ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵜⴰⵄⵕⴰⴱⵜ ⵏ ⵢⵉⵖⵍⴰⵏⴻⵏ ⵏ ⵜⵛⵉⵔⵜ ⵜⴰⵎⴰⴼⴰⴳⵜ: ⵍⴻⵣⵣⴰⵢⴻⵔ ⴷⴻⴳ ⵓⵣⴳⴻⵏ ⵏ ⵜⵏⴻⴳⴳⴰⵔⵓⵜ

ⵔⵔⴱⴰⵟ - ⵜⴰⵖⵍⴰⵎⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ (ⵉⵎⴻⵥⵢⴰⵏⴻⵏ) ⵜⵄⴻⴷⴷⴰ ⵖⴻⵔ ⵓⵣⴳⴻⵏ ⵏ ⵜⵏⴻⴳⴳⴰⵔⵓⵜ ⴷⴻⴳ ⵜⴻⵍⵖⵓⵖⴰ ⵜⴰⵄⵕⴰⴱⵜ ⵏ ⵢⵉⵖⵍⴰⵏⴻⵏ ⵏ 2015, ⴷⴻⴼⴼⵉⵔ ⵎⴰ ⵜⴻⵔⵏⴰ ⵜⴰⴳⴻⵍⴷⴰ ⵜⴰⵙⴰⵄⵓⴷⵉⵜ ⵙ 3 ⵏ ⵢⵉⵃⵔⵉⵛⴻⵏ ⵖⴻⵔ 1 (25-20, 26-26, 21-25 ⴷ 25-15) ⴷⴻⴳ ⵜⵉⵙ ⴽⵓⵥⴻⵜ ⵏ ⵜⵏⴻⴳⴳⴰⵔⵓⵜ ⴰⵢ ⵓⵔⴰⵔⴻⵏ ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵙⴰⵍⴰ (ⵎⴻⵕⵕⵓⴽ).

ⵜⵉⵙ ⴽⵓⵥⴻⵜ ⵏ ⵜⵏⴻⴳⴳⴰⵔⵓⵜ ⵜⵉⵙ ⵙⵏⴰⵜ ⴷ ⵜⵉⵏ ⴷⴻⴳ ⵇⴰⵟⴰⵔ ⵜⴻⵔⵏⴰ ⴱⴻⵃⵕⵉⵏ (ⵜⴰⵍⵖⵓⵖⵜ ⵜⴰⵄⵕⴰⴱⵜ) ⵙ ⵓⴳⵎⵓⴹ ⵏ 3 ⵏ ⵢⵉⵃⵔⵉⵛⴻⵏ ⵖⴻⵔ 0 (25-16, 25-19, 25-19).

ⵜⵉⵎⵍⵉⵍⵉⵢⵉⵏ ⵜⵉⵏⴻⴳⴳⵓⵔⴰ ⵏ ⵜⵉⵙ ⴽⵓⵥⴻⵜ ⵏ ⵜⵏⴻⴳⴳⴰⵔⵓⵜ ⴷ ⵜⵉⴷ ⴷⴻⴳ ⵜⵓⵏⴻⵙ ⴰⴷ ⵜⵓⵔⴰⵔ ⵎⴳⴰⵍ ⵍⵄⵉⵔⴰⵇ, ⵎⴰ ⴷ ⵎⴻⵕⵕⵓⴽ ⴰⴷ ⵜⵓⵔⴰⵔ ⵎⴳⴰⵍ ⵍⴻⴽⵡⵉⵜ.

ⴷⴻⴳ ⵜⵓⵣⵣⵢⴰ ⵜⴰⵎⴻⵣⵡⴰⵔⵓⵜ, ⵜⴰⵖⵍⴰⵎⵜ ⵏ ⵍⴻⵣⵣⴰⵢⴻⵔ ⵜⴻⵔⴱⴻⵃ 3 ⵏ ⵜⴻⵎⵍⵉⵍⵉⵢⵉⵏ, ⵜⴰⵎⴻⵣⵡⴰⵔⵓⵜ ⵎⴳⴰⵍ ⵍⵄⵉⵔⴰⵇ (3 ⵖⴻⵔ 1), ⵜⵉⵙ ⵙⵏⴰⵜ ⵎⴳⴰⵍ ⵍⵉⵎⴰⵕⴰⵜ ⵜⴰⵄⵕⴰⴱⵉⵏ ⵢⴻⴷⴷⵓⴽⴽⵍⴻⵏ (3 ⵖⴻⵔ 0), ⵎⴰ ⴷ ⵜⵉⵙ 3 ⵎⴳⴰⵍ ⵄⵓⵎⴰⵏ (3 ⵖⴻⵔ 0), ⵎⴰⵛⴰ ⵜⴻⵅⵚⴻⵔ ⵙⵏⴰⵜ ⵏ ⵜⴻⵎⵍⵉⵍⵉⵢⵉⵏ, ⵜⴰⵎⴻⵣⵡⴰⵔⵓⵜ ⵎⴳⴰⵍ ⴱⴻⵃⵕⵉⵏ (0-3), ⵎⴰ ⴷ ⵜⵉⵙ ⵙⵏⴰⵜ ⵎⴳⴰⵍ ⵎⴻⵕⵕⵓⴽ (2 ⵖⴻⵔ 3).