ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴽⴽⴻⵏ ⴰⴷ ⵔⴻⴱⵃⴻⵏ ⵢⵉⵔⴷⴻⵏ ⵉⵇⵓⵔⴰⵏⴻⵏ, ⵢⴻⵙⵙⴻⴼⴽ ⴰⴷ ⵙⵙⵡⴻⵏ ⵉⴳⵔⴰⵏ

ⵍⴻⵣⵣⴰⵢⴻⵔ – ⵍⴻⵣⵣⴰⵢⴻⵔ ⴷ ⵢⵉⵡⴻⵜ ⵙⴻⴳ ⵜⵎⵓⵔⴰ ⴰⵢ ⴷ-ⵢⴻⵜⵜⴰⴵⵡⴻⵏ ⴰⵟⴰⵙ ⴰⴽⴽ ⵏ ⵢⵉⵔⴷⴻⵏ ⴷ ⵜⴻⵎⵥⵉⵏ ⴷⴻⴳ ⵓⵎⴰⴹⴰⵍ, ⵢⴻⵔⵏⴰ ⴰⴽⴽⴻⵏ ⴰⴷ ⵜⴻⵙⵙⵉⵡⴻⴹ ⴰⴷ ⴷ-ⵜⴻⴽⴼⵓ ⵉⵎⴰⵏ-ⵏⵏⴻⵙ ⵙ ⵢⵉⵔⴷⴻⵏ ⵉⵇⵓⵔⴰⵏⴻⵏ ⵙⴻⴳ-ⴰ ⵖⴻⵔ 2019, ⵢⴻⵙⵙⴻⴼⴽ ⴰⴷ ⵜⴻⵔⵏⵓ ⵜⵊⵓⵎⵎⴰ ⵏ ⵡⴰⴽⴰⵍ ⴰⵢ ⵢⴻⵜⵜⵡⴰⵙⵙⵡⴰⵢⴻⵏ.

« ⴰⴷ ⵏⴻⵙⵙⵉⵡⴻⴹ, ⵙⴻⴳ-ⴰ ⵖⴻⵔ 2019, ⵖⴻⵔ ⵢⵉⵙⵡⵉ ⵏ 600.000 ⵏ ⵢⵉⵇⴻⵟⵟⴰⵔⴻⵏ ⵏ ⵢⵉⴳⵔⴰⵏ ⵏ ⵢⵉⵎⴻⵏⴷⵉ (ⵉⵔⴷⴻⵏ ⴷ ⵜⴻⵎⵥⵉⵏ) ⴰⵢ ⵢⴻⵜⵜⵡⴰⵙⵙⵡⴰⵢⴻⵏ, ⵢⴻⵔⵏⴰ ⵜⴰⵊⵓⵎⵎⴰ-ⴰ ⴰⴷ ⵜⴻⵙⵙⵉⵡⴻⴹ ⴰⴷ ⴷ-ⵜⴻⵜⵜⴰⴽⴼ 30 ⵏ ⵢⵉⵇⴻⵏⵟⴰⵔⴻⵏ ⵏ ⵍⵖⴻⵍⵍⴰ ⵉ ⵓⵇⴻⵟⵟⴰⵔ, ⴷⵖⴰ ⴷ ⴰⵢⴰ ⴰⵔⴰ ⵢⴻⴵⴵⴻⵏ ⴰⴷ ⴷ-ⵏⴻⴽⴼⵓ ⵉⵎⴰⵏ-ⵏⵏⴻⵖ ⵙ ⵜⴻⴼⵙⴻⵙ ⴷⴻⴳ ⵍⵖⴻⵍⵍⴰ ⵏ ⵢⵉⵔⴷⴻⵏ ⵉⵇⵓⵔⴰⵏⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⵏⴰⵔⵉⵜ ⵜⴰⴷⵣⴰⵢⵔⵉⵜ ⵜⴰⴳⴻⵔⵙⴰⴷⵓⵔⵜ ⵏ ⵢⵉⵎⴻⵏⴷⵉ (ⵧⴰⵉⵛ), ⵎⵧⵀⴰⵎⴻⴷ ⴱⴻⵍⴰⴱⴷⵉ ⴷⴻⴳ ⵢⵉⵡⴻⵏ ⵏ ⵓⴷⵉⵡⴻⵏⵏⵉ ⴷ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.

