ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
130 ⵏ ⵜⵜⴻⵙⵔⵉⵃⴰⵜ ⵉ ⵍⴻⴱⵏⵉ ⵏ ⵢⵉⵙⴻⵏⵙⴰ ⴷ ⵢⵉⵙⴻⵏⴼⴰⵔⴻⵏ ⵏⵉⴹⴻⵏ ⵏ ⵜⵎⴻⵔⵔⵉⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – 130 ⵏ ⵜⵜⴻⵙⵔⵉⵃⴰⵜ ⴰⵢ ⵢⴻⵜⵜⵓⵏⴻⴼⴽⴻⵏ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵉ ⵢⵉⵎⵙⴻⴼⵜⵉⵢⴻⵏ ⴰⴽⴽⴻⵏ ⴰⴷ ⴷ-ⴱⴷⵓⵏ ⵉⵙⴻⵏⴼⴰⵔⴻⵏ ⵏ ⵍⴻⴱⵏⵉ ⵏ ⵢⵉⵙⴻⵏⵙⴰ (ⴼⴰⵏⴰⴷⵉⵇ) ⵏⴻⵖ ⴰⴷ ⵔⴻⵥⵎⴻⵏ ⵜⵉⵏⴻⴳⴳⵉⵡⵉⵏ ⵏ ⵜⵎⴻⵔⵔⵉⵜ (ⵙⵉⵢⴰⵃⴰ) ⴷ ⵓⵚⴰⴼⴻⵔ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ. ⴰⴼⵔⴰⵇ-ⴰ ⵢⴻⵍⵍⴰ-ⴷ ⴷⴷⴰⵡ ⵓⵙⵉⴳⴳⵉ ⵏ ⵓⵏⴻⵖⵍⴰⴼ ⵏ ⵓⵀⴻⵢⵢⵉ ⵏ ⵡⴰⴽⴰⵍ ⴷ ⵜⵎⴻⵔⵔⵉⵜ, ⴰⵎⴰⵔ ⴳⵀⵧⵓⵍ.
ⴷⴻⴳ ⵢⵉⵡⴻⵜ ⵏ ⵜⵉⵏⴰⵡⵜ (ⴽⴰⵍⵉⵎⴰ) ⴰⵢ ⴷ-ⵢⴻⵖⵔⴰ ⵉ ⵍⵎⴻⵏⴷ ⵏ ⵜⵎⴻⵖⵔⴰ-ⴰ ⵏ ⵓⴼⵔⴰⵇ ⵏ ⵜⵜⴻⵙⵔⵉⵃⴰⵜ, ⴷⴻⴳ ⵜⴳⴰⵔⴰ ⵏ ⵜⴻⵔⵣⵉ-ⵏⵏⴻⵙ ⵏ ⵓⵙⵙⴻⴼⵇⴻⴷ ⵏ ⵙⵉⴷⵉ ⴼⵕⴻⴵ, ⵡⵍⴰⴷ ⴼⴰⵢⴻⵜ ⴷ ⴱⴰⴱ ⵣⵣⴻⵡⵡⴰⵕ, ⵢⴻⵏⵏⴰ-ⴷ ⵎⴰⵙⵙ ⴳⵀⵧⵓⵍ ⴷ ⴰⴽⴽⴻⵏ « ⵜⵜⴻⵙⵔⵉⵃⴰⵜ-ⴰ ⵜⵜⵡⴰⴼⴻⵔⵇⴻⵏ ⵖⴻⴼ ⵢⵉⵎⵙⴻⴼⵜⵉⵢⴻⵏ ⴷⴻⴳ ⵜⴰⵍⵍⵉⵜ ⵡⴻⵣⵣⵉⵍⴻⵏ ⵙ ⵓⵇⴰⴷⴻⵔ ⵏ ⵍⴻⵡⵚⴰⵢⴰⵜ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ».
ⵢⴻⵏⵏⴰ-ⴷ ⴷⴰⵖ ⴷ ⴰⴽⴽⴻⵏ ⵉⵎⵙⴻⴼⵜⵉⵢⴻⵏ-ⴰ ⵙⴼⴰⵢⴷⵉⵏ-ⴷ, ⵙⴻⴳ ⵛⵜⴻⵎⴱⴻⵕ ⵢⴻⵣⵔⵉⵏ, ⵙⴻⴳ ⵢⵉⵃⴻⵣⵣⵉⴱⴻⵏ ⵏ ⵓⵙⵙⵉⴼⵙⴻⵙ ⴰⴽⴽⴻⵏ ⴰⴷ ⵜⴻⵏ-ⵉⴷ-ⵚⴰⵃⴻⵏ ⵜⵜⴻⵙⵔⵉⵃⴰⵜ ⵢⴻⵔⵏⴰ ⴰⴷ ⴱⴷⵓⵏ ⵉⵙⴻⵏⴼⴰⵔⴻⵏ-ⵏⵙⴻⵏ.
