ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴼⴰⴱⵉⵓⵙ: ⴰⵎⵄⴰⵡⴻⵏ ⴰⴼⵕⴻⵏⵙⵉⵙ-ⴰⴷⵣⴰⵢⵔⵉ ⵍⴰ ⵢⴻⵜⵜⴻⴷⴷⵓ ⴷⴻⴳ ⵓⴱⵔⵉⴷ « ⵢⴻⵍⵀⴰⵏ »
ⵒⴰⵔⵉⵙ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⴼⵕⴻⵏⵙⵉⵙ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵍⴰⵓⵔⴻⵏⵜ ⴼⴰⴱⵉⵓⵙ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵒⴰⵔⵉⵙ ⴷ ⴰⴽⴽⴻⵏ ⴰⵎⵄⴰⵡⴻⵏ ⴳⴰⵔ ⴼⵕⴰⵏⵙⴰ ⴷ ⵍⴻⵣⵣⴰⵢⴻⵔ ⵍⴰ ⵢⴻⵜⵜⴻⴷⴷⵓ ⴷⴻⴳ ⵓⴱⵔⵉⴷ « ⵢⴻⵍⵀⴰⵏ », ⵙ ⵓⵅⴻⴷⴷⵉⵎ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⵙⴻⴳ ⵙⵉⵏ-ⴰ ⵏ ⵢⵉⴷⵉⵙⴰⵏ ⴷ ⵍⴻⴱⵖⵉ ⵏ ⵢⵉⵖⴼⴰⵡⴻⵏ ⵏ ⵙⵏⴰⵜ-ⴰ ⵏ ⵜⵎⵓⵔⴰ.
ⴰⵏⴻⵖⵍⴰⴼ ⴰⴼⵕⴻⵏⵙⵉⵙ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ ⵢⴻⵏⵏⴰ-ⴷ ⴰⵢⴰ ⵎⵉ ⵢⴻⵜⵜⴻⴽⴽⴰ ⴷⴻⴳ ⵓⵙⴰⵔⴰⴳ ⵖⴻⵔ ⵢⵉⴷⵉⵙ ⵏ ⵔⴰⵎⵜⴰⵏⴻ ⵍⴰⵎⴰⵎⵔⴰ, ⴰⵏⴻⵖⵍⴰⴼ ⴰⴷⵣⴰⵢⵔⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⴰⴱⴷⴻⵙⵙⴻⵍⴰⵎ ⴱⵧⵓⵛⵀⵧⵓⴰⵔⴻⴱ, ⴰⵏⴻⵖⵍⴰⴼ ⵏ ⵜⴻⵎⴳⵓⵔⵉ (ⵚⵚⵉⵏⴰⵄⴰ) ⴷ ⵍⵎⵉⵏⴰⵜ ⴷ ⴻⵎⵎⴰⵏⵓⴻⵍ ⵎⴰⵛⵔⵧⵏ, ⴰⵏⴻⵖⵍⴰⴼ ⴰⴼⵕⴻⵏⵙⵉⵙ ⵏ ⵜⴷⴰⵎⵙⴰ, ⵢⴻⵔⵏⴰ ⵢⴻⵏⵏⴰ-ⴷ ⴼⴰⴱⵉⵓⵙ ⴷ ⴰⴽⴽⴻⵏ ⴰⴳⵎⵓⴹ ⵏ ⵓⵎⵄⴰⵡⴻⵏ-ⴰ ⴷ ⴰⵎⴻⵇⵔⴰⵏ ⵉⵎⵉ « ⵍⴰ ⵏⴻⵜⵜⴻⵎⴱⴰⴷⴷⴰⵍ ⴳⴰⵔ-ⴰⵏⴻⵖ, ⵡⴰ ⵢⴻⵜⵜⴰⵖ ⵖⴻⴼ ⵡⴰⵢⴻⴹ, ⵍⴰ ⴷ-ⵏⵅⴻⴷⴷⴻⵎ ⵙⵙⴻⵍⵄⴰ ⴰⴽⴽⴻⵏ ⵢⴻⵔⵏⴰ ⵍⴰ ⵜⵜ-ⵏⴻⵙⵙⴰⴵⴰⵡ ⴰⴽⴽⴻⵏ », ⵖⴻⴼ ⵡⴰⴽⴽⵍⴻⵏ ⴰⵢ ⴷ-ⵢⴻⵏⵏⴰ ⵎⵉ ⴷ-ⵢⴻⴱⴷⴻⵔ ⵉⵏⵓⵔⴰⵔ ⵢⴻⵎⴳⴻⵔⵔⴰⴷⴻⵏ ⵏ ⵓⵎⵄⴰⵡⴻⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ.
