ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵖⵔⵉ ⵉ ⵓⵙⴻⵔⵔⴻⵃ ⵏ 21 ⵏ ⵢⵉⵎⴻⵃⴱⴰⵙ ⵉⵚⴻⵃⵔⴰⵡⵉⵢⴻⵏ ⴰⵢ ⵢⴻⵜⵜⵡⴰⵃⴻⴱⵙⴻⵏ ⴷⴻⴳ ⵎⴻⵕⵕⵓⴽ

ⵡⴰⵙⵀⵉⵏⴳⵜⵧⵏ – 4 ⵏ ⵜⵓⴷⴷⵙⵉⵡⵉⵏ (ⵎⵓⵏⴰⴹⴹⴰⵎⴰⵜ) ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ ⴰⵢ ⴷ-ⵢⴻⴳⵔⴻⵏ ⵜⵉⵖⵔⵉ ⴰⵙⵙ ⵏ ⵍⴻⵅⵎⵉⵙ ⵉ ⵓⵙⴻⵔⵔⴻⵃ ⵏ 21 ⵏ ⵢⵉⵎⴻⵃⴱⴰⵙ ⵉⵚⴻⵃⵔⴰⵡⵉⵢⴻⵏ ⴰⵢⵖⴻⴼ ⵢⴻⵜⵜⵡⴰⵃⴽⴻⵎ ⵍⵃⴻⴱⵙ ⴷ ⴰⵖⴻⵣⴼⴰⵏ ⵖⴻⴼ ⵍⴵⴰⵍ ⵏ ⵜⵎⴻⵙⴱⴰⵏⵉⵜ-ⵏⵏⵉ ⴰⵢ ⴷ-ⵢⴻⵍⵍⴰⵏ ⴷⴻⴳ 2010 ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ, ⵏⴻⵖ, ⵎⴰ ⵓⵔ ⴰⵙⴻⵏ-ⴷ-ⵙⴻⵔⵔⵃⴻⵏ ⴰⵔⴰ, ⵙⵙⵓⵜⵔⴻⵏⵜ-ⴷ ⵜⵓⴷⴷⵙⵉⵡⵉⵏ-ⴰ ⴰⴷ ⵜⵜⵡⴰⵛⴰⵕⵄⴻⵏ ⵛⵛⵕⴻⵄ ⵓⵄⴷⵉⵍ ⴷⴻⴳ ⵓⵅⵅⴰⵎ ⵏ ⵛⵛⵕⴻⵄ ⴰⵖⴰⵔⵉⵎ (ⵎⴰⴷⴰⵏⵉ).

ⵜⵉⵖⵔⵉ-ⴰ ⴳⵔⴻⵏⵜ-ⵜⵜ-ⵉⴷ ⴷⴷⵓⴽⵍⵉ ⵜⵓⴷⴷⵙⵉⵡⵉⵏ ⵏ ⵀⵓⵎⴰⵏ ⵔⵉⴳⵀⵜⵙ ⵡⴰⵜⵛⵀ, ⴰⵎⵏⴻⵙⵜⵢ ⵉⵏⵜⴻⵔⵏⴰⵜⵉⵧⵏⴰⵍ, ⵜⵉⴳⴰⵡⵜ ⵏ ⵢⵉⵎⴰⵙⵉⵃⵉⵢⴻⵏ ⵉ ⵓⴱⵟⴰⵍ ⵏ ⵓⵄⴻⵜⵜⴻⴱ ⴷ ⵜⵉⴷⴷⵓⴽⵍⴰ ⵜⴰⵚⴻⵃⴰⵡⵉⵜ ⵏ ⵜⴻⵖⵜⴰⵙ ⵏ ⵢⵉⵔⴽⴰⴹⴻⵏ ⵉⵎⴰⴳⵍⴰⵢⴻⵏ, ⵖⴻⴼ ⵍⴻⵃⵙⴰⴱ ⵏ ⵢⵉⵡⴻⵏ ⵏ ⵓⵍⵖⵓ (ⴱⴰⵢⴰⵏ) ⴰⵢ ⵜⵓⵣⴻⵏ ⵀⵓⵎⴰⵏ ⵔⵉⴳⵀⵜⵙ ⵡⴰⵜⵛⵀ ⴰⵙⵙ ⵏ ⵍⴻⵅⵎⵉⵙ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.

