ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⵣⵣⴰⵢⴻⵔ-ⴼⴰⵍⴻⵙⵟⵉⵏ: ⵉ ⵍⵎⴻⵏⴷ ⵏ « ⵓⵙⵙⴻⴵⵀⴻⴷ » ⵏ ⵓⵎⵄⴰⵡⴻⵏ ⴰⵙⴷⴰⵡⴰⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵉⴳⴻⵔ-ⴷ ⵜⵉⵖⵔⵉ ⵍⵧⵓⴰⵉ ⵎⴰⵀⵎⵧⵓⴷ ⴰⵉⵙⵙⴰ, ⴰⵏⵎⴰⵀⴰⵍ (ⵙⴰⴼⵉⵔ) ⵏ ⴼⴰⵍⴻⵙⵟⵉⵏ ⴷⴻⴳ ⵍⴻⵣⵣⴰⵢⴻⵔ, ⵉ ⵍⵎⴻⵏⴷ ⵏ « ⵓⵙⵙⴻⴵⵀⴻⴷ » ⵏ ⵓⵎⵄⴰⵡⴻⵏ ⴰⵙⴷⴰⵡⴰⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ) ⵏ ⵓⵖⵍⵉⴼ ⵏ ⵓⵍⵎⵓⴷ ⵉⵎⵉⵏⴻⴳ ⴷ ⵓⵏⴰⴷⵉ ⵓⵙⵙⵏⴰⵏ.
ⴰⵏⵎⴰⵀⴰⵍ ⴰⴼⴰⵍⴻⵙⵟⵉⵏⵉ ⵢⴻⵎⵎⵓⴳⴻⵔ-ⵉⵜ ⵓⵏⴻⵖⵍⴰⴼ ⵏ ⵓⵍⵎⵓⴷ ⵉⵎⵉⵏⴻⴳ ⴷ ⵓⵏⴰⴷⵉ ⵓⵙⵙⵏⴰⵏ, ⵜⴰⵀⴰⵔ ⵀⴰⴷⵊⴰⵔ, ⵢⴻⵔⵏⴰ « ⵢⴻⵙⵙⵓⵜⴻⵔ ⴰⵙⵙⴻⴵⵀⴻⴷ ⵏ ⵓⵎⵄⴰⵡⴻⵏ ⴰⵙⴷⴰⵡⴰⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ, ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵓⴽⵛⵉ ⵏ ⵜⴰⴳⴳⴰⵣⵉⵏ (ⵎⵉⵏⴰⵃ) ⵉ ⵢⵉⵏⴻⵍⵎⴰⴷⴻⵏ ⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⵢⴻⴱⵖⴰⵏ ⴰⴷ ⴽⴻⵎⵎⵍⴻⵏ ⴰⵙⵙⵉⵍⴻⵖ-ⵏⵙⴻⵏ (ⵜⴰⴽⵡⵉⵏ) ⴷⴻⴳ ⵜⴻⵙⴷⴰⵡⵉⵢⵉⵏ ⵜⵉⴷⵣⴰⵢⵔⵉⵢⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⵏⵏⵉ.
ⴰⵡⴰⵍ ⴳⴰⵔ-ⴰⵙⴻⵏ ⵢⴻⵍⵍⴰ-ⴷ ⴷⴰⵖ ⵖⴻⴼ « ⵓⵙⴷⵓⴽⴽⴻⵍ ⵏ ⵢⵉⵅⴻⴷⴷⵉⵎⴻⵏ ⵉ ⵓⵙⵙⴻⴵⵀⴻⴷ ⵏ ⵓⵎⵄⴰⵡⴻⵏ, ⵍⴰⴷⵖⴰ ⴷⴻⴳ ⵓⵏⵔⴰⵔ ⵏ ⵓⵎⴱⴰⴷⴷⴻⵍ ⵏ ⵜⵜⴻⵊⵕⵉⴱⴰⵜ ⴷⴻⴳ ⵓⵙⵙⵉⵍⴻⵖ ⴰⵙⴻⵏⵙⴻⴳⵎⴰⵏ (ⴱⵉⴷⴰⵖⵓⴵⵉ), ⴰⵣⵣⵓⵏ ⵏ ⵢⵉⵙⴻⵍⵎⴰⴷⴻⵏ, ⴰⵀⴻⵢⵢⵉ ⵏ ⵡⴰⵀⵉⵍⴻⵏ ⵓⵛⵔⵉⴽⴻⵏ ⴷ ⵓⵙⵙⴻⴱⵖⴻⵙ ⵏ ⵓⵙⵙⵉⴽⵏⴻⵡ (ⵜⴰⵡ’ⴰⵎⴰ) ⴳⴰⵔ ⵜⴻⵙⴷⴰⵡⵉⵢⵉⵏ ⵏ ⵙⵏⴰⵜ-ⴰ ⵏ ⵜⵎⵓⵔⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⴰ.
