ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⵉⴷⵉ ⴱⴻⵍⵄⴻⴱⴱⴰⵙ ⴷⴻⴳ ⵡⴰⵏⵢⴰ ⵏ ⵜⴼⴰⵙⴽⴰ ⵜⴰⴳⵔⴰⵖⵍⴰⵏⵜ ⵏ ⵛⵛⴹⴻⵃ ⴰⵖⴻⵔⴼⴰⵏ

ⵙⵉⴷⵉ ⴱⴻⵍⵄⴻⴱⴱⴰⵙ – ⵜⴰⵥⵔⵉⴳⵜ ⵜⵉⵙ 11 ⵏ ⵜⴼⴰⵙⴽⴰ ⵜⴰⴳⵔⴰⵖⵍⴰⵏⵜ ⵏ ⵛⵛⴹⴻⵃ ⴰⵖⴻⵔⴼⴰⵏ ⵜⴻⵡⵡⵉ-ⴷ ⵢⵉⴷ-ⵙ ⵢⵉⵡⴻⵜ ⵏ ⵣⵣⴻⴷⵡⴰ ⵜⴰⵥⵉⴷⴰⵏⵜ ⵉ ⵜⴻⵎⴷⵉⵏⵜ ⵙⵉⴷⵉ ⴱⴻⵍⵄⴻⴱⴱⴰⵙ, ⵜⴻⴼⵔⴻⵃ ⵙ ⵜⵓⵖⴰⵍⵉⵏ ⵏ ⵜⴻⴷⵢⴰⵏⵜ-ⴰ ⵉ ⵓⵎⵉ ⵙⴻⵎⵎⴰⵏ ⴰⵙⵉⵀⴰⵔ ⴰⴷⴻⵍⵙⴰⵏ ⴰⴳⴻⵊⴷⴰⵏ ⵏ ⵜⵡⵉⵍⴰⵢⵜ.

ⴷⴷⴻⵇⵙ ⵏ ⵜⵡⴰⵛⵓⵍⵉⵏ ⵉ ⴷ-ⵢⵓⵙⴰⵏ, ⴰⵙⵙ ⵏ ⵍⵃⴻⴷⴷ ⵜⴰⵎⴻⴷⴷⵉⵜ, ⴰⴽⴽⴻⵏ ⴰⴷ ⵃⴻⴷⵕⴻⵏⵜ ⵉ ⵜⴼⵓⴳⵍⴰ ⵏ ⵓⵍⴷⴰⵢ, ⵉ ⴷ-ⵢⴻⴹⵔⴰⵏ ⴷⴻⴳ ⵓⵎⴻⵣⴳⵓⵏ ⵏ ⵜⵉⵣⵣⴻⴳⵣⴻⵡⵜ ⵙⴰïⵎ ⵍⴰⴽⵀⴷⴰⵔ ⵉ ⵢⴻⵍⵍⴰⵏ ⵙⴻⴳ ⴳⴰⵔ ⵜⴰⵍⵍⵓⵏⵉⵏ ⵢⴻⴱⴱⵓⵃⵔⴰⵏ ⵉ ⵙⵎⴻⵔⵙⴻⵏ ⵢⵉⵎⵙⵓⴷⴷⵙⴻⵏ ⴰⴽⴽⴻⵏ ⴰⴷ ⵉⵍⵉⵏ ⴷⴻⴳ-ⵙⴻⵏ ⵉⵀⴰⵏⴰⵢⴻⵏ ⵢⴻⵍⵍⴰⵏ ⴷⴻⴳ ⵡⴰⵀⵉⵍ.

ⴰⵣⵡⴻⵍ ⵉ ⴰⵙ-ⵢⴻⴼⴽⴰ ⵓⵙⵇⴰⵎⵓ ⵏ ⵜⴼⴰⵙⴽⴰ ⴷ ‘’ⵜⵉⵖⴻⵔⵎⵉⵡⵉⵏ ⴷ ⵜⴽⴰⵜⵓⵜⵉⵏ’’, ⴰⵢⴰ ⵢⴻⵎⵎⴰⵍ-ⴷ, ⵏⴻⵜⵜⴰ ⴽⴰⵏ ⵉ ⵢⵉⵎⴰⵏ-ⵉⵙ, ⵉⵙⵡⵉ ⴰⴳⴻⵊⴷⴰⵏ ⵉ ⴰⵙ-ⴼⴽⴰⵏ ⵉ ⵓⵎⵢⵉⴳⴳⴻⵔ, ⴷ ⵜⴰⵙⵎⵓⵍⵉ ⵏ ⵓⵣⴰⵍ ⵏ ⵜⴳⴻⵎⵎⵉ ⵜⴰⴷⴻⵍⵙⴰⵏⵜ ⴷ ⴷⴷⵓⵔ-ⵉⵙ ⴷⴻⴳ ⵓⵙⴻⵇⵔⴻⴱ ⵏ ⵢⵉⵖⴻⵔⴼⴰⵏ.

ⵜⵜⴻⴽⴽⴰⵏⵜ 16 ⵜⵎⵓⵔⴰ ⴷⴻⴳ ⵜⴼⴰⵙⴽⴰ-ⴰ ⴰⵔⴰ ⵢⴻⴷⴷⵓⵏ ⴰⵍⴰⵎⵎⴰ ⴷ ⴰⵙⵙ ⵏ 13 ⵖⵓⵛⵜ. ⴽⵔⴰ ⴷⴻⴳ-ⵙⴻⵏ ⴰⵎⴻⴷⵢⴰ ⵏ ⵜⴻⴽⵔⵓⵜ ⵉ ⴷ-ⵢⵓⵙⴰⵏ ⵙⴻⴳ ⵢⵉⵡⵓⵏⴰⴽ ⵢⴻⴷⴷⵓⴽⵍⴻⵏ, ⵜⴻⵜⵜⴻⴽⴽⴰ ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ.

ⵙⴻⴳ ⵡⴰⵢⴻⵏ ⵢⴻⵍⵍⴰⵏ ⴷ ⴰⵎⴰⵢⵏⵓ ⴷⴻⴳ ⵜⴻⵥⵔⵉⴳⵜ-ⴰ, ⴰⴷ ⵏⴰⴼ ⴰⵙⵓⴷⴷⴻⵙ ⵏ ⵜⵎⴻⴷⴷⵉⵢⵉⵏ ⵖⴻⴼ ⵢⵉⵔⵉ ⵏ ⵜⴻⵎⴷⴰ ⵜⴰⵎⴻⵇⵔⴰⵏⵜ ⵉ ⵓⵎⵉ ⵜⵜⵉⵏⵉⵏ ⵙⵉⴷⵉ ⵎ'ⵀⴰⵎⴻⴷ ⴱⴻⵏⴰⵍⵉ, ⵔⵏⵓ-ⴷ ⵜⵉⴷ ⵉ ⵙⵙⵓⴷⴷⵙⴻⵏ ⴷⴻⴳ ⵜⴰⵍⵍⵓⵏⵉⵏ ⵜⵉⵣⵓⵢⴰⵣ ⴰⵎⴻⴷⵢⴰ ⵏ ⵓⵎⵔⴰⵃ "ⴻⵍ-ⵡⵉⴰⵎ" ⴷ 1 ⵏⵓⵡⴻⵎⴱⴻⵔ.

ⴰⴷ ⵉⵍⵉⵏ ⴷⴰⵖⴻⵏ ⵉⵀⴰⵏⴰⵢⴻⵏ ⴷⴻⴳ ⵜⵡⵉⵍⴰⵢⵜ ⵏ ⵡⴻⵀⵔⴰⵏ, ⵎⴻⵙⵙⴻⵜⵖⴰⵏⴻⵎ, ⵄⵉⵏ ⵜⵉⵎⵓⵛⵛⴻⵏⵜ ⴷ ⵜⵍⴻⵎⵙⴰⵏ, ⵉ ⴷ-ⵢⴻⵏⵏⴰ ⵜⵎⴰⵙⴰⵢⵜ ⵏ ⵜⴼⴰⵙⴽⴰ, ⵙⴰⴱⵔⵉⵏⴰ ⵏⴰⵜⵧⵓⵔⵉ, ⴰⴷ ⵏⴻⵙⵎⴻⴽⵜⵉ ⴱⴻⵍⵍⵉ ⴰⴷ ⵉⵍⵉⵏ ⵉⵙⴰⵔⴰⴳⴻⵏ ⴷ ⵜⵏⴻⵎⵙⴰⵍ ⵉ ⵍⴼⴰⵢⴷⴰ ⵏ ⵢⵉⵏⴰⵥⵓⵔⴻⵏ ⵉⵎⴻⵥⵢⴰⵏⴻⵏ. (ⵜⴰⵏⴻⴳⴳⴰ)