ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⵣⵣⴰⵢⴻⵔ ⵜⴻⵜⵜⴰⴳⴻⵎ-ⴷ ⵙⴻⴳ ⵜⵜⴻⵊⵕⵉⴱⴰ ⵏ ⵜⵓⵕⵓⴼⵜ ⴷⴻⴳ ⵓⵙⵙⴻⵍⵀⵓ ⵏ ⵙⵙⴻⵍⵄⴰ-ⵏⵏⴻⵙ
ⵍⴻⵣⵣⴰⵢⴻⵔ – ⴰⴷ ⴷ-ⵜⵀⴻⵢⵢⵉ ⵍⴻⵣⵣⴰⵢⴻⵔ ⵉⵍⵓⴳⴰⵏ ⵏ ⵓⵇⴰⴷⴻⵔ ⴷ ⵓⵙⵙⴻⵍⵀⵓ ⵏ ⵜⵖⴰⵔⴰ ⵏ ⵙⵙⴻⵍⵄⴰ ⴰⵢ ⴷ-ⵢⴻⵜⵜⴻⴼⴼⵖⴻⵏ ⵙⴻⴳ ⵍⵍⵓⵣⵉⵏⴰⵜ ⵉⵛⵓⴱⴰⵏ ⵉⵍⵓⴳⴰⵏ-ⵏⵏⵉ ⴰⵢ ⵜⴻⵜⵜⵇⴰⴷⴰⵔ ⵜⴷⵓⴽⵍⵉ ⵜⵓⵕⵓⴼⵉⵜ ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ ⴰⵎⴰⵜⵓ ⵏ ⵓⵙⵙⴻⴼⵇⴻⴷ ⴰⴷⴰⵎⵙⴰⵏ ⴷ ⵓⵃⴰⵕⴻⴱ ⵏ ⵓⴷⵖⴰⵍ ⵏ ⵓⵖⵍⵉⴼ ⵏ ⵜⵏⴻⵣⵣⵓⵜ, ⵎⵉⵎⵧⵓⵏ ⴱⵧⵓⵔⴰⵙ.
ⵎⴰⵙⵙ ⴱⵧⵓⵔⴰⵙ ⵢⴻⵏⵏⴰ-ⴷ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ ⴷ ⴰⴽⴽⴻⵏ ⴰⵀⴻⵢⵢⵉ ⴷ ⵓⵙⵙⴻⴼⵄⴻⵍ ⵏ ⵢⵉⵍⵓⴳⴰⵏ-ⴰ ⴰⴷ ⴷ-ⵢⵉⵍⵉ ⵙ ⵓⵎⵄⴰⵡⴻⵏ ⴳⴰⵔ ⵓⵖⵍⵉⴼ ⵏ ⵜⵏⴻⵣⵣⵓⵜ (ⵜⵜⵊⴰⵕⴰ) ⴷ ⵡⵉⵏ ⵏ ⵜⴻⵎⴳⵓⵔⵉ ⴷ ⵍⵎⵉⵏⴰⵜ, ⵢⴻⵔⵏⴰ ⴰⴷ ⴷ-ⵢⴻⵜⵜⵡⴰⴳⴻⵎ ⵙⴻⴳ ⵍⴻⵇⵡⴰⵏⵉⵏ ⵏ ⵜⴷⵓⴽⵍⵉ ⵜⵓⵕⵓⴼⵉⵜ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵉⵍⵓⴳⴰⵏ ⴰⵢⵢⴻⵙ ⴰⵔⴰ ⵜⵓⴽⵍⴰⵍ ⵙⵙⴻⵍⵄⴰ ⴰⴷ ⴰⵙ-ⵔⵔⴻⵏ ⵜⴰⵎⴻⵏⵟⴰⴹⵜ ⵏ « ⵛⴻ » (ⵢⴻⵜⵜⵇⴰⴷⴰⵔ ⵛⵛⵓⵔⵓⴹ).
ⵜⴰⵎⴻⵏⵟⴰⴹⵜ ⵏ « ⵛⴻ » ⴷ ⵜⵜⴱⵓⵜ ⴷ ⴰⴽⴽⴻⵏ ⵙⵙⴻⵍⵄⴰ ⵜⴻⵜⵜⵇⴰⴷⴰⵔ ⵍⴻⵡⵚⴰⵢⴰⵜ ⵜⵓⵕⵓⴼⵉⵢⵉⵏ, ⵢⴻⵔⵏⴰ ⴰⵢⴰ ⵢⴻⵙⵙⴽⴰⵏⴰⵢ-ⴷ ⴷ ⴰⴽⴽⴻⵏ ⴰⴼⴰⵔⵉⵙ-ⵏⵏⵉ ⵢⴻⴷⴷⴰ ⴷ ⵢⵉⵍⵓⴳⴰⵏ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⵢⴻⵔⵏⴰ ⵢⴻⵣⵎⴻⵔ ⴰⴷ ⵢⴻⵏⵣ ⵙ ⵜⵍⴻⵍⵍⵉ ⴷⴻⴳ ⵙⵙⵓⵇ.