ⵜⴰⴼⴻⵍⵍⴰⵃⵜ ⵏ ⵢⵉⵎⴻⵏⴷⵉ ⵜⴻⵇⵇⴻⵏ ⵎⵍⵉⵃ ⵖⴻⵔ ⵓⴳⴻⴼⴼⵓⵔ ⴷⴻⴳ ⵍⴻⵣⵣⴰⵢⴻⵔ. 3,4 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵇⴻⵟⵟⴰⵔⴻⵏ ⴰⵢ ⵢⴻⵥⵥⴰⵏ ⴷ ⵉⵎⴻⵏⴷⵉ, ⵎⴰⵛⴰ ⴰⵍⴰ 240.000 ⵏ ⵢⵉⵇⴻⵟⵟⴰⵔⴻⵏ (7%) ⴰⵢ ⵍⴰ ⵢⴻⵜⵜⵡⴰⵙⵙⵡⴰⵢⴻⵏ.

ⵖⴻⴼ ⵍⴻⵃⵙⴰⴱ ⵏ ⵡⴰⵢⴻⵏ ⴰⵢ ⵙⵙⴻⴼⵔⴰⵏ ⴷⴻⴳ ⵡⴰⵀⵉⵍ ⵏ ⵙⴻⵎⵎⵓⵙ ⵏ ⵢⵉⵙⴻⴳⴳⴰⵙⴻⵏ ⵏ 2015-2019, ⴰ ⵡⵉⵏ ⵢⵓⴼⴰⵏ ⵍⴻⵣⵣⴰⵢⴻⵔ ⴰⴷ ⴷ-ⵜⴻⴼⴽ ⵍⵖⴻⵍⵍⴰ ⵏ 69,9 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵇⴻⵏⵟⴰⵔⴻⵏ ⵏ ⵢⵉⵎⴻⵏⴷⵉ, ⵢⴻⵔⵏⴰ ⴰⵢⴰ ⵢⵓⴳⴰⵔ ⵙ ⵙⵏⴰⵜ ⵏ ⵜⵉⴽⴽⴰⵍ ⵍⵖⴻⵍⵍⴰ ⴰⵢ ⵍⴰ ⴷ-ⵜⴻⵜⵜⴰⴽⴼ ⵜⵎⵓⵔⵜ ⴰⵙⵙ-ⴰ, ⴷ ⴰⵛⵓ ⴽⴰⵏ, ⴰⵢⴰ ⵓⵔ ⴷ-ⵢⴻⵜⵜⵉⵍⵉ ⴰⵔⴰ ⴰⵔⵎⴰ ⵙⵎⴻⵖⵔⴻⵏ ⵜⴰⵊⵓⵎⵎⴰ ⵏ ⵡⴰⴽⴰⵍ ⵏ ⵜⴼⴻⵍⵍⴰⵃⵜ ⴰⵢ ⵢⴻⵜⵜⵡⴰⵙⵙⵡⴰⵢⴻⵏ ⵙ ⵓⵎⴻⵍⵢⵓⵏ ⵏ ⵢⵉⵇⴻⵟⵟⴰⵔⴻⵏ, ⴳⴰⵔ-ⴰⵙⴻⵏ 600.000 ⵏ ⵢⵉⵇⴻⵟⵟⴰⵔⴻⵏ ⵉ ⵜⵓⵥⵓⵜ ⵏ ⵢⵉⵎⴻⵏⴷⵉ. « ⴰⵇⵍ-ⴰⵖ ⵍⴰ ⵏⴻⵙⵙⴻⴵⵀⴰⴷ ⴰⵃⵔⵉⵛ ⵏ ⵜⴼⴻⵍⵍⴰⵃⵜ ⵏ ⵢⵉⵔⴷⴻⵏ ⵉⵇⵓⵔⴰⵏⴻⵏ ⴷ ⵜⴻⵎⵥⵉⵏ, ⵍⴰⴷⵖⴰ ⵉⵎⵉ ⵉⴼⴰⵔⵉⵙⴻⵏ-ⴰ ⵏⴻⵣⵎⴻⵔ ⴰⴷ ⵜⴻⵏ-ⵏⴻⵙⵏⴻⵔⵉ. ⵍⴻⵣⵣⴰⵢⴻⵔ ⵜⴻⵜⵜⵡⴰⵙⵙⴻⵏ ⴷⴻⴳ ⵓⵎⴻⵣⵔⵓⵢ ⴷ ⴰⴽⴽⴻⵏ ⴷ ⵜⴰⵎⵓⵔⵜ ⵏ ⵢⵉⵔⴷⴻⵏ ⵉⵇⵓⵔⴰⵏⴻⵏ ⵏ ⵜⵖⴰⵔⴰ ⵢⴻⵍⵀⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⴻⵍⴰⴱⴷⵉ.

