙⵙⴰⵡⴹⴻⵏ ⵖⴻⵔ ⵢⵉⴳⵎⴰⴹ ⴰⴷⴷⴰⵢⴻⵏ ⴰⵔⴰ ⵜⴻⵏ-ⵢⴻⴵⴵⴻⵏ ⴰⴷ ⵜⵜⴻⴽⴽⵉⵏ ⴷⴻⴳ ⵜⴻⵍⵖⵓⵖⴰ-ⴰ, ⵢⴻⵔⵏⴰ ⵡⵉ ⴷ ⴰⴱⴷⴻⵍⴽⵔⵉⵎ ⵍⴰⵀⵧⵓⵍⵧⵓ, ⵎⵉⵍⵧⵓⴷ ⵔⴰⵀⵎⴰⵏⵉ ⴷ ⵙⴰⴱⴻⵔ ⴱⵧⵓⴽⴻⵎⵧⵓⵛⵀⴻ (ⵜⵉⵎⵙⵉⵣⵣⴻⵍⵜ ⵏ 400 ⵏ ⵍⵎⵉⵜⵔⴰⵜ ⵙ ⵢⵉⴼⴻⵔⴳⴰⵏ), ⵢⴰⵛⵉⵏⴻ ⵀⴰⵜⵀⴰⵜ (800 ⵏ ⵍⵎⵉⵜⵔⴰⵜ), ⵀⵉⵛⵀⴰⵎ ⴱⵧⵓⵛⵀⵉⵛⵀⴰ ⴷ ⴱⵉⵍⵍⴻⵍ ⵜⴰⴱⵜⵉ (3000 ⵏ ⵍⵎⵉⵜⵔⴰⵜ ⵙ ⵜⴻⵎⴷⵓⵛⵜ), ⵍⴰⵔⴱⵉ ⴱⵧⵓⵔⴰâⴷⴰ (ⴰⴷⵉⴽⴰⵟⵍⵓⵏ), ⵜⴰⵧⵓⴼⵉⴽ ⵎⴰⴽⵀⵍⵧⵓⴼⵉ (800/1500 ⵏ ⵍⵎⵉⵜⵔⴰⵜ), ⴰⵎⵉⵏⴰ ⴱⴻⵜⵜⵉⵛⵀⴻ (3000 ⵏ ⵍⵎⵉⵜⵔⴰⵜ ⵙ ⵜⴻⵎⴷⵓⵛⵜ), ⵙⵧⵓⴰⴷ ⴰïⵜ ⵙⴰⵍⴻⵎ ⴷ ⴱⴰⵔⴽⴰⵀⵧⵓⵎ ⴷⵔⵉⵛⵉ (ⴰⵎⴰⵔⴰⵟⵓⵏ).