ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵣⵉ ⵡⴻⵣⵣⵓ : ⴰⵙⵎⴰⵜⵓ ⵓⵎⵎⵉⴷ ⵏ ⵓⵙⴻⵍⵎⴻⴷ ⵏ ⵜⵎⴰⵣⵉⵖⵜ ⴷⴻⴳ ⴰⴽⴽ ⵉⵙⵡⵉⵔⴻⵏ

ⵜⵉⵣⵉ ⵡⴻⵣⵣⵓ – ⴰⵙⵎⴰⵜⵓ ⵏ ⵓⵙⴻⵍⵎⴻⴷ ⵏ ⵜⵎⴰⵣⵉⵖⵜ, ⵙⴻⴳ ⵓⵙⴻⴳⴳⴰⵙ ⵡⵉⵙ 4 ⵏ ⵓⵙⵡⵉⵔ ⴰⵎⴻⵣⵡⴰⵔⵓ, ⴷ ⵜⴰⴷⵢⴰⵏⵜ ⵜⴰⵎⴻⵣⵡⴰⵔⵓⵜ ⵏ ⵓⵏⴻⴽⵛⵓⵎ ⴰⵖⵓⵔⴱⵉⵣ ⴰⵎⴰⵢⵏⵓⵜ 2015-2016, ⴷⴻⴳ ⵜⵉⵣⵉ ⵡⴻⵣⵣⵓ, ⵉ ⴷ-ⵏⵏⴰⵏ, ⴰⵙⵙ ⵏ ⵍⵃⴻⴷ, ⵢⵉⵎⴰⵙⴰⵢⴻⵏ ⵏ ⵓⵃⵔⵉⵛ-ⴰ.

ⴰⴽⴽⴻⵏ ⴰⴷ ⵙⵙⵉⵡⴹⴻⵏ ⵙ ⵉⵙⵡⵉ-ⴰ, ⵜⴰⵎⴻⵀⵍⴰ ⵏ ⵓⵙⴻⴳⵎⵉ ⵏ ⵜⵡⵉⵍⴰⵢⵜ ⵜⴻⵙⵙⴻⴽⵛⴻⵎ-ⴷ 144 ⵏ ⵢⵉⵙⴻⵍⵎⴰⴷⴻⵏ ⵉⵎⴰⵢⵏⵓⵜⴻⵏ ⴷⴻⴳ ⵜⵓⵜⵍⴰⵢⵜ-ⴰ, ⵉ ⴰⵖ-ⴷ-ⵏⵏⴰⵏ.

ⵢⴻⵏⵏⴰ-ⴷ, ⵉⵍⵎⴻⵏⴷ ⵏ ⵓⵏⴻⴽⵛⵓⵎ-ⴰ ⴰⵎⴰⵢⵏⵓⵜ, ⵍⵡⴰⵍⵉ ⴰⵎⴰⵢⵏⵓⵜ, ⴱⵔⴰⵀⵉⵎ ⵎⴻⵔⴰⴷ, ⴱⴻⵍⵍⵉ ⴰⴽⴽ ⵉⴳⵎⵓⴹⴻⵏ ⵏ ⵓⵃⵔⵉⵛ-ⴰ ‘’ⴳⴻⵔⵣⴻⵏ’’ ⵎⴰ ⵏⵇⵓⵔⴻⵏ-ⵉⵜⴻⵏ ⵖⴻⵔ ⵜⵡⵉⵍⴰⵢⵉⵏ ⵏⵏⵉⴹⴻⵏ.

