ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵣⵉ ⵡⴻⵣⵣⵓ : ⴰⵍⴷⴰⵢ ⴷⴻⴳ ⵛⵜⴻⵎⴱⴻⵔ ⵉ ⴷ-ⵉⵜⴻⴷⴷⵓⵏ ⵏ ⵓⵖⴻⵔⴱⴰⵣ ⴰⵙⴷⵓⵔⴰⵏ ⴷⴻⴳ ⵜⴰⴷⴷⴰⵔⵜ ⵏ ⴰⵜ ⵀⵉⵛⴻⵎ

ⵜⵉⵣⵉ ⵡⴻⵣⵣⵓ – ⴰⴷ ⵢⴻⵍⴷⵉ ⵓⵖⴻⵔⴱⴰⵣ ⵏ ⵓⵙⴻⵍⵎⴻⴷ ⴷ ⵓⵙⵉⵍⴻⵖ ⴰⵙⴷⵓⵔⴰⵏ ⵢⴻⵎⵎⵓⵣⵣⴳⴻⵏ ⴷⴻⴳ ⵓⵥⴻⵟⵟⴰ ⵏ ⵜⵕⴰⴽⵏⴰ ⵜⴰⵏⵙⴰⵢⴰⵏⵜ ⴷⴻⴳ ⵡⴰⵢⵢⵓⵔ ⵏ ⵛⵜⴻⵎⴱⴻⵔ ⵉ ⴷ-ⵉⵜⴻⴷⴷⵓⵏ ⴷⴻⴳ ⵜⴰⴷⴷⴰⵔⵜ ⵏ ⴰⵜ ⵀⵉⵛⴻⵎ, ⵎⵉⵛⵍⵉ (ⵜⵉⵣⵉ ⵡⴻⵣⵣⵓ), ⵉⴷⴻⴳ ⵜⴻⵍⵍⴰ ⵜⵓⵔⴰ ⵜⴼⴰⵙⴽⴰ ⵏ ⵜⵔⴰⴽⵏⴰ ⵏ ⴰⵜ ⵀⵉⵛⴻⵎ, ⵉ ⴷ-ⵢⴻⵏⵏⴰ ⴰⵙⵙ ⵏ ⵍⵃⴻⴷⴷ ⵓⵎⴰⵙⴰⵢ ⵏ ⵜⴻⴷⵢⴰⵏⵜ-ⴰ.

ⵢⴻⵎⵎⴻⵙⵍⴰⵢ-ⴷ ⵖⴻⵔ ⵜⴰⵎⴰ ⵏ ⵜⴻⴷⵢⴰⵏⵜ, ⵎⴰⵙⵙ ⵧⵓⵍⴷ ⴱⴻⵍⴰⵉⴷ ⵎⵧⴽⵔⴰⵏⴻ, ⵢⴻⵏⵏⴰ-ⴷ ⴱⴻⵍⵍⵉ ⵜⴰⴷⴷⴰⵔⵜ ⵏ ⴰⵜ ⵀⵉⵛⴻⵎ ⵜⴻⵙⵄⴰ 60 ⵏ ⵜⵍⴰⵡⵉⵏ ⵢⴻⵎⵎⵓⵣⵣⴳⴻⵏ ⴷⴻⴳ ⵓⵥⴻⵟⵟⴰ, ⴰⴱⴻⵄⴷⴰ ⵜⴰⵕⴰⴽⵏⴰ, ⵢⴻⴱⴹⴰⵏ ⵖⴻⴼ 6 ⵏ ⵜⵏⴻⵎⵙⴰⵍ ⵉ ⵢⴻⵙⵄⴰ ⵓⵅⵅⴰⵎ ⵏ ⵜⵔⴰⴽⵏⴰ. 20 ⵏ ⵜⵍⴰⵡⵉⵏ ⵢⴻⵜⵜⵎⴰⵀⴰⵍⴻⵏ ⴰⵥⴻⵟⵟⴰ ⴷⴻⴳ ⵢⴻⵅⵅⴰⵎⴻⵏ-ⵏⵙⴻⵏⵜ, ⵉ ⴷ-ⵢⴻⵔⵏⴰ ⵢⴻⵏⵏⴰ-ⴷ.

ⵍⵍⴰⵏⵜ ⴷⴰⵖⴻⵏ 80 ⵜⴻⵍⵎⴻⵥⵢⵉⵏ ⵉ ⵢⴻⵜⵜⵎⴰⵀⴰⵍⴻⵏ ⴷⴻⴳ ⵓⵅⵅⴰⵎ ⵏ ⵜⵕⴰⴽⵏⴰ ⵏ ⴰⵜ ⵀⵉⵛⴻⵎ, ⴷⴻⴳ ⵓⴽⴰⵜⴰⵔ ⵏ ⵓⴳⴰⵜⵓ ⵏ ⵓⵙⴻⵎⵀⴻⵍ ⴰⵙⴷⵓⵔⴰⵏ, ⵉ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⵜⴻⵥⵔⴰⵎ ⴱⴻⵍⵍⵉ ⵍⴻⵄⵎⴻⵔ ⴰⵍⴻⵎⵎⴰⵙ ⵏ ⵜⵎⴻⵏⵣⴰ ⵏ ⵓⵎⴰⵀⵉⵍ-ⴰ ⵏ ⵍⴻⵊⴷⵓⴷ ⴷⴻⴳ ⵎⵉⵛⵍⵉ ⵀⴰ-ⵜ-ⴰⵏ ⵉⵜⴻⵣⵣⵉ ⴳⴰⵔ 60 ⴷ 96 ⵉⵙⴻⴳⴳⴰⵙⴻⵏ.

