ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⵣⵣⴰⵢⴻⵔ ⵜⵓⵔⴰⵔ ⴷⴷⵓⵕ ⴷ ⴰⵎⴻⵇⵔⴰⵏ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵜⵉⵟⵟⵓⵔⴼⴰ ⵏ ⴷⴷⵉⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵡⵉⴷ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⵏⴻⵎⵙⴻⵍⵜ (ⵡⴰⵔⵛⴰ) ⵏ ⵜⴻⵎⵖⵓⵏⵜ ⵏ ⵢⵉⵎⴰⵙⵙⴰⵏⴻⵏ ⵉⵏⵙⴻⵍⵎⴻⵏ, ⵉⵅⴻⵟⵟⴰⴱⴻⵏ ⴷ ⵍⵉⵎⴰⵎⴰⵜ ⵏ ⵜⵎⵓⵔⴰ ⵏ ⵙⵙⴰⵃⴻⵍ ⵏⵏⴰⵏ-ⴷ ⴰⵙⵙ ⵏ ⵍⴰⵕⴻⴱⵄⴰ ⴷ ⴰⴽⴽⴻⵏ ⵍⴻⵣⵣⴰⵢⴻⵔ ⵜⵓⵔⴰⵔ ⴷⴷⵓⵕ ⴷ ⴰⵎⴻⵇⵔⴰⵏ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵜⵉⵟⵟⵓⵔⴼⴰ ⵏ ⴷⴷⵉⵏ ⴷ ⵜⴻⴽⵔⵉⴹⵜ (ⵄⵓⵏⴼ).
ⵜⴰⵏⴻⵎⵙⴻⵍⵜ-ⴰ ⵜⴻⵇⵇⵉⵎ ⵙⵉⵏ ⵏ ⵡⵓⵙⵙⴰⵏ ⵢⴻⵔⵏⴰ ⵜⴻⵍⵍⴰ-ⴷ ⵖⴻⴼ « ⵜⵜⴻⵊⵕⵉⴱⴰⵜ ⵏ ⵜⵎⵓⵔⴰ ⵏ ⵙⵙⴰⵃⴻⵍ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵜⵉⴹⴹⵓⵔⴼⴰ ⵏ ⴷⴷⵉⵏ ⴷ ⵜⵉⴹⴹⵓⵔⴼⴰ ⵜⵓⴽⵔⵉⴹⵜ (ⵄⴰⵏⵉⴼⴰ) », ⵢⴻⵔⵏⴰ ⵔⵔⴰⵏ ⴷⴻⴳ-ⵙ ⵢⵉⵎⵜⵜⴻⴽⴽⵉⵢⴻⵏ ⵜⴰⵊⵎⵉⵍⵜ ⵉ ⵍⴻⵣⵣⴰⵢⴻⵔ ⵖⴻⴼ ⴷⴷⵓⵕ-ⵏⵏⴻⵙ ⴰⵎⴻⵇⵔⴰⵏ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵜⵉⵟⵟⵓⵔⴼⴰ, ⴰⵎ ⵡⴰⴽⴽⴻⵏ ⴰⵢ ⴷ-ⴳⵔⴻⵏ ⵜⵉⵖⵔⵉ ⴰⴽⴽⴻⵏ ⵢⴻⵜⵜⵡⴰⴷⴷⴻⵎ ⵓⵔⴽⴰⵡⴰⵍ (ⵎⵉⵜⴰⵇ) ⵏ ⵓⵎⵙⵓⵖⴰⵍ ⴰⵖⴻⵍⵏⴰⵡ ⵏ ⵍⴻⵣⵣⴰⵢⴻⵔ ⴷ ⴰⵎⴻⴷⵢⴰ ⴰⴷ ⴹⴻⴼⵔⴻⵏⵜ ⵜⵎⵓⵔⴰ ⵏⵉⴹⴻⵏ ⵏ ⵜⴻⴼⵔⵉⵇⵜ ⵉ ⵍⵎⴻⵏⴷ ⵏ ⵜⴰⵍⵡⵉⵜ.
ⵢⵉⵡⴻⵜ ⵙⴻⴳ ⵙⵙⴻⴱⴱⴰⵜ ⵜⵉⵎⴻⵇⵔⴰⵏⵉⵏ ⵏ ⵜⵉⵟⵟⵓⵔⴼⴰ « ⴰⵢ ⵢⴻⵅⴹⴰⵏ ⵍⵉⵙⵍⴰⵎ » ⴷ ⵢⵉⵏⴻⵍⵎⴻⵏ ⵏⴻⵜⵜⴰ ⴷ « ⴰⵣⵔⴰⵄ ⵏ ⵍⵇⴻⵍⵍⴰ ⵏ ⵜⵎⵓⵙⵙⵏⵉ ⵏ ⴷⴷⵉⵏ », ⵍⴰⴷⵖⴰ ⵍⵇⴻⵍⵍⴰ ⵏ ⵜⵎⵓⵙⵙⵏⵉ ⵏ ⵡⴰⵢⴻⵏ ⴰⵢⵢⴻⵙ ⴰⵢ ⴷ-ⵢⴻⵜⵜⵡⴻⵚⵚⵉ ⴷⴷⵉⵏ-ⵏⵏⴻⵖ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵍⵡⵉⵜ, ⴰⴷⵉⵡⴻⵏⵏⵉ (ⵃⵉⵡⴰⵔ) ⴷ ⵓⵎⵙⵓⵖⴰⵍ, ⴰⵎ ⵡⴰⴽⴽⴻⵏ ⴰⵢ ⵍⵍⴰⵏⵜ ⴷⴰⵖ ⵙⵙⴻⴱⴱⴰⵜ ⵢⴻⵇⵇⵏⴻⵏ ⵖⴻⵔ ⵜⵏⴻⴼⵙⵉⵜ ⵏ ⵎⴻⴷⴷⴻⵏ, ⴰⵙⵙⴻⵍⵎⴻⴷ ⴷ ⵜⵎⴻⵜⵜⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⴷⴻⴳ ⵜⵏⴻⵎⵙⴻⵍⵜ-ⵏⵏⵉ.
