ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

500 ⵉⴳⴻⵔⴷⴰⵏ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵡⵡⵉⵏ ⵉⵎⵓⵔⴰⵙ ⵏ ⵙⵉⵏ ⵢⵉⵎⴰⵍⴰⵙ ⵖⴻⵔ ⵎⴻⵙⵙⴻⵜⵖⴰⵏⴻⵎ

ⵍⴻⵣⵣⴰⵢⴻⵔ – 500 ⵢⵉⴳⴻⵔⴷⴰⵏ, ⵉⴷⴻⴳ ⵍⵍⴰⵏⵜ 180 ⵜⵓⵍⵍⴰⵙ, ⴽⴽⴰⵏ-ⴷ ⵙⴻⴳ ⴰⴽⴽ ⵜⵉⵖⵉⵡⴰⵏⵉⵏ ⵏ ⵜⵎⴰⵏⴻⵖⵜ, ⵔⵓⵃⴻⵏ ⴰⵙⵙ ⵏ ⵍⴰⵔⴻⴱⵄⴰ ⴰⴽⴽⴻⵏ ⴰⴷ ⵙⵄⴻⴷⴷⵉⵏ ⵙⵉⵏ ⵢⵉⵎⴰⵍⴰⵙ ⵏ ⵢⵉⵎⵓⵔⴰⵙ ⴷⴻⴳ ⵎⴻⵙⵙⴻⵜⵖⴰⵏⴻⵎ, ⴷ ⵜⴰⵙⵏⴻⴱⴳⵉⵜ ⵏ ⵜⵎⴻⵀⵍⴰ ⵏ ⵜⵡⵉⵍⴰⵢ ⵏ ⵢⵉⵍⴻⵎⵥⵉⵢⴻⵏ, ⵉⴷⴷⴰⵍⴻⵏ ⴷ ⵓⵙⴳⵓⵏⴼⵓ (ⴷⵊⵙⵍ), ⵉ ⵏⵡⴰⵍ ⴷⵉⵏ.

ⴷⴷⴰⵏ ⵢⵉⴷ-ⵙⴻⵏ 70 ⵢⵉⵎⴽⴰⵜⵔⴻⵏ ⴷ ⵢⵉⵎⵙⵉⴷⵔⴻⵏ ⵏ ⴷⵊⵙⵍ, ⵉⴳⴻⵔⴷⴰⵏ-ⴰ ⵢⴻⵙⵄⴰⵏ ⴷⴻⴳ ⵍⴻⵄⵎⴻⵔ-ⵏⵙⴻⵏ ⴳⴰⵔ 8 ⴷ 14 ⵏ ⵢⵉⵙⴻⴳⴳⴰⵙⴻⵏ, ⵔⴻⴽⴱⴻⵏ ⵍⴽⴰⵔ ⴷⴻⴳ ⵓⵎⵔⴰⵃ ⵏ 1 ⵎⴰⵢⵓ, ⴷⴻⴳ ⵜⵖⵉⵡⴰⵏⵜ ⵏ ⵙⵉⴷⵉ ⵎⵃⴰⵎⵎⴻⴷ ⵖⴻⴼ 8ⵀ30 ⴰⴽⴽⴻⵏ ⴰⴷ ⴱⴷⵓⵏ ⵜⵉⴽⵍⵉ ⵏ 340 ⵉⴽⵉⵍⵓⵎⵉⵜⵔⴻⵏ ⴰⵔⴰ ⵜⴻⵏ-ⵢⴻⵚⵚⵉⵡⴹⴻⵏ ⵙ ⴰⵎⴹⵉⵇ.

‘’ⴰⴷ ⴰⵡⴹⴻⵏ ⵢⵉⴳⵓⵔⴷⴰⵏ ⵖⴻⵔ ⵎⴻⵙⵙⴻⵜⵖⴰⵏⴻⵎ ⴷⴻⴳ ⵜⴰⴳⴳⴰⵔⴰ ⵏ ⵡⴰⵙⵙ. ⴰⴷ ⵄⴻⴷⴷⵉⵏ ⵖⴻⴼ ⵓⵎⵙⵓⵊⵉ ⵙⴰⴽⵉⵏ ⴰⴷ ⵟⵟⴼⴻⵏ ⵉⵎⴻⴹⵇⴰⵏ-ⵏⵙⴻⵏ ⵉ ⴰⵙⴻⵏ-ⵀⴻⴳⴳⴰⵏ ⴷⴻⴳ ⵜⵖⵉⵡⴰⵏⵜ ⵏ ⵙⵉⴷⵉ ⵍⴰⵅⴹⴻⵔ ⴷ ⵍⵃⴻⴵⴵⴰⴵ. ⴰⴷ ⴱⴷⵓⵏ ⴰⵀⵉⵍ-ⵏⵙⴻⵏ ⴰⵙⴻⵏⵙⴻⴳⵎⴰⵏ ⴰⵙⵙ ⵏ ⵍⴻⵅⵎⵉⵙ’’, ⵉ ⴷ-ⵢⴻⵏⵏⴰ ⵉ ⵜⵏⴻⴳⴳⴰ ⵓⵖⴻⵍⵍⴰ ⵏ ⵓⵎⴻⵥⵍⵓ ⵏ ⵢⵉⵎⴰⵀⵉⵍⴻⵏ ⵏ ⵢⵉⵍⴻⵎⵥⵉⵢⴻⵏ ⴷⴻⴳ ⴷⵊⵙⵍ, ⵏⴰⵙⵔⴻⴷⴷⵉⵏⴻ ⵎⴻⵙⵙⴰⵧⵓⴷⵉ.