ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵎⵍⵉⵍⵉⵜ ⵏ ⵓⵙⵎ ⵍⴻⵣⵣⴰⵢⴻⵔ-ⵜⵒ ⵎⴰⵣⴻⵎⴱⴻ: ⴷ ⴰⵎⴰⵚⵔⵉ ⴳⵔⵉⵙⵀⴰ ⴳⴻⵀⴰⴷ ⴰⵢ ⴷ ⴰⵏⴻⴼⵔⴰⵢ

ⵍⵇⴰⵀⵉⵔⴰ – ⵉⵏⴻⴼⵔⴰⵢⴻⵏ ⵉⵎⴰⵚⵔⵉⵢⴻⵏ ⴰⵔⴰ ⴷ-ⵢⴻⵍⵀⵓⵏ ⴷ ⵜⵏⴻⴳⴳⴰⵔⵓⵜ ⵏ ⵕⵕⵡⴰⵃ ⴳⴰⵔ ⵓⵙⵎ ⵍⴻⵣⵣⴰⵢⴻⵔ ⴷ ⵜⵒ ⵎⴰⵣⴻⵎⴱⴻ (ⵜⴰⴳⴷⵓⴷⴰ ⵜⴰⵎⴻⴳⴷⴰⵢⵜ ⵏ ⴽⵓⵏⴳⵓ) ⴰⴷ ⵉⵍⵉⵏ ⴷⴷⴰⵡ ⵕⵕⴰⵢ ⵏ ⴳⵔⵉⵙⵀⴰ ⴳⴻⵀⴰⴷ, ⵢⴻⵔⵏⴰ ⴰⴷ ⴷ-ⵜⵉⵍⵉ ⵜⴻⵎⵍⵉⵍⵉⵜ-ⴰ ⴰⵙⵙ ⵏ ⵙⵙⴻⴱⵜ 31 ⵜⵓⴱⴻⵕ ⵖⴻⴼ 8ⵙ30 ⵏ ⵜⵎⴻⴷⴷⵉⵜ ⴷⴻⴳ ⵓⵙⴰⵔⵉⵔ (ⵍⴻⵙⵟⴰⴷ) ⵏ ⵧⵎⴰⵔ-ⵀⴰⵎⴰⴷⵉ (ⴱⵓⵍⵓⵖⵉⵏ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴰⵙⵙ ⵏ ⵍⴻⵜⵏⵉⵢⴻⵏ ⵜⴽⵓⵏⴼⵉⴷⵉⵕⴰⵍⵉⵜ ⵜⴰⴼⵔⵉⵇⵉⵜ ⵏ ⵜⵛⵉⵔⵜ ⵏ ⵓⴹⴰⵔ.

ⴰⵏⴻⵎⵀⴰⵍ (ⵎⵓⴷⵉⵔ) ⵏ ⵡⵓⵔⴰⵔ ⴰⵎⴰⵚⵔⵉ, ⴳⵔⵉⵙⵀⴰ ⴳⴻⵀⴰⴷ, ⴰⴷ ⵜ-ⵄⴰⵡⵏⴻⵏ ⵙⵉⵏ ⵙⴻⴳ ⵡⴰⵔⵔⴰⵡ ⵏ ⵜⵎⵓⵔⵜ-ⵏⵏⴻⵙ: ⵜⴰⵀⵙⵙⴻⵏ ⴰⴱⵧⵓ ⵙⴰⴷⴰⵜ ⴷ ⵀⵧⵙⵙⴰⵎ ⵜⴰⵀⴰ ⴰⵀⵎⴻⴷ. ⴰⵏⴻⴼⵔⴰⵢ ⵡⵉⵙ 4 ⴷ ⵉⴱⵔⴰⵀⵉⵎ ⵏⵧⵓⵔⴻⴷⴷⵉⵏⴻ (ⵎⴰⵚⴻⵔ).

ⴰⵏⴻⴼⵔⴰⵢ ⴰⵎⴰⵚⵔⵉ ⴳⵔⵉⵙⵀⴰ ⴳⴻⵀⴰⴷ ⵢⴻⵅⴷⴻⵎ ⵢⴰⴳⵉ ⴷ ⴰⵏⴻⴼⵔⴰⵢ ⴷⴻⴳ ⵜⴻⵎⵍⵉⵍⵉⵜ ⵏ ⵓⵙⵎ ⵍⴻⵣⵣⴰⵢⴻⵔ ⵎⴳⴰⵍ ⴰⵍ ⵎⴻⵔⵔⵉⴽⵀ ⵏ ⵙⵓⴷⴰⵏ (ⴰⵢ ⵉⴼⵓⴽⴻⵏ ⵙ 0 ⵖⴻⵔ 1) ⴰⵙⵙ ⵏ 11 ⵛⵜⴻⵎⴱⴻⵕ ⴷⴻⴳ ⵧⵎⴷⵓⵔⵎⴰⵏ ⴷⴻⴳ ⵡⴰⵙⵙ ⵡⵉⵙ 6 ⵏ ⵡⵓⵔⴰⵔ ⵏ ⵓⵃⵔⵉⵛ ⵏ ⵜⴽⴻⵎⵎⵓⵛⵉⵏ ⵏ ⵜⴻⵎⵖⵓⵏⵜ ⵏ ⵢⵉⵍⵖⵓⵖⴻⵏ.

ⴳⵔⵉⵙⵀⴰ ⵢⴻⵙⵄⴰ 39 ⵏ ⵢⵉⵙⴻⴳⴳⴰⵙⴻⵏ ⵢⴻⵔⵏⴰ ⵉⵅⴻⴷⴷⴻⵎ ⴷ ⴰⵏⴻⴼⵔⴰⵢ ⴰⴳⵔⴰⵖⵍⴰⵏ ⵙⴻⴳ 2008. ⵢⴻⵅⴷⴻⵎ ⴷⴻⴳ ⵡⴰⵟⴰⵙ ⵏ ⵜⴻⵎⵍⵉⵍⵉⵢⵉⵏ ⵜⵉⵎⴻⵇⵔⴰⵏⵉⵏ ⴰⵙⴻⴳⴳⴰⵙ-ⴰ, ⴳⴰⵔ-ⴰⵙⴻⵏⵜ ⵜⵉⵎⵍⵉⵍⵉⵜ ⵏ ⵓⵙⴻⵜⵜⴻⴼ ⵉ ⵓⵎⴽⴰⵏ ⵡⵉⵙ 3 ⴷⴻⴳ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ 2015 ⵏ ⵢⵉⵍⴻⵎⵥⵉⵢⴻⵏ ⴳⴰⵔ ⵎⴰⵍⵉ ⴷ ⵙⵉⵏⵉⴳⴰⵍ ⴷⴻⴳ ⵣⵉⵍⴰⵏⴷ ⵜⴰⵎⴰⵢⵏⵓⵜ.

ⵜⵉⵎⵍⵉⵍⵉⵜ ⵜⴰⵏⴻⴳⴳⴰⵔⵓⵜ ⵏ ⵡⵓⵖⴰⵍ ⴳⴰⵔ ⵜⵒ ⵎⴰⵣⴻⵎⴱⴻ ⴷ ⵓⵙⵎ ⵍⴻⵣⵣⴰⵢⴻⵔ ⴰⴷ ⴷ-ⵜⵉⵍⵉ ⴰⵙⵙ ⵏ 8 ⵏⵡⴻⵎⴱⴻⵕ ⴷⴻⴳ ⴽⴰⵎⴰⵍⴰⵏⴷⵧ (ⵍⵓⴱⵓⵎⴱⴰⵙⵀⵉ).

ⵓⵙⵎ ⵍⴻⵣⵣⴰⵢⴻⵔ ⵜⵄⴻⴷⴷⴰ ⵖⴻⵔ ⵜⵏⴻⴳⴳⴰⵔⵓⵜ ⴷⴻⴳ ⵜⴻⵎⵖⵓⵏⵜ ⵏ ⵢⵉⵍⵖⵓⵖⴻⵏ ⵏ ⵜⴻⴼⵔⵉⵇⵜ ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴷⴻⴳ ⵓⵎⴻⵣⵔⵓⵢ-ⵏⵏⴻⵙ ⴷⴻⴼⴼⵉⵔ ⵎⴰ ⵜⴻⵔⵏⴰ ⵜⴰⵖⵍⴰⵎⵜ ⵜⴰⵙⵓⴷⴰⵏⵉⵜ ⵏ ⴰⵍ ⵀⵉⵍⴰⵍ (2-1, 0-0).

ⵙⴻⴳ ⵢⵉⴷⵉⵙ-ⵏⵏⴻⵙ, ⵜⵒ ⵎⴰⵣⴻⵎⴱⴻ ⵜⴻⵔⵏⴰ ⵜⴰⵖⵍⴰⵎⵜ ⵜⴰⵙⵓⴷⴰⵏⵉⵜ ⵏ ⴰⵍ ⵎⴻⵔⵔⵉⴽⵀ (1-2, 3-0).

ⵜⴰⵖⵍⴰⵎⵜ ⴰⵔⴰ ⵉⵔⴻⴱⵃⴻⵏ ⴷⴻⴳ ⵜⴻⵎⵖⵓⵏⵜ ⵏ ⵢⵉⵍⵖⵓⵖⴻⵏ ⴰⴷ ⵜⵓⵔⴰⵔ ⵙ ⵢⵉⵙⴻⵎ ⵏ ⵜⴻⴼⵔⵉⵇⵜ ⴷⴻⴳ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ ⵜⴻⵖⵍⴰⵎⵉⵏ ⵏ 2015 ⴰⵔⴰ ⴷ-ⵢⵉⵍⵉⵏ ⴷⴻⴳ ⵊⴰⵒⵓⵏ ⴳⴰⵔ 10 ⴷ 20 ⴷⵓⵊⴻⵎⴱⴻⵕ.