ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⵉⴱⵢⴰ: ⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵢⴻⵛⵖⴻⴱ-ⵉⵜⴻⵏ ⵓⴽⴻⵎⵎⴻⵍ ⵏ ⵢⵉⵎⴻⵏⵖⵉ ⴷⴻⴳ ⵙⵉⵔⵜ

ⴳⴻⵏⴻⵠⴻ – ⴰⵙⴻⵇⵇⴰⵎⵓ ⵓⵏⵏⵉⴳ ⵏ ⵢⵉⵖⵍⴰⵏⴻⵏ ⵢⴻⴷⴷⵢⴽⴽⵍⴻⵏ ⵉ ⵢⵉⵣⴻⵔⴼⴰⵏ ⵏ ⵓⵎⴷⴰⵏ (ⵀⵛⴷⵀ) ⵢⴻⵏⵏⴰ-ⴷ ⴷ ⴰⴽⴽⴻⵏ ⵢⴻⵛⵖⴻⴱ-ⵉⵜ ⴰⵟⴰⵙ ⵓⴽⴻⵎⵎⴻⵍ ⵏ ⵢⵉⵎⴻⵏⵖⵉ ⴷⴻⴳ ⵙⵉⵔⵜ, ⴷⴻⴳ ⵓⴳⴰⴼⴰ ⵏ ⵍⵉⴱⵢⴰ. ⴰⵙⴻⵇⵇⴰⵎⵓ ⵓⵏⵏⵉⴳ ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⴻⵛⵖⴻⴱ-ⵉⵜ ⵍⴰⴷⵖⴰ ⵜⴻⴳⵏⵉⵜ ⵏ ⵜⵖⴻⵍⵍⵉⵙⵜ (ⵍⴰⵎⴰⵏ) ⵉⵎⵉ, ⵎⴰ ⵓⵍⴰⵛ, 16 ⵏ ⵎⴻⴷⴷⴻⵏ ⴰⵢ ⵢⴻⵜⵜⵡⴰⴹⴹⴼⴻⵏ ⴷ ⵉⵎⴻⵕⵀⴰⵏ ⵖⴻⵔ ⵜⵓⴷⴷⵙⴰ ⵜⴰⵔⴻⴱⵔⴰⴱⵜ ⴰⵢ ⵉⵙⴻⵎⵎⴰⵏ ⵉ ⵢⵉⵎⴰⵏ-ⵏⵏⴻⵙ « ⴰⵡⴰⵏⴰⴽ ⵉⵙⵍⴰⵎⴰⵏ » (ⴷⴰⵄⴻⵛ), ⴷⴻⴳ ⵡⴰⴽⵓⴷ ⴰⵢⴷⴻⴳ 4 ⵏ ⵜⴼⴻⴽⴽⵉⵡⵉⵏ ⴰⵢ ⴷ-ⵓⴼⴰⵏ ⵄⴻⵍⵍⵇⴻⵏⵜ ⵖⴻⵔ ⵢⵉⴱⵓⴷⵉⴷⴻⵏ ⴷⴻⴳ 3 ⵏ ⵢⵉⵎⵓⴽⴰⵏ ⵢⴻⵎⴳⴻⵔⵔⴰⴷⴻⵏ ⴷⴻⴳ ⵙⵉⵔⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵜⵜⵍⴰⵜⴰ ⵓⵏⴻⵟⵟⴰⵇ ⵏ ⵓⵙⴻⵇⵇⴰⵎⵓ ⵓⵏⵏⵉⴳ, ⵔⵓⵒⴻⵔⵜ ⵛⵧⵍⵠⵉⵍⵍⴻ ⵢⴻⵔⵏⴰ ⵢⴻⵜⵜⵡⴰⴱⴷⴻⵔ-ⴷ ⴷⴻⴳ ⵢⵉⵡⴻⵏ ⵏ ⵓⵍⵖⵓ ⵏ ⵜⵖⴻⵎⵙⴰ.