ⴷⴻⴳ ⵏⵡⴻⵎⴱⴻⵕ ⵏ 2010, ⵥⴻⴷⵎⴻⵏ ⵢⵉⵖⴰⵍⵍⴻⵏ ⵏ ⵜⵖⴻⵍⵍⵉⵙⵜ (ⴰⵎⵏ) ⵉⵎⴻⵕⵕⵓⴽⵉⵢⴻⵏ ⵖⴻⴼ ⵢⵉⵡⴻⵏ ⵏ ⵓⵎⴰⵣⵉⵔ ⵏ ⵢⵉⵎⴻⵙⴱⴰⵏⵉⵢⴻⵏ ⴰⵢ ⵙⴱⴻⴷⴷⴻⵏ ⵢⵉⵚⴻⵃⵔⴰⵡⵉⵢⴻⵏ ⴰⵢⵢⵓⵔ ⵓⵇⴱⴻⵍ ⴷⴻⴳ ⴳⴷⴻⵉⵎ ⵉⵣⵉⴽ, ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ ⵢⴻⵜⵜⵡⴰⴹⴹⴼⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏⵜ ⵜⵓⴷⴷⵙⵉⵡⵉⵏ-ⴰ, ⵢⴻⵔⵏⴰ ⴱⴻⴷⵔⴻⵏⵜ-ⴷ ⴷⴰⵖ ⵛⵛⵡⴰⵍ ⴰⵢ ⵉⵏⴻⴽⵔⴻⵏ ⴷⴻⴳ ⵍⴻⵄⵢⵓⵏ, ⵜⴰⵎⴷⵉⵏⵜ ⵜⴰⵎⴻⵇⵔⴰⵏⵜ ⴰⴽⴽ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ.

ⴰⵙⵙ ⵏ 17 ⴼⵓⵕⴰⵕ 2013, 25 ⵏ ⵢⵉⵔⴳⴰⵣⴻⵏ, ⴳⴰⵔ-ⴰⵙⴻⵏ ⵍⵍⴰⵏ ⵢⵉⵎⴻⵖⵏⴰⵙⴻⵏ ⵏ ⵢⵉⵣⴻⵔⴼⴰⵏ ⵏ ⵓⵎⴷⴰⵏ, ⵄⴻⴷⴷⴰⵏ ⴷⴻⴳ ⵛⵛⵕⴻⵄ ⴰⵙⴻⵔⴷⴰⵙⴰⵏ ⴰⵢⴷⴻⴳ ⴰⵟⴰⵙ ⵏ ⵢⵉⵣⴻⵔⴼⴰⵏ ⴰⵢ ⵢⴻⵜⵜⵡⴰⵔⴻⴽⴹⴻⵏ, ⵢⴻⵔⵏⴰ ⵢⴻⵜⵜⵡⴰⵃⴽⴻⵎ ⴼⴻⵍⵍ-ⴰⵙⴻⵏ ⵙ ⵍⵃⴻⴱⵙ ⵖⴻⴼ ⵍⴵⴰⵍ ⵏ ⴷⴷⵓⵕ ⴷ-ⴳⵔⴻⵏ ⴼⴻⵍⵍ-ⴰⵙⴻⵏ ⴷⴻⴳ ⵜⴻⴷⵢⴰⵏⵉⵏ-ⴰ.

« ⵜⵉⵡⴰⵛⵓⵍⵉⵏ ⵏ ⵡⵉⴷ ⴰⵢ ⵢⴻⵎⵎⵓⵜⴻⵏ ⴷⴻⴳ ⵏⵡⴻⵎⴱⴻⵕ ⵏ 2010 ⵜⵜⴰⵍⴰⵙⴻⵏ ⴰⴷ ⴰⵡⵉⵏ ⴰⵣⵔⴻⴼ-ⵏⵙⴻⵏ ⴷⴻⴳ ⵛⵛⵕⴻⵄ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵙⴰⵔⴰⵀ ⵍⴻⴰⵀ ⵡⵀⵉⵜⵙⵧⵏ, ⵜⴰⵏⴻⵎⵀⴰⵍⵜ (ⵎⵓⴷⵉⵔⴰ) ⵏ ⵜⴰⵥⵓⵏⵜ ⵏ ⵓⴳⵎⵓⴹ ⴰⵍⴻⵎⵎⴰⵙ ⴷ ⵜⴻⴼⵔⵉⵇⵜ ⵏ ⵓⴳⴰⴼⴰ ⴷⴻⴳ ⵀⵓⵎⴰⵏ ⵔⵉⴳⵀⵜⵙ ⵡⴰⵜⵛⵀ, ⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵍⴱⴰⵢⴰⵏ-ⵏⵏⵉ.