ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⴽⴰⴱⴰⵔ ⴰⵙⵒⴻⵏⵢⵓⵍⵉ ⵏ ⵒⵧⴷⴻⵎⵧⵙ ⵢⴻⴱⴷⴻⴷ ⵖⴻⵔ ⵢⵉⴷⵉⵙ ⵏ ⵢⵉⵚⴻⵃⵔⴰⵡⵉⵢⴻⵏ
ⵙⴰⵏⵜⴰ ⵛⵔⵓⵣ ⴷⴻ ⵜⴻⵏⴻⵔⵉⴼⴻ (ⵙⵒⴻⵏⵢⵓⵍ) – ⵉⵄⴰⵡⴻⴷ ⵉⵡⴻⴽⴽⴻⴷ-ⴷ ⵓⴽⴰⴱⴰⵔ ⴰⵙⵒⴻⵏⵢⵓⵍⵉ ⵏ ⵒⵧⴷⴻⵎⵧⵙ ⴰⴱⴷⴰⴷ-ⵏⵏⴻⵙ ⵓⵔ ⵢⴻⵜⵜⴱⴻⴷⴷⵉⵍⴻⵏ ⵖⴻⵔ ⵢⵉⴷⵉⵙ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⴷ ⵢⵉⵣⵔⴰⵣⴰⵖⴻⵏ (ⵍⴰⴵⵉ’ⵉⵏ) ⴰⵢ ⵃⵓⵣⴰⵏ ⵢⵉⵃⴻⵎⵎⴰⵍⴻⵏ ⵉⵏⴻⴳⴳⵓⵔⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⴳⴳⴰ ⵏ ⵜⵖⴻⵎⵙⴰ ⵜⴰⵚⴻⵃⵔⴰⵡⵉⵜ ⵙⵒⵙ.
ⵜⴰⵏⴻⵟⵟⴰⵇⵜ ⵏ ⵜⴻⴳⵔⴰⵡⵜ ⵜⴰⵡⴰⵎⵏⵉⵜ (ⴱⴰⵔⵍⴰⵎⴰⵏⵉⵢⵢⴰ) ⵏ ⵓⴽⴰⴱⴰⵔ-ⴰ ⴰⵙⵒⴻⵏⵢⵓⵍⵉ ⴷⴻⴳ ⵓⵎⵏⵉ ⴰⵎⵏⴰⴹⴰⵏ ⵏ ⵜⴻⴳⵣⵉⵔⵉⵏ ⵜⵉⴽⵏⴰⵕⵉⵢⵉⵏ, ⵎⴰⵙⵙⴰ ⵏⵧⴻⵎⵉ ⵙⴰⵏⵜⴰⵏⴰ ⵒⴻⵔⴻⵉⵔⴰ, ⵜⵄⴰⵡⴻⴷ ⵜⵡⴻⴽⴽⴻⴷ-ⴷ ⴰⵙⵙ ⵏ ⵍⵊⴻⵎⵄⴰ ⴰⴷⴷⵓⴷ ⵏ ⵓⴽⴰⴱⴰⵔ-ⵏⵏⴻⵙ ⵉ ⵍⵎⴻⵏⴷ ⵏ ⵓⵣⵔⴻⴼ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⴰⴽⴽⴻⵏ ⴰⴷ ⵢⴻⴷⴷⴻⵔ ⴷ ⵉⵍⴻⵍⵍⵉ, ⴷⴻⴳ ⵢⵉⵡⴻⵏ ⵏ ⵓⵎⵢⴰⴳⴻⵔ ⴷ ⵓⴳⴻⵏⵙⴰⵙ ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⴷⴻⴳ ⵜⴻⴳⵣⵉⵔⵉⵏ ⵜⵉⴽⵏⴰⵕⵉⵢⵉⵏ, ⵀⴰⵎⴷⵉ ⵎⴰⵏⵙⵧⵓⵔ.
