ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⵙⴻⵡⵊⴻⴷ ⵏ ⵍⴻⴱⵍⴰⵏ ⴰⵖⴻⵍⵏⴰⵡ ⵉ ⵓⵙⵙⴻⵇⵄⴻⴷ ⵏ ⵡⴰⴽⴰⵍ ⴰⴷ ⴷ-ⵢⴻⴱⴷⵓ ⴷⴻⴳ ⵜⴳⴰⵔⴰ ⵏ 2015
ⵡⴰⵔⴻⴳⵍⴰ – ⴰⵀⴻⵢⵢⵉ ⵏ ⵓⵣⴻⵏⵣⵉⵖ (ⵎⵓⵅⴰⵟⵟⴰⵟ) ⴰⵖⴻⵍⵏⴰⵡ ⵏ ⵓⵙⵙⴻⵇⵄⴻⴷ ⵏ ⵡⴰⴽⴰⵍ « ⵍⴻⵣⵣⴰⵢⴻⵔ: ⵉⴳⵍⴰⵏ ⵏ 2030 », ⴰⴷ ⴷ-ⵢⴻⴱⴷⵓ ⴷⴻⴳ ⵜⴳⴰⵔⴰ ⵏ 2015, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵡⴰⵔⴻⴳⵍⴰ ⵓⵏⴻⵖⵍⴰⴼ ⵏ ⵓⵙⵙⴻⵇⵄⴻⴷ ⵏ ⵡⴰⴽⴰⵍ, ⵏ ⵜⵎⴻⵔⵔⵉⵜ (ⵙⵙⵉⵢⴰⵃⴰ) ⴷ ⵜⴻⵏⴹⵉ, ⴰⵎⴰⵔ ⴳⵀⵧⵓⵍ.
« ⴰⵣⴻⵏⵣⵉⵖ ⴰⵖⴻⵍⵏⴰⵡ ⵏ ⵓⵙⵙⴻⵇⵄⴻⴷ ⵏ ⵡⴰⴽⴰⵍ-ⵍⴻⵣⵣⴰⵢⴻⵔ ⵉⴳⵍⴰⵏ 2030 ⴰⴷ ⴷ-ⵢⴻⵎⵢⴻⵣⴳ ⴷ ⵜⴻⴳⵏⵉⵜ ⵜⴰⵎⴰⵢⵏⵓⵜ ⵏ ⵜⵎⵓⵔⵜ ⴷ ⵓⴱⴻⴷⴷⴻⵍ ⴰⴷⴰⵎⵙⴰⵏ ⴰⵢ ⴷ-ⵢⴻⵍⵍⴰⵏ ⴰⵎⴰ ⴷⴻⴳ ⵜⴻⵎⵏⴰⴹⵜ, ⴰⵎⴰ ⴷⴻⴳ ⵓⵎⴰⴹⴰⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ ⴷⴻⴳ ⵜⴻⵔⵣⵉ-ⵏⵏⴻⵙ ⵏ ⵓⵅⴻⴷⴷⵉⵎ ⴷⴻⴳ ⵜⵡⵉⵍⴰⵢⵜ ⵏ ⵡⴰⵔⴻⴳⵍⴰ.
ⵎⴰⵙⵙ ⴳⵀⵧⵓⵍ ⵢⴻⵏⵏⴰ-ⴷ, ⴷⴻⴳ ⵜⴻⵎⵙⴰⵍⵜ-ⴰ, ⴷ ⴰⴽⴽⴻⵏ « ⴰⵀⵉⵍ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵉⵙⵡⵉ-ⵏⵏⴻⵙ ⴷ ⵜⵓⴽⵛⵉ ⵏ ⵡⴰⵣⴰⵍ ⵉ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ, ⵙ ⵓⵖⴻⵍⵍⴻⵜ ⵏ ⵜⵣⴻⵎⵎⴰⵔ ⵏ ⵜⵜⴰⵡⵉⵍⴰⵜ ⴷ ⵓⵅⴻⵎⵎⴻⵎ ⴰⵢ ⵢⴻⵍⵍⴰⵏ ⴷⴻⴳ ⵜⵎⵓⵔⵜ, ⵉ ⵍⵎⴻⵏⴷ ⵏ ⵍⴻⴱⵏⵉ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ ⵢⴻⵜⵜⵡⴰⵏⴻⵡⵡⵄⴻⵏ ⵢⴻⵔⵏⴰ ⵜⴻⵅⴹⴰ ⴰⵒⵉⵜⵕⵓⵍ ⴷ ⵍⴳⴰⵣ ».
