ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵖⵓⵖⴰ ⵜⴰⵄⵕⴰⴱⵜ ⵏ ⵜⵛⵉⵔⵜ ⵏ ⵓⵇⴻⵛⵡⴰⵍ: ⴳⵙⵒ ⵜⴻⵔⵏⴰ ⵜⴰⵖⵍⴰⵎⵜ ⵏ ⵄⵉⵔⴰⵇ

ⴷⵓⴱⴰⵉ – ⵜⴻⵔⵏⴰ ⵜⴻⵖⵍⴰⵎⵜ ⵏ ⴳⵙ ⵒⴻⵜⵔⵧⵍⵉⴻⵔⵙ ⴰⵙⵙ ⵏ ⵍⴰⵕⴻⴱⵄⴰ ⵜⴰⵖⵍⴰⵎⵜ ⵏ ⵜⴻⵎⵙⵓⵍⵜⴰ (ⵛⵓⵔⵟⴰ) ⵏ ⵄⵉⵔⴰⵇ ⵙ 97 ⵖⴻⵔ 63 ⴷⴻⴳ ⵡⴰⵙⵙ ⵡⵉⵙ ⵙⵉⵏ ⵏ ⵜⴻⴳⵔⴰⵡⵜ ⴱ ⵏ ⵜⴻⵍⵖⵓⵖⴰ ⵜⴰⵄⵕⴰⴱⵜ ⵏ ⵜⵛⵉⵔⵜ ⵏ ⵓⵇⴻⵛⵡⴰⵍ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴳⴰⵔ 3 ⴷ 14 ⵏⵡⴻⵎⴱⴻⵕ ⴷⴻⴳ ⴷⵓⴱⴰⵉ.

ⴷⴻⴳ ⵡⴰⵙⵙ ⴰⵎⴻⵣⵡⴰⵔⵓ ⴰⵢ ⵓⵔⴰⵔⴻⵏ ⴰⵙⵙ ⵏ ⵜⵜⵍⴰⵜⴰ, ⵜⴰⵖⵍⴰⵎⵜ ⵏ ⵜⴻⵎⵙⵓⵍⵜⴰ ⵏ ⵄⵉⵔⴰⵇ ⵜⴻⵔⵏⴰ ⵜⴰⵖⵍⴰⵎⵜ ⵏ ⴰⵍ ⵜⵉⵍⴻⵍ ⵏ ⵢⴰⵎⴰⵏ ⵙ 95 ⵖⴻⵔ 65.

ⵜⴰⵖⵍⴰⵎⵜ ⵏ ⴳⵙ ⵒⴻⵜⵔⵧⵍⵉⴻⵔⵙ ⵢⴻⵍⵍⴰⵏ ⴷ ⵜⴰⵖⵍⴰⵎⵜ ⵜⴰⴷⵣⴰⵢⵔⵉⵜ ⵜⴰⵡⵃⵉⴷⵜ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵍⵖⵓⵖⴰ-ⴰ, ⵍⴰ ⵜⴻⵜⵜⵓⵔⴰⵔ ⴷⴻⴳ ⵜⴻⴳⵔⴰⵡⵜ ⴱ ⵖⴻⵔ ⵢⵉⴷⵉⵙ ⵏ ⵜⴻⵖⵍⴰⵎⵜ ⵏ ⵜⴻⵎⵙⵓⵍⵜⴰ (ⵄⵉⵔⴰⵇ), ⴰⵍ ⵛⵀⴰⵔⵉⴽⴰ (ⵍⵉⵎⴰⵕⴰⵜ ⵜⴰⵄⵕⴰⴱⵉⵏ ⵢⴻⴷⴷⵓⴽⴽⵍⴻⵏ) ⴷ ⴰⵍ ⵜⵉⵍⴰⵍ (ⵢⴰⵎⴰⵏ).