ⵍⵖⴻⵍⵍⴰ ⵏ ⵢⵉⵔⴷⴻⵏ ⵉⵇⵓⵔⴰⵏⴻⵏ ⵜⴻⵔⵏⴰ ⵛⵡⵉⵟ ⴷⴻⴳ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ ⵙ ⵜⵙⴻⵔⵜⵉⵜ ⵜⴰⵎⴰⵢⵏⵓⵜ ⵏ ⵓⵄⴰⵡⴻⵏ ⴷ ⵓⴹⴼⴰⵔ ⴰⵢ ⴹⴻⴼⵔⴻⵏ ⵢⵉⴷⵓⴱⴰ ⵉⵏⴰⴳⴷⵓⴷⴻⵏ ⵙⴻⴳ 2009, ⵢⴻⵔⵏⴰ ⵍⵖⴻⵍⵍⴰ-ⵏⵏⵉ ⴰⵢ ⵢⴻⵍⵍⴰⵏ ⵣⵉⴽ 10 ⵏ ⵢⵉⵇⴻⵏⵟⴰⵔⴻⵏ ⵉ ⵓⵇⴻⵟⵟⴰⵔ ⵜⴻⵡⵡⴻⴹ ⵖⴻⵔ 20 ⵏ ⵢⵉⵇⴻⵏⵟⴰⵔⴻⵏ ⵉ ⵓⵇⴻⵟⵟⴰⵔ.

ⴷ ⴰⵛⵓ ⴽⴰⵏ, ⵜⴰⴼⴰⵜⵓⵕⵜ ⵏ ⵡⴰⴵⴰⵡ ⵏ ⵢⵉⵔⴷⴻⵏ ⵉⵇⵓⵔⴰⵏⴻⵏ ⵎⴰⵣⴰⵍ-ⵉⵜⵜ ⵖⵍⴰⵢⴻⵜ ⵢⴻⵔⵏⴰ ⵜⴻⵡⵡⴻⴹ ⵖⴻⵔ 784 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ ⴷⴻⴳ 2014, ⴷ ⴰⵙⴻⴳⴳⴰⵙ ⴰⵢⴷⴻⴳ ⴷ-ⵢⴻⵜⵜⵡⴰⴵⴻⵡ 1,98 ⴷ ⴰⵎⴻⵍⵢⵓⵏ ⵏ ⵢⵉⵟⵓⵏⴻⵏ ⵏ ⵢⵉⵟⵓⵏⴻⵏ, ⵢⵉⵍⵉ ⴷⴻⴳ 2013, ⵍⴻⵣⵣⴰⵢⴻⵔ ⵜⵓⴵⴻⵡ-ⴷ 1,09 ⴷ ⴰⵎⴻⵍⵢⵓⵏ ⵏ ⵢⵉⵟⵓⵏⴻⵏ ⵙ ⵙⵙⵓⵎⴰ ⵏ 434 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵓⵍⴰⵕⴻⵏ. « ⵉⵔⴷⴻⵏ ⵉⵇⵓⵔⴰⵏⴻⵏ ⵖⵍⴰⵢⵉⵜ ⵙⵏⴰⵜ ⵏ ⵜⵉⴽⴽⴰⵍ ⵓⴳⴰⵔ ⵏ ⵢⵉⵔⴷⴻⵏ ⵉⵍⴻⵇⵇⴰⵇⴻⵏ ⴷⴻⴳ ⵙⵙⵓⵇ ⴰⵎⴰⴹⵍⴰⵏ ⴰⵢ ⵢⴻⵣⴳⴰⵏ ⵓⵔ ⵢⴻⵔⴽⵉⴷ ⴰⵔⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⴻⵍⴰⴱⴷⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ ⵜⴰⵏⴰⵔⵉⵜ ⵜⴰⴷⵣⴰⵢⵔⵉⵜ ⵜⴰⴳⴻⵔⵙⴰⴷⵓⵔⵜ ⵏ ⵢⵉⵎⴻⵏⴷⵉ (ⵧⴰⵉⵛ) ⵍⴰ ⵜⴻⵜⵜⵏⴰⴷⵉ ⴰⴷ ⵜⴻⵙⵙⴻⵏⵇⴻⵙ ⴰⴵⴰⵡ ⵏ ⵢⵉⵎⴻⵏⴷⵉ ⵙ ⵓⵙⵏⴻⴼⵍⵉ ⵏ ⵓⴼⴰⵔⴻⵙ ⴰⵖⴻⵍⵏⴰⵡ.

