ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⵄⵇⵓⴷⴰⵜ ⵏ ⴻⵠⵉⴰⵏ ⵓⵍⴰⵛ ⴷⴻⴳ-ⵙⴻⵏ ⵛⵛⵓⵔⵓⴹ ⵓⴼⴼⵉⵔⴻⵏ (ⵔⴻⴷⴰ ⵎⴰⵍⴻⴽ)
ⵍⴻⵣⵣⴰⵢⴻⵔ – ⵢⴻⵏⵏⴰ-ⴷ ⴰⵙⵙ ⵏ ⵙⵙⴻⴱⵜ ⵔⴻⴷⴰ ⵎⴰⵍⴻⴽ, ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵍⴻⵎⵛⴰⵡⵕⴰⵜ ⵏ ⴻⵠⵉⴰⵏ ⵢⴻⵔⵏⴰ ⵢⴻⵍⵍⴰ ⴷ ⴰⵏⴻⵟⵟⴰⵇ ⵙ ⵢⵉⵙⴻⵎ ⵏ ⵍⴻⵣⵣⴰⵢⴻⵔ ⴷⴻⴳ ⵍⴻⵎⵛⴰⵡⵕⴰⵜ-ⴰ, ⴷ ⴰⴽⴽⴻⵏ « ⵓⵍⴰⵛ ⵛⵛⵓⵔⵓⴹ ⵓⴼⴼⵉⵔⴻⵏ » ⴰⵢⵖⴻⴼ ⵎⵙⴻⴼⵀⴰⵎⴻⵏ ⵢⵉⴷⵣⴰⵢⵔⵉⵢⴻⵏ ⴷ ⵢⵉⴼⵕⴻⵏⵙⵉⵙⴻⵏ ⴷⴻⴳ ⵍⴻⵎⵛⴰⵡⵕⴰⵜ-ⴰ ⴰⴽⴽⴻⵏ ⴰⴷ ⵜⴻⵙⵄⵓ ⴼⵕⴰⵏⵙⴰ ⵉⵣⴻⵔⴼⴰⵏ ⵉⵣⴰⴷⴻⵏ ⴷⴻⴳ ⵍⴻⵣⵣⴰⵢⴻⵔ ⴷⴻⴼⴼⵉⵔ ⵓⵣⴰⵔⵓⴳ (ⵉⵙⵜⵉⵇⵍⴰⵍ).
ⵉⵡⴻⴽⴽⴻⴷ-ⴷ ⵔⴻⴷⴰ ⵎⴰⵍⴻⴽ ⴰⵢⴰ ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⴰⵢ ⴷ-ⵜⴳⴰ ⵜⴻⵙⴱⴻⴷⴷⵉⵜ ⵏ ⵙⵍⵉⵎⴰⵏⴻ ⴰⵎⵉⵔⴰⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵖⴻⴼ ⵓⵏⴰⴱⴰⴹ (ⵃⵓⴽⵓⵎⴰ) ⵓⵄⴹⵉⵍ ⵏ ⵜⴻⴳⴷⵓⴷⴰ ⵜⴰⴷⵣⴰⵢⵔⵉⵜ, ⵢⴻⵔⵏⴰ ⵢⴻⵏⴽⴻⵕ ⵎⴰⵙⵙ ⵎⴰⵍⴻⴽ ⴷ ⴰⴽⴽⴻⵏ ⵉⴷⵣⴰⵢⵔⵉⵢⴻⵏ ⵎⵙⴻⴼⵀⴰⵎⴻⵏ ⵙ ⵜⵓⴼⴼⵔⴰ ⴷ ⵢⵉⴼⵕⴻⵏⵙⵉⵙⴻⵏ ⴰⴽⴽⴻⵏ ⴼⵕⴰⵏⵙⴰ ⴰⴷ ⵜⴽⴻⵎⵎⴻⵍ ⵜⵜⴻⵊⵕⵉⴱⴰⵜ-ⵏⵏⴻⵙ ⵏ ⵍⴻⵙⵍⴰⵃ ⵉⵎⵉⵖⴻⵙ (ⵏⴰⵡⴰⵡⵉ) ⴷⴻⴳ ⵓⵏⴻⵥⵔⵓⴼ.
