ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ (ⵓⵙⴰ) ⵜⵜⵇⴰⴷⴰⵔⴻⵏ ⵍⵎⴻⴵⵀⵓⴷ ⵏ ⵍⴻⵣⵣⴰⵢⴻⵔ ⵉ ⵍⵎⴻⵏⴷ ⵏ ⵜⴰⵍⵡⵉⵜ ⴷⴻⴳ ⵙⵙⴰⵃⴻⵍ
ⵍⴻⵣⵣⴰⵢⴻⵔ – ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ « ⵜⵜⵇⴰⴷⴰⵔⴻⵏ » ⵍⵎⴻⴵⵀⵓⴷ ⴰⵢ ⵜⴻⵜⵜⴻⴳ ⵍⴻⵣⵣⴰⵢⴻⵔ ⵉ ⵓⵙⵎⴰⵍ ⵏ ⵜⴰⵍⵡⵉⵜ ⴷ ⵓⵔⴽⴰⴷ ⴷⴻⴳ ⵜⴻⴼⵔⵉⵇⵜ ⵏ ⵓⴳⴰⴼⴰ ⴷ ⵙⵙⴰⵃⴻⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵔⵓ ⵏ ⵓⵡⴰⵏⴰⴽ ⴰⵎⴰⵔⵉⴽⴰⵏⵉ, ⵊⵧⵀⵏ ⴽⴻⵔⵔⵢ ⴷⴻⴳ ⵢⵉⵡⴻⵏ ⵏ ⵜⴻⴱⵕⴰⵜ ⴰⵢ ⵢⵓⵣⴻⵏ ⵉ ⵓⵏⴻⵖⵍⴰⴼ ⵏ ⵓⵡⴰⵏⴰⴽ, ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⴷ ⵓⵎⵢⴰⵍⴻⵍ ⴰⴳⵔⴰⵖⵍⴰⵏ, ⵔⴰⵎⵜⴰⵏⴻ ⵍⴰⵎⴰⵎⵔⴰ.
« ⴷⵉⵎⴰ ⵜⵜⵇⴰⴷⴰⵔⴻⵖ ⵎⵍⵉⵃ ⵍⵎⴻⴵⵀⵓⴷ ⴰⵢ ⵜⴻⵜⵜⴻⴳ ⵍⴻⵣⵣⴰⵢⴻⵔ ⵉ ⵓⵙⵎⴰⵍ ⵏ ⵜⴰⵍⵡⵉⵜ ⴷ ⵓⵔⴽⴰⴷ ⴷⴻⴳ ⵜⴻⴼⵔⵉⵇⵜ ⵏ ⵓⴳⴰⴼⴰ ⴷ ⵙⵙⴰⵃⴻⵍ » ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⵓⵔⴰ ⵎⴰⵙⵙ ⴽⴻⵔⵔⵢ ⴷⴻⴳ ⵢⵉⵡⴻⵜ ⵏ ⵜⴻⴱⵕⴰⵜ ⴰⵢ ⵢⴻⵍⵍⴰⵏ ⴷ ⵜⵉⵔⵉⵔⵉⵜ ⵉ ⵜⴻⴱⵕⴰⵜ-ⵏⵏⵉ ⵏ ⵓⵀⴻⵏⵏⵉ ⴰⵢ ⴰⵙ-ⴷ-ⵢⵓⵣⴻⵏ ⵍⴰⵎⴰⵎⵔⴰ ⴷⴻⴼⴼⵉⵔ ⵎⴰ ⵢⴻⵜⵜⵡⴰⵙⵜⴻⵏⵢⴰ ⵓⵎⵜⴰⵡⴰ ⵖⴻⴼ ⵡⴰⵀⵉⵍ ⵉⵎⵉⵖⴻⵙ ⵏ ⵉⵕⴰⵏ. « ⵓⵎⴰⵔⴻⵖ (ⴼⴻⵕⵃⴻⵖ) ⵙ ⵜⵉⴷⴷⵉⵜ ⵏ ⵓⴽⴻⵎⵎⴻⵍ ⵏ ⵓⵎⵢⴰⵍⴻⵍ ⴳⴰⵔ-ⴰⵏⴻⵖ ⴰⴽⴽⴻⵏ ⴰⴷ ⴷ-ⵏⴻⵙⵙⴻⴼⵄⴻⵍ ⴰⵣⴻⴽⴽⴰ ⵏ ⵍⴻⵀⵏⴰ ⴷ ⵜⵖⴻⵍⵍⵉⵙⵜ (ⵍⴰⵎⴰⵏ) ⴳⴰⵔ ⵜⵎⵓⵔⴰ-ⵏⵏⴻⵖ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⴰⵎⴰⵔⵉⴽⴰⵏⵉ.
