ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵍⵃⵓⴽⵓⵎⴰ ⵜⴻⴼⴽⴰ ⴰⵣⴰⵍ ⵉ ⵓⵙⵙⵉⵡⴻⴹ ⵏ ⵢⵉⵙⴰⵍⴰⵏ ⴷⴻⴳ ⵓⵏⵥⵓⵍ ⵏ ⵜⵎⵓⵔⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵜⴻⵖⵡⴰⵍⵜ (ⵍⵉⵜⵜⵉⵚⴰⵍ), ⵀⴰⵎⵉⴷ ⴳⵔⵉⵏⴻ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷ ⴰⴽⴽⴻⵏ ⴰⵏⴰⴱⴰⴹ (ⵍⵃⵓⴽⵓⵎⴰ) ⵢⴻⴼⴽⴰ « ⴰⵣⴰⵍ ⴷ ⴰⵎⴻⵇⵔⴰⵏ » ⵉ ⵓⵙⵙⵉⵡⴻⴹ ⵏ ⵢⵉⵙⴰⵍⴰⵏ ⴷⴻⴳ ⵓⵏⵥⵓⵍ (ⵍⴵⴰⵏⵓⴱ) ⵏ ⵜⵎⵓⵔⵜ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⴷ ⴷ-ⵜⴻⵜⵜⵡⴰⵙⵙⴻⴱⴷⴻⴷ ⴷⴻⴳ 2016 ⵢⵉⵡⴻⵜ ⵏ ⵜⴽⴻⴱⴱⴰⵏⵉⵜ ⴰⴷ ⵉⴼⴻⵔⵔⵇⴻⵏ ⵉⵖⵎⵉⵙⴻⵏ ⴷⴻⴳ ⵓⵏⵥⵓⵍ.

« ⴰⵏⴰⴱⴰⴹ ⵢⴻⵜⵜⴰⴽ ⴰⵣⴰⵍ ⴷ ⴰⵎⴻⵇⵔⴰⵏ ⵉ ⵓⵙⵙⵉⵡⴻⴹ ⵏ ⵢⵉⵙⴰⵍⴰⵏ ⴷⴻⴳ ⵓⵏⵥⵓⵍ ⵏ ⵜⵎⵓⵔⵜ ⵢⴻⵔⵏⴰ ⴰⵢⴰ ⴷ ⴰⵃⵔⵉⵛ ⵙⴻⴳ ⵜⵙⵓⴷⴷⴻⵙⵜ-ⵏⵏⴻⵙ (ⵉⵙⵜⵔⴰⵜⵉⴵⵉⵢⵢⴰ) ⵏ ⵓⵙⵙⵉⵡⴻⴹ ⵏ ⵢⵉⵙⴰⵍⴰⵏ ⵖⴻⵔ ⵡⴰⴽⴽ ⵉⵃⵔⵉⵛⴻⵏ ⵏ ⵡⴰⴽⴰⵍ ⴰⵖⴻⵍⵏⴰⵡ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴳⵔⵉⵏⴻ ⵎⵉ ⴷ-ⵢⴻⵔⵔⴰ ⵖⴻⴼ ⵢⵉⵡⴻⵜ ⵏ ⵜⵓⵜⵜⵔⴰ ⵏ ⵢⵉⵡⴻⵏ ⵏ ⵓⵎⴰⵣⴰⵏ (ⵏⵏⴰ’ⵉⴱ) ⴷⴻⴳ ⵓⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⴱⴷⴻⴷ ⵏ ⵜⴻⵔⴳⴰ ⵏ ⵜⵍⵉⵥⵔⵉ ⵏ ⵓⵏⴰⴱⴰⴹ ⵙ ⵜⵎⴰⵛⴻⵖⵜ ⵉ ⵍⵎⴻⵏⴷ ⵏ ⵢⵉⵎⴻⵣⴷⴰⵖⴻⵏ ⵏ ⵓⵏⵥⵓⵍ.