ⵙ ⵡⴰⵢⴰ, ⵢⴻⵏⵏⴰ-ⴷ ⵎⴰⵙⵙ ⵎⴰⵍⴻⴽ ⴷ ⴰⴽⴽⴻⵏ « ⵉⵎⵜⴰⵡⴰⵢⴻⵏ (ⵉⵜⵜⵉⴼⴰⵇⴰⵜ) ⵏ ⴻⵠⵉⴰⵏ ⵍⵍⴰⵏ ⴱⴰⵏⴻⵏ ⵢⴻⵔⵏⴰ ⴰⵢⴻⵏ ⴰⵢ ⴷ-ⵢⴻⴷⴷⴰⵏ ⴷⴻⴳ-ⵙⴻⵏ ⵢⴻⵜⵜⵡⴰⴽⵛⴻⴼ-ⴷ ⵢⴻⵔⵏⴰ ⵢⴻⴼⴼⴻⵖ-ⴷ ⵉ ⵓⴳⴷⵓⴷ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷ ⴰⴽⴽⴻⵏ ⵉⵎⵜⴰⵡⴰⵢⴻⵏ-ⴰ ⴼⴽⴰⵏ 3 ⵏ ⵢⵉⵙⴻⴳⴳⴰⵙⴻⵏ ⵉ ⴼⵕⴰⵏⵙⴰ ⴰⴽⴽⴻⵏ ⴰⴷ ⵜⴻⵙⴳⵉⴵⴵ ⵜⵜⴰⵡⵉⵍⴰⵜ ⵢⴻⵇⵇⵏⴻⵏ ⵖⴻⵔ ⵜⵜⴻⵊⵕⵉⴱⴰⵜ-ⵏⵏⴻⵙ ⵖⴻⵔ ⵡⴰⵏⴷⴰ ⵏⵉⴹⴻⵏ, ⵢⴻⵔⵏⴰ ⴷ ⴰⵊⵉⵏⵉⵕⴰⵍ ⴷⴻ ⴳⴰⵓⵍⵍⴻ ⴰⵢ ⴷ-ⵢⴻⵙⵙⵓⵜⵔⴻⵏ ⴰⵢⴰ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵙⵙⴻⵖⵣⴻⴼ ⵎⴰⵙⵙ ⵎⴰⵍⴻⴽ ⴰⵡⴰⵍ ⵖⴻⴼ ⵡⴰⵎⴻⴽ ⴰⵢ ⴷ-ⵙⴱⴻⴷⴷⴻⵏ ⴰⵏⴰⴱⴰⴹ ⵓⵄⴹⵉⵍ ⵏ ⵜⴻⴳⴷⵓⴷⴰ ⵜⴰⴷⵣⴰⵢⵔⵉⵜ ⴷⴻⴳ ⵛⵜⴻⵎⴱⴻⵕ ⵏ 1958, ⵢⴻⵔⵏⴰ ⵢⴻⵏⵏⴰ-ⴷ ⴷ ⴰⴽⴽⴻⵏ ⴰⵏⴰⴱⴰⴹ-ⴰ « ⵓⵔ ⵜ-ⵉⴷ-ⵏⴻⵙⵙⴻⴱⴷⴻⴷ ⴰⵔⴰ ⵙ ⵜⴽⴻⵍⵍⴰⵅ, ⵡⴰⵏⴰⴳ ⵢⴻⵍⵍⴰ-ⴷ ⴷ ⵜⴰⵖⴰⵡⵙⴰ ⴰⵢ ⵢⴻⴼⴽⴰⵏ ⵉⵥⵓⵔⴰⵏ ⴷⴻⴳ ⵡⴰⴽⴰⵍ ⴰⴷⵣⴰⵢⵔⵉ ⵢⴻⵔⵏⴰ ⴷ ⴰⴵⴰⵣⵉ ⵏ ⵓⵖⵔⴻⴼ ⴰⴷⵣⴰⵢⵔⵉ ⵉ ⵍⵎⴻⵏⴷ ⵏ ⵓⵄⴰⵡⴻⴷ ⵏ ⵓⵙⵙⴻⴱⴷⴻⴷ ⵏ ⵓⵡⴰⵏⴰⴽ (ⴷⴰⵡⵍⴰ) (ⴰⴷⵣⴰⵢⵔⵉ) ».
ⴷⵖⴰ ⵙ ⵡⴰⵢⴰ, ⵢⴻⴱⴷⴻⵔ-ⴷ ⵎⴰⵙⵙ ⵎⴰⵍⴻⴽ ⵉⵙⵓⵔⵉⴼⴻⵏ ⵢⴻⵎⴳⴻⵔⵔⴰⴷⴻⵏ ⵏ ⵓⵙⵙⴻⴱⴷⴻⴷ ⵏ ⵓⵏⴰⴱⴰⴹ-ⴰ ⵙⴻⴳ ⵡⴰⵙⵎⵉ ⴰⵢ ⵢⵓⵣⴻⵏ ⵀⵧⵛⵉⵏⴻ ⴰⵉⵜ ⴰⵀⵎⴻⴷ ⵜⴰⴱⵕⴰⵜ ⵉ ⵓⵙⴻⵇⵇⴰⵎⵓ ⵏ ⵓⵙⵙⴻⵎⵢⵓⴷⴷⴻⵙ (ⵜⴰⵏⵙⵉⵇ) ⴷ ⵓⵙⵙⴻⵍⴽⴻⵎ ⴰⴽⴽⴻⵏ ⴰⴷ ⵢⴻⵙⵙⵓⵜⴻⵔ ⴰⵙⵙⴻⴱⴷⴻⴷ-ⵏⵏⴻⵙ ⴰⵔⵎⵉ ⴷ ⴰⵙⵎⵉ ⴰⵢ ⴷ-ⵢⴻⵍⵍⴰ ⵓⵙⴰⵔⴰⴳ ⵏ ⵟⴰⵏⵊⴰ ⴷ ⵡⴰⵙⵎⵉ ⴰⵢ ⵙⵜⴻⵄⵕⴼⴻⵏⵜ ⵢⴻⵙ-ⵙ ⵜⵎⵓⵔⴰ ⵜⴰⵄⵕⴰⴱⵉⵏ. ⵓⵍⴰ ⴷ ⴼⵕⴰⵏⵙⴰ ⵜⴻⵔⵔⴰ-ⵜⵜ ⵜⵎⴰⵔⴰ ⴰⴷ ⵜⴻⵙⵜⴻⵄⵕⴻⴼ ⵢⴻⵙ-ⵙ ⵢⴻⵔⵏⴰ ⵢⴻⵍⵍⴰ-ⴷ ⵡⴰⵢⴰ ⴷ ⴰⵙⵓⵔⵉⴼ ⴰⵎⴻⵇⵔⴰⵏ ⴷⴻⴳ ⵓⵖⴹⴰⵍ ⵏ ⵓⵣⴰⴳⵍⵓ ⵏ ⵓⵎⴻⵙⴱⴰⵟⵍⵉ.
