ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵍⵓⴼⵜ ⵏ ⵙⵓⴷⴰⵏ ⵏ ⵓⵏⵥⵓⵍ: ⵎⵙⴻⴼⵀⴰⵎⴻⵏ ⵢⵉⵅⵚⵉⵎⴻⵏ ⵖⴻⴼ ⵜⴻⵎⵙⴰⵍⵜ ⵏ ⵍⴰⵎⴰⵏ

ⴰⴷⴷⵉⵙ ⴰⴱⴻⴱⴰ – ⵎⵙⴻⴼⵀⴰⵎⴻⵏ ⵢⵉⵅⵚⵉⵎⴻⵏ ⵏ ⵜⴰⵍⵓⴼⵜ ⵏ ⵙⵓⴷⴰⵏ ⵏ ⵓⵏⵥⵓⵍ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⴰⴷⴷⵉⵙ ⴰⴱⴻⴱⴰ ⵖⴻⴼ ⵜⴻⵎⵙⴰⵍⵜ ⵏ ⵜⵖⴻⵍⵍⵉⵙⵜ (ⴰⵎⵏ) ⴰⵢ ⴷ-ⵢⴻⴷⴷⴰⵏ ⴷⴻⴳ ⵓⵎⵜⴰⵡⴰ ⵏ ⵜⴰⵍⵡⵉⵜ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⴷⴻⴳ Ɣⵓⵛⵜ ⴰⴽⴽⴻⵏ ⴰⴷ ⵉⴼⴰⴽ ⵟⵟⵔⴰⴷ ⴰⵢ ⵢⴻⴼⴽⴰⵏ ⴰⵅⴻⵚⵚⴰⵔ ⵉ ⵜⵎⵓⵔⵜ-ⴰ ⵙⴻⴳ ⴷⵓⵊⴻⵎⴱⴻⵕ ⵏ 2013, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵖⴻⵎⵙⴰ ⵏ ⵜⵎⵓⵔⵜ-ⴰ ⴰⵙⵙ ⵏ ⵍⴰⵕⴻⴱⵄⴰ.

ⵢⵉⵡⴻⵏ ⵙⴻⴳ ⵛⵛⵓⵔⵓⴹ ⵉⵎⴻⵇⵔⴰⵏⴻⵏ ⴰⴽⴽ ⵏ ⵓⵎⵜⴰⵡⴰ-ⴰ (ⵉⵜⵜⵉⴼⴰⵇ) ⵏ ⵜⴰⵍⵡⵉⵜ ⵏⴻⵜⵜⴰ ⴷ ⵜⵓⴽⴽⵙⴰ ⵏ ⵢⵉⵙⴻⵔⴷⴰⵙⴻⵏ ⵙⴻⴳ ⵜⵎⴰⵏⴻⵖⵜ ⵏ ⵜⵎⵓⵔⵜ, ⵊⵓⴱⴰ, ⴰⵢ ⵢⴻⵍⵍⴰⵏ ⴰⵙⵙ-ⴰ ⴷⴷⴰⵡ ⵍⴻⵃⴽⴻⵎ ⵏ ⵓⵏⴰⴱⴰⴹ. ⵙⴻⴳ ⵢⵉⴷⵉⵙ ⵏⵉⴹⴻⵏ, ⴰⵎⵜⴰⵡⴰ-ⴰ ⵢⴻⴱⴷⴻⵔ-ⴷ ⵓⵖⴰⵍ ⵏ ⵓⵏⵎⴰⵣⵓⵍ (ⵏⴰ’ⵉⴱ) ⵏ ⵓⵙⴻⵍⵡⴰⵢ ⴰⵇⴱⵓⵔ ⵔⵉⴻⴽ ⵎⴰⵛⵀⴰⵔ, ⵖⴻⵔ ⵜⵎⴰⵏⴻⵖⵜ ⵊⵓⴱⴰ, ⵢⴻⵔⵏⴰ ⴰⴷ ⵢⴻⵛⵔⴻⴽ ⴰⴷⴰⴱⵓ ⴷ ⵓⵙⴻⵍⵡⴰⵢ ⵙⴰⵍⵠⴰ ⴽⵉⵉⵔ ⴰⵔⵎⴰ ⴷ ⴰⵙⵎⵉ ⴰⴷ ⴷ-ⵉⵍⵉⵏⵜ ⵜⴻⴼⵔⴰⵏⵉⵏ. ⵉ ⵓⵙⵎⴻⴽⵜⵉ, ⵔⵉⴻⴽ ⵎⴰⵛⵀⴰⵔ ⴷ ⵏⴻⵜⵜⴰ ⴰⵢ ⴷ ⴰⵅⵚⵉⵎ ⴰⵎⴻⵇⵔⴰⵏ ⴰⴽⴽ ⵏ ⵓⵙⴻⵍⵡⴰⵢ ⴽⵉⵉⵔ.