ⵡⴻⵔⵄⴰⴷ ⵓⵔⵍ ⵍⵉⵏ ⴰⵔⴰ ⵢⵉⵍⵓⴳⴰⵏ ⴰⵎ ⵡⵉ ⴷⴻⴳ ⵍⴻⵣⵣⴰⵢⴻⵔ ⴰⵛⴽⵓ ⵜⴰⵙⵡⵉⵄⵜ-ⴰ, ⵜⴰⵎⵓⵔⵜ-ⴰ ⵓⵔ ⵜⴻⵙⵄⵉ ⴰⵔⴰ ⵜⵜⴰⵡⵉⵍ ⴰⵔⴰ ⵜⵜ-ⵢⴻⴵⴵⴻⵏ ⴰⴷ ⵜⴻⴹⵎⴻⵏ ⵜⴰⵄⴻⵙⵙⴰⵙⵜ ⵏ ⵡⴰⴽⴽ ⵙⵙⴻⵍⵄⴰⵜ ⴰⵢ ⴷ-ⵢⴻⵜⵜⴻⴼⴼⵖⴻⵏ ⵙⴻⴳ ⵍⵍⵓⵣⵉⵏⴰⵜ ⵢⴻⵔⵏⴰ ⵜⵜⵏⵓⵣⵓⵏ ⵉ ⵢⵉⵎⵙⵓⴷⵔⴻⵏ ⵉⵏⴻⴳⴳⵓⵔⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵎⴹⴻⴱⴱⴻⵔ-ⴰ.
ⵙ ⵡⴰⵢⴰ, « ⵙⵙⵓⵇ ⴰⴷⵣⴰⵢⵔⵉ ⵜⴻⴳⴳⴻⵜ ⴷⴻⴳ-ⵙ ⵙⵙⴻⵍⵄⴰ ⴰⵢ ⴷ-ⵢⴻⵜⵜⴻⴼⴼⵖⴻⵏ ⵙⴻⴳ ⵍⵍⵓⵣⵉⵏⴰⵜ, ⵍⴰⴷⵖⴰ ⵜⵉⴷ ⵏ ⵜⵎⵓⵔⴰ ⵏ ⵓⵣⵖⴰⵔ, ⴷⴻⴳ ⵢⴻⵍⵍⴰ ⵓⴷⵖⴰⵍ ⵏ ⵍⵎⴻⵕⴽⴰ ⵏ ⵜⴽⴻⵍⵍⴰⵅ ⵢⴻⵔⵏⴰ ⵓⵔ ⵜⴻⵜⵜⵇⴰⴷⴰⵔ ⴰⵔⴰ ⵉⵍⵓⴳⴰⵏ ⵏ ⵜⵖⴻⵍⵍⵉⵙⵜ ⴰⵢ ⵢⴻⵜⵜⵡⴰⴹⴼⴰⵔⴻⵏ ⴷⴻⴳ ⵓⵎⴰⴹⴰⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⵧⵓⵔⴰⵙ.
« ⵏⴻⴱⴷⴰ ⵢⴰⴳⵉ ⵏⴻⵜⵜⵀⴻⵢⵢⵉ-ⴷ ⵉⵍⵓⴳⴰⵏ ⵉ ⵓⵙⵙⴻⵍⵀⵓ ⵏ ⵓⵙⵙⴻⴼⵇⴻⴷ ⵏ ⵙⵙⴻⵍⵄⴰ ⵓⵇⴱⴻⵍ ⵎⴰ ⵙⵙⵓⴼⴼⵖⴻⵏ-ⵜⵜ-ⵉⴷ ⵖⴻⵔ ⵙⵙⵓⵇ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ. ⵉⵎⵉⵔ-ⴰ, ⴰⵙⵙⴻⴼⵇⴻⴷ ⵏ ⵢⵉⴼⴰⵔⵉⵙⴻⵏ ⵉⵎⴳⵓⵔⴰⵏⴻⵏ ⵢⴻⵜⵜⵉⵍⵉ-ⴷ ⴷⴻⴳ 3 ⵏ ⵢⵉⵎⴻⵛⵡⴰⵕⴻⵏ: ⴰⵙⵙⴻⴼⵇⴻⴷ ⵏ ⵍⴻⴽⵡⴰⵖⴻⴹ ⴷ ⵙⵙⴻⵍⵄⴰ ⵙ ⵜⵉⵟ, ⴰⵙⵙⴻⴼⵇⴻⴷ ⵏ ⵓⵙⴻⵍⴽⵉⵏ (ⵙⵙⴻⵔⵜⴰⴼⵉⴽⴰ) ⵏ ⴹⴹⵎⴰⵏⴰ ⴷ ⵜⵓⴽⴽⵙⴰ ⵏ ⵜⵓⴽⴽⴻⵙⵜ ⵙⴻⴳ ⵙⵙⴻⵍⵄⴰ-ⵏⵏⵉ, ⵎⴰ ⵜⴻⵔⵔⴰ ⵜⵎⴰⵔⴰ.