ⵎⴰⵙⵙ ⵧⵓⵍⴷ ⴱⴻⵍⴰⵉⴷ ⵢⵓⴷⴷⴻⵔ-ⴷ ’’ⴰⴳⵏⵓ ⵏ ⵓⵙⴻⵏⵣⵉ’’ ⵏ ⵢⵉⴼⴰⵔⵉⵙⴻⵏ ⵏ ⵜⵉⵏⴹⵉ-ⴰ ⵉⵛⵓⴷⴷⴻⵏ ⴰⵟⴰⵙ ⵖⴻⵔ ⵜⵎⴻⵔⵔⵉⵜ, ⴰⵎ ⵡⴰⴽⴽⴻⵏ ⵜⴻⵥⵔⴰⵎ ⴰⵣⴰⵍ ⵏ ⵜⵕⴰⴽⵏⴰ ⵉⵜⴻⵣⵣⵉ ⴳⴰⵔ 45.000 ⴷ 60.000 ⵉⴷⵉⵏⴰⵔⴻⵏ.

Ɣⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵎⴰⵙⴰⵢ-ⴰ, ⴰⵅⵅⴰⵎ ⵏ ⴰⵜ ⵀⵉⵛⴻⵎ ⵢⴻⴱⵏⴰ ⴷⴻⴳ ⵓⵙⴻⴳⴳⴰⵙ 1892, ⵙⴰⴽⵉⵏ ⵚⴻⴽⵔⴻⵏⵜ ⵉⴼⵔⴰⵏⵙⵉⵙⴻⵏ ⵎⵉ ⵉⵇⴻⵍⵍⴻⵄ ⵓⵎⴳⴰⵔⵓ ⵏ ⵓⵙⵍⴻⵍⵍⵉ ⴰⵖⴻⵍⵏⴰⵡ.

ⵢⴻⵍⴷⵉ ⴷⴻⴳ ⵓⵙⴻⴳⴳⴰⵙ 1963, ⵜⴻⵟⵟⴻⴼ-ⵉⵜ ⵜⴻⵎⴵⴰⵀⴷⴻⵜ ⴳⵀⴻⵏⵉⵎⴰ ⴰⵉⵜ ⵙⴰⵉⴷ. ⴷⴻⴳ ⵓⵙⴻⴳⴳⴰⵙ 1976, ⵢⴻⵔⵣⴰ-ⴷ ⵖⴻⵔ-ⵙ ⵓⵙⴻⵍⵡⴰⵢ ⵀⵧⵓⴰⵔⵉ ⴱⵧⵓⵎⴻⴷⵉⴻⵏⵏⴻ, ⵉ ⵢⴻⵍⴷⵉⵏ, ⵉ ⵍⵎⴻⵏⴷ ⵏ ⵜⵉⵔⵣⵉ, ⵢⵉⵡⴻⵏ ⵏ ⵓⵅⵅⴰⵎ ⵏⵏⵉⴹⴻⵏ ⴷⴻⴳ ⵜⴰⴷⴷⴰⵔⵜ ⵧⵓⴰⴳⵀⵣⴻⵏⴻ. ⴷ ⴰⵅⵅⴰⵎ ⵉ ⵢⴻⴽⴽⵉⵏ ⴷⴷⴻⵇⵙ ⴷⴻⴳ ⵓⵙⵏⴻⵔⵏⵉ ⵏ ⵜⵥⵓⵔⵉ-ⴰ ⵜⴰⵏⵙⴰⵢⴰⵏⵜ.

ⵜⴰⵎⴷⵉⵏⵜ ⵏ ⵜⵉⵣⵉ ⵡⴻⵣⵣⵓ, ⵙⴻⴳ ⵢⵉⴹⴻⵍⵍⵉ, ⵜⵇⴻⵍⵍⴻⵄ ⵜⴻⵥⵔⵉⴳⵜ ⵜⵉⵙ ⵙⴹⵉⵙ ⵏ ⵜⵎⴻⵖⵔⴰ ⵏ ⵜⵕⴰⴽⵏⴰ ⵏ ⴰⵜ ⵀⵉⵛⴻⵎ, ⴰⵔⴰ ⵢⴻⴷⴷⵓⵏ ⴰⵍⴰⵎⵎⴰ ⴷ ⴰⵙⵙ ⵡⵉⵙ 26 ⵏ ⵡⴰⵢⵢⵓⵔ ⵉⴷⴻⴳ ⵏⴻⵍⵍⴰ, ⴽⴽⵉⵏⵜ ⴷⴻⴳ-ⵙ 26 ⵜⵡⵉⵍⴰⵢⵉⵏ. (ⵜⴰⵏⴻⴳⴳⴰ)