ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ 2016: ⴰⵎⴰⵔ ⴱⵔⴰⵀⵎⵉⴰ ⴷⴻⴳ ⵜⴻⵎⵍⵉⵍⵉⵜ ⵏ ⵢⵉⵎⴹⴻⴱⴱⵔⴻⵏ ⴷⴻⴳ ⵔⵉⵧ

ⵍⴷⵣⴰⵢⴻⵔ ⵜⴰⵎⴰⵏⴻⵖⵜ – ⵉⵎⴽⴻⵍⵍⴻⴼ ⵙ ⵓⵙⵙⴻⵡⵊⴻⴷ ⵓⵍⵉⵎⵒⵉ ⴷⴻⴳ ⵓⵙⴻⵇⵇⴰⵎⵓ ⵓⵍⵉⵎⵒⵉ ⴷ ⵓⵏⴰⴷⴷⴰⵍ ⵏ ⵍⴷⵣⴰⵢⴻⵔ (ⵛⵧⴰ), ⴰⵎⴰⵔ ⴱⵔⴰⵀⵎⵉⴰ, ⴰⴷ ⵢⴻⵜⵜⴻⴽⴽⵉ ⴷⴻⴳ ⵜⴻⵎⵍⵉⵍⵉⵜ ⵏ ⵢⵉⵎⴹⴻⴱⴱⵔⴻⵏ ⵏ ⵜⵓⵖⴷⴰⴹⵉⵏ ⴷⴻⴳ ⵔⵉⵧ ⴷⴻ ⵊⴰⵏⴻⵉⵔⵧ ⴳⴰⵔ 18 ⴷ 21 ⵖⵓⵛⵜ ⵉ ⵍⵎⴻⵏⴷ ⵏ ⵓⵙⵙⴻⵡⵊⴻⴷ ⵏ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵓⵏⴻⴱⴷⵓ ⵏ 2016, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵉⵅⴻⴱⴱⴻⵔ ⴰⵙⵙ ⵏ ⵍⵃⴻⴷⴷ.

ⵜⵉⵎⵍⵉⵍⵉⵜ-ⴰ ⴰⵢ ⵢⴻⵙⵙⵓⴷⴷⴻⵙ ⵓⵙⴻⵇⵇⴰⵎⵓ ⵏ ⵓⵙⵙⵓⴷⴷⴻⵙ (ⵍⵧⵛⵧⴳ) ⴰⴷ ⵜⵜⴻⴽⴽⵉⵏ ⴷⴻⴳ-ⵙ ⵢⵉⴳⴻⵏⵙⴰⵙⴻⵏ ⵏ 200 ⵏ ⵢⵉⵙⴻⵇⵇⵓⵎⴰ ⵉⵖⴻⵍⵏⴰⵡⴻⵏ ⵓⵍⵉⵎⵒⵉⵢⴻⵏ ⵉ ⵍⵎⴻⵏⴷ ⵏ ⵓⵙⵙⴻⵡⵊⴻⴷ ⵏ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ 2016 ⴰⵔⴰ ⴷ-ⵢⵉⵍⵉⵏ ⴷⴻⴳ ⵔⵉⵧ (ⴱⵔⵉⵣⵉⵍ).