ⵢⴻⴼⴽⴰ-ⴷ ⴰⵎⴻⴷⵢⴰ ⵏ ⵓⵙⵎⴰⵜⵓ ⵏ ⵓⵙⴻⵍⵎⴻⴷ-ⵏⵏⵉ ⵏ ⵓⵀⴻⵢⵢⵉ ⵏ ⵢⵉⴳⵓⵔⴷⴰⵏ ⵉ ⵢⴻⵙⵙⴰⵡⴹⴻⵏ ⵖⴻⵔ 93%, ⵜⴰⵛⴻⵔⵜ ⵜⴰⵍⴻⵎⵎⴰⵙ ⵏ ⵜⵏⴻⵖⵔⵉⵢⵉⵏ, ⵔⵏⵓ 182 ⵏ ⵜⵣⴻⵖⵡⴰ ⵜⵉⵎⴰⵢⵏⵓⵜⵉⵏ ⵢⴻⵔⵣⴰⵏ ⵜⴰⵙⴻⵏⵙⴻⵍⴽⵉⵎⵜ ⵢⴻⵍⴷⵉⵏ ⴷⴻⴳ ⵓⵙⵡⵉⵔ ⴰⵍⴻⵎⵎⴰⵙ ⵏⴻⵖ ⴷⴻⴳ ⵜⴻⵙⵏⴰⵡⵉⵢⵉⵏ.

ⵢⴻⵛⴽⴻⵔ ⵍⵡⴰⵍⵉ ⴷⴰⵖⴻⵏ, ⴰⵍⵀⴰⵢ ⴷ-ⵍⵀⴰⵏ ⵙ ⵡⵓⴳⴰⵔ ⵏ ½ ⵏ ⵢⵉⵎⴻⵄⴷⵓⵔⴻⵏ ⴷ ⵢⵉⴳⵓⵔⴷⴰⵏ ⵢⴻⵍⵍⴰⵏ ⴷⴻⴳ ⵚⴱⵉⵟⴰⵔⴰⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⴻⵍⵎⴻⴷ, ⴰⵢⴰ ⵙ ⵜⵉⴽⴽⵉⵏ ⵏ ⵜⵎⴻⵀⵍⴰ ⵏ ⵜⵉⴳⴰⵡⵜ ⵏ ⵜⵎⴻⵜⵜⵉⵜ ⴷ ⵜⴻⵎⵙⴻⵜⵍⴻⵍⵜ ⴷ ⵓⵎⵓⵙⵙⵓ ⵏ ⵜⵉⴷⴷⵓⴽⵍⵉⵡⵉⵏ ⵜⵉⴷⵉⴳⴰⵏⵉⵏ. ⴰⵎⴹⴰⵏ ⵏ ⵜⴻⴳⵔⴰⵡⵉⵏ ⵜⵉⵙⴻⵏⵙⴻⴳⵎⴰⵏⵉⵏ, ⵡⵡⴹⴻⵏⵜ ⵖⴻⵔ 105, ⵉ ⴷ-ⵢⴻⵏⵏⴰ.

ⵙⴻⴳ ⵜⴰⵎⴰ ⵏⵏⵉⴹⴻⵏ, ⵢⴻⵏⵏⴰ-ⴷ ⵍⵡⴰⵍⵉ ⴱⴻⵍⵍⵉ, ⵉⵍⵎⴻⵏⴷ ⵏ ⵓⵏⴻⴽⵛⵓⵎ-ⴰ ⴰⵎⴰⵢⵏⵓⵜ, ⵍⴷⵉⵏⵜ ⴽⵔⴰⴹ (3) ⵜⴻⵙⵏⴰⵡⵉⵢⵉⵏ, ⵖⴻⴼ ⵡⴰⴽⴽⴻⵏ ⵢⴻⵜⵜⵡⴰⵍⵉ, ⴰⴷ ⴽⴽⵉⵏⵜ ⴷⴻⴳ ‘’ⵓⵙⴻⴵⵀⴻⴷ ⵏ ⵜⵖⴰⵔⴰ ⵏ ⵓⵙⴻⵍⵎⴻⴷ, ⴰⵢⴰ ⴷⴰⵖⴻⵏ, ⴰⴷ ⵢⴻⵟⵟⴻⴼ ⵜⴰⵡⵉⵍⴰⵜ, ⴷⴻⴳ ⵓⵙⵡⵉⵔ ⴰⵖⴻⵍⵏⴰⵡ, ⴷⴻⴳ ⵓⵎⴹⵉⵇ ⴰⵎⴻⵣⵡⴰⵔⵓ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴳⵎⵓⴹ ⵏ ⵢⵉⴽⴰⵢⴰⴷⴻⵏ ⵏ ⵜⴰⴳⴳⴰⵔⴰ ⵏ ⵓⵙⴻⴳⴳⴰⵙ.