ⴰⵙⵙⴻⵏⵇⴻⵙ-ⴰ ⵢⴻⵙⵙⴻⴼⴽ ⴰⴷ ⴷ-ⵢⵉⵍⵉ ⵍⴰⴷⵖⴰ ⵉⵎⵉ ⴰⵊⴻⵎⵎⴰⵍ ⵏ ⵡⴰⴵⴰⵡ ⵏ ⵢⵉⵎⴻⵏⴷⵉ ⵙ ⵓⵎⴰⵜⴰ (ⵉⵔⴷⴻⵏ ⵉⵇⵓⵔⴰⵏⴻⵏ, ⵉⵍⴻⵇⵇⴰⵇⴻⵏ, ⵜⵉⵎⵥⵉⵏ ⴷ ⵓⴽⴱⴰⵍ) ⵢⴻⵡⵡⴻⴹ ⵖⴻⵔ 3,54 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ ⴷⴻⴳ 2014, ⵢⵉⵍⵉ ⴷⴻⴳ 2013, ⴰⴵⴰⵡ-ⴰ ⵢⴻⵙⵇⴰⵎ-ⴷ 3,16 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ. ⵙ ⵡⴰⵢⴰ, ⴰⴵⴰⵡ ⵏ ⵢⵉⵎⴻⵏⴷⵉ ⵢⴻⵔⵏⴰ ⵙ 12% ⵉⵍⵉⵏⴷⵉ.

ⵍⵖⴻⵍⵍⴰ ⵏ 2014-2015 ⵜⵉⴼ ⵜⵉⵏ ⴰⵢ ⵜⵜ-ⵢⴻⵣⵡⴰⵔⴻⵏ

ⵙ ⵡⴰⵢⴰ, ⴰⴽⴽⴻⵏ ⴰⴷ ⵜⴻⵜⵜⵡⴰⵙⵙⴻⵎⵖⴻⵔ ⵜⵊⵓⵎⵎⴰ ⵏ ⵢⵉⴳⵔⴰⵏ ⵢⴻⵜⵜⵡⴰⵙⵙⵡⴰⵢⴻⵏ, ⵜⴰⵏⴰⵔⵉⵜ ⵜⴰⴷⵣⴰⵢⵔⵉⵜ ⵜⴰⴳⴻⵔⵙⴰⴷⵓⵔⵜ ⵏ ⵢⵉⵎⴻⵏⴷⵉ (ⵧⴰⵉⵛ) ⵍⴰ ⵜⴻⵙⵙⴻⴷⴷⴰⵢ ⵢⵉⵡⴻⵏ ⵏ ⵡⴰⵀⵉⵍ ⵉ ⵍⵎⴻⵏⴷ ⵏ ⵓⵜⴻⵡⵡⴻⵍ ⵏ ⵢⵉⴳⵔⴰⵏ ⵙ ⵜⵜⴰⵡⵉⵍ ⵏ ⵓⵙⵙⵡⴰⵢ (ⴰⴳⴻⵎ, ⴰⵎⵕⵓⵛ…) ⵍⴰⴷⵖⴰ ⴷⴻⴳ ⵓⵏⵥⵓⵍ ⵏ ⵜⵎⵓⵔⵜ.