ⵉⵖⴻⵍⵍⴰⵜⴻⵏ ⵏ ⵜⵓⵖⴷⴰⴹⵉⵏ ⴷ ⵏⵉⵜⵏⵉ ⴰⵢ ⴷ ⵉⵎⴹⴻⴱⴱⵔⴻⵏ ⵏ ⵜⵎⴻⴳⵍⵉⵡⵉⵏ ⵜⵉⵖⴻⵍⵏⴰⵡⵉⵏ ⵏ ⵡⴰⴷⴷⴰⵍⴻⵏ ⴷ ⵢⵉⵎⴹⴻⴱⴱⵔⴻⵏ ⵏ ⵜⴻⵖⵍⴰⵎⵉⵏ ⵏ ⵜⵎⵓⵔⴰ-ⵏⵙⴻⵏ ⴰⵔⴰ ⵢⴻⵜⵜⴻⴽⴽⵉⵏ ⴷⴻⴳ ⵡⵓⵔⴰⵔⴻⵏ. ⵜⵉⵎⵍⵉⵍⵉⵜ-ⴰ ⵏ ⵢⵉⵖⴻⵍⵍⴰⵜⴻⵏ ⵏ ⵜⵓⵖⴷⴰⴹⵉⵏ ⴰⴷ ⵜⴻⵇⵇⵉⵎ 4 ⵏ ⵡⵓⵙⵙⴰⵏ ⵢⴻⵔⵏⴰ ⴰⴷ ⵙⵇⴻⵔⴷⵛⴻⵏ ⴷⴻⴳ-ⵙ ⴰⵟⴰⵙ ⵏ ⵜⴻⵎⵙⴰⵍ ⴰⵎ ⵓⵙⵙⴻⵣⴷⴻⵖ ⵏ ⵢⵉⵏⴰⴷⴷⴰⵍⴻⵏ, ⴰⵎⴻⵙⵏⵉ, ⴰⵇⴱⴰⵍ ⵓⵏⵚⵉⴱ ⴷ ⵜⵎⴻⵖⵔⵉⵡⵉⵏ ⴳⴰⵔ ⵜⴻⵎⵙⴰⵍ ⵏⵉⴹⴻⵏ ⴰⵢ ⵢⴻⵙⵙⴻⴼⴽⴻⵏ ⴰⴷ ⵜⴻⵏⵜ-ⵉⴷ-ⵙⵡⴻⵊⴷⴻⵏ. ⵜⵉⵎⵍⵉⵍⵉⵜ-ⴰ ⴰⴷ ⴷ-ⵜⵉⵍⵉ ⵇⵔⵉⴱ ⴰⵙⴻⴳⴳⴰⵙ ⵓⵇⴱⴻⵍ ⵎⴰ ⴱⴷⴰⵏ ⵡⵓⵔⴰⵔⴻⵏ-ⴰ ⵓⵍⵉⵎⵒⵉⵢⴻⵏ.

ⵉⵖⴻⵍⵍⴰⵜⴻⵏ-ⴰ ⵏ ⵜⵓⵖⴷⴰⴹⵉⵏ ⴰⴷ ⵔⵣⵓⵏ ⴷⴰⵖ ⵖⴻⴼ ⵢⵉⵎⵓⴽⴰⵏ ⴰⵢ ⵢⴻⵜⵜⵡⴰⵇⴻⴱⵍⴻⵏ ⵉ ⵍⵎⴻⵏⴷ ⵏ ⵡⵓⵔⴰⵔⴻⵏ-ⴰ, ⵢⴻⵔⵏⴰ ⴰⵎⴽⴰⵏ ⴰⵎⴻⵣⵡⴰⵔⵓ ⴷ ⴰⴼⵔⴰⴳ ⵓⵍⵉⵎⵒⵉ ⴷ ⵜⴰⴷⴷⴰⵔⵜ ⵏ ⵢⵉⵏⴰⴷⴷⴰⵍⴻⵏ.

« ⵜⴰ ⴷ ⵜⵉⵎⵍⵉⵍⵉⵜ ⴰⵔⴰ ⴰⵖ-ⵢⴻⴵⴵⴻⵏ ⴰⴷ ⵏⴻⵙⵙⴻⴼⵇⴻⴷ ⵉⵎⵓⴽⴰⵏ-ⴰ ⵢⴻⵔⵏⴰ ⴰⴷ ⵜⴻⵏ-ⵏⴻⵏⵏⴰⵎ, ⴰⵎ ⵡⴰⴽⴽⴻⵏ ⴰⵔⴰ ⵏⴻⵏⵏⴰⵎ ⵜⴰⵎⴷⵉⵏⵜ ⵏ ⵔⵉⵧ ⴷ ⵓⵎⴻⵙⵏⵉ-ⵏⵏⴻⵙ. ⴰⵢⴰ ⴷ ⵢⵉⵍⵉ ⴰⵎ ⵓⵙⴰⵔⴰⴳ ⴰⵢⴷⴻⴳ ⴰⵔⴰ ⴰⵖ-ⴷ-ⵅⴻⴱⴱⵔⴻⵏ ⵖⴻⴼ ⵡⴰⵢⴻⵏ ⵢⴻⵍⵍⴰⵏ ⴷ ⴰⵎⴰⵢⵏⵓ ⵖⴻⴼ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵔⵉⵧ ⵏ 2016 ⴰⴽⴽⴻⵏ ⴰⴷ ⵙⵡⴻⵊⴷⴻⵏⵜ ⵉⵎⴰⵏ-ⵏⵙⴻⵏⵜ ⵜⵎⴰⴳⵍⵉⵡⵉⵏ-ⵏⵏⴻⵖ ⵎⵍⵉⵃ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵎⴰⵔ ⴱⵔⴰⵀⵎⵉⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⵜⵉⵖⵉⵎⵉⵜ-ⴰ ⴷⴻⴳ ⴱⵔⵉⵣⵉⵍ ⴰⴷ ⵜⴻⴵⴵ ⵉⵖⴻⵍⵍⴰⵜⴻⵏ ⵏ ⵜⵓⵖⴷⴰⴹⵜ ⴰⴷ ⴼⵔⵓⵏ ⵙⴻⴳ ⵜⴰⵣⵡⴰⵔⴰ ⴽⵔⴰ ⵏ ⵡⵓⴳⵓⵔⴻⵏ ⴰⵢ ⵉⵣⴻⵎⵔⴻⵏ ⴰⴷ ⴷ-ⵉⵍⵉⵏ ⴷⴻⴳ ⵡⵓⵙⵙⴰⵏ-ⵏⵏⵉ ⵏ ⵡⵓⵔⴰⵔⴻⵏ.

