ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵙ ⵏ « ⵡⵓⵔⴼⴰⵏ » ⵎⴳⴰⵍ ⵓⵜⵄⴻⴷⴷⵉ ⵉⵚⵔⴰⵢⵉⵍⵉ ⵖⴻⴼ ⵢⵉⴼⴰⵍⴻⵙⵟⵉⵏⵉⵢⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴳⴰⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵙⵙ ⵏ ⵜⵜⵍⴰⵜⴰ ⴰⵙⵓⵏⴷⴻⴷ (ⵉⴹⵔⴰⴱ) ⴰⵎⴰⵜⵓ ⴷⴻⴳ ⵡⴰⴽⴽ ⵉⴽⴰⵍⴻⵏ ⵢⴻⵜⵜⵡⴰⴹⴹⴼⴻⵏ ⴰⴽⴽⴻⵏ ⴰⴷ ⴷ-ⵛⵛⴻⵜⴽⵉⵏ ⵖⴻⴼ ⵓⵔⴽⴰⴹ ⴰⵢ ⴷ-ⵢⴻⵜⵜⵉⵍⵉⵏ ⵇⵔⵉⴱ ⵢⴰⵍ ⴰⵙⵙ ⵎⴳⴰⵍ ⵢⵉⵣⴻⵔⴼⴰⵏ-ⵏⵙⴻⵏ ⴷⴻⴳ ⵓⴳⴻⵎⵎⴰⴹ ⵓⵜⵔⵉⵎ ⴷ ⵍⵇⵓⴷⵙ ⵢⴻⵜⵜⵡⴰⴹⴹⴼⴻⵏ ⵢⴻⵔⵏⴰ ⴰⴷ ⴷ-ⵙⵙⴻⴽⵏⴻⵏ ⵓⵔⴼⴰⵏ-ⵏⵙⴻⵏ ⵖⴻⴼ ⵜⵓⵎⵎⵖⵉⵡⵉⵏ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⵡⴰⵔ ⴰⵃⴱⴰⵙ ⵎⴳⴰⵍ ⵜⵎⴻⵙⴳⵉⴷⴰ ⵏ ⵍⴰⵇⵚⴰ.

ⵖⴻⴼ ⵍⴻⵃⵙⴰⴱ ⵏ ⴽⵔⴰ ⵏ ⵜⴻⵖⴱⵓⵍⴰ (ⵎⴰⵚⴰⴷⵉⵔ) ⵜⵉⴼⴰⵍⴻⵙⵟⵉⵏⵉⵢⵉⵏ, ⵍⵍⴰⵏⵜ-ⴷ ⵜⵉⴽⵍⵉⵡⵉⵏ ⴷⴻⴳ ⵡⴰⴽⴽ ⵉⴽⴰⵍⴻⵏ ⵉⴼⴰⵍⴻⵙⵟⵉⵏⵉⵢⴻⵏ, ⴰⵎ ⵡⴰⴽⴽⴻⵏ ⴰⵢ ⵙⵙⴻⴼⵔⴰⵏ ⴰⴷ ⵃⴻⴱⵙⴻⵏ ⴰⵙⵙⴻⵍⵎⴻⴷ ⴷⴻⴳ ⵢⵉⵖⴻⵔⴱⴰⵣⴻⵏ ⴷ ⵓⵎⴷⴰⵍ ⵏ ⵜⵃⵓⵏⴰ ⵉ ⵍⵎⴻⵏⴷ ⵏ ⵓⴱⴷⴰⴷ ⵖⴻⵔ ⵢⵉⴷⵉⵙ ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⵏ ⵍⵇⵓⴷⵙ ⴷ ⵓⴳⴻⵎⵎⴰⴹ ⵓⵜⵔⵉⵎ.

ⵜⴰⵎⴻⵙⴱⴰⵏⵉⵜ-ⴰ ⵙⵙⴻⴼⵔⴰⵏ ⴰⴷ ⵜⵜ-ⴳⴻⵏ ⵙⴻⴳ 8ⵙ00 ⵏ ⵜⵚⴻⴱⵃⵉⵜ ⵖⴻⵔ 12ⵙ00 ⵏ ⵡⴰⵙⵙ ⵙ ⵜⴻⵖⵔⵉ ⵏ ⵢⵉⵖⴰⵍⵍⴻⵏ ⵉⵖⴻⵍⵏⴰⵥⵔⵉⵢⴻⵏ (ⵇⴰⵡⵎⵉⵢⵢⴰ) ⴷ ⵢⵉⵙⵍⴰⵎⴰⵏⴻⵏ ⵏ ⵜⴻⵙⴼⵉⴼⵜ ⵏ Ɣⴻⵣⵣⴰ ⴰⵢ ⵢⴻⵏⴹⴻⵔⵔⴻⵏ ⵓⵍⴰ ⴷ ⵏⴻⵜⵜⴰⵜ ⵙⴻⴳ ⵜⵓⵎⵎⵖⵉⵡⵉⵏ ⵜⵉⵙⵕⴰⵢⵉⵍⵉⵢⵉⵏ.

ⵉ ⵍⵎⴻⵏⴷ ⵏ ⵡⴰⵢⴰ, ⵡⴻⴽⴽⴷⴻⵏ-ⴷ ⵢⵉⵎⴻⵙⴱⴰⵏⵉⵢⴻⵏ « ⵜⴰⴷⵓⴽⵍⵉ ⵏ ⵓⵖⵔⴻⴼ ⴰⴼⴰⵍⴻⵙⵟⵉⵏⵉ, ⵢⴻⴷⴷⵓⴽⴽⵍⴻⵏ ⴷⴻⴳ ⵓⵣⴱⵓ-ⵏⵏⴻⵙ (ⵎⵓⵇⴰⵡⴰⵎⴰ », ⴰⵎ ⵡⴰⴽⴽⴻⵏ ⴰⵢ ⴷ-ⵃⴻⵜⵜⴻⵜⴻⵏ ⵖⴻⴼ ⵓⵄⵜⴰⴱ ⴰⵢ ⵄⴻⵜⴱⴻⵏ ⴰⴽⴽ ⵉⴼⴰⵍⴻⵙⵟⵉⵏⵉⵢⴻⵏ « ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵢⵉⵎⴻⵏⵖⵉ ⵓⵛⵔⵉⴽ ⵎⴳⴰⵍ ⵓⵙⴻⵏⴼⴰⵔ ⴰⵚⴻⵀⵢⵓⵏⵉ ».

ⵡⵉⴷ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵓⵙⵓⵏⴷⴻⴷ-ⴰ ⵙⵎⴻⴽⵜⵉⵏ-ⴷ ⴷⴰⵖ « ⵜⵉⵎⴻⴷⴷⵓⵔⵉⵏ ⴰⵢ ⵢⴻⵜⵜⵓⵏⴻⴼⴽⴻⵏ ⴷ ⴰⵙⴼⴻⵍ ⴷ ⵢⵉⴷⴰⵎⵎⴻⵏ-ⵏⵙⴻⵏⵜ ⴰⵢ ⵢⴻⵙⵙⵡⴻⵏ ⴰⴽⴰⵍ ⵏ ⵍⵇⵓⴷⵙ ⴷ ⵜⵎⴻⵙⴳⵉⴷⴰ ⵏ ⵍⴰⵇⵚⴰ ».

ⵉⵖⴰⵍⵍⴻⵏ-ⴰ ⵖⵔⴰⵏ-ⴷ ⴷⴰⵖ ⵉ ⵢⵉⵎⴻⵣⴷⴰⵖⴻⵏ ⵏ Ɣⴻⵣⵣⴰ ⴰⴷ ⵃⴻⴱⵙⴻⵏ ⵍⴻⵛⵖⴰⵍ-ⵏⵙⴻⵏ ⵏ ⵜⵏⴻⵣⵣⵓⵜ (ⵜⵉⴵⴰⵕⴰ) ⵢⴻⵔⵏⴰ ⴰⴷ ⴹⴻⴼⵔⴻⵏ ⵜⴰⵎⴻⵙⴱⴰⵏⵉⵜ ⵏ ⵜⴻⴳⵔⴰⵡⵉⵏ ⵜⵉⴼⴰⵍⴻⵙⵟⵉⵏⵉⵢⵉⵏ ⵏ ⵓⴳⴻⵎⵎⴰⴹ ⵓⵜⵔⵉⵎ ⴷ ⵍⵇⵓⴷⵙ ⵢⴻⵜⵜⵡⴰⴹⴹⴼⴻⵏ ⴰⴽⴽⴻⵏ ⴰⴷ ⴱⴻⴷⴷⴻⵏ ⵖⴻⵔ ⵢⵉⴷⵉⵙ ⵏ ⵢⵉⵎⴻⵣⴷⴰⵖⴻⵏ ⵏ ⵜⴻⵎⵏⴰⴹⵉⵏ-ⴰ ⴷ ⵡⵉⴷ ⵏ ⵢⵉⴽⴰⵍⴻⵏ ⵢⴻⵜⵜⵡⴰⴹⴹⴼⴻⵏ ⴷⴻⴳ 1948.