ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵎⵎⵓⵜⴻⵏ 50 ⵢⴻⵔⵏⴰ ⵊⴻⵔⵃⴻⵏ ⵓⴳⴰⵔ ⵏ 700 ⴷⴻⴳ ⵢⵉⵡⴻⵏ ⵏ ⵓⵟⵟⴻⵔⴹⴻⵇ ⴷⴻⴳ ⵛⵛⵉⵏⵡⴰ

ⵜⵉⴰⵏⵊⵉⵏ (ⵛⵛⵉⵏⵡⴰ) – ⴰⵟⵟⴻⵔⴹⴻⵇ-ⵏⵏⵉ ⴰⵎⴻⵇⵔⴰⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵢⵉⵡⴻⵏ ⵏ ⵍⵎⴻⵅⵣⴻⵏ ⴷⴻⴳ ⵓⵙⴰⴳⴻⵏ (ⵍⵎⴻⵔⵚⴰ) ⵏ ⵜⵉⴰⵏⵊⵉⵏ (ⴰⴳⴰⴼⴰ ⵏ ⵛⵛⵉⵏⵡⴰ) ⵢⴻⴳⵍⴰ ⵙ 50 ⵏ ⵜⵎⴻⴷⴷⵓⵔⵉⵏ, ⴳⴰⵔ-ⴰⵙⴻⵏⵜ 12 ⵏ ⵢⵉⵙⴻⵖⵙⴰⵢⴻⵏ, ⴰⵎ ⵡⴰⴽⴽⴻⵏ ⴰⵢ ⵢⴻⵊⵔⴻⵃ 700 ⵏⵉⴹⴻⵏ, ⴷⴻⴳ ⵡⴰⴽⵓⴷ ⴰⵢⴷⴻⴳ ⵉⵅⴻⴷⴷⴰⵎⴻⵏ ⵏ ⵓⵙⵙⵓⴽⴽⴻⵙ ⵎⴰⵣⴰⵍ-ⵉⵜⴻⵏ ⵍⴰ ⵄⴻⵔⵔⴹⴻⵏ ⴰⴷ ⵙⵙⴻⵖⵙⵉⵏ ⵜⵉⵎⴻⵙ ⴷⴻⴳ ⵓⵎⴽⴰⵏ ⴰⵢⴷⴻⴳ ⴷ-ⵜⴻⵍⵍⴰ ⵜⵡⴰⵖⵉⵜ-ⴰ.

ⵙ ⵓⵊⴻⵎⵎⴰⵍ, 701 ⵏ ⵢⵉⵎⴷⴰⵏⴻⵏ ⴰⵢ ⵡⵡⵉⵏ ⵖⴻⵔ ⵓⵙⴱⵉⵟⴰⵔ, ⵢⴻⵔⵏⴰ 52 ⵙⴻⴳ-ⵙⴻⵏ ⴷ ⵉⵎⴻⵊⵔⴰⵃ ⵢⴻⵏⴹⴻⵔⵔⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⵉⵎⴻⵥⵍⴰ (ⵙⵙⵔⴰⴱⴻⵙ) ⵏ ⵓⵙⵙⵓⴽⴽⴻⵙ.

ⴷⴻⴳ ⵢⵉⵡⴻⵏ ⵏ ⵍⴻⵃⵙⴰⴱ ⴷ ⴰⵎⴻⵣⵡⴰⵔⵓ, ⵏⵏⴰⵏ-ⴷ ⵏⴰⵇⴰⵍ ⴷ ⴰⴽⴽⴻⵏ ⴰⵟⵟⴻⵔⴹⴻⵇ-ⵏⵏⵉ ⵢⴻⵏⵖⴰ 44 ⵏ ⵢⵉⵎⴷⴰⵏⴻⵏ ⵢⴻⵔⵏⴰ ⵢⴻⵊⵔⴻⵃ 500 ⵏⵉⴹⴻⵏ.

ⵢⴻⵍⵍⴰ-ⴷ ⵓⵟⵟⴻⵔⴹⴻⵇ-ⴰ ⴰⵙⵙ ⵏ ⵍⴰⵕⴻⴱⵄⴰ ⵛⵡⵉⵟ ⵓⵇⴱⴻⵍ 12ⵙ00 ⵏ ⵢⵉⴹ ⴷⴻⴳ « ⵓⴳⵎⴰⵎ ⴰⵎⴰⵢⵏⵓ ⵏ ⴱⵉⵏⵀⴰⵉ » ⵢⴻⵍⵍⴰⵏ ⴷ ⵜⴰⵎⵏⴰⴹⵜ ⵏ ⵍⵍⵓⵣⵉⵏⴰⵜ ⴷ ⵍⴻⵎⵅⴰⵣⴻⵏ ⵢⴻⵔⵏⴰ ⵜⴻⴱⵄⴻⴷ 140 ⵏ ⵢⵉⴽⵉⵍⵓⵎⵉⵜⵔⴻⵏ ⵖⴻⴼ ⵒⵉⴽⵉⵏ.

ⴰⵟⵟⴻⵔⴹⴻⵇ-ⵏⵏⵉ ⵉⴳⴰ-ⴷ ⵢⵉⵡⴻⵜ ⵏ ⵜⴽⵓⵔⵜ ⵏ ⵜⵎⴻⵙ ⴷ ⵜⴰⵎⴻⵇⵔⴰⵏⵜ, ⵢⴻⵔⵏⴰ ⵜⵉⵎⴻⵙ ⴰⵢⵢⴻⵙ ⴷ-ⵢⴻⴳⵍⴰ ⵜⴻⵣⵣⴻⵏⴷⴻⵔ ⵖⴻⵔ ⵢⵉⴳⴻⵏⵏⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴰ ⴰⵙⵉⴳⵏⴰ ⴷ ⴰⵎⴻⵇⵔⴰⵏ ⵏ ⵓⵖⴻⴱⴱⴰⵔ ⵢⴻⵔⵏⴰ ⵢⴻⵙⵙⴻⵎⴼⵓⵣⵔⴻⵄ ⵉⵛⴻⵇⴼⴰⵏ ⴷⴻⴳ ⵡⴰⴽⴽ ⵜⴰⵎⵏⴰⴹⵜ ⴰⵢ ⴷ-ⵢⴻⵣⵣⵉⵏ ⴼⴻⵍⵍ-ⴰⵙ.

ⵜⵉⵎⴻⵙ ⵜⴻⵞⵞⴰ ⴰⵛⵃⴰⵍ ⵏ ⵢⵉⵣⴰⴷⴰⵖⴻⵏ (ⵍⴱⴰⵟⵉⵎⴰⵜ), ⴰⵟⴰⵙ ⵏ ⵜⴽⴻⵕⵕⵓⵙⵉⵏ ⵜⵉⵎⴰⵢⵏⵓⵜⵉⵏ ⴰⵢ ⵢⴻⵔⵖⴰⵏ ⴰⵔⵎⵉ ⴰⵢ ⴼⵓⴽⴻⵏⵜ ⵢⴻⵔⵏⴰ ⵉⵏⴻⴳⴱⴰⵔⴻⵏ ⵏ ⵙⵙⴻⵍⵄⴰ ⵜⵜⵡⴰⵙⵙⴻⵎⴼⵓⵣⵔⴰⵄⴻⵏ ⴰⵎ ⵜⵢⵓⵊⴰⵕ ⵢⴻⵔⵔⵥⴻⵏ.