ⵙⴻⴳ ⴷⵓⵊⴻⵎⴱⴻⵕ ⵏ 2014, ⵜⵓⵖⴰⵍ ⵕⵕⴰⴷⵢⵓ ⵏ ⵜⵎⴻⵏⵖⴻⵙⵜ ⵜⴻⵙⵄⴻⴷⴷⴰⵢ-ⴷ ⴰⵀⵉⵍⴻⵏ-ⵏⵏⴻⵙ ⴷⴻⴳ ⵢⵉⴹ, ⴷⴻⴳ ⵡⴰⵙⵙ, ⴰⵎⴰ ⵙ ⵜⴰⵄⵕⴰⴱⵜ, ⴰⵎⴰ ⵙ ⵜⴻⴼⵕⴻⵏⵙⵉⵙⵜ, ⴰⵎⴰ ⵙ ⵜⵎⴰⵣⵉⵖⵜ (ⵜⴰⵎⴰⵛⴻⵖⵜ), ⵢⴻⵔⵏⴰ ⵔⴻⵥⵎⴻⵏ ⵙⵏⴰⵜ ⵏ ⵜⵏⴰⵔⵉⵢⵉⵏ (ⵍⴱⵉⵔⵓⵡⴰⵜ) ⵜⵉⵎⴰⵢⵏⵓⵜⵉⵏ ⵏ ⵕⵕⴰⴷⵢⵓ-ⴰ, ⵢⵉⵡⴻⵜ ⴷⴻⴳ ⵉⵏ ⴳⴻⵣⵣⴰⵎ, ⵎⴰ ⴷ ⵜⴰⵢⴻⴹ ⴷⴻⴳ ⵜⵉⵏ ⵣⴰⵡⴰⵟⵉⵏ ⵉ ⵍⵎⴻⵏⴷ ⵏ ⵓⵙⵙⵉⵡⴻⴹ ⵏ ⵍⵎⵓⵊⴰⵜ ⵏ ⵕⵕⴰⴷⵢⵓ-ⴰ ⵖⴻⵔ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵡⵉⵍⴰⵢⵜ, ⵉⵎⵉ ⴰⵢ ⵜⴻⵍⵍⴰ ⴷ ⵜⵜⴰⵡⵉⵍ ⵉ ⵓⵅⴻⴱⴱⴻⵔ ⵖⴻⴼ ⵜⴻⴷⵢⴰⵏⵉⵏ ⴷ ⵜⵍⵓⴼⴰ ⴰⵢ ⵢⴻⵔⵣⴰⵏ ⵉⵎⴻⵣⴷⴰⵖⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵍⵉⵥⵔⵉ ⵜⴰⵏⴰⴳⴷⵓⴷⵜ (ⵄⵓⵎⵓⵎⵉⵢⵢⴰ), ⵢⴻⵏⵏⴰ-ⴷ ⵎⴰⵙⵙ ⴳⵔⵉⵏⴻ ⴷ ⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴰⵙ-ⵔⴻⵥⵎⴻⵏ ⵜⴰⵏⴰⵔⵉⵜ ⴷⴻⴳ ⵜⵎⴻⵏⵖⴻⵙⵜ, ⵢⴻⵔⵏⴰ ⵉⵏⴻⵖⵎⴰⵙⴻⵏ ⵏ ⵜⴽⴻⴱⴱⴰⵏⵉⵜ ⵜⴰⵖⴻⵍⵏⴰⵡⵜ ⵏ ⵜⵍⵉⵥⵔⵉ (ⴻⵏⵜⵠ) « ⵜⵜⴻⴷⴷⵓⵏ ⵙ ⵏⵏⵓⴱⴰ ⵖⴻⵔ ⵜⵡⵉⵍⴰⵢⵜ-ⴰ ⴰⴽⴽⴻⵏ ⴰⴷ ⴷ-ⴳⴻⵏ ⵉⵔⵓⵒⵓⵔⵟⴰⵊⴻⵏ, ⴰⴷ ⴷ-ⵙⵙⵉⵡⴹⴻⵏ ⵜⵉⵍⵓⴼⴰ ⵏ ⵢⵉⵎⴻⵣⴷⴰⵖⴻⵏ ⵢⴻⵔⵏⴰ ⴰⴷ ⴷ-ⵅⴻⴱⴱⵔⴻⵏ ⵖⴻⴼ ⵜⴳⴻⵎⵎⵉ ⵏ ⵜⴻⵎⵏⴰⴹⵜ-ⴰ ».

ⵜⴰⵔⴳⴰ ⵜⵉⵙ 4 ⵏ ⵜⴽⴻⴱⴱⴰⵏⵉⵜ ⵜⴰⵖⴻⵍⵏⴰⵡⵜ ⵏ ⵜⵍⵉⵥⵔⵉ ⴰⵢ ⵢⴻⵙⵙⴰⵡⴰⵍⴻⵏ ⵙ ⵜⵎⴰⵣⵉⵖⵜ « ⵜⴻⵙⵄⴻⴷⴷⴰⵢ-ⴷ ⴰⵟⴰⵙ ⵏ ⵡⴰⵀⵉⵍⴻⵏ ⵙ ⵜⵎⴰⵛⴻⵖⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵓⵏⴻⵖⵍⴰⴼ.