ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵔⴼⴰⴷ ⵏ ⵍⴵⴻⵀⴷ: ⵍⵢⴻⵙ ⴱⵧⵓⴳⵀⴰⵍⴻⵎ ⵜⵓⵖⴰⵍ-ⴰⵙ ⵜⴻⵊⵎⵉⵍⵜ

ⵙⵓⵇ ⴰⵀⵕⴰⵙ – ⵍⵢⴻⵙ ⴱⵧⵓⴳⵀⴰⵍⴻⵎ, ⴰⵢ ⵉⴳⴰⵏ ⴰⴽⵍⵉⵙ ⵏ ⵓⵎⴰⴹⴰⵍ ⴰⵎⴰⵢⵏⵓ ⴷⴻⴳ ⵓⵔⴼⴰⴷ ⵏ ⵍⴵⴻⵀⴷ, ⵜⵓⵖⴰⵍ-ⴰⵙ ⵜⴻⵊⵎⵉⵍⵜ ⴰⵙⵙ ⵏ ⵙⵙⴻⴱⵜ ⴷⴻⴳ ⵙⵓⵇ ⴰⵀⵕⴰⵙ, ⵜⴰⵎⴷⵉⵏⵜ ⴰⵢⴷⴻⴳ ⴷ-ⵉⵍⵓⵍ, ⴷⴻⴳ ⵢⵉⵊⵉⴼⴻⵕ ⵏ ⵜⵎⴻⵖⵔⴰ ⵏ ⵓⵙⴼⵓⴳⴻⵍ ⵏ ⵓⵎⵓⵍⵍⵉ ⵡⵉⵙ 61 ⵏ ⴱⴻⴷⴷⵓ ⵏ ⵜⴻⴳⵔⴰⵡⵍⴰ ⵜⴰⴷⵣⴰⵢⵔⵉⵜ.

ⵍⵢⴻⵙ ⵢⴻⵔⴼⴻⴷ, ⵙ ⵜⵉⵏⵏⴻⴳⵏⵉⵜ, 271 ⵏ ⵢⵉⴽⵉⵍⵓⴳⵕⴰⵎⴻⵏ ⴷⴻⴳ ⵜⴻⵍⵖⵓⵖⴰ ⵏ ⵜⴻⴼⵔⵉⵇⵜ ⵏ ⵓⵔⴼⴰⴷ ⵏ ⵍⴵⴻⵀⴷ, ⴰⵢ ⴷ-ⵢⴻⵍⵍⴰⵏ ⴷⴻⴳ ⵎⴻⵕⵕⵓⴽ ⴳⴰⵔ 22 ⴷ 26 ⵜⵓⴱⴻⵕ, ⵢⴻⵔⵏⴰ ⵉⵄⴻⴷⴷⴰ ⵉ ⵓⴽⵍⵉⵙ-ⵏⵏⴻⵙ ⵏ ⵓⵎⴰⴹⴰⵍ ⴰⵇⴱⵓⵔ ⵏ 270,5 ⵏ ⵢⵉⴽⵉⵍⵓⴳⵕⴰⵎⴻⵏ ⴰⵢ ⴷ-ⵢⴻⵡⵡⵉ ⴷⴻⴳ ⵢⵓⵏⵢⵓ ⵏ 2015 ⴷⴻⴳ ⴼⵉⵏⵍⴰⵏⴷ.

ⴰⵏⴰⴷⴷⴰⵍ-ⴰ ⵏ 28 ⵏ ⵢⵉⵙⴻⴳⴳⴰⵙⴻⵏ ⵢⴻⵏⵏⴰ-ⴷ ⴷ ⴰⴽⴽⴻⵏ ⵍⴰ ⵢⴻⵙⵙⴻⵡⵊⴰⴷ ⵉⵎⴰⵏ-ⵏⵏⴻⵙ ⴰⴽⴽⴻⵏ ⴰⴷ ⵉⴽⴻⵎⵎⴻⵍ ⴰⴷ ⵉⵃⵓⴷⴷ ⴰⵣⵡⴻⵍ-ⵏⵏⴻⵙ (ⵍⴰⵇⴰⴱ) ⵏ ⵓⵍⵖⵓⵖ ⵏ ⵓⵎⴰⴹⴰⵍ ⴷⴻⴳ ⵡⴰⴷⴷⴰⵍ ⵏ ⵓⵔⴼⴰⴷ ⵏ ⵍⴵⴻⵀⴷ ⴷⴻⴳ ⵜⴻⵍⵖⵓⵖⴰ ⴰⴷ ⴷ-ⵢⵉⵍⵉⵏ ⴷⴻⴳ ⵢⵓⵏⵢⵓ ⵏ 2016 ⴷⴻⴳ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ.

ⴷⵖⴰ ⵉⴳⴻⵔ-ⴷ ⵜⵉⵖⵔⵉ ⵍⵢⴻⵙ ⴱⵧⵓⴳⵀⴰⵍⴻⵎ ⵉ ⵢⵉⵏⴰⴷⴷⴰⵍⴻⵏ ⵉⵍⴻⵎⵥⵉⵢⴻⵏ ⴰⴽⴽⴻⵏ ⵓⵔ ⵙⵙⴻⵇⴷⴰⵛⴻⵏ ⴰⵔⴰ ⴰⴽⴽ ⵉⵙⴻⴵⵀⴰⴷⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⵉⵖⵔⵉ ⵉ ⵢⵉⴷⵓⴱⴰ ⵉⴷⵉⴳⴰⵏⴻⵏ (ⵙⵓⵍⵓⵟⴰⵜ ⵎⴰⵃⴰⵍⵍⵉⵢⵢⴰ) ⴰⴽⴽⴻⵏ ⴰⴷ ⵙⵡⴻⵙⵄⴻⵏⵜ ⵜⴰⵣⴻⵇⵇⴰ ⵏ ⵡⴰⴷⴷⴰⵍ ⴰⵢ ⴷ-ⵢⵓⵙⴰⵏ ⴷⴻⴳ ⵓⵣⵏⵉⵇ ⵏ ⵎⵧⵀⴰⵎⴻⴷ ⴽⵀⴻⵎⵉⵙⵙⵉ ⴷⴻⴳ ⵜⴻⵎⴷⵉⵏⵜ ⵏ ⵙⵓⵇ ⴰⵀⵕⴰⵙ.

ⵢⴻⵏⵏⴰ-ⴷ ⵓⵏⴰⴷⴷⴰⵍ-ⴰ ⴷ ⴰⴽⴽⴻⵏ ⵢⴻⵡⵊⴻⴷ, ⴰⵎⴰ ⴷ ⵏⴻⵜⵜⴰ, ⴰⵎⴰ ⴷ ⵉⵎⴰⵣⵣⴰⵢⴻⵏ (ⵅⵓⴱⴰⵔⴰ’) ⵏⵉⴹⴻⵏ, ⵉ ⵍⵎⴻⵏⴷ ⵏ ⵓⵙⵙⴻⵍⵎⴻⴷ ⵏ ⵡⴰⴷⴷⴰⵍ-ⴰ ⵉ ⵢⵉⵍⴻⵎⵥⵉⵢⴻⵏ ⵏⵉⴹⴻⵏ.