ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⴱⴷⴰⴷ ⵏ ⵍⴻⵣⵣⴰⵢⴻⵔ ⴷ ⴱⵔⵉⵣⵉⵍ ⵖⴻⵔ ⵢⵉⴷⵉⵙ ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴷ ⵢⵉⵚⴻⵃⵔⴰⵡⵉⵢⴻⵏ
ⵍⴻⵣⵣⴰⵢⴻⵔ ⵜⴰⵎⴰⴻⵖⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⴰⴷⵣⴰⵢⵔⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵔⴰⵎⵜⴰⵏⴻ ⵍⴰⵎⴰⵎⵔⴰ, ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷ ⴰⴽⴽⴻⵏ ⵍⴻⵣⵣⴰⵢⴻⵔ ⴷ ⴱⵔⵉⵣⵉⵍ ⴱⴻⴷⴷⴻⵏⵜ ⵖⴻⵔ ⵢⵉⴷⵉⵙ ⵏ ⵢⵉⵣⴻⵔⴼⴰⵏ ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴷ ⵢⵉⵚⴻⵃⵔⴰⵡⵉⵢⴻⵏ ⴷⴻⴳ ⴼⴻⵔⵔⵓ ⵏ ⵓⵣⴻⴽⴽⴰ-ⵏⵙⴻⵏ.
ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵓⵛⵔⵉⴽ ⵏ ⵜⵖⴻⵎⵙⴰ ⴰⵢ ⵉⴳⴰ ⴷ ⵓⵎⵜⵉⵍ-ⵏⵏⴻⵙ ⴰⴱⵔⵉⵣⵉⵍⵉ ⵎⴰⵓⵔⵧ ⵍⴻⵛⴽⴻⵔ ⵠⵉⴻⵉⵔⴰ, ⵢⴻⵏⵏⴰ-ⴷ ⵎⴰⵙⵙ ⵍⴰⵎⴰⵎⵔⴰ ⴷ ⴰⴽⴽⴻⵏ ⴰⴷⴷⵓⴷⴻⵏ ⵏ ⵍⴻⵣⵣⴰⵢⴻⵔ ⴷ ⴱⵔⵉⵣⵉⵍ « ⵡⴻⵀⵀⴰⵏ ⵖⴻⵔ ⵢⵉⵡⴻⵏ ⵏ ⵓⴱⵔⵉⴷ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵃⵓⴷⴷⵓ ⵏ ⵢⵉⵎⴻⵏⵖⵉⵢⴻⵏ ⵓⵣⵔⵉⴼⴻⵏ (ⵛⴰⵔⵄⵉⵢⵢⴰ) ⴷ ⵓⴱⴷⴰⴷ ⵖⴻⵔ ⵢⵉⴷⵉⵙ ⵏ ⵢⵉⵣⴻⵔⴼⴰⵏ ⵏ ⵢⵉⵖⴻⵔⴼⴰⵏ ⴰⴽⴽⴻⵏ ⴰⴷ ⵜⵜ-ⵉⴷ-ⴼⵔⵓⵏ ⵖⴻⴼ ⵓⵣⴻⴽⴽⴰ-ⵏⵙⴻⵏ, ⴰⴽⴽⴻⵏ ⵢⴻⵍⵍⴰ ⵍⵃⴰⵍ ⴷ ⵢⵉⵖⴻⵔⴼⴰⵏ ⵏ ⴼⴰⵍⴻⵙⵟⵉⵏ ⴷ ⵓⵏⴻⵥⵔⵓⴼ ⵓⵜⵔⵉⵎ ».
