ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵒⵔⵓⵟⵓⴽⵓⵍ ⵏ ⵓⵎⵙⴻⴼⵀⴰⵎ ⴳⴰⵔ ⵜⴷⵓⴽⵍⵉ ⵏ ⵢⵉⵅⴻⴷⴷⴰⵎⴻⵏ ⴷ ⵢⵉⵎⴹⴻⴱⴱⵔⴻⵏ ⵏ ⵜⴽⴻⴱⴱⴰⵏⵉⵢⵉⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵓⵔ ⵢⴻⵜⵜⵄⴻⴹⴹⵉⵍ ⴰⵔⴰ ⴰⴷ ⵢⴻⵜⵜⵡⴰⵙⵜⴻⵏⵢⵉ ⵢⵉⵡⴻⵏ ⵏ ⵓⵒⵔⵓⵟⵓⴽⵓⵍ ⵏ ⵓⵎⵙⴻⴼⵀⴰⵎ ⵉ ⵍⵎⴻⵏⴷ ⵏ ⵓⵎⵛⵉⵡⴻⵕ ⴳⴰⵔ ⵜⴷⵓⴽⵍⵉ ⵜⴰⵎⴰⵜⵓⵜ ⵏ ⵢⵉⵅⴻⴷⴷⴰⵎⴻⵏ ⵉⴷⵣⴰⵢⵔⵉⵢⴻⵏ ⴷ ⵜⵓⴷⴷⵙⵉⵡⵉⵏ (ⵎⵓⵏⴰⴹⴹⴰⵎⴰⵜ) ⵏ ⵢⵉⵎⴹⴻⴱⴱⵔⴻⵏ ⵏ ⵜⴽⴻⴱⴱⴰⵏⵉⵢⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵓⵎⴰⵔⵓ ⴰⵎⴰⵜⵓ ⵏ ⵜⴷⵓⴽⵍⵉ ⵏ ⵢⵉⵅⴻⴷⴷⴰⵎⴻⵏ, ⴰⴱⴷⴻⵍⵎⴰⴷⵊⵉⴷ ⵙⵉⴷⵉ ⵙⴰⵉⴷ.
ⵉⵅⴻⴱⴱⴻⵔ-ⴷ ⵙⵉⴷⵉ ⵙⴰⵉⴷ ⵙ ⵡⴰⵢⴰ ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵏ ⵓⵙⵙⴻⵎⵢⵓⴷⴷⴻⵙ (ⵜⴰⵏⵙⵉⵇ) ⵏ ⵜⴼⵉⴷⵉⵕⴰⵍⵉⵢⵉⵏ ⵜⵉⵖⴻⵍⵏⴰⵡⵉⵏ ⵏ ⵜⴷⵓⴽⵍⵉ-ⴰ, ⵢⴻⵔⵏⴰ ⵃⴻⴷⵕⴻⵏ ⴷⴻⴳ ⵜⴻⵎⵍⵉⵍⵉⵜ-ⴰ ⵓⵏⴻⵖⵍⴰⴼ ⵏ ⵓⵅⴻⴷⴷⵉⵎ, ⵎⵧⵀⴰⵎⴻⴷ ⴻⵍ ⴳⵀⴰⵣⵉ, ⴷ ⵓⵙⴻⵍⵡⴰⵢ ⵏ ⵓⵏⵎⴰⴳⴻⵔ ⵏ ⵢⵉⵎⴹⴻⴱⴱⵔⴻⵏ ⵏ ⵜⴽⴻⴱⴱⴰⵏⵉⵢⵉⵏ, ⴰⵍⵉ ⵀⴰⴷⴷⴰⴷ.
ⴰⵒⵔⵓⵟⵓⴽⵓⵍ-ⴰ ⵢⴻⵜⵜⵡⴰⴳⴻⵎ-ⴷ ⵙⴻⴳ « ⵓⵔⴽⴰⵡⴰⵍ (ⵎⵉⵜⴰⵇ) ⴰⴷⴰⵎⵙⴰⵏ ⴰⵏⵎⴻⵜⵜⵉ ⵢⴻⵔⵏⴰ ⴰⴷ ⵢⵓⵖⴰⵍ ⴷ ⵏⴻⵜⵜⴰ ⴰⴷ ⵢⴻⵙⵙⴻⴷⴰⵢⴻⵏ ⴰⵙⵙⴰⵖⴻⵏ (ⵄⴰⵍⴰⵇⴰⵜ) ⴷⴻⴳ ⵓⵅⴻⴷⴷⵉⵎ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵙⵉⴷⵉ ⵙⴰⵉⴷ, ⵡⴰⵔ ⵎⴰ ⵢⴻⵔⵏⴰ-ⴷ ⵓⴳⴰⵔ ⵏ ⵜⵜⴼⴰⵚⵉⵍ ⵖⴻⴼ ⵓⵒⵔⵓⵟⵓⴽⵓⵍ-ⴰ.
ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵎⵍⵉⵍⵉⵜ ⵏ 3 ⵏ ⵢⵉⴷⵉⵙⴰⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴱⴻⵙⴽⴻⵔⵜ, ⵢⴻⵏⵏⴰ-ⴷ ⴷ ⴰⴽⴽⴻⵏ ⵍⵍⴰⵏ-ⴷ ⴷⴻⴳ-ⵙ ⵢⵉⵙⵓⵔⵉⴼⴻⵏ ⵖⴻⵔ ⵙⴷⴰⵜ ⴷⴻⴳ ⵓⵅⴻⴷⴷⵉⵎ ⵏ ⵜⴷⵓⴽⵍⵉ ⵏ ⵢⵉⵅⴻⴷⴷⴰⵎⴻⵏ ⵢⴻⵔⵏⴰ ⵓⵍⴰ ⴷ « ⴰⵏⴻⵎⵀⴰⵍ (ⵎⵓⴷⵉⵔ) ⴰⵎⴰⵜⵓ ⵏ ⵜⵏⴰⵔⵉⵜ ⵜⴰⴳⵔⴰⵖⵍⴰⵏⵜ ⵏ ⵓⵅⴻⴷⴷⵉⵎ ⵢⴻⴱⴷⴻⴷ ⵖⴻⵔ ⵢⵉⴷⵉⵙ ⵏ ⵢⵉⵙⵓⵔⵉⴼⴻⵏ-ⴰ ⴷⴻⴳ ⵜⴻⵎⵍⵉⵍⵉⵜ-ⵏⵏⵉ ⴰⵢⴷⴻⴳ ⵢⴻⵃⴷⴻⵕ ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵙⵉⴷⵉ ⵙⴰⵉⴷ ⵙ ⵜⵓⵎⴻⵔⵜ.
ⵏⵏⵉⴳ ⵡⴰⵢⴰ, ⵢⵓⵎⴰⵔ (ⵢⴻⴼⵕⴻⵃ) ⴷⴰⵖ ⵙⵉⴷⵉ ⵙⴰⵉⴷ ⴷⴻⴼⴼⵉⵔ ⵎⴰ ⵢⴻⵜⵜⵡⴰⵙⵜⴻⵏⵢⴰ ⵓⵔⴽⴰⵡⴰⵍ ⵏ ⵓⵔⴽⴰⴷ ⴷ ⵜⴻⵣⴷⴻⴳ ⵏ ⵓⵅⴻⴷⵉⵎ ⴳⴰⵔ ⵓⵖⵍⵉⴼ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ ⴷ ⵢⵉⵏⵎⵓⵍⴰ (ⵏⴰⵇⴰⴱⴰⵜ), ⵢⴻⵔⵏⴰ ⴷ ⴰⵢⴰ ⴰⴷ ⴷ-ⵢⴻⵙⴱⴻⴷⴷⴻⵏ ⵜⴰⴳⵏⵉⵜ ⵏ « ⵍⵄⴰⴼⵢⴰ ⴷⴻⴳ ⵓⵃⵔⵉⵛ ⵏ ⵓⵙⵙⴻⴳⵎⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵏⵏⴰ-ⴷ ⵙⵉⴷⵉ ⵙⴰⵉⴷ ⴷ ⴰⴽⴽⴻⵏ « ⵜⴰⴷⵓⴽⵍⵉ ⵜⴰⵎⴰⵜⵓⵜ ⵏ ⵢⵉⵅⴻⴷⴷⴰⵎⴻⵏ ⵉⴷⵣⴰⵢⵔⵉⵢⴻⵏ ⵍⴰ ⵜⴻⵙⵙⴻⴼⵔⴰⵢ ⴰⴷ ⴷ-ⵜⴻⴳ ⴰⵙⵙ ⵏ ⵜⴻⵣⵔⴰⵡⵜ (ⵢⴰⵡⵎ ⴷⵉⵔⴰⵙⵉ) ⵖⴻⴼ ⵜⴻⵎⵙⴰⵍ ⵜⵉⵏⵎⴻⵜⵜⵉⵢⵉⵏ ⴷ ⵍⵇⴰⵏⵓⵏ ⵏ ⵢⵉⵏⵎⵓⵍⴰ », ⵢⴻⵔⵏⴰ ⵉⵙⵡⵉ-ⵏⵏⴻⵙ ⵏⴻⵜⵜⴰ ⴷ ⴰⴹⵎⴰⵏ ⵏ ⵓⵔⴽⴰⴷ ⵏ ⵜⵎⵓⵔⵜ ⴷ ⵓⵔⵥⴰⵎ ⵏ ⵜⴻⵡⵡⵓⵔⴰ ⴰⴽⴽⴻⵏ ⴰⴷ ⵢⴻⵔⴱⴻⵃ ⵓⵅⴻⴷⴷⴰⵎ.