ⴰⵙⵙ ⵡⵉⵙ 3 ⵏ ⵜⴻⴳⵔⴰⵡⵜ ⴱ ⴰⴷ ⴷ-ⵢⵉⵍⵉ ⴰⵙⵙ ⵏ ⵙⵙⴻⴱⵜ, 7 ⵏⵡⴻⵎⴱⴻⵕ, ⵢⴻⵔⵏⴰ ⴰⵙⵙ-ⵏⵏⵉ, ⴳⵙ ⵒⴻⵜⵔⵧⵍⵉⴻⵔⵙ ⴰⴷ ⵜⵓⵔⴰⵔ ⵎⴳⴰⵍ ⴰⵍ ⵙⵀⴰⵔⵊⴰⵀ (ⵍⵉⵎⴰⵕⴰⵜ ⵜⴰⵄⵕⴰⴱⵉⵏ ⵢⴻⴷⴷⵓⴽⴽⵍⴻⵏ), ⵙⴰⴽⴽⵉⵏ, ⴰⵙⵙ ⵏ ⵍⴻⵜⵏⵉⵢⴻⵏ, ⴰⴷ ⵜⵓⵔⴰⵔ ⵎⴳⴰⵍ ⴰⵍ ⵊⴰⵉⵛⵀ (ⵇⴰⵟⴰⵔ), ⵎⴰ ⵢⴻⵍⵍⴰ ⴰⵙⵙ ⵏ ⵜⵜⵍⴰⵜⴰ, 10 ⵏⵡⴻⵎⴱⴻⵕ, ⴰⴷ ⵜⴻⵎⵇⴰⴱⴰⵍ ⴷ ⴰⵍ ⵜⵉⵍⴻⵍ (ⵢⴰⵎⴰⵏ). ⵉ ⵓⵙⵎⴻⴽⵜⵉ, ⴷ ⴳⵙ ⵒⴻⵜⵔⵧⵍⵉⴻⵔⵙ ⴷ ⵏⴻⵜⵜⴰⵜ ⴰⵢ ⴷ ⵜⴰⵍⵖⵓⵖⵜ ⵏ ⵍⴻⵣⵣⴰⵢⴻⵔ ⵏ ⵜⵛⵉⵔⵜ ⵏ ⵓⵇⴻⵛⵡⴰⵍ.

14 ⵏ ⵜⴻⵖⵍⴰⵎⵉⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵍⵖⵓⵖⴰ-ⴰ (ⵜⵉⵙ 28) ⴰⵢⴷⴻⴳ ⵜⴻⵍⵍⴰ ⴷⴰⵖ ⵜⴻⵖⵍⴰⵎⵜ ⵏ ⴰⵍ ⵔⴰⵢⴻⵏ (ⵇⴰⵟⴰⵔ), ⵜⴰⵍⵖⵓⵖⵜ ⵜⴰⵄⵕⴰⴱⵜ. ⵜⵉⵖⵍⴰⵎⵉⵏ-ⴰ ⴱⴹⴰⵏⵜ ⵖⴻⴼ 3 ⵏ ⵜⴽⴻⵎⵎⵓⵛⵉⵏ (ⴰ, ⴱ, ⵛ).

3 ⵏ ⵜⴻⵖⵍⴰⵎⵉⵏ ⵜⵉⵎⴻⵣⵡⵓⵔⴰ ⴷⴻⴳ ⵜⴻⴳⵔⴰⵡⵉⵏ ⴰ ⴷ ⴱ ⴷ ⵙⵏⴰⵜ ⵜⵉⵎⴻⵣⵡⵓⵔⴰ ⵏ ⵛ ⴰⴷ ⵄⴻⴷⴷⵉⵏⵜ ⵖⴻⵔ ⵜⵉⵙ 4 ⵏ ⵜⵏⴻⴳⴳⴰⵔⵓⵜ.

ⵉⴳⵎⴰⴹ ⵏ ⵜⴻⵎⵍⵉⵍⵉⵢⵉⵏ ⵏ ⴳⵙ ⵒⴻⵜⵔⵧⵍⵉⴻⵙ:

ⴳⵙ ⵒⴻⵜⵔⵧⵍⵉⴻⵔⵙ – ⵜⴰⵎⵙⵓⵍⵜⴰ (ⵄⵉⵔⴰⵇ) 97-63

ⴰⵀⵉⵍ ⵏ ⵜⴻⵎⵍⵉⵍⵉⵢⵉⵏ ⴰⵢ ⴷ-ⵢⴻⵜⵜⴻⴷⴷⵓⵏ:

ⵙⵙⴻⴱⵜ, 7 ⵏⵡⴻⵎⴱⴻⵕ (1ⵙ00 ⵏ ⵜⵎⴻⴷⴷⵉⵜ)

ⴳⵙ ⵒéⵜⵔⵧⵍⵉⴻⵔⵙ - ⴰⵍ ⵙⵀⵔⵊⴰⵀ (ⵍⵉⵎⴰⵕⴰⵜ ⵜⴰⵄⵕⴰⴱⵉⵏ ⵢⴻⴷⴷⵓⴽⴽⵍⴻⵏ)

ⵍⴻⵜⵏⵉⵢⴻⵏ 9 ⵏⵡⴻⵎⴱⴻⵕ (1ⵙ00 ⵏ ⵜⵎⴻⴷⴷⵉⵜ):

ⴳⵙ ⵒⴻⵜⵔⵧⵍⵉⴻⵔⵙ - ⴰⵍ ⵊⴰⵉⵛⵀ (ⵇⴰⵟⴰⵔ)

ⵜⵜⵍⴰⵜⴰ 10 ⵏⵡⴻⵎⴱⴻⵕ (3ⵙ00):

ⴳⵙ ⵒⴻⵜⵔⵧⵍⵉⴻⵔⵙ - ⴰⵍ ⵜⵉⵍⴻⵍ (ⵢⴰⵎⴰⵏ).