ⵜⵓⴽⴽⴰⵙ-ⵏⵏⵉ ⵏ ⵙⵙⴻⵍⵄⴰ ⵜⵜⴰⵡⵉⵏ-ⵜⴻⵏⵜ ⵖⴻⵔ ⵢⵉⵏⴻⴳⵎⵉ (ⴰⵍⴰⴱⵓⵔⴰⵟⵡⴰⵔ) ⴰⵎⵏⴰⴹⴰⵏ ⵏ ⵇⵙⴻⵏⵟⵉⵏⴰ ⴰⴽⴽⴻⵏ ⴰⴷ ⵜⴻⵏⵜ-ⵙⴼⴻⵇⴷⴻⵏ, ⵢⴻⵔⵏⴰ ⵉⵏⵉⴻⴳⵎⵉ-ⴰ ⵢⴻⵇⵇⴻⵏ ⵖⴻⵔ ⵡⴰⵎⵎⴰⵙ ⴰⴷⵣⴰⵢⵔⵉ ⵏ ⵓⵙⵙⴻⴼⵇⴻⴷ ⵏ ⵜⵖⴰⵔⴰ ⴷ ⵓⵊⴻⵍⵍⴻⵍ (ⵛⴰⵛⵇⴻ). « ⴷ ⴰⵛⵓ ⴽⴰⵏ, ⵓⵍⴰ ⵎⴰ ⵉⵏⴻⴳⵎⵉ-ⵏⵏⵉ ⵢⴻⵙⵄⴰ ⵢⴻⵙⵄⴰ ⵜⵜⴰⵡⵉⵍⴰⵜ ⵉ ⵓⵙⵙⴻⴼⵇⴻⴷ ⵏ ⵢⵉⵃⴻⵎⵎⴰⵢⴻⵏ ⵏ ⵍⴳⴰⵣ ⴷ ⵜⵜⴰⵡⵉⵍⴰⵜ ⵏⵉⴹⴻⵏ ⵏ ⵜⵔⵉⵙⵉⵜⵉ, ⵓⵔ ⴷ-ⵢⴻⵜⵜⵇⴰⵎ ⴰⵔⴰ ⵜⵜⴰⵡⵉⵍ-ⵏⵏⴻⵙ ⴰⵛⴽⵓ ⴳⴳⵜⴻⵏ ⵍⴻⵚⵏⴰⴼ ⵏ ⵙⵙⴻⵍⵄⴰ ⴰⵢ ⵢⴻⵜⵜⵏⵓⵣⵓⵏ ⴷⴻⴳ ⵙⵙⵓⵇ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵍⴻⵅⵚⴰⵚ ⵏ ⵢⵉⵍⵓⴳⴰⵏ ⴷ ⵓⴳⵓⵔ ⴷⴻⴳ ⵜⵏⴻⵣⵣⵓⵜ ⵜⵓⴼⴼⵉⵖⵜ==
ⵉⵀⵉ, ⵜⵜⴰⵡⵉⵍⴰⵜ-ⴰ ⵏ ⵓⵙⵙⴻⴼⵇⴻⴷ ⵓⵔ ⴷ-ⵜⵜⵇⴰⵎⴻⵏ ⴰⵔⴰ ⴰⴽⴽⴻⵏ ⴰⴷ ⵙⴼⴻⵇⴷⴻⵏ ⵢⴻⵙ-ⵙⴻⵏ ⵜⴰⵖⴰⵔⴰ ⵏ ⵡⴰⴽⴽ ⵉⴼⴰⵔⵉⵙⴻⵏ ⵉⵎⴳⵓⵔⴰⵏⴻⵏ, ⵍⴰⴷⵖⴰ ⵡⵉⴷ ⴰⵢ ⴷ-ⵢⴻⵜⵜⵡⴰⴵⵡⴻⵏ. ⵉⵎⵉ ⵓⵍⴰⵛ ⵉⵍⵓⴳⴰⵏ, ⵢⴻⵍⵍⴰ-ⴷ ⵍⴻⵅⵚⴰⵚ ⴷ ⴰⵎⴻⵇⵔⴰⵏ ⴷⴻⴳ ⵜⵏⴻⵣⵣⵓⵜ ⵜⵓⴼⴼⵉⵖⵜ ⵏ ⵜⵎⵓⵔⵜ, ⵢⴻⵔⵏⴰ ⵓⵍⴰ ⴷ ⵜⵉⵏⴰⵔⵉⵢⵉⵏ (ⵍⴱⵉⵔⵓⵡⴰⵜ) ⵏ ⵢⵉⵎⴰⵣⵣⴰⵢⴻⵏ ⴰⵢ ⵢⴻⵙⵄⴰⵏ ⵜⵜⴰⵡⵉⵍⴰⵜ ⴰⵢⵢⴻⵙ ⴰⵔⴰ ⵙⴼⴻⵇⴷⴻⵏⵜ ⴰⵇⴰⴷⴻⵔ ⵏ ⵢⵉⵍⵓⴳⴰⵏ ⵏ ⵙⵙⴻⵍⵄⴰ ⵓⵍⴰⵛ-ⵉⵜⴻⵏ ⴷⴻⴳ ⵜⵎⵓⵔⵜ.
ⵖⴻⴼ ⵡⴰⵢⴰ ⴰⵢ ⵍⴰ ⵙⵙⴻⴼⵔⴰⵢⴻⵏ ⵢⵉⴷⵓⴱⴰ ⵉⵏⴰⴳⴷⵓⴷⴻⵏ ⴰⴷ ⵙⵇⴻⴷⵛⴻⵏ ⵉⵏⴻⴳⵎⵉ ⴰⵖⴻⵍⵏⴰⵡ ⵏ ⵡⴰⵔⵔⴰⵎⴻⵏ ⴰⵔⴰ ⵢⴻⴱⴷⵓⵏ ⴰⵎⴰⵀⵉⵍ (ⴰⵅⴻⴷⴷⵉⵎ) ⴷⴻⴳ ⵓⵣⴳⴻⵏ ⵡⵉⵙ ⵙⵉⵏ ⵏ ⵓⵙⴻⴳⴳⴰⵙ ⵏ 2016.
ⵉⵏⴻⴳⵎⵉ-ⴰ ⴰⵢ ⴷ-ⵢⴻⵣⴳⴰⵏ ⴷⴻⴳ ⵜⴻⵎⴷⵉⵏⵜ ⵏ ⵙⵉⴷⵉ ⵄⴻⴱⴷⴻⵍⵍⴰⵀ (ⴷⴻⴳ ⵣⵔⴰⴷⵍⴰ, ⵍⴻⵣⵣⴰⵢⴻⵔ) ⴰⴷ ⵢⴻⵙⵄⵓ ⵉⴼⵓⵔⴽⴰ ⵏⵉⴹⴻⵏ ⴰⵔⴰ ⵢⴻⵎⵎⵓⵣⵣⴳⴻⵏ (ⴰⴷ ⵜⴻⵅⴻⵚⵚⴻⵚⴻⵏ) ⴷⴻⴳ ⵜⴻⵙⵍⴻⴹⵜ ⵜⴰⴽⵔⵓⵔⴰⵏⵜ ⴷ ⵜⵎⵉⴽⵕⵓⴱⵢⵓⵍⵉⵊⵉⵜ ⵏ ⵙⵙⴻⵍⵄⴰ ⴰⵢ ⴷ-ⵢⴻⵜⵜⴻⴼⴼⵖⴻⵏ ⵙⴻⴳ ⵍⵍⵓⵣⵉⵏⴰⵜ.