ⵙ ⵢⵉⴷⵔⵉⵎⴻⵏ ⴰⵢ ⴷ-ⵢⴻⵜⵜⵡⴰⵔⴹⴰⵍⴻⵏ ⵉ ⵢⵉⴼⴻⵍⵍⴰⵃⴻⵏ ⵙⴻⴳ ⵜⴱⴰⵏⴽⴰ, ⵜⴻⵡⵡⴻⴹ ⵜⵊⵓⵎⵎⴰ ⵏ ⵡⴰⴽⴰⵍ ⵢⴻⵜⵜⵡⴰⵙⵙⵡⴰⵢⴻⵏ ⵖⴻⵔ 30.000 ⵏ ⵢⵉⵇⴻⵟⵟⴰⵔⴻⵏ, ⵢⵉⵍⵉ ⴷⴻⴳ 2014, ⵜⴻⵍⵍⴰ 24.000 ⵏ ⵢⵉⵇⴻⵟⵟⴰⵔⴻⵏ.

ⴰⵜⴻⵡⵡⴻⵍ ⵏ ⵢⵉⴳⵔⴰⵏ ⵙ ⵜⵜⴰⵡⵉⵍ ⵏ ⵓⵙⵙⵡⴰⵢ ⵢⴻⵜⵜⵚⴻⵔⵔⵉⴼ ⴼⴻⵍⵍ-ⴰⵙ ⵓⵡⴰⵏⴰⴽ (ⴷⴷⵓⵍⴰ) 50%, ⵎⴰ ⴷ ⵉⴷⵔⵉⵎⴻⵏ ⵏⵉⴹⴻⵏ ⴰⵔⴰ ⴷ-ⵢⴻⵔⴹⴻⵍ ⵉⴼⴻⵍⵍⴰⵃ, ⴰⴷ ⵜⴻⵏ-ⵢⴻⵔⵔ ⴷⴻⴳ ⵜⴰⵍⵍⵉⵜ ⵏ 3 ⵏ ⵢⵉⵙⴻⴳⴳⴰⵙⴻⵏ.

« ⴰⵙⴻⴳⴳⴰⵙ-ⴰ, ⵉⴼⴻⵍⵍⴰⵃⴻⵏ ⴰⵢ ⴷ-ⵉⴳⴰⵏ ⵜⵜⴰⵡⵉⵍ ⵏ ⵓⵙⵙⵡⴰⵢ ⵢⴻⵔⵏⴰ ⵇⵓⴷⵔⴻⵏ ⵍⴻⵡⵚⴰⵢⴰⵜ ⵜⵉⵜⴻⴽⵏⵉⵢⵉⵏ ⵏ ⵜⴼⴻⵍⵍⴰⵃⵜ-ⵏⵙⴻⵏ, ⵜⴻⵔⵏⴰ ⵍⵖⴻⵍⵍⴰ-ⵏⵙⴻⵏ ⵙ ⵡⴰⵟⴰⵙ, ⵓⵍⴰ ⵎⴰ ⵜⴻⵍⵍⴰ-ⴷ ⵜⴰⴽⴻⵡⵜ ⴷⴻⴳ ⵡⴰⵢⵢⵓⵔⴻⵏ ⵏ ⵎⴻⵖⵔⴻⵙ ⴷ ⵢⴻⴱⵔⵉⵔ ⴰⵎ ⵡⴰⴽⴽⴻⵏ ⴰⵢ ⵢⴻⵡⵡⴻⴹ ⵓⵥⵖⴰⵍ ⵖⴻⵔ 38 ⵏ ⵜⴼⴻⵙⵏⵉⵡⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵎⴹⴻⴱⴱⴻⵔ-ⴰ.

ⵖⴻⴼ ⵍⴻⵃⵙⴰⴱ-ⵏⵏⴻⵙ, ⴰⵙⵙⴻⴷⴷⵓ ⵢⴻⵍⵀⴰⵏ ⵏ ⵜⴼⴻⵍⵍⴰⵃⵜ ⴰⴷ ⴷ-ⵜⴱⴰⵏ ⵍⴼⴰⵢⴷⴰ-ⵏⵏⴻⵙ ⴷⴻⴳ ⵍⵖⴻⵍⵍⴰ: « ⴰⵙⴻⴳⴳⴰⵙ-ⴰ ⵎⴰⵛⵉ ⴷ ⴰⵙⴻⴳⴳⴰⵙ ⵏ ⴷⵉⵔⵉ ⴰⴽⴽⴻⵏ ⴰⵢ ⴷ-ⵏⵏⴰⵏ ⴽⵔⴰ. ⴰⴷ ⴷ-ⵏⵉⵏⵉ ⴷ ⴰⵙⴻⴳⴳⴰⵙ ⴽⴰⵏ ⴰⵍⴻⵎⵎⴰⵙ ⵢⴻⵔⵏⴰ ⵢⵉⴼ ⴰⵙⴻⴳⴳⴰⵙ ⵢⴻⵣⵔⵉⵏ ».

