ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⴻⵣⵣⴰⵢⴻⵔ ⵜⵓⵖⴰⵍ-ⵉⵜⵜ-ⵉⴷ ⵍⴰⵀⵏⴰ ⵙ ⵡⴻⴽⵔⴰⵡⴰⵍ ⵏ ⵜⴻⵍⵡⵉⵜ ⴷ ⵡⴻⵎⵙⵓⵖⴰⵍ ⴰⵖⴻⵍⵎⴰⵡ

ⵍⴻⵣⵣⴰⵢⴻⵔ- ⴰⵊⵉⵏⵉⵕⴰⵍ ⵏ ⵜⴼⴻⴽⴽⴰ ⵜⴰⵙⴻⵔⴷⴰⵙⵜ, ⴰⵀⵎⴻⴷ ⴳⴰïⴷ ⵙⴰⵍⴰⵀ, ⴰⵏⵎⴰⵣⵓⵍ ⵓⵏⴻⵖⵍⴰⴼ ⵏ ⵏⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ (ⴰⵏⵒ) ⵉⵡⴻⴽⴽⴻⴷ-ⴷ ⴰⵙⵙ ⵏ ⵙⵙⴻⴱⵜ ⴷⵉ ⵜⵉⵏⴷⵧⵓⴼ ⴱⴻⵍⵍⵉ ⵜⴰⵍⵡⵉⵜ ⴷ ⵡⴻⵔⴽⴰⴷ ⵓⵖⴰⵍⴻⵏⵜ-ⴷ ⴷⵉ ⵍⴻⵣⵣⴰⵢⴻⵔ ⴰⵍⵎⴻⵏⴷ ⵏ ⵏ ⵉⴱⴻⴷⴷⵉ ⵏ ⵡⴻⵖⵔⴻⴼ ⴰⵣⵣⴰⵢⵔⵉ ⴰⴽⴽ ⴷ ⵢⴰⴽⴽ ⵉⵖⴰⵍⵍⴻⵏ ⵏ ⵍⴰⵎⴰⵏ, ⴰⴽⴽ ⴷ ⵡⴻⴽⵔⴰⵡⴰⵍ ⵏ ⵜⴻⵍⵡⵉⵜ ⴷ ⵡⴻⵎⵙⵓⵖⴰⵍ ⴰⵖⴻⵍⵏⴰⵡ ⵉⴷ-ⵢⴻⵅⴷⴻⵎ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ.

"ⵓⵙⵙⴰⵏ ⵉⴱⴻⵔⴽⴰⵏⴻⵏ ⴰⴽⴽ ⴷ ⵍⴰⵄⵜⴰⴱ ⴷⴷⵔⴻⵏ ⵉⵣⵣⴰⵢⵔⵉⵢⴻⵏ ⵖⴻⴼ ⴷ-ⵜⴰⵖⵍⵉ ⵜⵡⴰⵃⵛⵉⵜ (...) ⴷ ⴰⵢⴻⵏ ⵣⵔⵉⵏ ⵓⵔ ⴷ-ⵜⵜⵓⵖⴰⵍⴻⵏ ⵙ ⵍⴻⴱⵖⵉ ⵏ ⵙⵉⴷⵉ ⵕⴻⴱⴱⵉ ⴰⴽⴽ ⴷ ⵍⴰⵄⵜⴰⴱ ⵏ ⵡⴻⵖⵕⴻⴼ ⴰⵣⵣⴰⵢⵔⵉ ⴰⴽⴽ ⴷ ⵜⴰⵔⵡⴰ-ⵙ ⵏ ⵢⵉⴳⴻⵏ ⴰⵖⴻⵔⴼⴰⵏ ⴰⵖⴻⵍⵏⴰⵡ ⴰⴽⴽ ⴷ ⵢⴰⴽⴽ ⵉⵖⴰⵍⵍⴻⵏ ⵏ ⵍⴰⵎⴰⵏ. ⴰⵢⴰⴳⵉ ⵓⵔ ⵏⴻⵣⵎⵉⵔ ⴰⴷ ⵏⴻⵙⵙⵉⵡⴻⴹ ⵖⴻⵔ-ⵙ ⵎⴻⴱⵍⴰ ⴰⴽⵔⴰⵡⴰⵍ ⵏ ⵜⴻⵍⵡⵉⵜ ⴰⴽⴽ ⴷ ⵡⴻⵎⵙⵓⵖⴰⵍ ⴰⵖⴻⵍⵏⴰⵡ ⵉ ⵢⴻⵅⴷⴻⵎ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵢⴻⵇⴱⴻⵍ ⵡⴻⵖⵔⴻⴼ ⴰⵣⵣⴰⵢⵔⵉ ⵙ ⵜⵓⴳⴻⵜⵜ-ⵉⵙ", ⵉⴷ-ⵢⴻⵏⵏⴰ ⴰⵍⵎⴻⵏⴷ ⵏ ⵡⴰⵙⵙ ⵡⵉⵙ ⵜⵍⴰⵜⴰ ⵏ ⵜⵉⵔⵣⴰ ⵓⵙⴻⴼⵇⴻⴷ ⴷⵉ ⵜⴻⵎⵏⴰⴹⵜ ⵜⴰⵙⴻⵔⴷⴰⵙⵉⵜ ⵜⵉⵙ ⵜⵍⴰⵜⴰ.

ⵉ ⴳⴰïⴷ ⵙⴰⵍⴰⵀ "ⵜⴰⴷⵢⴰⵏⵜ-ⴰⴳⵉ ⵓⵎⴻⵣⵔⵓⵢ" ⵉⴷ-ⵏⴻⵙⵎⴻⴽⵜⴰ ⵉ ⵜⵉⴽⴽⴻⵍⵜ ⵜⵉⵙ ⵎⵔⴰⵡ (10) ⴰⵙⴻⴳⴳⴰⵙ-ⴰⴳⵉ, "ⵜⵓⴽⵍⴰⵍ ⴰⴽⴽⴻⵏ ⴰⴷ ⴷ-ⵏⵉⵏⵉ ⴱⴻⵍⵍⵉ ⵜⵉⵡⵉ-ⴷ ⵉⴳⵎⴰⴹ ⵉⵎⵓⵇⵇⵕⴰⵏⴻⵏ ⵉⴷ-ⵢⴻⵔⵔⴰⵏ ⵜⴰⵍⵡⵉⵜ ⴷ ⵍⴰⵎⴰⵏ ⴷⵉ ⵜⵎⵓⵔⵜ-ⵏⵏⴻⵖ ⵍⴰⴷⵖⴰ ⵜⴰⴳⵎⴰⵜⵜ ⴷ-ⵢⵓⵖⵍⴻⵏ ⴳⴻⵔ ⵜⴰⵔⵡⴰ-ⵙ", ⵉⴷ-ⵉⵡⴻⴽⴽⴻⴷ ⵢⵉⵡⴻⵏ ⵏ ⵡⵓⵍⵖⵓ ⵏ ⵎⴷⵏ.