ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵛⵀⵔⵉⵙⵜⵧⵒⵀⴻⵔ ⵔⵧⵙⵙ ⵢⴻⵔⵣⴰ ⵖⴻⴼ ⵢⵉⵎⴰⵣⵉⵔⴻⵏ ⵏ ⵢⵉⵚⴻⵃⵔⴰⵡⵉⵢⴻⵏ ⴰⵢ ⵉⴹⵓⵔⵔ ⵓⴳⴻⴼⴼⵓⵔ
ⵛⵀⴰⵀⵉⴷ ⴻⵍ-ⵀⴰⴼⴻⴷ – ⴰⵎⴰⵣⵓⵏ (ⵎⴰⴱⵄⵓⵜ) ⵓⴷⵎⴰⵡⴰⵏ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⵏⴻⵥⵔⵓⴼ ⵓⵜⵔⵉⵎ, ⵛⵀⵔⵉⵙⵜⵧⵒⵀⴻⵔ ⵔⵧⵙⵙ, ⵢⴻⵔⵣⴰ ⵖⴻⴼ ⵢⵉⵎⴰⵣⵉⵔⴻⵏ ⵏ ⵢⵉⵣⵔⴰⵣⴰⵖⴻⵏ (ⵍⴰⴵⵉ’ⵉⵏ) ⵉⵚⴻⵃⵔⴰⵡⵉⵢⴻⵏ ⴰⵢ ⵢⴻⵙⵕⵓⵃⴻⵏ ⵉⵅⵅⴰⵎⴻⵏ ⴷ ⵡⴰⵢⵍⴰ ⵖⴻⴼ ⵍⴵⴰⵍ ⵓⴳⴻⴼⴼⵓⵔ ⴰⵡⴻⵄⵕⴰⵏ ⵏ ⵡⵓⵙⵙⴰⵏ-ⴰ ⴰⵢ ⵢⴻⵣⵔⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⴳⴳⴰ ⵏ ⵜⵖⴻⵎⵙⴰ ⵜⴰⵚⴻⵃⵔⴰⵡⵉⵜ ⴰⵙⵙ ⵏ ⵍⵃⴻⴷⴷ.
ⴷⴻⴳ ⵜⴻⵔⵣⵉ-ⵏⵏⴻⵙ, ⵢⴻⵥⵔⴰ-ⴷ ⵓⵎⴰⵣⵓⵏ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵜⵉⵡⵉⵍⴰⵢⵉⵏ ⵏ ⴱⵓⵊⴷⵓⵔ, ⵙⵎⴰⵔⴰ ⴷ ⴰⵡⵙⴻⵔⴷ, ⵢⴻⵔⵏⴰ ⵉⵡⴰⵍⴰ-ⴷ ⵉⵅⴻⵚⵚⴰⵔⴻⵏ ⴰⵢ ⵉⵃⵓⵣⴰⵏ ⵉⵅⵅⴰⵎⴻⵏ ⴷ ⵡⴰⵢⵍⴰ ⵏ ⵢⵉⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ ⴰⵢ ⵢⴻⵃⵡⴰⴵⴻⵏ ⵍⴻⵎⵄⴰⵡⵏⴰ ⵙ ⵜⵖⴰⵡⵍⴰ ⴰⴽⴽⴻⵏ ⵓⵔ ⵜⵜⴻⵏⴹⴻⵔⵔⴰⵢⴻⵏ ⴰⵔⴰ ⵙⴻⴳ ⵓⵙⴻⵎⵎⵉⴹ ⴷ ⵍⴰⵥ, ⵍⴰⴷⵖⴰ ⵉⵎⵉ ⴰⵢ ⵜⴼⵓⴽ ⵍⵄⵓⵍⴰ ⵏ ⵜⵓⵞⵞⵉⵜ ⵢⴻⵔⵏⴰ ⵡⴻⵔⵄⴰⴷ ⵓⵔ ⵜⴻⴼⵔⵉ ⴰⵔⴰ ⵜⴰⵍⵓⴼⵜ ⵏ ⵜⵎⵓⵔⵜ-ⵏⵙⴻⵏ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵎⴰⵙⵙ ⵔⵧⵙⵙ ⵢⴻⵎⵍⴰⵍ ⴷ ⵓⵏⴻⵖⵍⴰⴼ ⴰⵚⴻⵃⵔⴰⵡⵉ ⵏ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ, ⵀⴰⵎⵎⴰ ⵙⴰⵍⴰⵎⴰ, ⴰⴽⴽⴻⵏ ⴰⴷ ⵜ-ⵉⵥⴻⵔ ⵍⴻⵃⵙⴰⴱ ⵏ ⵓⵅⴻⵚⵚⴰⵔ-ⴰ ⵏ ⵓⴳⴰⵎⴰ, ⴰⵎ ⵡⴰⴽⴽⴻⵏ ⴰⵢ ⵢⴻⵎⵍⴰⵍ ⴷⴰⵖ ⴰⵙⵙ ⵏ ⵍⵃⴻⴷⴷ ⴷ ⵜⵎⴰⴳⵍⴰ (ⵡⴰⴼⴷ) ⴰⵚⴻⵃⵔⴰⵡⵉ ⵏ ⵍⴻⵎⵛⴰⵡⵕⴰⵜ ⴰⵢ ⴰⵙ-ⴷ-ⵢⴻⵙⵎⴻⴽⵜⵉⵏ ⵉ ⵔⵧⵙⵙ ⴷ ⴰⴽⴽⴻⵏ ⵜⴰⴷⵓⴽⵍⵉ ⵜⴰⴼⵔⵉⵇⵉⵜ ⴷ ⵓⵏⴻⵥⵔⵓⴼ ⵓⵜⵔⵉⵎ ⵙⵙⵓⵜⵔⴻⵏ ⵙⴻⴳ ⵍⴻⴵⵏⴰⵙ « ⴰⴷ ⴷ-ⵙⵙⴻⴼⵔⵓⵏ ⴰⵙⵙ ⴰⵢⴷⴻⴳ ⴰⴷ ⴷ-ⵜⵉⵍⵉ ⵜⵙⴻⴼⵔⴰⵏⵜ ⵏ ⵓⴳⴳⵓⵛⵛⴻⵍⵎⴰⵏ (ⵜⴰⵇⵔⵉⵔ ⵍⵎⴰⵚⵉⵔ) ⵏ ⵓⵏⴻⵥⵔⵓⴼ ⵓⵜⵔⵉⵎ ⵙ ⵓⵇⴰⴷⴻⵔ ⵏ ⵍⵇⴰⵏⵓⵏ ⴰⴳⵔⴰⵖⵍⴰⵏ, ⵉⵎⵉ ⴷ ⵜⴰ ⴽⴰⵏ ⴰⵢ ⴷ ⵜⵉⴼⵔⴰⵜ ⵏ ⵜⴰⵍⵓⴼⵜ-ⴰ ⵜⴰⵖⴻⵣⴼⴰⵏⵜ ».
ⵎⴰⵙⵙ ⵔⵧⵙⵙ ⵢⴻⵔⵣⴰ-ⴷ ⵖⴻⴼ ⵜⴻⵎⵏⴰⴹⵜ-ⴰ ⴰⴽⴽⴻⵏ ⴰⴷ ⵢⴻⵄⵔⴻⴹ ⴰⴷ ⴷ-ⵢⴻⵙⴷⵓⵇⵇⴻⵙ ⵍⴻⵎⵛⴰⵡⵕⴰⵜ ⴳⴰⵔ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⴷ ⵎⴻⵕⵕⵓⴽ ⵢⴻⵍⵍⴰⵏ ⴷ ⵙⵉⵏ ⵏ ⵢⵉⴷⵉⵙⴰⵏ ⴰⵢ ⵢⴻⵎⵅⴰⵚⴰⵎⴻⵏ ⵖⴻⴼ ⵓⵏⴻⵥⵔⵓⴼ ⵓⵜⵔⵉⵎ. ⵉⵙⵡⵉ ⵏ ⵍⴻⵎⵛⴰⵡⵕⴰⵜ-ⴰ ⴷ ⵜⵉⴼⵔⴰⵜ ⵜⵓⵖⴷⵉⵎⵜ (ⵄⴰⴷⵉⵍⴰ) ⵢⴻⵔⵏⴰ ⴷ ⵜⴰⴷⵓⵎⴰⵏⵜ ⵉ ⵜⴻⵎⵙⴰⵍⵜ ⵜⴰⵚⴻⵃⵔⴰⵡⵉⵜ ⵙ ⵓⵇⴰⴷⴻⵔ ⵏ ⵓⵣⵔⴻⴼ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⴰⴽⴽⴻⵏ ⴰⴷ ⵜⵜ-ⵉⴷ-ⵢⴻⴼⵔⵓ ⵖⴻⴼ ⵓⵣⴻⴽⴽⴰ-ⵏⵏⴻⵙ.
