ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴻⵍⵡⴰⵢ ⴰⵙⵓⴷⴰⵏⵉ ⵢⴻⵏⵏⴰ-ⴷ ⵜⵉⵔⵣⵉ-ⵏⵏⴻⵙ ⵖⴻⴼ ⵍⴻⵣⵣⴰⵢⴻⵔ « ⵜⴻⵡⵡⵉ-ⴷ ⴰⵟⴰⵙ ⵏ ⵍⴼⴰⵢⴷⴰ »

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵏ ⵙⵓⴷⴰⵏ, ⵧⵎⴰⵔ ⵀⴰⵙⵙⴰⵏ ⴻⵍ ⴱⴰⵛⵀⵉⵔ, ⴷ ⴰⴽⴽⴻⵏ ⵜⵉⵔⵣⵉ-ⵏⵏⴻⵙ ⵏ 3 ⵏ ⵡⵓⵙⵙⴰⵏ ⵖⴻⴼ ⵍⴻⵣⵣⴰⵢⴻⵔ « ⵜⴻⵡⵡⵉ-ⴷ ⴰⵟⴰⵙ ⵏ ⵍⴼⴰⵢⴷⴰ », ⵢⴻⵔⵏⴰ ⵉⵡⴻⴽⴽⴻⴷ-ⴷ ⵖⴻⴼ « ⵍⴻⴱⵖⵉ » ⵏ ⵙⵏⴰⵜ-ⴰ ⵏ ⵜⵎⵓⵔⴰ ⴰⴽⴽⴻⵏ ⴰⴷ ⵙⵏⴻⵔⵏⵉⵏⵜ ⴰⵙⵙⴰⵖⴻⵏ-ⵏⵙⴻⵏⵜ (ⵄⴰⵍⴰⵇⴰⵜ) ⴷⴻⴳ ⵢⵉⵏⵓⵔⴰⵔ ⵢⴻⵎⴳⴻⵔⵔⴰⴷⴻⵏ.

ⴷⵖⴰ, ⴷⴻⴳ ⵜⴻⵎⵙⴰⵍⵜ-ⴰ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵜⵉⵔⵣⵉ-ⵏⵏⴻⵙ ⵜⴻⵍⵍⴰ-ⴷ « ⴷ ⴰⵙⵓⵔⵉⴼ ⴰⵎⴻⵇⵔⴰⵏ ⵖⴻⵔ ⵙⴷⴰⵜ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴰⵖⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵙⵓⴷⴰⵏ », ⵢⴻⵔⵏⴰ ⵢⴻⵙⵎⴻⴽⵜⵉ-ⴷ ⴷ ⴰⴽⴽⴻⵏ ⵉⵖⴻⵔⴼⴰⵏ ⵏ ⵍⴻⵣⵣⴰⵢⴻⵔ ⴷ ⵙⵓⴷⴰⵏ « ⵇⵇⵏⴻⵏ-ⵜⴻⵏ ⵡⴰⵙⵙⴰⵖⴻⵏ ⵏ ⵜⴰⵎⵎⵉⴷⵡⴰ (ⵚⴰⴷⴰⵇⴰ) ⴷ ⵉⵇⴱⵓⵔⴻⵏ ⵎⵍⵉⵃ ».

« ⵛⴼⴰⵏ ⴰⴽⴽ ⵎⴻⴷⴷⴻⵏ ⵖⴻⴼ ⵜⴻⴷⵢⴰⵏⵜ ⵜⵓⵛⴱⵉⵃⵜ ⵏ ⵧⵓⵎ ⴷⵧⵓⵔⵎⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⵉ ⴷ-ⵢⴻⵙⵙⴻⵎⵄⴻⵏ ⵖⴻⴼ ⵜⴻⵎⵍⵉⵍⵉⵜ-ⵏⵏⵉ ⵏ ⵜⵛⵉⵔⵜ ⵏ ⵓⴹⴰⵔ ⴰⵢⴷⴻⴳ ⵜⵓⵔⴰⵔ ⵍⴻⵣⵣⴰⵢⴻⵔ ⴷ ⵎⴰⵚⴻⵔ ⴷⴻⴳ ⵏⵡⴻⵎⴱⴻⵕ ⵏ 2009 ⵉ ⵍⵎⴻⵏⴷ ⵏ ⵓⵄⴻⴷⴷⵉ ⵖⴻⵔ ⵓⵃⵔⵉⵛ ⴰⵏⴻⴳⴳⴰⵔⵓ ⵏ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ 2010.

ⵏⵏⵉⴳ ⵡⴰⵢⴰ, ⵢⴻⵏⵏⴰ-ⴷ ⵓⵙⴻⵍⵡⴰⵢ ⴻⵍ ⴱⴰⵛⵀⵉⵔ ⴷ ⴰⴽⴽⴻⵏ « ⴰⵙⵙⴰⵖⴻⵏ ⵓⴵⵀⵉⴷⴻⵏ ⴰⵢ ⵉⵛⴻⵔⴽⴻⵏ ⵙⵏⴰⵜ-ⴰ ⵏ ⵜⵎⵓⵔⴰ ⵜⵜⴱⴰⵏⴻⵏ-ⴷ ⵙ ⵡⴰⵙⵙⴰⵖⴻⵏ ⵉⵙⴻⵔⵜⵉⵢⴻⵏ ⵉⴼⴰⵣⴻⵏ ⴰⵢ ⵢⴻⵍⵍⴰⵏ ⴳⴰⵔ-ⴰⵙⴻⵏⵜ ».