ⵜⴰⵏⴰⵔⵉⵜ ⵜⴻⵜⵜⴰⵖ-ⴷ ⵍⵖⴻⵍⵍⴰ ⵏ ⵢⵉⴼⴻⵍⵍⴰⵃⴻⵏ ⵢⴻⵔⵏⴰ ⵜⴻⵏⵏⴰ-ⴷ ⴷ ⴰⴽⴽⴻⵏ ⴰⵙⴻⴳⴳⴰⵙ-ⴰ ⵜⴻⵍⵍⴰ-ⴷ ⵍⵖⴻⵍⵍⴰ ⵏ ⴳⴰⵔ 10 ⴷ 50 ⵏ ⵢⵉⵇⴻⵏⵟⴰⵔⴻⵏ ⵉ ⵓⵇⴻⵟⵟⴰⵔ ⴷⴻⴳ ⵢⵉⴳⵔⴰⵏ ⵏ ⵎⴻⵏⵡⴰⵍⴰ (ⴰⵢ ⵢⴻⵙⵡⴰⵏ ⴽⴰⵏ ⵙⴻⴳ ⵡⴰⵎⴰⵏ ⵏ ⵓⴳⴻⴼⴼⵓⵔ), ⵎⴰⵛⴰ ⵍⵖⴻⵍⵍⴰ ⵏ ⵢⵉⵇⴻⵟⵟⴰⵔⴻⵏ ⵢⴻⵜⵜⵡⴰⵙⵙⵡⴻⵏ ⵜⴻⵍⵍⴰ-ⴷ ⴳⴰⵔ 60 ⴷ 75 ⵏ ⵢⵉⵇⴻⵏⵟⴰⵔⴻⵏ ⵉ ⵓⵇⴻⵟⵟⴰⵔ.

ⵜⴰⵏⴰⵔⵉⵜ ⵍⴰ ⵜⴻⵙⵙⴻⴼⵔⴰⵢ ⴰⴷ ⴷ-ⵜⵉⵍⵉ ⵍⵖⴻⵍⵍⴰ ⵏ 40 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵇⴻⵏⵟⴰⵔⴻⵏ ⴷⴻⴳ 2015, ⵢⵉⵍⵉ ⵉⵍⵉⵏⴷⵉ ⵜⴻⵍⵍⴰ-ⴷ ⵍⵖⴻⵍⵍⴰ ⵏ 34 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵇⴻⵟⵟⴰⵔⴻⵏ.

ⵜⴰⵏⴰⵔⵉⵜ ⵜⴰⴷⵣⴰⵢⵔⵉⵜ ⵜⴰⴳⴻⵔⵙⴰⴷⵓⵔⵜ ⵏ ⵢⵉⵎⴻⵏⴷⵉ ⵜⴻⵜⵜⴹⴰⴼⴰⵔ ⵜⴰⵃⴻⵎⵍⴰ ⵏ ⵜⴽⴻⵔⵣⴰ ⴷ ⵓⵣⵔⴰⵄ, ⵢⴻⵔⵏⴰ ⵍⴰ ⵜⴻⵙⵙⴻⴼⵔⴰⵢ ⴰⴷ ⴷ-ⵜⴻⵙⵙⵉⴷⴻⴼ ⵛⵛⴻⵜⵍⴰⵜ ⵜⵉⵎⴰⵢⵏⵓⵜⵉⵏ ⵏ ⵣⵣⴻⵔⵔⵉⵄⴰ ⵏ ⵢⵉⵔⴷⴻⵏ ⵉ ⵓⵙⴻⴳⴳⴰⵙ ⴰⵢ ⴷ-ⵢⴻⵜⵜⴻⴷⴷⵓⵏ, ⴰⵎ ⵡⴰⴽⴽⴻⵏ ⴰⵔⴰ ⵜⴻⵙⵙⴻⵎⵖⴻⵔ ⵜⴰⵙⵎⴻⴽⵜⴰ ⵏ ⵣⵣⴻⵔⵔⵉⵄⴰ ⵢⴻⵙⵄⴰⵏ ⵙⵙⴻⵔⵜⴰⴼⵉⴽⴰ ⴷ ⵜⵎⴰⵇⵇⵓⵙⵜ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉ ⵍⵎⴻⵏⴷ ⵏ ⵓⵙⵙⴻⵍⵀⵓ ⵏ ⵍⵖⴻⵍⵍⴰ ⴷ ⵓⵙⴼⵓⵍⵍⴻⵃ ⵏ ⵡⴰⴽⴰⵍ ⵉⴱⵓⵕⴻⵏ, ⵜⴰⵏⴰⵔⵉⵜ ⵍⴰ ⵜⴻⵙⵙⴻⴼⵔⴰⵢ ⴰⴷ ⵜⴻⵙⵙⴻⵎⵖⴻⵔ ⵜⴰⵊⵓⵎⵎⴰ ⵏ ⵡⴰⴽⴰⵍ ⵏ ⵢⵉⵃⵍⵓⵍⴻⵏ (ⵍⵃⴻⵎⵎⴻⵥ, ⵍⴻⵄⴷⴻⵙ, ⴰⴷⴰⴳ ⵏ ⵓⵙⵙⴻⵞⵞⵉ ⵏ ⵍⵎⴰⵍ…).

« ⵏⴻⵙⵄⴻⴷⴷⴰ ⴰⵙⵙⵓⵜⴻⵔ ⴷ ⴰⵎⴻⵇⵔⴰⵏ ⵏ ⵣⵣⴻⵔⵔⵉⵄⴰ ⵏ ⵢⵉⵃⵍⵓⵍⴻⵏ ⵏ ⵜⵓⵞⵞⵉⵜ ⵉ ⵜⵙⴻⵎⵀⵓⵢⵜ ⵏ ⵜⴼⴻⵍⵍⴰⵃⵜ ⵏ 2015-2016 ⵉ ⵍⵎⴻⵏⴷ ⵓⵙⵙⴻⵏⵇⴻⵙ ⵏ ⵢⵉⴳⵔⴰⵏ ⵉⴱⵓⵕⴻⵏ ⴰⵢ ⴷ-ⵢⴻⵣⴳⴰⵏ ⴳⴰⵔ ⵢⵉⴳⵔⴰⵏ ⵏ ⵢⵉⵎⴻⵏⴷⵉ ⵏ ⵢⵉⴳⵏⴰⵏ ⵓⵏⵏⵉⴳⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵏⵏⵉⴳ ⵡⴰⵢⴰ, ⴰⵙⵙⴻⵇⴷⴻⵛ ⵏ ⵢⵉⴳⴻⵔ ⵜⵉⴽⴽⴻⵍⵜ ⵉ ⵓⵣⵔⴰⵄ ⵏ ⵢⵉⵎⴻⵏⴷⵉ, ⵜⵉⴽⴽⴻⵍⵜ ⵉ ⵓⵣⵔⴰⵄ ⵏ ⵢⵉⵃⵍⵓⵍⴻⵏ ⴷ ⴰⵢⴻⵏ ⴰⵔⴰ ⵢⴻⴵⴵⴻⵏ ⴰⴽⴰⵍ ⴰⴷ ⵢⴻⵇⵇⴻⵍ ⴷ ⴰⵎⴻⵕⴽⴰⵏⵜⵉ ⵢⴻⵔⵏⴰ ⴰⴷ ⴷ-ⵢⴻⴼⴽ ⵍⵖⴻⵍⵍⴰⵜ ⵉⴳⴻⵔⵔⵣⴻⵏ ⵓⴳⴰⵔ ⵏ ⵢⵉⵎⴻⵏⴷⵉ.

ⵙⵖⵓⵔ ⴼⴰⵜⵎⴰ ⵀⴰⵎⵧⵓⵛⵀⴻ