ⵎⴰⵙⵙ ⴽⴻⵔⵔⵢ ⵢⴻⵙⵏⴻⵎⵎⴻⵔ ⴷⴰⵖ ⵎⴰⵙⵙ ⵍⴰⵎⴰⵎⵔⴰ ⵖⴻⴼ ⵜⴻⴱⵕⴰⵜ-ⵏⵏⴻⵙ ⵏ ⵓⵀⴻⵏⵏⵉ ⵖⴻⴼ ⵓⵙⵜⴻⵏⵢⵉ ⵏ ⵓⵎⵜⴰⵡⴰ ⵖⴻⴼ ⵡⴰⵀⵉⵍ ⵉⵎⵉⵖⴻⵙ ⵏ ⵉⵕⴰⵏ. « ⵙⵏⴻⵎⵎⵉⵔⴻⵖ-ⴽ ⵖⴻⴼ ⵜⴻⴱⵕⴰⵜ-ⵏⵏⴻⴽ ⵏ ⵓⵀⴻⵏⵏⵉ ⵖⴻⴼ ⵓⵙⵙⵉⵡⴻⴹ ⵏ ⵓⵙⵜⴻⵏⵢⵉ ⵏ ⵓⵎⵜⴰⵡⴰ ⵓⵎⵎⵉⴷ ⵖⴻⴼ ⵓⴽⴰⵔⴰⵎ ⵉⵎⵉⵖⴻⵙ ⵏ ⵉⵕⴰⵏ. ⴰⴽⴽⴻⵏ ⴰⵢ ⴷ-ⵜⴱⴻⴷⵔⴻⴷ ⴷⴻⴳ ⵜⴻⴱⵕⴰⵜ-ⵏⵏⴻⴽ, ⴰⵙⵎⵉ ⴰⵔⴰ ⵢⴻⵜⵜⵡⴰⵙⵙⴻⴼⵄⴻⵍ ⵓⵎⵜⴰⵡⴰ-ⴰ ⴰⵎⴻⵣⵔⵓⵢⴰⵏ, ⵉⵕⴰⵏ ⵓⵔ ⵜⵣⴻⵎⵎⴻⵔ ⴰⵔⴰ ⴰⴷ ⵜⴻⵙⵄⵓ ⵍⴻⵙⵍⴰⵃ ⵉⵎⵉⵖⴻⵙ ⵢⴻⵔⵏⴰ ⴰⴷ ⵜⴻⵜⵜⴻⴽⴽⵉ ⴷⴻⴳ ⵓⴹⵎⴰⵏ ⵏ ⵡⵓⴳⴰⵔ ⵏ ⵜⴰⵍⵡⵉⵜ ⴷⴻⴳ ⵓⵎⴰⴹⴰⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ. « ⴽⴻⵛⵛ ⵜⴻⵙⵙⵏⴻⴷ ⴰⵛⵃⴰⵍ ⴰⵢ ⵡⴻⵄⵕⴻⵏⵜ ⵍⴻⵎⵛⴰⵡⵕⴰⵜ ⵢⴻⵔⵏⴰ ⵜⵡⴰⵍⴰⴷ ⴰⵢⴰ ⴰⵙⵎⵉ ⴰⵢ ⵜⴻⵍⵍⵉⴷ ⴷ ⵉⵎⴹⴻⴱⴱⴻⵔ ⵓⴷⵎⴰⵡⴰⵏ ⴷⴻⴳ ⵓⴽⴰⵍⴰ ⵏ ⵍⴻⵎⵛⴰⵡⵕⴰⵜ ⵏ ⵜⴰⵍⵡⵉⵜ ⴳⴰⵔ ⵢⵉⵎⴰⵍⵉⵢⴻⵏ. ⴰⴽⴽⴻⵏ ⴽⴰⵏ ⴰⵔⴰ ⵏⴻⴱⴷⵓ ⴰⵎⴻⵛⵡⴰⵕ ⴰⵢ ⴷ-ⵢⴻⵜⵜⴻⴷⴷⵓⵏ, ⵡⵉⵏ ⵏ ⵓⵙⵙⴻⴼⵄⴻⵍ ⵏ ⵓⵎⵜⴰⵡⴰ-ⴰ, ⵏⴻⵜⵜⵕⴰⵊⵓ ⵙⴻⴳ ⵡⵓⵍ ⵙⴻⴳ ⵍⴻⵣⵣⴰⵢⴻⵔ ⴰⴷ ⵜⴻⵜⵜⴻⵍⵍⵉ ⴷⴻⴳ ⵓⵖⴰⵡⴰⵙ ⵏ ⵜⵉⴳⴰⵡⵜ ⵜⴰⵎⴰⵜⵓⵜ ⵜⵓⵛⵔⵉⴽⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵔⵓ ⴰⵎⴰⵔⵉⴽⴰⵏⵉ ⵏ ⵓⵡⴰⵏⴰⴽ.