ⵢⴻⵜⵜⵡⴰⵙⵜⴻⵏⵢⴰ ⵓⵎⵜⴰⵡⴰ-ⴰ ⵏ ⵜⴰⵍⵡⵉⵜ ⴳⴰⵔ ⵎⴰⵙⵙⴰⵡ ⵙⴰⵍⵠⴰ ⴽⵉⵉⵔ ⴷ ⵔⵉⴻⴽ ⵎⴰⵛⵀⴰⵔ ⴰⵙⵙ ⵏ 26 Ɣⵓⵛⵜ ⴰⴽⴽⴻⵏ ⴰⴷ ⵎⵙⴻⴼⵀⴰⵎⴻⵏ ⵖⴻⴼ ⵓⵃⴱⴰⵙ ⵏ ⵢⵉⵎⴻⵏⵖⵉ ⴷ ⴱⴻⴹⴹⵓ ⵏ ⵓⴷⴰⴱⵓ. ⴷ ⴰⵛⵓ ⴽⴰⵏ, ⵎⴰⵣⴰⵍ ⵍⴰ ⵢⴻⵜⵜⵡⴰⵔⴽⴰⴹ ⵓⵎⵜⴰⵡⴰ-ⴰ ⵙ ⵢⵉⵎⴻⵏⵖⵉ ⴰⵢ ⵢⴻⵣⴳⴰⵏ ⵢⴻⵜⵜⵉⵍⵉ-ⴷ ⴳⴰⵔ ⵙⵉⵏ-ⴰ ⵏ ⵢⵉⵅⵚⵉⵎⴻⵏ.

ⵢⴻⵎⵙⴻⴼⵀⴰⵎ ⵓⵏⴰⴱⴰⴹ ⴰⵙⵙ ⵏ ⵜⵜⵍⴰⵜⴰ ⴷ ⵢⵉⵖⴻⵡⵡⴰⵖⴻⵏ (ⵎⵓⵜⴰⵎⴰⵔⵔⵉⴷⵉⵏ) ⵖⴻⴼ ⵓⴼⵔⴰⵇ ⵏ ⵢⵉⵙⴻⵔⴷⴰⵙⴻⵏ ⴰⴷ ⵢⴻⵙⵄⵓⵏ ⵜⵜⴻⵙⵔⵉⵃ ⴰⴷ ⵇⵇⵉⵎⴻⵏ ⴷⴻⴳ ⵊⵓⴱⴰ ⴰⵙⵎⵉ ⴰⴷ ⵜⵜⵡⴰⴽⴽⵙⴻⵏ ⵙⴻⴳ-ⵙ ⵢⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ.

ⵙ ⵓⵊⴻⵎⵎⴰⵍ, 4.830 ⵏ ⵢⵉⵙⴻⵔⴷⴰⵙⴻⵏ ⴰⴷ ⵢⴻⵙⵄⵓⵏ ⵜⵜⴻⵙⵔⵉⵃ ⴰⴷ ⵇⵇⵉⵎⴻⵏ ⴷⴻⴳ ⵊⵓⴱⴰ. ⴰⵣⴰⵍ ⵏ ⵙⵉⵏ ⵏ ⵢⵉⵎⵓⵔⴻⵏ ⵙⴻⴳ-ⵙⴻⵏ ⵖⴻⴼ 3 (3420 ⵏ ⵢⵉⵔⴳⴰⵣⴻⵏ) ⴰⴷ ⵉⵍⵉⵏ ⵙⴻⴳ ⵢⵉⵖⴰⵍⵍⴻⵏ ⵏ ⵓⵏⴰⴱⴰⴹ, ⵎⴰ ⴷ 1410 ⵏ ⵢⵉⵔⴳⴰⵣⴻⵏ ⴰⴷ ⵉⵍⵉⵏ ⵙⴻⴳ ⵢⵉⵖⴰⵍⵍⴻⵏ ⵉⵖⴻⵡⵡⴰⵖⴻⵏ.

ⵉⵖⴰⵍⵍⴻⵏ-ⴰ ⴰⴷ ⵓⵖⴰⵍⴻⵏ ⴰⴷ ⵜⵜⵄⴰⵙⵙⴰⵏ ⵜⴰⵎⴷⵉⵏⵜ ⴷⴷⵓⴽⵍⵉ, ⵏⴻⵖ ⴰⴷ ⵜⵜⵡⴰⴱⴹⵓⵏ ⴷ ⵜⵉⴳⵔⴰⵡⵉⵏ ⴰⴷ ⵉⵅⴻⴷⴷⵎⴻⵏ ⴷⴻⴳ ⵜⴻⵎⵙⵓⵍⵜⴰ (ⵛⵓⵔⵟⴰ) ⵜⴰⵙⴻⵔⴷⴰⵙⴰⵏⵜ ⴷ ⵜⵖⴻⵍⵍⵉⵙⵜ (ⴰⵎⵏ) ⵏ ⴷⴰⵅⴻⵍ ⵜⵎⵓⵔⵜ.