ⴰⵙⵙⴻⴼⵇⴻⴷ-ⴰ ⴰⴷ ⵢⴻⵔⵣⵓ ⵍⴰⴷⵖⴰ ⵉⴼⴰⵔⵉⵙⴻⵏ ⵏ ⵍⴻⴱⵏⵉ, ⵜⵜⴰⵡⵉⵍⴰⵜ ⵏ ⵜⵔⵉⵙⵉⵜⵉ ⵏ ⵓⵅⵅⴰⵎ, ⵛⵛⴰⵛ, ⴰⴳⵍⵉⵎ, ⵉⴼⴻⵛⴽⴰ ⵏ ⵜⴻⵏⵡⴰⵍⵜ, ⵜⵉⵛⴻⵇⵇⵓⴼⵉⵏ ⵏ ⵓⴱⴻⴷⴷⴻⵍ ⵏ ⵜⴽⴻⵕⵕⵓⵙⵉⵏ, ⵉⴼⴰⵔⵉⵙⴻⵏ ⵏ ⵓⵙⵙⵉⵣⴷⴻⴳ, ⵉⴼⴰⵔⵉⵙⴻⵏ ⵏ ⵓⵛⴻⴱⴱⴻⵃ, ⵉⴼⴻⵛⴽⴰ ⵏ ⵓⵖⴻⵔⴱⴰⵣ, ⵉⴼⴰⵔⵉⵙⴻⵏ ⵏ ⵓⵊⴻⵍⵍⴻⵍ ⴷ ⵢⵉⵍⴻⵍⵍⴰⵛ ⵏ ⵢⵉⴳⴻⵔⴷⴰⵏ.
ⵙⴻⴳ ⵍⴻⵄⴹⵉⵍ ⴰⴷ ⴷ-ⵡⴻⵊⴷⴻⵏ ⴰⴽⴽ ⵢⵉⵍⵓⴳⴰⵏ ⵏ ⵓⵇⴻⵢⵢⴻⵎ ⵏ ⵜⵖⴰⵔⴰ ⵏ ⵙⵙⴻⵍⵄⴰ ⴰⵢ ⴷ-ⵢⴻⵜⵜⴻⴼⴼⵖⴻⵏ ⵙⴻⴳ ⵍⵍⵓⵣⵉⵏⴰⵜ, ⵉⵎⴰⴵⴰⵡⴻⵏ ⵢⴻⵙⵙⴻⴼⴽ, ⵙⴻⴳ-ⴰ ⵖⴻⵔ ⵙⴷⴰⵜ, ⴰⴷ ⴷ-ⵜⵜⴰⴽⴼⴻⵏ ⵜⵜⴱⵓⵜ ⴷ ⴰⴽⴽⴻⵏ ⵉⴼⴰⵔⵉⵙⴻⵏ-ⵏⵙⴻⵏ ⵜⵜⵇⴰⴷⴰⵔⴻⵏ ⵉⵍⵓⴳⴰⵏ ⵏ ⵜⵎⵓⵔⵜ ⴰⵢⵙⴻⴳ ⴷ-ⵜⵜⵡⴰⴵⵡⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴱⵧⵓⵔⴰⵙ.
ⵍⴻⵎⵎⴻⵔ ⴰⴷ ⴷ-ⵜⴰⵡⴻⴹ ⵙⵙⴻⵍⵄⴰ ⴰⵢ ⵢⴻⵙⵄⴰⵏ ⵜⴰⵎⴻⵏⵟⴰⴹⵜ ⵏ ⵛⴻ (ⴰⵢ ⴷ-ⵢⴻⵎⵎⴰⵍⴻⵏ ⴷ ⴰⴽⴽⴻⵏ ⵜⴻⵜⵜⵇⴰⴷⴰⵔ ⵉⵍⵓⴳⴰⵏ), ⴰⵎⴰⴵⴰⵡ ⵏ ⵙⵙⴻⵍⵄⴰ-ⴰ ⵢⴻⵙⵙⴻⴼⴽ ⴰⴷ ⴷ-ⵢⴻⴼⴽ ⵍⴻⴽⵡⴰⵖⴻⴹ ⴰⵢ ⴷ-ⵢⴻⵙⵙⴽⴰⵏⴰⵢⴻⵏ ⴰⵢⴰ.
ⵖⴻⴼ ⵡⴰⵢⴰ ⴰⵢ ⵍⴰ ⴷ-ⵜⵜⵀⴻⵢⵢⵉⵏ ⵢⵉⵡⴻⵜ ⵏ ⵍⴻⵡⵚⴰⵢⴰ ⵜⴰⴳⵔⴰⵖⵍⵉⴼⵜ ⵖⴻⴼ ⵢⵉⵍⵓⴳⴰⵏ ⴰⵢ ⵢⴻⵙⵙⴻⴼⴽⴻⵏ ⴰⴷ ⵜⵜⵡⴰⵇⴰⴷⵔⴻⵏ ⴰⴽⴽⴻⵏ ⴰⴷ ⵙⴼⴻⵄⵍⴻⵏ ⴰⵃⴻⵣⵣⵉⴱ-ⴰ.
ⵙⵖⵓⵔ ⵛⵀⴰⴽⵉⵔⴰ ⴱⵉⴷⴰⵧⵓⵉ