« ⵜⵉⵎⵍⵉⵍⵉⵜ-ⴰ ⵜⴻⵙⵄⴰ ⴰⵣⴰⵍ ⴰⵛⴽⵓ ⴰⴷ ⵜⵄⴰⵡⴻⵏ ⵜⵉⵎⵓⵔⴰ ⵏ ⵓⵎⴰⴹⴰⵍ ⴰⴽⴽⴻⵏ ⵎⴰ ⵍⵍⴰⵏⵜ ⴰⴽⴽⴻⵏ ⴰⴷ ⵙⵡⴻⵊⴷⴻⵏⵜ ⵉⵏⴰⴷⴷⴰⵍⴻⵏ-ⵏⵙⴻⵏ ⵉ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⵏ ⵓⵙⴻⴳⴳⴰⵙ ⴰⵢ ⴷ-ⵢⴻⵜⵜⴻⴷⴷⵓⵏ. ⵓⵍⴰⵛ ⵛⵛⴻⴽ ⴷⴰⴽⴽⴻⵏ ⴰⵙⴻⵇⵇⴰⵎⵓ ⵏ ⵓⵙⵙⵓⴷⴷⴻⵙ ⴰⴷ ⵢⴻⴳ ⴰⴽⴽ ⴰⵢⴻⵏ ⵓⵎⵉ ⵢⴻⵣⵎⴻⵔ ⴰⴽⴽⴻⵏ ⴰⴷ ⵉⵄⴰⵡⴻⵏ ⵉⵏⴰⴷⴷⴰⵍⴻⵏ ⵢⴻⵔⵏⴰ ⴰⴷ ⵢⴻⴹⵎⴻⵏ ⴰⵙⵙⵓⴷⴷⴻⵙ ⵉⴳⴻⵔⵔⵣⴻⵏ ⵏ ⵡⵓⵔⴰⵔⴻⵏ-ⴰ ⵉⵎⴻⵇⵔⴰⵏⴻⵏ », ⵖⴻⴼ ⵡⴰⴽⴽⴻⵏ ⴰⵢ ⵜⵜ-ⵉⴷ-ⵢⴻⵅⵜⴻⵎ ⵓⵖⴻⵍⵍⴰ ⵏ ⵜⵎⴰⴳⵍⴰ ⵜⴰⴷⵣⴰⵢⵔⵉⵜ ⴰⵔⴰ ⵢⴻⵜⵜⴻⴽⴽⴻⵏ ⴷⴻⴳ ⵜⴻⵥⵔⵉⴳⵜ ⵜⵉⵙ 28 ⵏ ⵡⵓⵔⴰⵔⴻⵏ ⵓⵍⵉⵎⵒⵉⵢⴻⵏ ⴰⵔⴰ ⴷ-ⵢⵉⵍⵉⵏ ⴳⴰⵔ 5 ⴷ 21 ⵖⵓⵛⵜ 2016.