ⵖⴻⴼ ⵍⴻⵃⵙⴰⴱ ⵏ ⵓⵍⵖⵓ-ⴰ, ⵜⵓⵖⴷⴰⴹⵜ ⵏ ⵜⴻⴷⵀⴻⵍⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵍⵉⴱⵢⴰ (ⵎⴰⵏⵓⵍ) ⵜⴻⵏⵏⴰ-ⴷ ⴷ ⴰⴽⴽⴻⵏ ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵢⵉⵖⴰⵔⵉⵎⴻⵏ ⵏ ⵜⴻⵎⴷⵉⵏⵜ ⵏ ⵙⵉⵔⵜ ⵔⴻⵡⵍⴻⵏ ⵙⴻⴳ ⵜⴻⵎⵏⴰⴹⵜ-ⵏⵏⵉ ⴰⵢⴷⴻⴳ ⴰⵢ ⵍⴰ ⴷ-ⵢⴻⵜⵜⵉⵍⵉ ⵢⵉⵎⴻⵏⵖⵉ.

ⴷⴷⵓⵕⵜ ⴰⵢⴰ ⵙⴻⴳ ⵡⴰⵙⵎⵉ ⴰⵢ ⵢⴻⴱⴷⴰ ⵢⵉⵎⴻⵏⵖⵉ ⴳⴰⵔ ⵢⵉⵎⴻⵣⴷⴰⵖⴻⵏ ⴰⵢ ⵢⴻⵏⵏⵓⵎⴻⵏ ⵢⴰⴳⵉ ⵟⵟⵔⴰⴷ ⴷⴻⴳ ⵙⵉⵔⵜ ⴷ ⵢⵉⵔⴻⴱⵔⴰⴱⴻⵏ ⵏ ⴷⴰⵄⴻⵛ, ⵢⴻⵔⵏⴰ ⵢⴻⴳⵍⴰ ⵙ ⵡⴰⵛⵃⴰⵍ ⵏ ⵜⵎⴻⵔⵡⵉⵏ ⵏ ⵢⵉⵎⴷⴰⵏⴻⵏ.

ⵎⴰ ⴷ ⴰⵏⴰⴱⴰⴹ ⴰⵍⵉⴱⵉ ⴰⵢⵢⴻⵙ ⵢⴻⵙⵜⴻⵄⵕⴻⴼ ⵓⵎⵖⵉⵡⴰⵏ ⴰⴳⵔⴰⵖⵍⴰⵏ ⵢⴻⵏⵏⴰ-ⴷ « ⵓⵔ ⵢⴻⵣⵎⵉⵔ ⴰⵔⴰ ⴰⴷ ⵉⵇⴰⴱⴻⵍ ⴰⵡⴰⵏⴰⴽ ⵉⵙⵍⴰⵎⴰⵏ ⵖⴻⴼ ⵍⴵⴰⵍ ⵏ ⵜⴻⵔⴳⵓⵍⵜ ⵏ ⵍⴻⵙⵍⴰⵃ ⴰⵢ ⴷ-ⵢⴻⵜⵜⵡⴰⵃⴻⵜⵜⵎⴻⵏ ⵖⴻⴼ ⵢⵉⴳⴻⵏ-ⵏⵏⴻⵙ », ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⵉⵖⵔⵉ ⵉ ⵜⵎⵓⵔⴰ ⵜⴰⵄⵕⴰⴱⵉⵏ ⴰⴽⴽⴻⵏ ⴰⴷ ⴳⴻⵏⵜ ⵜⵉⵢⵉⵜⵉⵡⵉⵏ ⵜⵉⴳⴻⵏⵡⴰⵏⵉⵏ ⵎⴳⴰⵍ ⵢⵉⵔⴻⴱⵔⴰⴱⴻⵏ ⵏ ⵜⵓⴷⴷⵙⴰ ⵜⴰⵔⴻⴱⵔⴰⴱⵜ ⵏ ⵜⴻⵎⴷⵉⵏⵜ-ⴰ.