ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵎⵍⵉⵍⵉⵜ ⵖⴻⴼ ⵍⵉⴱⵢⴰ ⴳⴰⵔ ⵍⴻⵣⵣⴰⵢⴻⵔ, ⵎⴰⵚⴻⵔ ⴷ ⵟⵟⴰⵍⵢⴰⵏ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⴷ ⴷ-ⵜⵉⵍⵉ ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵜⴻⵎⵍⵉⵍⵉⵜ ⴳⴰⵔ ⵍⴻⵣⵣⴰⵢⴻⵔ, ⵎⴰⵚⴻⵔ ⴷ ⵟⵟⴰⵍⵢⴰⵏ ⴰⴽⴽⴻⵏ ⴰⴷ ⴷ-ⵙⵙⵓⴽⴽⴻⵏ ⵜⵉⵟ ⵖⴻⴼ ⵜⴻⴳⵏⵉⵜ ⴷⴻⴳ ⵍⵉⴱⵢⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ) ⵏ ⵓⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ.
ⵜⵉⵎⵍⵉⵍⵉⵜ-ⴰ ⴷ ⴰⵃⵔⵉⵛ ⵙⴻⴳ ⵓⵎⵛⵉⵡⴻⵕ ⴳⴰⵔ ⴽⵔⴰⴹⵜ-ⴰ (3) ⵏ ⵜⵎⵓⵔⴰ, ⵢⴻⵔⵏⴰ ⴰⴷ ⵢⴻⵜⵜⴻⴽⴽⵉ ⴷⴻⴳ-ⵙ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵍⵎⴻⵖⵔⴻⴱ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ, ⴰⵏⴻⵖⵍⴰⴼ ⴰⵎⴰⵚⵔⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ, ⵙⴰⵎⴻⵀ ⵛⵀⵧⵓⴽⵔⵢ ⴷ ⵓⵏⴻⵖⵍⴰⴼ ⴰⵟⴰⵍⵢⴰⵏⵉ ⵏ ⵜⵖⴰⵡⵙⵉⵡⵉⵏ ⵏ ⵓⵎⵢⴰⵍⴻⵍ (ⵜⴰⵄⴰⵡⵓⵏ), ⵒⴰⵧⵍⵧ ⴳⴻⵏⵜⵉⵍⵧⵏⵧⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵍⵖⵓ-ⵏⵏⵉ.
« ⵉⵏⴻⵖⵍⴰⴼⴻⵏ-ⴰ ⴰⴷ ⴷ-ⵙⵙⵓⴽⴽⴻⵏ ⵜⵉⵟ ⵖⴻⴼ ⵜⴻⴳⵏⵉⵜ ⴷⴻⴳ ⵍⵉⴱⵢⴰ ⴷ ⵡⴰⵢⴻⵏ ⴰⵢ ⵉⵣⴻⵎⵔⴻⵏ ⴰⴷ ⵢⴻⵙⵙⴻⵄⵊⴻⵍ ⵍⴻⵎⵛⴰⵡⵕⴰⵜ ⴳⴰⵔ ⵢⵉⵍⵉⴱⵉⵢⴻⵏ ⵢⴻⵔⵏⴰ ⴰⴷ ⵜⴻⵏⵜ-ⵢⴻⴼⵔⵓ ⴷⴷⴰⵡ ⵜⴻⵛⴹⴰⴹⵜ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵙ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ (ⵃⵓⴽⵓⵎⴰ) ⵏ ⵜⴷⵓⴽⵍⵉ ⵜⴰⵖⴻⵍⵏⴰⵡⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵓⵍⵖⵓ-ⴰ.
ⵉⵏⴻⵖⵍⴰⴼⴻⵏ ⴰⴷ ⴼⴰⵕⵙⴻⵏ ⵜⴰⴳⵏⵉⵜ-ⴰ ⴷⴰⵖ ⴰⴽⴽⴻⵏ « ⴰⴷ ⵇⴻⵢⵢⵎⴻⵏ ⵓⴳⵓⵔⴻⵏ ⴰⵢ ⵉⵣⴻⵎⵔⴻⵏ ⴰⴷ ⵃⴰⵣⴻⵏ ⵜⵉⵎⵓⵔⴰ ⵜⵉⵊⵉⵔⴰⵜⵉⵏ ⵙⴻⴳ ⵛⵛⵡⴰⵍ ⴷⴻⴳ ⵜⵙⴻⵔⵜⵉⵜ ⴷ ⵜⵖⴻⵍⵍⵉⵙⵜ (ⴰⵎⵏ) ⵏ ⵜⵎⵓⵔⵜ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵓⵍⵖⵓ-ⴰ.
