ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵡⵡⴹⴻⵏ-ⴷ ⵢⵉⵎⵃⵓⴵⴵⴻⵏ ⵓⵎⵉ ⵢⴻⴱⴷⴻⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴰⴳⵔⴰⵡⵜ ⵏ ⵢⵉⵎⵃⵓⴵⴵⴻⵏ ⵉⴳⴻⵍⵍⵉⵍⴻⵏ ⴷ ⵡⵉⴷ ⴰⵢ ⵢⴻⴷⴷⵔⴻⵏ ⴷⴻⴳ ⵢⵉⵅⵅⴰⵎⴻⵏ ⵏ ⵢⵉⵎⵖⴰⵔⴻⵏ ⵢⴻⵇⵇⵏⴻⵏ ⵖⴻⵔ ⵓⵖⵍⵉⴼ ⵏ ⵜⴻⵎⵙⴻⵜⵍⴻⵍⵜ (ⵜⴰⴹⴰⵎⵓⵏ) ⵜⴰⵖⴻⵍⵏⴰⵡⵜ ⵡⵡⴹⴻⵏ-ⴷ ⵖⴻⵔ ⵜⵎⵓⵔⵜ ⴰⵙⵙ ⵏ ⵍⵃⴻⴷⴷ, ⴷⴻⴼⴼⵉⵔ ⵎⴰ ⴼⵓⴽⴻⵏ ⵍⵃⵉⴵⴵ-ⵏⵙⴻⵏ. ⵉⵎⵃⵓⴵⴵⴻⵏ-ⴰ ⴷ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴰⵢ ⴰⵙⴻⵏ-ⵉⴱⴻⴷⴷⴻⵏ ⴰⴽⴽⴻⵏ ⴰⴷ ⴷ-ⵃⵉⴵⴵⴻⵏ.
ⵎⵉ ⴷ-ⵡⵡⴹⴻⵏ ⵖⴻⵔ ⵓⵏⴰⴼⴰⴳ ⴰⴳⵔⴰⵖⵍⴰⵏ ⵏ ⵀⵧⵓⴰⵔⵉ-ⴱⵧⵓⵎⴻⴷⵉⴻⵏⴻ, ⴷ ⵜⴰⵏⴻⵖⵍⴰⴼⵜ ⵏ ⵜⴻⵎⵙⴻⵜⵍⴻⵍⵜ ⵜⴰⵖⴻⵍⵏⴰⵡⵜ, ⵎⵧⵓⵏⵉⴰ ⵎⴻⵙⵍⴻⵎ ⵙⵉ ⴰⵎⴻⵓⵔ ⴰⵢ ⵜⴻⵏ-ⵢⴻⵎⵎⵓⴳⵔⴻⵏ ⵖⴻⵔ ⵢⵉⴷⵉⵙ ⵏ ⴽⵔⴰ ⵏ ⵢⵉⴽⴰⵜⴰⵔⴻⵏ (ⵉⵟⴰⵔⴰⵜ) ⵏ ⵓⵖⵍⵉⴼ-ⵏⵏⴻⵙ ⴷ ⵜⵡⴰⵛⵓⵍⵉⵏ ⵏ ⴽⵔⴰ ⵙⴻⴳ ⵢⵉⵎⵃⵓⴵⴵⴻⵏ-ⴰ.
ⵎⴰⵙⵙⴰ ⵎⴻⵙⵍⴻⵎ ⵜⴻⵏⵏⴰ-ⴷ, ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⵉ ⵜⵖⴻⵎⵙⴰ ⴷⴰⴽⴽⴻⵏ « ⴰⴽⴽ ⵉⵎⵃⵓⴵⴵⴻⵏ-ⴰ ⵓⵖⴰⵍⴻⵏ-ⴷ ⵖⴻⵔ ⵜⵡⴰⵛⵓⵍⵉⵏ-ⵏⵙⴻⵏ ⴷⴻⴳ ⵜⴻⴳⵏⵉⵜ ⵢⴻⵍⵀⴰⵏ » ⴷⴻⴼⴼⵉⵔ ⵎⴰ ⴼⵓⴽⴻⵏ-ⴷ ⵍⵃⵉⴵⴵ-ⵏⵙⴻⵏ.
ⵜⴻⵔⵏⴰ-ⴷ ⴷⴰⴽⴽⴻⵏ ⴰⵖⵍⵉⴼ-ⵏⵏⴻⵙ « ⵜⴻⴼⵔⴻⵏ-ⴷ ⵉⵎⵃⵓⴵⴵⴻⵏ ⴰⵢ ⵉⵚⴻⵃⵃⴰⵏ ⵢⴻⵔⵏⴰ ⵓⵔ ⴽⴽⵉⵏ ⴰⵔⴰ ⵉ 72 ⵏ ⵢⵉⵙⴻⴳⴳⴰⵙⴻⵏ ⴰⴽⴽⴻⵏ ⴰⴷ ⴷ-ⵃⵉⴵⴵⴻⵏ ⴰⴽⴽⴻⵏ ⵉⵡⴰⵜⴰ ».
ⵏⵏⵉⴳ ⵡⴰⵢⴰ, ⵜⴻⵏⵏⴰ-ⴷ ⴷⴰⴽⴽⴻⵏ ⴰⵖⵍⵉⴼ-ⵏⵏⴻⵙ « ⵢⴻⵙⵙⴻⵃⴱⴰⴱⴻⵕ ⵖⴻⴼ ⵓⵇⴰⴷⴻⵔ ⵉⵎⴷⴻⵇⵇⴻⵇ ⵏ ⵍⴻⵡⵚⴰⵢⴰⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⵢ ⴷ-ⵉⵛⴻⵔⴹⴻⵏ ⴷⴰⴽⴽⴻⵏ ⴰⴷ ⵜⵜⵡⴰⵙⵇⴻⴷⵛⴻⵏ ⴰⴽⴽ ⵜⵜⴰⵡⵉⵍⴰⵜ ⵉⵡⴰⵜⴰⵏ ⵉ ⵓⵙⵙⴻⵔⴱⴻⵃ ⵏ ⵛⵛⵖⴻⵍ-ⴰ ».