ⴷⴻⴳ ⵜⴻⴳⵏⵉⵜ-ⴰ, ⴷⴰⵖ, ⵜⵡⴻⴽⴽⴻⴷ-ⴷ ⴰⵄⴻⵡⵡⴻⵍ ⵏ ⵓⴽⴰⴱⴰⵔ-ⵏⵏⴻⵙ ⴰⴽⴽⴻⵏ ⴰⴷ ⵉⵄⴰⵡⴻⵏ ⵉⵣⵔⴰⵣⴰⵖⴻⵏ ⵉⵚⴻⵃⵔⴰⵡⵉⵢⴻⵏ ⵙ ⵜⵖⴰⵡⵍⴰ ⴰⴽⴽⴻⵏ ⵓⵔ ⵢⴻⵜⵜⴽⴻⵎⵎⵉⵍ ⴰⵔⴰ ⵓⵏⴹⴻⵔⵔⵉ-ⵏⵙⴻⵏ ⵙⴻⴳ ⵢⵉⴳⴻⴼⵔⴰⵏ-ⵏⵏⵉ ⴰⵢ ⴰⵙⴻⵏ-ⵢⴻⵙⵅⴻⵚⵔⴻⵏ ⵉⵅⵅⴰⵎⴻⵏ ⴷ ⵜⵓⵞⵞⵉⵜ-ⵏⵙⴻⵏ.
ⵜⴻⵏⵏⴰ-ⴷ ⴷⴰⵖ ⵎⴰⵙⵙⴰ ⵏⵧⴻⵎⵉ ⵙⴰⵏⵜⴰⵏⴰ ⴷ ⴰⴽⴽⴻⵏ ⵜⴻⵙⵙⴰⵔⴰⵎ ⴰⵏⴰⴱⴰⴹ (ⵃⵓⴽⵓⵎⴰ) ⴰⵙⵒⴻⵏⵢⵓⵍⵉ ⴰⴷ ⵉⵄⴰⵡⴻⴷ ⵜⴰⵎⵓⵖⵍⵉ ⴷⴻⴳ ⵡⴰⵢⴻⵏ ⴰⵢ ⵉⴳⴰ ⵉ ⵢⵉⵚⴻⵃⵔⴰⵡⵉⵢⴻⵏ ⵢⴻⵔⵏⴰ ⴰⴷ ⵢⴻⵜⵜⴻⴽⴽⵉ ⴷⴻⴳ ⵓⵏⴰⴷⵉ ⵏ ⵜⵉⴼⵔⴰⵜ ⵜⴰⵏⴻⴳⴳⴰⵔⵓⵜ ⵉ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⵎⴰⵔⵓ ⵏ ⵓⵡⴰⵏⴰⴽ ⴰⵙⵒⴻⵏⵢⵓⵍⵉ ⵏ ⵜⵖⴰⵡⵙⵉⵡⵉⵏ ⵏ ⵓⵣⵖⴰⵔ , ⵉⴳⵏⴰⵛⵉⵧ ⵉⴱⴰⵏⴻⵣ, ⵉⵄⴰⵡⴻⴷ ⵉⵡⴻⴽⴽⴻⴷ-ⴷ ⴰⵙⵙ ⵏ ⵍⵊⴻⵎⵄⴰ ⴰⴱⴷⴰⴷ ⵏ ⵓⵏⴰⴱⴰⴹ ⴰⵙⵒⴻⵏⵢⵓⵍⵉ ⵖⴻⵔ ⵢⵉⴷⵉⵙ ⵏ ⵡⵓⵙⵙⵉⵙⴻⵏ (ⵍⵎⴻⴵⵀⵓⴷⴰⵜ) ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⴼⴻⵔⵔⵓ « ⴰⵙⴻⵔⵜⵉ ⵓⵖⴷⵉⵎ ⵢⴻⵔⵏⴰ ⴷ ⴰⴷⵓⵎⴰⵏ » ⵏ ⵜⴰⵍⵓⴼⵜ ⵜⴰⵚⴻⵃⵔⴰⵡⵉⵜ ⴷ ⵓⵇⴰⴷⴻⵔ ⵏ ⵜⵍⴻⵍⵍⵉ ⵏ ⵓⵖⵔⴻⴼ ⴰⵚⴻⵃⵔⴰⵡⵉ ⴰⴽⴽⴻⵏ ⴰⴷ ⵜⵜ-ⵉⴷ-ⵢⴻⴼⵔⵓ ⵖⴻⴼ ⵓⵣⴻⴽⴽⴰ-ⵏⵏⴻⵙ.