ⵢⴻⵏⵏⴰ-ⴷ ⵎⴰⵙⵙ ⴳⵀⵧⵓⵍ ⴷ ⴰⴽⴽⴻⵏ ⴰⵙⴻⵇⵇⴰⵎⵓ ⴰⵢ ⴷ-ⵢⴻⵍⵀⴰⵏ ⵙ ⵓⵇⴻⵢⵢⴻⵎ ⵏ ⵢⵉⵙⴻⴼⴰⵔⴻⵏ ⵏ ⵜⵎⴻⵔⵔⵉⵜ ⵢⴻⵙⵙⵓⴽⴽⵓⵢ-ⴷ ⵜⵉⵟ ⵢⴻⵔⵏⴰ ⵢⴻⵜⵜⴰⵔⵔⴰ-ⴷ ⵖⴻⴼ ⵓⵙⵙⵓⵜⴻⵔ ⵏ ⵢⵉⵎⵙⴻⴼⵜⵉⵢⴻⵏ ⴷⴻⴳ ⵢⵉⵡⴻⵜ ⵏ ⴷⴷⵓⵕⵜ, ⵢⴻⵔⵏⴰ ⵜⵉⵔⵉⵔⵉⵜ ⵏ ⵓⵙⴻⵇⵇⴰⵎⵓ-ⴰ ⵜⴻⵜⵜⴰⵡⴻⴹ ⴱⴰⴱ-ⵏⵏⴻⵙ ⵙ ⵉⵏⵜⴻⵔⵏⴻⵜ.
ⵢⴻⵙⴻⵎⴻⴽⵜⵉ-ⴷ ⴷⴰⵖ ⵎⴰⵙⵙ ⴳⵀⵧⵓⵍ ⴷ ⴰⴽⴽⴻⵏ ⴰⵍⴰ ⵢⵉⵡⴻⵜ ⵏ ⵜⴻⴼⵜⴰⵔⵜ (ⵡⴰⵜⵉⵇⴰ) ⴰⵢ ⴷ-ⵙⵙⵓⵜⵓⵔⴻⵏ ⴷⴻⴳ ⵓⴽⴰⵔⴰⵎ (ⵎⵉⵍⴰⴼ) ⴰⴷⴻⴱⵍⴰⵏ, ⵢⴻⵔⵏⴰ ⵉⴳⴻⵔ-ⴷ ⵜⵉⵖⵔⵉ ⵉ ⵢⵉⵎⵙⴻⴼⵜⵉⵢⴻⵏ « ⴰⴽⴽⴻⵏ ⴰⴷ ⵇⴰⴷⵔⴻⵏ ⵍⵇⴰⵏⵓⵏ ⴷ ⵡⴰⵍⵓⴳ ⵏ ⵛⵛⵓⵔⵓⴹ, ⴰⵎ ⵡⴰⴽⴽⴻⵏ ⴰⴷ ⵇⴰⴷⵔⴻⵏ ⵜⴰⵍⵍⵉⵜ ⵏ ⵍⴻⴱⵏⵉ ⵏ ⵢⵉⵙⴻⵏⴼⴰⵔⴻⵏ-ⵏⵙⴻⵏ ⴷ ⵢⵉⵍⵓⴳⴰⵏ ⵉⴳⵔⴰⵖⵍⴰⵏⴻⵏ ».
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵙⵎⴻⴽⵜⵉ-ⴷ ⵓⵏⴻⵖⵍⴰⴼ ⴷ ⴰⴽⴽⴻⵏ « ⴰⵡⴰⵏⴰⴽ (ⴷⴰⵡⵍⴰ) ⵢⴻⵙⵙⴻⴼⵔⴰⵢ ⴰⴷ ⵢⴻⴱⴷⴻⴷ ⵉ ⵍⵎⴻⵏⴷ ⵏ ⵢⵉⵙⴻⵏⴼⴰⵔⴻⵏ-ⴰ ⵙⴻⴳ ⵢⵉⴷⵉⵙ ⵏ ⵢⵉⴷⵔⵉⵎⴻⵏ ⵉ ⵓⵙⵏⴻⵔⵏⵉ ⵏ ⵓⵙⵙⴻⴼⵜⵉ ».
ⵙⴻⴳ ⵜⴰⵎⴰ ⵏⵉⴹⴻⵏ, ⵉⵡⴻⴽⴽⴻⴷ-ⴷ ⵎⴰⵙⵙ ⴳⵀⵧⵓⵍⴷ ⴷ ⴰⴽⴽⴻⵏ, ⴷⴻⴳ ⵢⴰⵍ ⴰⵎⴽⴰⵏ ⵏ ⵜⵎⴻⵔⵔⵉⵜ, ⵢⴻⵙⵙⴻⴼⴽ ⴰⴷ ⵜⵉⵍⵉ ⵜⵃⴰⵏⵓⵜ ⵉ ⵓⵙⵙⴻⵏⵣⵉ ⵏ ⵜⵖⴰⵡⵙⵉⵡⵉⵏ ⵏ ⵜⴻⵏⴹⵉ (ⵚⵉⵏⴰⵄⴰ ⵜⴰⵇⵍⵉⴷⵉⵢⵢⴰ) ⵉ ⵓⵙⵏⴻⵔⵏⵉ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ.