ⵎⵙⴻⴼⵀⴰⵎⴻⵏ ⴷⴰⵖ ⵙⵉⵏ-ⴰ ⵏ ⵢⵉⴷⵉⵙⴰⵏ « ⴰⴷ ⵙⴵⴻⵀⴷⴻⵏ ⵓⵙⵙⵉⵙⴻⵏ-ⵏⵙⴻⵏ (ⵍⵎⴻⴵⵀⵓⴷⴰⵜ) ⴷⴻⴳ ⵓⵏⵔⴰⵔ ⵏ ⵓⵙⵜⴻⵄⵕⴻⴼ ⵙ ⵢⵉⴳⴻⵔⴷⴰⵙⴻⵏ (ⵛⴰⵀⴰⴷⴰⵜ), ⴰⵙⵙⴻⴵⵀⴻⴷ ⵏ ⵓⵎⵄⴰⵡⴻⵏ ⴷ ⵡⴰⵟⴰⵙ ⵏ ⵢⵉⵏⵓⵔⴰⵔ ⵓⵙⵙⵏⴰⵏⴻⵏ ⵙ ⵡⴰⵣⵣⵓⵏ ⵏ ⵢⵉⵎⴰⵣⵣⴰⵢⴻⵏ ⴷ ⵢⵉⵎⵙⵉⵍⵖⴻⵏ ⴷⴻⴳ ⵢⵉⵏⵓⵔⴰⵔ ⵢⴻⵎⴳⴻⵔⵔⴰⴷⴻⵏ ⴰⵏⴷⴰ ⵜⵉⵙⴷⴰⵡⵉⵢⵉⵏ-ⵏⵏⴻⵖ ⵅⵓⵚⵚⴻⵏⵜ-ⵜⴻⵏ ⵢⵉⵙⴻⵍⵎⴰⴷⴻⵏ ».
ⴷⴻⴳ ⵓⵎⵢⴰⴳⴻⵔ-ⴰ, ⵉⴼⵓⵕⴻⵙ ⴷⴰⵖ ⵓⵏⵎⴰⵀⴰⵍ ⴰⴼⴰⵍⴻⵙⵟⵉⵏⵉ ⵜⴰⴳⵏⵉⵜ ⴰⴽⴽⴻⵏ ⴰⴷ ⵢⴻⵙⵏⴻⵎⵎⴻⵔ « ⴰⵖⵔⴻⴼ ⴷ ⵓⵏⴰⴱⴰⴹ (ⵃⵓⴽⵓⵎⴰ) ⵉⴷⵣⴰⵢⵔⵉⵢⴻⵏ ⵖⴻⴼ ⵓⵄⴰⵡⴻⵏ ⴰⵢ ⴷ-ⵜⵜⴰⴽⴼⴻⵏ ⵉ ⵓⵖⵔⴻⴼ ⴰⴼⴰⵍⴻⵙⵟⵉⵏⵉ, ⵍⴰⴷⵖⴰ ⴷⴻⴳ ⵜⴻⵙⵡⵉⵄⵉⵏ ⵉⵡⴻⵄⵕⴻⵏ », ⵖⴻⴼ ⵡⴰⴽⴽⴻⵏ ⴰⵢ ⵜⵜ-ⵉⴷ-ⵢⴻⵅⵜⴻⵎ ⵓⵍⵖⵓ-ⵏⵏⵉ.