ⵡⴻⴽⴽⴷⴻⵏ-ⴷ ⵡⵉⴷ ⴰⵢ ⵢⴻⵜⵜⴻⴽⴽⴰⵏ ⴷ ⴰⴽⴽⴻⵏ « ⵢⴻⵙⵙⴻⴼⴽ ⴰⴷ ⴷ-ⵜⵜⴻⴽⴽⵉⵏ ⵢⵉⵎⴰⵙⵙⴰⵏⴻⵏ ⴷ ⵍⵉⵎⴰⵎⴰⵜ ⵏ ⵜⴻⵎⵏⴰⴹⵜ ⵏ ⵙⵙⴰⵃⴻⵍ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵜⵉⴹⴹⵓⵔⴼⴰ ».
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵃⴻⵜⵜⴻⵜⴻⵏ-ⴷ ⴷ ⴰⴽⴽⴻⵏ ⵢⴻⵙⵙⴻⴼⴽ « ⴰⴷ ⴷ-ⵢⴻⵜⵜⵡⴰⵙⴷⵓⵇⵇⴻⵙ ⴷⴷⵓⵕ ⵏ ⵜⵎⴻⵟⵟⵓⵜ ⵜⴰⴼⵔⵉⵇⵉⵜ ⵢⴻⵖⵔⴰⵏ ⵢⴻⵔⵏⴰ ⵢⴻⵙⵄⴰⵏ ⵉⴷⵍⴻⵙ ⵉ ⵍⵎⴻⵏⴷ ⵏ ⵓⵙⵙⴻⴼⵀⴻⵎ ⵏ ⴷⴷⵉⵏ » ⴰⴽⴽⴻⵏ ⴰⴷ ⵜⴻⵜⵜⴻⴽⴽⵉ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵜⵉⴹⴹⵓⵔⴼⴰ ⵏ ⴷⴷⵉⵏ.
ⵎⵙⴻⴼⵀⴰⵎⴻⵏ ⴷⴰⵖ ⵡⵉⴷ ⵢⴻⵜⵜⴻⴽⴽⴰⵏ ⴰⴽⴽⴻⵏ « ⴰⴷ ⵃⴻⵙⴱⴻⵏ ⵉⵅⴻⴷⴷⵉⵎⴻⵏ ⵏ ⵜⴻⴳⵔⴰⵡⵉⵏ ⵜⵉⵎⵙⴻⵍⵍⵃⵉⵏ ⵜⵉⵎⴻⵟⵟⵓⵔⴼⴰ ⵏ ⴱⵧⴽⵧ ⵀⴰⵔⴰⵎ ⴷ ⴷⴰⵄⴻⵛ ⴷⴻⴳ ⵙⵙⴰⵃⴻⵍ ⴷ ⵉⵅⴻⴷⴷⵉⵎⴻⵏ ⵏ ⵜⴻⵊⵔⵉⵎⵜ ».
ⴷⵖⴰ ⴳⵔⴻⵏ-ⴷ ⵜⵉⵖⵔⵉ ⵉ ⵜⵎⵓⵔⴰ, ⵜⵓⴷⴷⵙⵉⵡⵉⵏ (ⵎⵓⵏⴰⴹⴹⴰⵎⴰⵜ) ⴷ ⵢⵉⵎⴰⵙⵙⴰⵏⴻⵏ ⵉⵏⵙⴻⵍⵎⴻⵏ ⴰⴽⴽⴻⵏ ⴰⴷ ⵄⴰⵡⵏⴻⵏ « ⴰⵖⵔⴻⴼ ⴰⵎⴰⵍⵉ ⴰⴷ ⵢⴻⵙⵙⴻⵔⴱⴻⵃ ⵜⵉⴷⴷⵉⵜ-ⵏⵏⴻⵙ ⵏ ⵓⵎⵙⵓⵖⴰⵍ ⴷ ⵍⴻⴱⵏⵉ ⵏ ⵜⵎⵓⵔⵜ, ⴰⵎ ⵡⴰⴽⴽⴻⵏ ⴰⴷ ⵄⴰⵡⵏⴻⵏ ⴰⵖⵔⴻⴼ ⴰⵍⵉⴱⵉ ⴰⴷ ⴷ-ⵢⴻⴼⴼⴻⵖ ⵙⴻⴳ ⵜⴰⵍⵓⴼⵜ ⴰⵢⴷⴻⴳ ⵢⴻⵍⵍⴰ ».