« ⴰⵡⵡⴰⴹ ⵖⴻⵔ ⵜⵉⴽⵍⵉ-ⴰ ⴷ ⴰⵢⴻⵏ ⴰⵔⴰ ⵢⴻⴵⴵⴻⵏ ⵜⴰⵎⵓⵔⵜ ⵓⵔ ⵜⵜ-ⵜⴻⵜⵜⵅⴰⵚⵚⴰ ⴰⵔⴰ ⵜⴻⵥⵡⴻⵔⵜ, ⵜⵓⵞⵞⵉⵜ ⴷ ⵡⴰⵎⴰⵏ, ⵢⴻⵔⵏⴰ ⵜⴰⴷⴰⵎⵙⴰ-ⵏⵏⴻⵙ ⵓⵔ ⵜⴻⵜⵜⵡⴰⵖ ⴰⵔⴰ, ⴰⵎ ⵡⴰⴽⴽⴻⵏ ⴰⵔⴰ ⵜⴻⵙⵙⴻⴵⵀⴻⴷ ⵍⴻⵣⵣⴰⵢⴻⵔ ⴰⵎⴽⴰⵏ-ⵏⵏⴻⵙ ⴷⴻⴳ ⵜⴻⵎⵏⴰⴹⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ.
ⵜⵜⴼⴰⵚⵉⵍ ⵏ ⵓⵣⴻⵏⵣⵉⵖ ⴰⵖⴻⵍⵏⴰⵡ ⵏ ⵓⵙⵙⴻⵇⵄⴻⴷ ⵏ ⵡⴰⴽⴰⵍ ⴰⴷ ⴷ-ⵜⵜⵡⴰⴽⴻⵛⴼⴻⵏ ⴷⴻⴳ ⵜⵖⵉⵎⵉⵜ ⵜⴰⵖⴻⵍⵏⴰⵡⵜ ⴰⵔⴰ ⴷ-ⵢⵉⵍⵉⵏ ⴷⴻⴳ ⴷⵓⵊⴻⵎⴱⴻⵕ ⵢⴻⵔⵏⴰ ⴰⵣⴻⵏⵣⵉⵖ-ⴰ ⴰⴷ ⴷ-ⴷⴷⵓⵏⵜ ⴷⴻⴳ-ⵙ 5 ⵏ ⵜⴻⵎⵙⴰⵍ ⵜⵉⵎⴻⵇⵔⴰⵏⵉⵏ ⵢⴻⵔⵣⴰⵏ ⵜⴰⴼⴻⵍⵍⴰⵃⵜ, ⵜⴰⵎⴻⵔⵔⵉⵜ, ⵜⴰⵎⴳⵓⵔⵉ, ⵉⵎⴻⵥⵍⴰ (ⵍⵅⴰⴷⴰⵎⴰⵜ) ⴷ ⵜⵎⵓⵙⵙⵏⵉ, ⵉⵎⵉ ⴷ ⵡⵉ ⴰⵢ ⴷ ⵉⵃⵔⵉⵛⴻⵏ ⴰⵢ ⵢⴻⵣⵡⴰⵔⴻⵏ ⵖⴻⵔ ⵓⵏⴰⴱⴰⴹ (ⵍⵃⵓⴽⵓⵎⴰ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴳⵀⵧⵓⵍ.
