ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴼⴰⵍⴻⵙⵟⵉⵏ ⴰⴷ ⵜⴻⵛⵛⴻⵜⴽⵉ ⵉ ⵛⵛⵕⴻⵄ ⴰⴳⵔⴰⵖⵍⴰⵏ ⵖⴻⴼ « ⵜⴻⵊⵔⵉⵎⵉⵏ ⵏ ⵟⵟⵔⴰⴷ » ⵏ ⵢⵉⵙⵕⴰⵢⵉⵍⵉⵢⴻⵏ
ⵔⴰⵎⴰⵍⵍⴰⵀ – ⵢⴻⵏⵏⴰ-ⴷ ⵢⵉⵡⴻⵏ ⵏ ⵓⵎⴰⵙⴰⵢ (ⵎⴻⵙ’ⵓⵍ) ⵓⵏⵏⵉⴳ ⴰⴼⴰⵍⴻⵙⵟⵉⵏⵉ ⴰⵙⵙ ⵏ ⵜⵜⵍⴰⵜⴰ ⴷ ⴰⴽⴽⴻⵏ ⴼⴰⵍⴻⵙⵟⵉⵏ ⴰⴷ ⵜⴻⵛⵛⴻⵜⴽⵉ ⵉ ⵛⵛⵕⴻⵄ ⵏ ⵓⵄⴰⵇⴻⴱ ⴰⴳⵔⴰⵖⵍⴰⵏ ⵖⴻⴼ ⵜⵎⴻⵏⵖⵉⵡⵉⵏ ⴰⵢ ⵏⵖⴰⵏ ⵢⵉⵖⴰⵍⵍⴻⵏ ⵏ ⵜⵓⴹⴹⴼⴰ ⵉⵙⵕⴰⵢⵉⵍⵉⵢⴻⵏ ⵉⴼⴰⵍⴻⵙⵟⵉⵏⵉⵢⴻⵏ, ⴷ ⵜⵉⵎⴻⵏⵖⵉⵡⵉⵏ ⴰⵢ ⵜⴻⵜⵜⵡⴰⵍⵉ ⴼⴰⵍⴻⵙⵟⵉⵏ ⴷ « ⵜⵉⵊⵔⵉⵎⵉⵏ ⵏ ⵟⵟⵔⴰⴷ ⴰⵢⴷⴻⴳ ⵜⵜⴻⴽⴽⴰⵏ ⵢⵉⵎⵀⴰⵔⵙⴻⵏ (ⵎⵓⵙⵜⴰⵡⵟⵉⵏⵉⵏ) ⴷ ⵢⵉⵖⴰⵍⵍⴻⵏ ⵏ ⵜⵖⴻⵍⵍⵉⵙⵜ ».
« ⵏⴻⵖⵜⴻⵙ (ⵏⵇⴻⵔⵔⴻⵔ) ⴰⴷ ⴷ-ⵏⴻⴳ ⴰⴽⴰⵔⴰⵎ ⴰⴽⴽⴻⵏ ⴰⴷ ⵏⴻⵛⵛⴻⵜⴽⵉ ⵡⴰⵔ ⵍⴻⵄⴹⵉⵍ ⵉ ⵛⵛⵕⴻⵄ ⵏ ⵓⵄⴰⵇⴻⴱ ⴰⴳⵔⴰⵖⵍⴰⵏ ⵖⴻⴼ ⵜⵎⴻⵏⵖⵉⵡⵉⵏ-ⴰ ⵢⴻⴼⴼⵖⴻⵏ ⵉ ⵛⵛⵕⴻⵄ » ⴰⵢ ⴷ-ⵢⴻⵍⵍⴰⵏ ⵎⴳⴰⵍ ⵢⵉⴼⴰⵍⴻⵙⵟⵉⵏⵉⵢⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵙⴰⴻⴱ ⴻⵔⴰⴽⴰⵜ, ⵉⵎⴹⴻⴱⴱⴻⵔ ⴰⵎⴻⵇⵔⴰⵏ ⵡⵉⵙ ⵙⵉⵏ ⵏ ⵜⵓⴷⴷⵙⴰ ⵏ ⵓⵙⵍⴻⵍⵍⵉ ⵏ ⴼⴰⵍⴻⵙⵟⵉⵏ.
« ⵛⵛⵕⴻⵄ ⵏ ⵓⵄⴰⵇⴻⴱ ⴰⴳⵔⴰⵖⵍⴰⵏ ⵓⵔ ⵢⴻⵜⵜⵛⴰⵕⴰⵄ ⴰⵔⴰ ⵉⵡⴰⵏⴰⴽⴻⵏ (ⴷⴷⵓⵍⴰⵜ), ⵡⴰⵏⴰⴳ ⵢⴻⵜⵜⵛⴰⵕⴰⵄ ⵉⵎⴷⴰⵏⴻⵏ, ⵢⴻⵔⵏⴰ ⴷ ⴰⵏⴻⵖⵍⴰⴼ ⴰⵎⴻⵏⵣⵓ ⵏ ⵉⵙⵕⴰⵢⵉⵍ, ⴱⴻⵏⵊⴰⵎⵉⵏ ⵏⴻⵜⴰⵏⵢⴰⵀⵓ, ⴰⵢ ⵏⴻⵜⵜⵡⴰⵍⵉ ⴷ ⴰⵎⴻⴷⵏⵓⴱ ⵖⴻⵔ ⵢⵉⴷⵉⵙ ⵏ ⵓⵏⴻⵖⵍⴰⴼ-ⵏⵏⴻⵙ ⵏ ⵜⴻⵎⵃⴰⴷⴷⵉⵜ ⵎⵧⵙⵀⴻ ⵢⴰⴰⵍⵧⵏ ⴷ ⵢⵉⵖⴰⵍⵍⴻⵏ ⵉⵙⵕⴰⵢⵉⵍⵉⵢⴻⵏ ⵏ ⵜⵖⴻⵍⵍⵉⵙⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴻⵔⴰⴽⴰⵜ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ ⴷⴻⴳ ⵔⴰⵎⴰⵍⵍⴰⵀ ⴰⵏⴷⴰ ⴰⵢ ⴷ-ⵢⵓⵙⴰ ⵓⵅⵅⴰⵎ ⵏ ⵓⴷⴰⴱⵓ ⴰⴼⴰⵍⴻⵙⵟⵉⵏⵉ ⴷⴻⴳ ⵓⴳⴻⵎⵎⴰⴹ ⵓⵜⵔⵉⵎ.
ⴷⵖⴰ, ⴷⴻⴳ ⵜⴻⵎⵙⴰⵍⵜ-ⴰ, ⵢⴻⴱⴷⴻⵔ-ⴷ ⵢⵉⵎⴹⴻⴱⴱⴻⵔ-ⴰ ⴰⴼⴰⵍⴻⵙⵟⵉⵏⵉ ⵍⵉⵃⴰⵍⴰⵜ-ⵏⵏⵉ ⵢⴻⴳⴳⵜⴻⵏ ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⵢⴻⵜⵜⵡⴻⵏⵖⴰⵏ ⴷⴻⴳ ⵍⴱⴰⵟⴻⵍ ⵙ ⵔⵔⵚⴰⵚ ⵏ ⵢⵉⵖⴰⵍⵍⴻⵏ ⵉⵙⵕⴰⵢⵉⵍⵉⵢⴻⵏ.
« ⵏⴳⴻⵔ-ⴷ ⵜⵉⵖⵔⵉ ⵉ ⵓⵎⴻⵙⵕⴰⴱⵓⵍ ⵓⵣⵣⵉⴳ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴰⴽⴽⴻⵏ ⴰⴷ ⴷ-ⵢⴰⵙ ⴰⴷ ⵢⴻⵃⵜⴻⵛ ⵡⴰⵔ ⵍⴻⵄⴹⵉⵍ. ⵏⴻⵙⵙⵓⵜⵓⵔ ⴰⵃⵓⴷⴷⵓ ⴰⴳⵔⴰⵖⵍⴰⵏ ⵙⴻⴳ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵃⵓⴷⴷⵓ ⴰⴳⵔⴰⵖⵍⴰⵏ ⵉ ⵓⵖⵔⴻⴼ-ⵏⵏⴻⵖ ⵡⴰⵔ ⵍⴻⵄⴹⵉⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ ⴰⵢⴻⵏ ⴰⵢ ⴷ-ⵢⴻⴹⵔⴻⵏ ⴷ « ⵜⵉⵊⵔⵉⵎⵉⵏ ⵏ ⵟⵟⵔⴰⴷ ⴰⵢ ⴳⴰⵏ ⵢⵉⵎⵀⴰⵔⵙⴻⵏ ⴷ ⵢⵉⵖⴰⵍⵍⴻⵏ ⵏ ⵜⵖⴻⵍⵍⵉⵙⵜ (ⵍ’ⴰⵎⵏ) ».
ⴰⵜⵄⴻⴷⴷⵉ ⵏ ⵢⵉⵙⵕⴰⵢⵉⵍⵉⵢⴻⵏ ⵖⴻⴼ ⵢⵉⴼⴰⵍⴻⵙⵟⵉⵏⵉⵢⴻⵏ ⵢⴻⴳⵍⴰ ⵙ ⵡⵓⴳⴰⵔ ⵏ 20 ⵏ ⵜⵎⴻⴷⴷⵓⵔⵉⵏ ⵜⵉⴼⴰⵍⴻⵙⵟⵉⵏⵉⵢⵉⵏ ⵙⴻⴳ ⵜⴻⵣⵡⴰⵔⴰ ⵏ ⵜⵓⴱⴻⵕ. ⵏⵏⵉⴳ ⵡⴰⵢⴰ, ⵉⵖⴰⵍⵍⴻⵏ ⵉⵙⵕⴰⵢⵍⵉⵢⴻⵏ ⵏ ⵜⵓⴹⴹⴼⴰ ⵊⴻⵔⵃⴻⵏ ⵓⴳⴰⵔ ⵏ 150 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵎ ⵡⴰⴽⴽⴻⵏ ⴰⵢ ⴹⴹⴼⴻⵏ ⵜⵉⵡⵉⵏⴰⵙ (ⵎⵉ’ⴰⵜ) ⵏⵉⴹⴻⵏ.