ⵍⴻⵣⵣⴰⵢⴻⵔ ⴷ ⴱⵔⵉⵣⵉⵍ « ⴱⴻⴷⴷⴻⵏⵜ ⵜⴰ ⵖⴻⵔ ⵢⵉⴷⵉⵙ ⵏ ⵜⴰⵢⴻⴹ ⴷⴻⴳ ⵓⵏⵔⴰⵔ ⴰⴳⵔⴰⵖⵍⴰⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵎⵙⴰⵍ ⵜⵉⵙⴻⵔⵜⵉⵢⵉⵏ ⴷ ⵜⴷⴰⵎⵙⴰⵏⵉⵏ ⵢⴻⵎⴳⴻⵔⵔⴰⴷⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵍⴰⵎⴰⵎⵔⴰ, ⴰⵢ ⴷ-ⵢⴻⵔⵏⴰⵏ ⴷ ⴰⴽⴽⴻⵏ ⵓⵍⴰ ⵎⴰ ⴱⵔⵉⵣⵉⵍ ⵓⵔ ⵜⴻⵍⵍⵉ ⴰⵔⴰ ⴷ ⵢⵉⵡⴻⵜ ⵙⴻⴳ ⵜⵎⵓⵔⴰ ⵢⴻⵅⴹⴰⵏ ⴰⴷⴻⵔⵔⴻⵔ (ⵄⴰⴷⴰⵎ ⴰⵍ-ⵉⵏⵃⵉⵢⴰⵣ), ⵎⴰⵛⴰ « ⵜⴻⵙⵄⴰ ⵜⴰⵙⴻⵔⵜⵉⵜ ⵢⴻⵅⴹⴰⵏ ⴰⴷⴻⵔⵔⴻⵔ » ⴷⴻⴳ ⵡⴰⵙⵙⴰⵖⴻⵏ-ⵏⵏⴻⵙ ⴷ ⵜⵎⵓⵔⴰ ⵏⵉⴹⴻⵏ ⵏ ⵓⵎⴰⴹⴰⵍ, ⵢⴻⵔⵏⴰ ⵜⴻⵙⵙⴻⵃⴱⵉⴱⵉⵔ ⵖⴻⴼ ⵓⵇⴰⴷⴻⵔ ⵏ ⵓⵣⴰⵔⵓⴳ (ⵉⵙⵜⵉⵇⵍⴰⵍ) ⴷ ⵍⵃⴻⵕⵎⴰ-ⵏⵙⴻⵏⵜ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴷⵉⵡⴻⵏⵏⵉ (ⵃⵉⵡⴰⵔ) ⴰⵙⵓⴷⴷⵙⴰⵏ ⴳⴰⵔ ⵍⴻⵣⵣⴰⵢⴻⵔ ⴷ ⴱⵔⵉⵣⵉⵍ, ⵢⴻⵏⵏⴰ-ⴷ ⵎⴰⵙⵙ ⵍⴰⵎⴰⵎⵔⴰ ⴷ ⴰⴽⴽⴻⵏ ⵢⴻⴱⴷⴰ-ⴷ ⴷⴻⴳ 2012.
ⵏⵏⵉⴳ ⵡⴰⵢⴰ, ⵎⵙⴻⴼⵀⴰⵎⴻⵏⵜ ⵙⵏⴰⵜ-ⴰ ⵏ ⵜⵎⵓⵔⴰ ⴰⴽⴽⴻⵏ ⴰⴷ ⵙⵄⵓⵏⵜ ⴰⵙⵙⴰⵖⴻⵏ « ⵉⵣⴰⴷⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⴷⵉⵡⴻⵏⵏⵉ-ⴰ ⵢⴻⵜⵜⵉⵍⵉ-ⴷ ⴷⵉⵎⴰ ⵙ ⵓⵎⴱⴰⴷⴷⴻⵍ ⵏ ⵜⴻⵔⵣⴰ ⴳⴰⵔ ⵍⴻⵣⵣⴰⵢⴻⵔ ⴷ ⴱⵔⵉⵣⵉⵍ ⴷ ⵓⵎⵛⵉⵡⴻⵕ ⵢⴻⵣⴳⴰⵏ ⴳⴰⵔ-ⴰⵙⴻⵏⵜ.
Ɣⴻⴼ ⵍⴻⵃⵙⴰⴱ ⵏ ⵓⵏⴻⵖⵍⴰⴼ ⴰⴷⵣⴰⵢⵔⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵜⵉⵖⵉⵎⵉⵜ ⵜⴰⵎⴻⵣⵡⴰⵔⵓⵜ ⴰⵢⴷⴻⴳ ⴰⴷ ⵎⵛⵉⵡⵕⴻⵏ ⵖⴻⴼ ⵍⵍⵙⵉⵙⴰⵏ ⵏ ⵓⴷⵉⵡⴻⵏⵏⵉ ⴰⵙⵓⴷⴷⵙⴰⵏ ⴳⴰⵔ ⵍⴻⵣⵣⴰⵢⴻⵔ ⴷ ⴱⵔⵉⵣⵉⵍ « ⵜⴻⵍⵍⴰ-ⴷ ⴷⴻⴳ ⵡⴰⴽⵓⴷ ⵉⵡⴰⵜⴰⵏ ⴰⴽⴽⴻⵏ ⴰⴷ ⵢⴻⵜⵜⵡⴰⴼⵔⴻⵙ ⵓⵏⵔⴰⵔ ⵉ ⵡⴰⵙⵙⴰⵖⴻⵏ ⵉⵏⵎⴻⵜⵜⵉⵢⴻⵏ-ⵉⴷⴰⵎⵙⴰⵏⴻⵏ ⴷ ⵓⵎⵙⴻⴼⵀⴰⵎ ⵖⴻⴼ ⵓⵙⵏⴻⴼⵍⵉ (ⵜⴰⵏⵎⵉⵢⴰ) ⴰⴳⵔⴰⵖⵍⴰⵏ ».