« ⴰⵙⵙⴰⵖⴻⵏ (ⵄⴰⵍⴰⵇⴰⵜ) ⵉⵎⵓⵜⴰ ⴼⴰⵣⴻⵏ, ⵍⴰ ⵜⵜⵏⴻⵔⵏⵉⵏ ⵙ ⵍⴵⴻⵀⴷ ⵢⴻⵔⵏⴰ ⵡⴻⵔⴵⵉⵏ ⴳⴻⵔⵔⵣⴻⵏ ⴰⵎ ⵡⴰⵙⵙ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ ⴼⵕⴰⵏⵙⴰ ⴷ ⵍⴻⵣⵣⴰⵢⴻⵔ ⵙⵙⴰⵡⴹⴻⵏⵜ ⵖⴻⵔ « ⵓⵙⵡⵉⵔ ⵏ ⵓⵎⵇⴰⴷⴻⵔ ⴷ ⵍⴰⵎⴰⵏ ».
ⴼⴰⴱⵉⵓⵙ ⵢⴻⵏⵏⴰ-ⴷ, ⵙⴻⴳ ⵢⵉⴷⵉⵙ ⵏⵉⴹⴻⵏ, ⴷ ⴰⴽⴽⴻⵏ ⴰⴷ ⵔⵏⵓⵏ ⴰⴷ ⴷ-ⵙⵙⵓⴽⴽⴻⵏ ⵜⵉⵟ, ⵙⴻⴳ-ⴰ ⵖⴻⵔ ⵙⴷⴰⵜ, ⵖⴻⴼ ⵢⵉⵙⴻⵏⴼⴰⵔⴻⵏ « ⵉⵣⵉⵜⴰⵍⴻⵏ » (ⵟⴰⵎⵓⵃⴰ) ⵏⵉⴹⴻⵏ ⴷⴻⴳ ⵜⴻⵣⵡⴰⵔⴰ ⵏ 2016 ⴷⴻⴳ ⵍⴻⵣⵣⴰⵢⴻⵔ, ⴰⵙⵎⵉ ⴰⴷ ⵢⴻⵎⵍⵉⵍ ⵓⵙⴻⵇⵇⴰⵎⵓ ⴰⴳⴻⵔⵏⴰⴱⴰⴹ ⵏ ⵓⵙⵡⵉⵔ ⵓⵏⵏⵉⴳ (ⵛⵉⵀⵏ) ⴷⴷⴰⵡ ⵜⵙⴻⵍⵡⵉⵜ ⵏ ⵢⵉⵏⴻⵖⵍⴰⴼⴻⵏ ⵉⵎⴻⵏⵣⴰ ⵏ ⵙⵏⴰⵜ-ⴰ ⵏ ⵜⵎⵓⵔⴰ.
ⵙⴻⴳ ⵢⵉⴷⵉⵙ-ⵏⵏⴻⵙ, ⴰⵏⴻⵖⵍⴰⴼ ⴰⴼⵕⴻⵏⵙⵉⵙ ⵏ ⵜⴷⴰⵎⵙⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⴷⴻⴳ ⴼⵓⵕⴰⵕ ⴰⵢ ⴷ-ⵢⴻⵜⵜⴻⴷⴷⵓⵏ, ⵜⵉⵛⵛⵓⵔⴽⴰ ⵉⵣⴰⴷⴻⵏ ⴳⴰⵔ ⴼⵕⴰⵏⵙⴰ ⴷ ⵍⴻⵣⵣⴰⵢⴻⵔ ⴰⴷ ⵜⴻⵔⵏⵓ ⴰⴷ ⵜⴻⴳ ⴰⵙⵓⵔⵉⴼ ⵖⴻⵔ ⵙⴷⴰⵜ ⵙ ⵡⴰⵣⴰⵍ ⵏ 10 ⵏ ⵢⵉⵙⴻⵏⴼⴰⵔⴻⵏ ⵉⵎⴰⵢⵏⵓⵜⴻⵏ.
